Read in తెలుగు / ಕನ್ನಡ / தமிழ் / देवनागरी / English (IAST)
ನಾರದಾದಿದೇವಯೋಗಿಬೃಂದಹೃನ್ನಿಕೇತನಂ
ಬರ್ಹಿವರ್ಯವಾಹಮಿಂದುಶೇಖರೇಷ್ಟನಂದನಮ್ |
ಭಕ್ತಲೋಕರೋಗದುಃಖಪಾಪಸಂಘಭಂಜನಂ
ಭಾವಯಾಮಿ ಸಿಂಧುತೀರವಾಸಿನಂ ಷಡಾನನಮ್ || ೧ ||
ತಾರಕಾರೀಮಿಂದ್ರಮುಖ್ಯದೇವಬೃಂದವಂದಿತಂ
ಚಂದ್ರಚಂದನಾದಿ ಶೀತಲಾಂಕಮಾತ್ಮಭಾವಿತಮ್ |
ಯಕ್ಷಸಿದ್ಧಕಿನ್ನರಾದಿಮುಖ್ಯದಿವ್ಯಪೂಜಿತಂ
ಭಾವಯಾಮಿ ಸಿಂಧುತೀರವಾಸಿನಂ ಷಡಾನನಮ್ || ೨ ||
ಚಂಪಕಾಬ್ಜಮಾಲತೀಸುಮಾದಿಮಾಲ್ಯಭೂಷಿತಂ
ದಿವ್ಯಷಟ್ಕಿರೀಟಹಾರಕುಂಡಲಾದ್ಯಲಂಕೃತಮ್ |
ಕುಂಕುಮಾದಿಯುಕ್ತದಿವ್ಯಗಂಧಪಂಕಲೇಪಿತಂ
ಭಾವಯಾಮಿ ಸಿಂಧುತೀರವಾಸಿನಂ ಷಡಾನನಮ್ || ೩ ||
ಆಶ್ರಿತಾಖಿಲೇಷ್ಟಲೋಕರಕ್ಷಣಾಮರಾಂಘ್ರಿಪಂ
ಶಕ್ತಿಪಾಣಿಮಚ್ಯುತೇಂದ್ರಪದ್ಮಸಂಭವಾಧಿಪಮ್ |
ಶಿಷ್ಟಲೋಕಚಿಂತಿತಾರ್ಥಸಿದ್ಧಿದಾನಲೋಲುಪಂ
ಭಾವಯಾಮಿ ಸಿಂಧುತೀರವಾಸಿನಂ ಷಡಾನನಮ್ || ೪ ||
ವೀರಬಾಹು ಪೂರ್ವಕೋಟಿವೀರಸಂಘಸೌಖ್ಯದಂ
ಶೂರಪದ್ಮಮುಖ್ಯಲಕ್ಷಕೋಟಿಶೂರಮುಕ್ತಿದಮ್ |
ಇಂದ್ರಪೂರ್ವದೇವಸಂಘಸಿದ್ಧನಿತ್ಯಸೌಖ್ಯದಂ
ಭಾವಯಾಮಿ ಸಿಂಧುತೀರವಾಸಿನಂ ಷಡಾನನಮ್ || ೫ ||
ಜಂಬವೈರಿಕಾಮಿನೀಮನೋರಥಾಭಿಪೂರಕಂ
ಕುಂಭಸಂಭವಾಯ ಸರ್ವಧರ್ಮಸಾರದಾಯಕಮ್ |
ತಂ ಭವಾಬ್ಧಿಪೋತಮಂಬಿಕೇಯಮಾಶು ಸಿದ್ಧಿದಂ
ಭಾವಯಾಮಿ ಸಿಂಧುತೀರವಾಸಿನಂ ಷಡಾನನಮ್ || ೬ ||
ಪೂರ್ಣಚಂದ್ರಬಿಂಬಕೋಟಿತುಲ್ಯವಕ್ತ್ರಪಂಕಜಂ
ವರ್ಣನೀಯಸಚ್ಚರಿತ್ರಮಿಷ್ಟಸಿದ್ಧಿದಾಯಕಮ್ |
ಸ್ವರ್ಣವರ್ಣಗಾತ್ರಮುಗ್ರಸಿದ್ಧಲೋಕಶಿಕ್ಷಕಂ
ಭಾವಯಾಮಿ ಸಿಂಧುತೀರವಾಸಿನಂ ಷಡಾನನಮ್ || ೭ ||
ಪೂರ್ವಜನ್ಮಸಂಚಿತಾಘಸಂಘಭಂಗತತ್ಪರಂ
ಸರ್ವಧರ್ಮದಾನಕರ್ಮಪೂರ್ವಪುಣ್ಯಸಿದ್ಧಿದಮ್ |
ಸರ್ವಶತ್ರುಸಂಘಭಂಗದಕ್ಷಮಿಂದ್ರಜಾಪತಿಂ
ಭಾವಯಾಮಿ ಸಿಂಧುತೀರವಾಸಿನಂ ಷಡಾನನಮ್ || ೮ ||
ಇತಿ ಶ್ರೀಮಚ್ಛಂಕರಭಗವತಃ ಕೃತೌ ತಿರುಚೇಂದೂರ್ ಶ್ರೀ ಷಣ್ಮುಖ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಸುಬ್ರಹ್ಮಣ್ಯ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
