Read in తెలుగు / ಕನ್ನಡ / தமிழ் / देवनागरी / English (IAST)
nāradādidēvayōgibr̥ndahr̥nnikētanaṁ
barhivaryavāhaminduśēkharēṣṭanandanam |
bhaktalōkarōgaduḥkhapāpasaṅghabhañjanaṁ
bhāvayāmi sindhutīravāsinaṁ ṣaḍānanam || 1 ||
tārakārīmindramukhyadēvabr̥ndavanditaṁ
candracandanādi śītalāṅkamātmabhāvitam |
yakṣasiddhakinnarādimukhyadivyapūjitaṁ
bhāvayāmi sindhutīravāsinaṁ ṣaḍānanam || 2 ||
campakābjamālatīsumādimālyabhūṣitaṁ
divyaṣaṭkirīṭahārakuṇḍalādyalaṅkr̥tam |
kuṅkumādiyuktadivyagandhapaṅkalēpitaṁ
bhāvayāmi sindhutīravāsinaṁ ṣaḍānanam || 3 ||
āśritākhilēṣṭalōkarakṣaṇāmarāṅghripaṁ
śaktipāṇimacyutēndrapadmasambhavādhipam |
śiṣṭalōkacintitārthasiddhidānalōlupaṁ
bhāvayāmi sindhutīravāsinaṁ ṣaḍānanam || 4 ||
vīrabāhu pūrvakōṭivīrasaṅghasaukhyadaṁ
śūrapadmamukhyalakṣakōṭiśūramuktidam |
indrapūrvadēvasaṅghasiddhanityasaukhyadaṁ
bhāvayāmi sindhutīravāsinaṁ ṣaḍānanam || 5 ||
jambavairikāminīmanōrathābhipūrakaṁ
kumbhasambhavāya sarvadharmasāradāyakam |
taṁ bhavābdhipōtamambikēyamāśu siddhidaṁ
bhāvayāmi sindhutīravāsinaṁ ṣaḍānanam || 6 ||
pūrṇacandrabimbakōṭitulyavaktrapaṅkajaṁ
varṇanīyasaccaritramiṣṭasiddhidāyakam |
svarṇavarṇagātramugrasiddhalōkaśikṣakaṁ
bhāvayāmi sindhutīravāsinaṁ ṣaḍānanam || 7 ||
pūrvajanmasañcitāghasaṅghabhaṅgatatparaṁ
sarvadharmadānakarmapūrvapuṇyasiddhidam |
sarvaśatrusaṅghabhaṅgadakṣamindrajāpatiṁ
bhāvayāmi sindhutīravāsinaṁ ṣaḍānanam || 8 ||
iti śrīmacchaṅkarabhagavataḥ kr̥tau tirucēndūr śrī ṣaṇmukha stōtram |
See more śrī subrahmaṇya stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
