Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀರಾಮಚಂದ್ರಶ್ರೀಕೃಷ್ಣ ಸೂರ್ಯಚಂದ್ರಕುಲೋದ್ಭವೌ |
ಕೌಸಲ್ಯಾದೇವಕೀಪುತ್ರೌ ರಾಮಕೃಷ್ಣೌ ಗತಿರ್ಮಮ || ೧ ||
ದಿವ್ಯರೂಪೌ ದಶರಥವಸುದೇವಾತ್ಮಸಂಭವೌ |
ಜಾನಕೀರುಕ್ಮಿಣೀಕಾಂತೌ ರಾಮಕೃಷ್ಣೌ ಗತಿರ್ಮಮ || ೨ ||
ಆಯೋಧ್ಯಾದ್ವಾರಕಾಧೀಶೌ ಶ್ರೀಮದ್ರಾಘವಯಾದವೌ |
ಶ್ರೀಕಾಕುತ್ಸ್ಥೇಂದ್ರರಾಜೇಂದ್ರೌ ರಾಮಕೃಷ್ಣೌ ಗತಿರ್ಮಮ || ೩ ||
ಶಾಂತಾಸುಭದ್ರಾಸೋದರ್ಯೌ ಸೌಮಿತ್ರೀಗದಪೂರ್ವಜೌ |
ತ್ರೇತಾದ್ವಾಪರಸಂಭೂತೌ ರಾಮಕೃಷ್ಣೌ ಗತಿರ್ಮಮ || ೪ ||
ವಿಳಂಬಿವಿಶ್ವಾವಸುಜೌ ಸೌಮ್ಯದಕ್ಷಾಯಣೋದ್ಭವೌ |
ವಸಂತವರ್ಷಋತುಜೌ ರಾಮಕೃಷ್ಣೌ ಗತಿರ್ಮಮ || ೫ ||
ಚೈತ್ರಶ್ರಾವಣಸಂಭೂತೌ ಮೇಷಸಿಂಹಾಖ್ಯಮಾಸಜೌ |
ಸಿತಾಸಿತದಳೋದ್ಭೂತೌ ರಾಮಕೃಷ್ಣೌ ಗತಿರ್ಮಮ || ೬ ||
ನವಮೀಸ್ವಷ್ಟಮೀಜಾತೌ ಸೌಮ್ಯವಾಸರಸಂಭವೌ |
ಅದಿತಿಬ್ರಹ್ಮತಾರಾಜೌ ರಾಮಕೃಷ್ಣೌ ಗತಿರ್ಮಮ || ೭ ||
ಮಧ್ಯಾಹ್ನಾರ್ಧನಿಶೋತ್ಪನ್ನೌ ಕುಳೀರವೃಷಲಗ್ನಜೌ |
ದ್ವಾತ್ರಿಂಶಲ್ಲಕ್ಷಣೋಪೇತೌ ರಾಮಕೃಷ್ಣೌ ಗತಿರ್ಮಮ || ೮ ||
ದೂರ್ವಾದಳಘನಶ್ಯಾಮೌ ದ್ವಿಚತುರ್ಬಾಹುಸಂಭವೌ |
ಕೋದಂಡಚಕ್ರಹಸ್ತಾಬ್ಜೌ ರಾಮಕೃಷ್ಣೌ ಗತಿರ್ಮಮ || ೯ ||
ವಶಿಷ್ಠಗಾರ್ಗ್ಯಸಚಿವೌ ಸಿದ್ಧಾರ್ಥೋದ್ಧವಮಂತ್ರಿಣೌ |
ಗಾಧೇಯಸಾಂದೀಪಿಶಿಷ್ಯೌ ರಾಮಕೃಷ್ಣೌ ಗತಿರ್ಮಮ || ೧೦ ||
ಲವಪ್ರದ್ಯುಮ್ನಜನಕೌ ಕುಶಸಾಂಬಸಿತಾನ್ವಿತೌ |
ಹನುಮದ್ಗರುಡಾರೂಢೌ ರಾಮಕೃಷ್ಣೌ ಗತಿರ್ಮಮ || ೧೧ ||
ತಾಟಕಾಪೂತನಾರಾತಿ ಖರಕಂಸಶಿರೋಹರೌ |
ಕಾಕಕಾಳೀಯದರ್ಪಘ್ನೌ ರಾಮಕೃಷ್ಣೌ ಗತಿರ್ಮಮ || ೧೨ ||
ಕಬಂಧನರಕಾರಾತೀ ವಿರಾಧಮುರಮರ್ದನೌ |
ದಶಾಸ್ಯಶಿಶುಪಾಲಘ್ನೌ ರಾಮಕೃಷ್ಣೌ ಗತಿರ್ಮಮ || ೧೩ ||
ಅಹಲ್ಯಾನೃಪಶಾಪಘ್ನೌ ಶಿವಕಂಸಧನುರ್ಭಿದೌ |
ಲೀಲಾಮಾನುಷರೂಪಾಢ್ಯೌ ರಾಮಕೃಷ್ಣೌ ಗತಿರ್ಮಮ || ೧೪ ||
ದಂಡಕಾರಣ್ಯಸಂಚಾರೀ ಬೃಂದಾವನವಿಹಾರಿಣೌ |
ಏಕಾಽನೇಕಕಳತ್ರಾಢ್ಯೌ ರಾಮಕೃಷ್ಣೌ ಗತಿರ್ಮಮ || ೧೫ ||
ಶಬರೀ ದ್ರೌಪದೀಪೂಜ್ಯೌ ಜಟಾಯುರ್ಭೀಷ್ಮಮುಕ್ತಿದೌ |
