Read in తెలుగు / ಕನ್ನಡ / தமிழ் / देवनागरी / English (IAST)
ಪಾಂಡ್ಯಭೂಪತೀಂದ್ರಪೂರ್ವಪುಣ್ಯಮೋಹನಾಕೃತೇ
ಪಂಡಿತಾರ್ಚಿತಾಂಘ್ರಿಪುಂಡರೀಕ ಪಾವನಾಕೃತೇ |
ಪೂರ್ಣಚಂದ್ರತುಂಡವೇತ್ರದಂಡವೀರ್ಯವಾರಿಧೇ
ಪೂರ್ಣಪುಷ್ಕಲಾಸಮೇತ ಭೂತನಾಥ ಪಾಹಿ ಮಾಮ್ || ೧ ||
ಆದಿಶಂಕರಾಚ್ಯುತಪ್ರಿಯಾತ್ಮಸಂಭವ ಪ್ರಭೋ
ಆದಿಭೂತನಾಥ ಸಾಧುಭಕ್ತಚಿಂತಿತಪ್ರದ |
ಭೂತಿಭೂಷ ವೇದಘೋಷಪಾರಿತೋಷ ಶಾಶ್ವತ
ಪೂರ್ಣಪುಷ್ಕಲಾಸಮೇತ ಭೂತನಾಥ ಪಾಹಿ ಮಾಮ್ || ೨ ||
ಪಂಚಬಾಣಕೋಟಿಕೋಮಲಾಕೃತೇ ಕೃಪಾನಿಧೇ
ಪಂಚಗವ್ಯಪಾಯಸಾನ್ನಪಾನಕಾದಿಮೋದಕ |
ಪಂಚಭೂತಸಂಚಯ ಪ್ರಪಂಚಭೂತಪಾಲಕ
ಪೂರ್ಣಪುಷ್ಕಲಾಸಮೇತ ಭೂತನಾಥ ಪಾಹಿ ಮಾಮ್ || ೩ ||
ಚಂದ್ರಸೂರ್ಯವೀತಿಹೋತ್ರನೇತ್ರ ನೇತ್ರಮೋಹನ
ಸಾಂದ್ರಸುಂದರಸ್ಮಿತಾರ್ದ್ರ ಕೇಸರೀಂದ್ರವಾಹನ |
ಇಂದ್ರವಂದನೀಯಪಾದ ಸಾಧುವೃಂದಜೀವನ
ಪೂರ್ಣಪುಷ್ಕಲಾಸಮೇತ ಭೂತನಾಥ ಪಾಹಿ ಮಾಮ್ || ೪ ||
ವೀರಬಾಹುವರ್ಣನೀಯವೀರ್ಯಶೌರ್ಯವಾರಿಧೇ
ವಾರಿಜಾಸನಾದಿದೇವವಂದ್ಯ ಸುಂದರಾಕೃತೇ |
ವಾರಣೇಂದ್ರವಾಜಿಸಿಂಹವಾಹ ಭಕ್ತಶೇವಧೇ
ಪೂರ್ಣಪುಷ್ಕಲಾಸಮೇತ ಭೂತನಾಥ ಪಾಹಿ ಮಾಮ್ || ೫ ||
ಅತ್ಯುದಾರಭಕ್ತಚಿತ್ತರಂಗನರ್ತನಪ್ರಭೋ
ನಿತ್ಯಶುದ್ಧನಿರ್ಮಲಾದ್ವಿತೀಯ ಧರ್ಮಪಾಲಕ |
ಸತ್ಯರೂಪ ಮುಕ್ತಿರೂಪ ಸರ್ವದೇವತಾತ್ಮಕ
ಪೂರ್ಣಪುಷ್ಕಲಾಸಮೇತ ಭೂತನಾಥ ಪಾಹಿ ಮಾಮ್ || ೬ ||
ಸಾಮಗಾನಲೋಲ ಶಾಂತಶೀಲ ಧರ್ಮಪಾಲಕ
ಸೋಮಸುಂದರಾಸ್ಯ ಸಾಧುಪೂಜನೀಯಪಾದುಕ |
ಸಾಮದಾನಭೇದದಂಡಶಾಸ್ತ್ರನೀತಿಬೋಧಕ
ಪೂರ್ಣಪುಷ್ಕಲಸಮೇತ ಭೂತನಾಥ ಪಾಹಿ ಮಾಮ್ || ೭ ||
ಸುಪ್ರಸನ್ನದೇವದೇವ ಸದ್ಗತಿಪ್ರದಾಯಕ
ಚಿತ್ಪ್ರಕಾಶ ಧರ್ಮಪಾಲ ಸರ್ವಭೂತನಾಯಕ |
ಸುಪ್ರಸಿದ್ಧ ಪಂಚಶೈಲಸನ್ನಿಕೇತನರ್ತಕ
ಪೂರ್ಣಪುಷ್ಕಲಾಸಮೇತ ಭೂತನಾಥ ಪಾಹಿ ಮಾಮ್ || ೮ ||
ಶೂಲಚಾಪಬಾಣಖಡ್ಗವಜ್ರಶಕ್ತಿಶೋಭಿತ
ಬಾಲಸೂರ್ಯಕೋಟಿಭಾಸುರಾಂಗ ಭೂತಸೇವಿತ |
ಕಾಲಚಕ್ರ ಸಂಪ್ರವೃತ್ತಿ ಕಲ್ಪನಾ ಸಮನ್ವಿತ
ಪೂರ್ಣಪುಷ್ಕಲಾಸಮೇತ ಭೂತನಾಥ ಪಾಹಿ ಮಾಮ್ || ೯ ||
ಅದ್ಭುತಾತ್ಮಬೋಧಸತ್ಸನಾತನೋಪದೇಶಕ
ಬುದ್ಬುದೋಪಮಪ್ರಪಂಚವಿಭ್ರಮಪ್ರಕಾಶಕ |
ಸಪ್ರಥಪ್ರಗಲ್ಭಚಿತ್ಪ್ರಕಾಶ ದಿವ್ಯದೇಶಿಕ
ಪೂರ್ಣಪುಷ್ಕಲಾಸಮೇತ ಭೂತನಾಥ ಪಾಹಿ ಮಾಮ್ || ೧೦ ||
ಇತಿ ಶ್ರೀ ಭೂತನಾಥ ದಶಕಮ್ |
ಇನ್ನಷ್ಟು ಶ್ರೀ ಅಯ್ಯಪ್ಪ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
