Sri Dharma Sastha Ashtakam 1 – ಶ್ರೀ ಧರ್ಮಶಾಸ್ತಾಷ್ಟಕಂ 1

ಸ್ತೋತ್ರನಿಧಿ → ಶ್ರೀ ಅಯ್ಯಪ್ಪ ಸ್ತೋತ್ರಗಳು → ಶ್ರೀ ಧರ್ಮಶಾಸ್ತಾಷ್ಟಕಂ 1

ಬಂಧೂಕಬಂಧುರರುಚಿಂ ಕಲಧೌತಭಾಸಂ
ಪಂಚಾನನಂ ದುರಿತವಂಚನಧೀರಮೀಶಮ್ |
ಪಾರ್ಶ್ವದ್ವಯಾಕಲಿತಶಕ್ತಿಕಟಾಕ್ಷಚಾರುಂ
ನೀಲೋತ್ಪಲಾರ್ಚಿತತನುಂ ಪ್ರಣತೋಽಸ್ಮಿ ದೇವಮ್ || ೧ ||

ಕಲ್ಯಾಣವೇಷರುಚಿರಂ ಕರುಣಾನಿಧಾನಂ
ಕಂದರ್ಪಕೋಟಿಸದೃಶಂ ಕಮನೀಯಭಾಸಮ್ |
ಕಾಂತಾದ್ವಯಾಕಲಿತಪಾರ್ಶ್ವಮಘಾರಿಮಾದ್ಯಂ
ಶಾಸ್ತಾರಮೇವ ಸತತಂ ಪ್ರಣತೋಽಸ್ಮಿ ನಿತ್ಯಮ್ || ೨ ||

ಯೋ ವಾ ಸ್ಮರೇದರುಣಕುಂಕುಮಪಂಕಶೋಣ-
-ಗುಂಜಾಪಿನದ್ಧಕಚಭಾರಲಸತ್ಕಿರೀಟಮ್ |
ಶಾಸ್ತಾರಮೇವ ಸತತಂ ಸ ತು ಸರ್ವಲೋಕಾನ್
ವಿಸ್ಮಾಪಯೇನ್ನಿಜವಿಲೋಕನತೋ ನಿತಾಂತಮ್ || ೩ ||

ಪಂಚೇಷುಕೈಟಭವಿರೋಧಿತನೂಭವಂ ತಂ
ಆರೂಢದಂತಿಪರಮಾದೃತಮಂದಹಾಸಮ್ |
ಹಸ್ತಾಂಬುಜೈರವಿರತಂ ನಿಜಭಕ್ತಹಂಸೇ-
-ಷ್ವೃದ್ಧಿಂ ಪರಾಂ ಹಿ ದದತಂ ಭುವನೈಕವಂದ್ಯಮ್ || ೪ ||

ಗುಂಜಾಮಣಿಸ್ರಗುಪಲಕ್ಷಿತಕೇಶಹಸ್ತಂ
ಕಸ್ತೂರಿಕಾತಿಲಕಮೋಹನಸರ್ವಲೋಕಮ್ |
ಪಂಚಾನನಾಂಬುಜಲಸತ್ ಘನಕರ್ಣಪಾಶಂ
ಶಾಸ್ತಾರಮಂಬುರುಹಲೋಚನಮೀಶಮೀಡೇ || ೫ ||

ಪಂಚಾನನಂ ದಶಭುಜಂ ಧೃತಹೇತಿದಂಡಂ
ಧಾರಾವತಾದಪಿ ಚ ರೂಷ್ಣಿಕಮಾಲಿಕಾಭಿಃ |
ಇಚ್ಛಾನುರೂಪಫಲದೋಽಸ್ಮ್ಯಹಮೇವ ಭಕ್ತೇ-
-ಷ್ವಿತ್ಥಂ ಪ್ರತೀತವಿಭವಂ ಭಗವಂತಮೀಡೇ || ೬ ||

ಸ್ಮೇರಾನನಾದ್ಭಗವತಃ ಸ್ಮರಶಾಸನಾಚ್ಚ
ಮಾಯಾಗೃಹೀತಮಹಿಲಾವಪುಷೋ ಹರೇಶ್ಚ |
ಯಃ ಸಂಗಮೇ ಸಮುದಭೂತ್ ಜಗತೀಹ ತಾದೃಗ್
ದೇವಂ ನತೋಽಸ್ಮಿ ಕರುಣಾಲಯಮಾಶ್ರಯೇಽಹಮ್ || ೭ ||

ಯಸ್ಯೈವ ಭಕ್ತಜನಮತ್ರ ಗೃಣಂತಿ ಲೋಕೇ
ಕಿಂ ವಾ ಮಯಃ ಕಿಮಥವಾ ಸುರವರ್ಧಕಿರ್ವಾ |
ವೇಧಾಃ ಕಿಮೇಷ ನನು ಶಂಬರ ಏಷ ವಾ ಕಿಂ
ಇತ್ಯೇವ ತಂ ಶರಣಮಾಶುತರಂ ವ್ರಜಾಮಿ || ೮ ||

ಇತಿ ಶ್ರೀ ಧರ್ಮಶಾಸ್ತಾಷ್ಟಕಮ್ |

---

ಇನ್ನಷ್ಟು ಶ್ರೀ ಅಯ್ಯಪ್ಪ ಸ್ತೋತ್ರಗಳು ನೋಡಿ.

Did you see any mistake/variation in the content above? Click here to report mistakes and corrections in Stotranidhi content.