Read in తెలుగు / ಕನ್ನಡ / தமிழ் / देवनागरी / English (IAST)
ಪ್ರಾರ್ಥನಾ |
ಬ್ರಹ್ಮಾಣೀ ಕಮಲೇಂದುಸೌಮ್ಯವದನಾ ಮಾಹೇಶ್ವರೀ ಲೀಲಯಾ
ಕೌಮಾರೀ ರಿಪುದರ್ಪನಾಶನಕರೀ ಚಕ್ರಾಯುಧಾ ವೈಷ್ಣವೀ |
ವಾರಾಹೀ ಘನಘೋರಘರ್ಘರಮುಖೀ ಚೈಂದ್ರೀ ಚ ವಜ್ರಾಯುಧಾ
ಚಾಮುಂಡಾ ಗಣನಾಥರುದ್ರಸಹಿತಾ ರಕ್ಷಂತು ನೋ ಮಾತರಃ ||
ಬ್ರಾಹ್ಮೀ –
ಹಂಸಾರೂಢಾ ಪ್ರಕರ್ತವ್ಯಾ ಸಾಕ್ಷಸೂತ್ರಕಮಂಡಲುಃ |
ಸ್ರುವಂ ಚ ಪುಸ್ತಕಂ ಧತ್ತೇ ಊರ್ಧ್ವಹಸ್ತದ್ವಯೇ ಶುಭಾ || ೧ ||
ಬ್ರಾಹ್ಮ್ಯೈ ನಮಃ |
ಮಾಹೇಶ್ವರೀ –
ಮಾಹೇಶ್ವರೀ ಪ್ರಕರ್ತವ್ಯಾ ವೃಷಭಾಸನಸಂಸ್ಥಿತಾ |
ಕಪಾಲಶೂಲಖಟ್ವಾಂಗವರದಾ ಚ ಚತುರ್ಭುಜಾ || ೨ ||
ಮಾಹೇಶ್ವರ್ಯೈ ನಮಃ |
ಕೌಮಾರೀ –
ಕುಮಾರರೂಪಾ ಕೌಮಾರೀ ಮಯೂರವರವಾಹನಾ |
ರಕ್ತವಸ್ತ್ರಧರಾ ತದ್ವಚ್ಛೂಲಶಕ್ತಿಗದಾಧರಾ || ೩ ||
ಕೌಮಾರ್ಯೈ ನಮಃ |
ವೈಷ್ಣವೀ –
ವೈಷ್ಣವೀ ವಿಷ್ಣುಸದೃಶೀ ಗರುಡೋಪರಿ ಸಂಸ್ಥಿತಾ |
ಚತುರ್ಬಾಹುಶ್ಚ ವರದಾ ಶಂಖಚಕ್ರಗದಾಧರಾ || ೪ ||
ವೈಷ್ಣವ್ಯೈ ನಮಃ |
ವಾರಾಹೀ –
ವಾರಾಹೀಂ ತು ಪ್ರವಕ್ಷ್ಯಾಮಿ ಮಹಿಷೋಪರಿ ಸಂಸ್ಥಿತಾಮ್ |
ವರಾಹಸದೃಶೀ ಘಂಟಾನಾದಾ ಚಾಮರಧಾರಿಣೀ || ೫ ||
ಗದಾಚಕ್ರಧರಾ ತದ್ವದ್ದಾನವೇಂದ್ರವಿಘಾತಿನೀ |
ಲೋಕಾನಾಂ ಚ ಹಿತಾರ್ಥಾಯ ಸರ್ವವ್ಯಾಧಿವಿನಾಶಿನೀ || ೬ ||
ವಾರಾಹ್ಯೈ ನಮಃ |
ಇಂದ್ರಾಣೀ –
ಇಂದ್ರಾಣೀ ತ್ವಿಂದ್ರಸದೃಶೀ ವಜ್ರಶೂಲಗದಾಧರಾ |
ಗಜಾಸನಗತಾ ದೇವೀ ಲೋಚನೈರ್ಬಹುಭಿರ್ವೃತಾ || ೭ ||
ಇಂದ್ರಾಣ್ಯೈ ನಮಃ |
ಚಾಮುಂಡಾ –
ದಂಷ್ಟ್ರಾಲಾ ಕ್ಷೀಣದೇಹಾ ಚ ಗರ್ತಾಕ್ಷಾ ಭೀಮರೂಪಿಣೀ |
ದಿಗ್ಬಾಹುಃ ಕ್ಷಾಮಕುಕ್ಷಿಶ್ಚ ಮುಸಲಂ ಚಕ್ರಮಾರ್ಗಣೌ || ೮ ||
ಅಂಕುಶಂ ಬಿಭ್ರತೀ ಖಡ್ಗಂ ದಕ್ಷಿಣೇಷ್ವಥ ವಾಮತಃ |
ಖೇಟಂ ಪಾಶಂ ಧನುರ್ದಂಡಂ ಕುಠಾರಂ ಚೇತಿ ಬಿಭ್ರತೀ || ೯ ||
ಚಾಮುಂಡಾ ಪ್ರೇತಗಾ ರಕ್ತಾ ವಿಕೃತಾಸ್ಯಾಹಿಭೂಷಣಾ |
ದ್ವಿಭುಜಾ ವಾ ಪ್ರಕರ್ತವ್ಯಾ ಕೃತ್ತಿಕಾಕಾರ್ಯರನ್ವಿತಾ || ೧೦ ||
ಚಾಮುಂಡಾಯೈ ನಮಃ |
ಇತಿ ಸಪ್ತಮಾತೃಕಾ ಸ್ತೋತ್ರಮ್ |
ಇನ್ನಷ್ಟು ದೇವೀ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
