Read in తెలుగు / ಕನ್ನಡ / தமிழ் / देवनागरी / English (IAST)
prārthanā |
brahmāṇī kamalēndusaumyavadanā māhēśvarī līlayā
kaumārī ripudarpanāśanakarī cakrāyudhā vaiṣṇavī |
vārāhī ghanaghōraghargharamukhī caindrī ca vajrāyudhā
cāmuṇḍā gaṇanātharudrasahitā rakṣantu nō mātaraḥ ||
brāhmī –
haṁsārūḍhā prakartavyā sākṣasūtrakamaṇḍaluḥ |
sruvaṁ ca pustakaṁ dhattē ūrdhvahastadvayē śubhā || 1 ||
brāhmyai namaḥ |
māhēśvarī –
māhēśvarī prakartavyā vr̥ṣabhāsanasaṁsthitā |
kapālaśūlakhaṭvāṅgavaradā ca caturbhujā || 2 ||
māhēśvaryai namaḥ |
kaumārī –
kumārarūpā kaumārī mayūravaravāhanā |
raktavastradharā tadvacchūlaśaktigadādharā || 3 ||
kaumāryai namaḥ |
vaiṣṇavī –
vaiṣṇavī viṣṇusadr̥śī garuḍōpari saṁsthitā |
caturbāhuśca varadā śaṅkhacakragadādharā || 4 ||
vaiṣṇavyai namaḥ |
vārāhī –
vārāhīṁ tu pravakṣyāmi mahiṣōpari saṁsthitām |
varāhasadr̥śī ghaṇṭānādā cāmaradhāriṇī || 5 ||
gadācakradharā tadvaddānavēndravighātinī |
lōkānāṁ ca hitārthāya sarvavyādhivināśinī || 6 ||
vārāhyai namaḥ |
indrāṇī –
indrāṇī tvindrasadr̥śī vajraśūlagadādharā |
gajāsanagatā dēvī lōcanairbahubhirvr̥tā || 7 ||
indrāṇyai namaḥ |
cāmuṇḍā –
daṁṣṭrālā kṣīṇadēhā ca gartākṣā bhīmarūpiṇī |
digbāhuḥ kṣāmakukṣiśca musalaṁ cakramārgaṇau || 8 ||
aṅkuśaṁ bibhratī khaḍgaṁ dakṣiṇēṣvatha vāmataḥ |
khēṭaṁ pāśaṁ dhanurdaṇḍaṁ kuṭhāraṁ cēti bibhratī || 9 ||
cāmuṇḍā prētagā raktā vikr̥tāsyāhibhūṣaṇā |
dvibhujā vā prakartavyā kr̥ttikākāryaranvitā || 10 ||
cāmuṇḍāyai namaḥ |
iti saptamātr̥kā stōtram |
గమనిక: "శ్రీ కాళికా స్తోత్రనిధి" విడుదల చేశాము. కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
