Sri Dharma Sastha Ashtakam 1 – ஶ்ரீ த⁴ர்மஶாஸ்தாஷ்டகம் – 1

ஸ்தோத்ரநிதி → ஶ்ரீ அய்யப்ப ஸ்தோத்திரங்கள் → ஶ்ரீ த⁴ர்மஶாஸ்தாஷ்டகம் – 1

ப³ந்தூ⁴கப³ந்து⁴ரருசிம் கலதௌ⁴தபா⁴ஸம்
பஞ்சாநநம் து³ரிதவஞ்சநதீ⁴ரமீஶம் ।
பார்ஶ்வத்³வயாகலிதஶக்திகடாக்ஷசாரும்
நீலோத்பலார்சிததநும் ப்ரணதோ(அ)ஸ்மி தே³வம் ॥ 1 ॥

கல்யாணவேஷருசிரம் கருணாநிதா⁴நம்
கந்த³ர்பகோடிஸத்³ருஶம் கமநீயபா⁴ஸம் ।
காந்தாத்³வயாகலிதபார்ஶ்வமகா⁴ரிமாத்³யம்
ஶாஸ்தாரமேவ ஸததம் ப்ரணதோ(அ)ஸ்மி நித்யம் ॥ 2 ॥

யோ வா ஸ்மரேத³ருணகுங்குமபங்கஶோண-
-கு³ஞ்ஜாபிநத்³த⁴கசபா⁴ரளஸத்கிரீடம் ।
ஶாஸ்தாரமேவ ஸததம் ஸ து ஸர்வலோகாந்
விஸ்மாபயேந்நிஜவிளோகநதோ நிதாந்தம் ॥ 3 ॥

பஞ்சேஷுகைடப⁴விரோதி⁴தநூப⁴வம் தம்
ஆரூட⁴த³ந்திபரமாத்³ருதமந்த³ஹாஸம் ।
ஹஸ்தாம்பு³ஜைரவிரதம் நிஜப⁴க்தஹம்ஸே-
-ஷ்வ்ருத்³தி⁴ம் பராம் ஹி த³த³தம் பு⁴வநைகவந்த்³யம் ॥ 4 ॥

கு³ஞ்ஜாமணிஸ்ரகு³பலக்ஷிதகேஶஹஸ்தம்
கஸ்தூரிகாதிலகமோஹநஸர்வலோகம் ।
பஞ்சாநநாம்பு³ஜலஸத் க⁴நகர்ணபாஶம்
ஶாஸ்தாரமம்பு³ருஹலோசநமீஶமீடே³ ॥ 5 ॥

பஞ்சாநநம் த³ஶபு⁴ஜம் த்⁴ருதஹேதித³ண்ட³ம்
தா⁴ராவதாத³பி ச ரூஷ்ணிகமாலிகாபி⁴꞉ ।
இச்சா²நுரூபப²லதோ³(அ)ஸ்ம்யஹமேவ ப⁴க்தே-
-ஷ்வித்த²ம் ப்ரதீதவிப⁴வம் ப⁴க³வந்தமீடே³ ॥ 6 ॥

ஸ்மேராநநாத்³ப⁴க³வத꞉ ஸ்மரஶாஸநாச்ச
மாயாக்³ருஹீதமஹிலாவபுஷோ ஹரேஶ்ச ।
ய꞉ ஸங்க³மே ஸமுத³பூ⁴த் ஜக³தீஹ தாத்³ருக்³
தே³வம் நதோ(அ)ஸ்மி கருணாலயமாஶ்ரயே(அ)ஹம் ॥ 7 ॥

யஸ்யைவ ப⁴க்தஜநமத்ர க்³ருணந்தி லோகே
கிம் வா மய꞉ கிமத²வா ஸுரவர்த⁴கிர்வா ।
வேதா⁴꞉ கிமேஷ நநு ஶம்ப³ர ஏஷ வா கிம்
இத்யேவ தம் ஶரணமாஶுதரம் வ்ரஜாமி ॥ 8 ॥

இதி ஶ்ரீ த⁴ர்மஶாஸ்தாஷ்டகம் ।

---

மேலும் ஶ்ரீ அய்யப்ப ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.