ಮುನಿಪಾಂಡವಸಂರಕ್ಷೌ ರಾಮಕೃಷ್ಣೌ ಗತಿರ್ಮಮ || ೧೬ ||
ಜಾಮದಗ್ನ್ಯಾಹಂಕೃತಿಘ್ನ ಬಾಣಾಸುರಮದಾಪಹೌ |
ಜಯಾನ್ವಿತೌ ಜಗತ್ಪೂಜ್ಯೌ ರಾಮಕೃಷ್ಣೌ ಗತಿರ್ಮಮ || ೧೭ ||
ಪಿತೃವಾಕ್ಯೈಕನಿರತೌ ಪಿತೃಬಂಧವಿಮೋಚಕೌ |
ಚೀರಪೀತಾಂಬರಧರೌ ರಾಮಕೃಷ್ಣೌ ಗತಿರ್ಮಮ || ೧೮ ||
ಸುಮಂತ್ರದಾರುಕಾಭಿಖ್ಯೌ ಸಾರಥೀಜಗದೀಶ್ವರೌ |
ಗುಹಪಾರ್ಥಪ್ರಿಯಸಖೌ ರಾಮಕೃಷ್ಣೌ ಗತಿರ್ಮಮ || ೧೯ ||
ಪರಂತಪೌ ಶೂರ್ಪಣಖಾರುಕ್ಮಿವೈರೂಪ್ಯಕಾರಿಣೌ |
ಜಂಬೂಕಶಂಖಚೂಡಘ್ನೌ ರಾಮಕೃಷ್ಣೌ ಗತಿರ್ಮಮ || ೨೦ ||
ಸಮುದ್ರಸೇತುನಿರ್ಮಾತೃ ಸಮುದ್ರಕೃತಪತ್ತನೌ |
ಮಹಾಸತ್ವಮಹಾಮಾಯೌ ರಾಮಕೃಷ್ಣೌ ಗತಿರ್ಮಮ || ೨೧ ||
ವೀರೌ ವಿಶ್ವಾಮಿತ್ರಧರ್ಮಯಜ್ಞರಕ್ಷಣತತ್ಪರೌ |
ದೃಢವ್ರತೌ ಸುಚರಿತೌ ರಾಮಕೃಷ್ಣೌ ಗತಿರ್ಮಮ || ೨೨ ||
ತ್ರಿಜಟಾಖ್ಯ ಕುಚೇಲಾಖ್ಯ ದ್ವಿಜದಾರಿದ್ರ್ಯಹಾರಿಣೌ |
ಯೋಗಿಧ್ಯೇಯಪದಾಂಭೋಜೌ ರಾಮಕೃಷ್ಣೌ ಗತಿರ್ಮಮ || ೨೩ ||
ಮಹಾತ್ಮಾನೌ ಸಪ್ತತಾಳಯಮಳಾರ್ಜುನಭಂಜನೌ |
ಮಾರುತಾಕ್ರೂರವರದೌ ರಾಮಕೃಷ್ಣೌ ಗತಿರ್ಮಮ || ೨೪ ||
ಶಿವೋಪದಿಷ್ಟಗೀತಾರ್ಥ ಪಾರ್ಥಗೀತೋಪದೇಶಕೌ |
ವಾರ್ಧೀಶ ಶಕ್ರಮಾನಘ್ನೌ ರಾಮಕೃಷ್ಣೌ ಗತಿರ್ಮಮ || ೨೫ ||
ದೇವದೇವೌ ಕುಂಭಕರ್ಣ ದಂತವಕ್ತ್ರನಿಷೂದನೌ |
ವಾಲಿಪೌಂಡ್ರಕಹಂತಾರೌ ರಾಮಕೃಷ್ಣೌ ಗತಿರ್ಮಮ || ೨೬ ||
ದೂಷಣತ್ರಿಶಿರೋಹಂತೃ ಸಾಲ್ವಾಘಾಸುರಸೂದನೌ |
ಮಾರೀಚ ಶಕಟಧ್ವಂಸೌ ರಾಮಕೃಷ್ಣೌ ಗತಿರ್ಮಮ || ೨೭ ||
ಸುಗ್ರೀವೇಷ್ಟ ಜರಾಸಂಧ ತನಯೇಪ್ಸಿತರಾಜ್ಯದೌ |
ಸತ್ಯವಾಕ್ ಸತ್ಯಸಂಕಲ್ಪೌ ರಾಮಕೃಷ್ಣೌ ಗತಿರ್ಮಮ || ೨೮ ||
ವಿಭೀಷಣಾಭಯಶ್ರೀದ ಭಗದತ್ತಾಽಭಯಪ್ರದೌ |
ಜಟಾಜೂಟಕಿರೀಟಾದ್ಯೌ ರಾಮಕೃಷ್ಣೌ ಗತಿರ್ಮಮ || ೨೯ ||
ಚಿತ್ರಕೂಟಾಚಲಾವಾಸಿ ರೈವತಾಚಲಲೋಲುಪೌ |
ಸರ್ವಭೂತಹೃದಾವಾಸೌ ರಾಮಕೃಷ್ಣೌ ಗತಿರ್ಮಮ || ೩೦ ||
ಶರಭಂಗೋತ್ತಮಪದ ಮುಚುಕುಂದವರಪ್ರದೌ |
ಸಚ್ಚಿದಾನಂದರೂಪಾಢ್ಯೌ ರಾಮಕೃಷ್ಣೌ ಗತಿರ್ಮಮ || ೩೧ ||
ಋಕ್ಷವಾನರಸೇನಾಢ್ಯ ವೃಷ್ಟಿಯಾದವಸೈನಿಕೌ |
ಪರಾತ್ಪರೌ ಜಿತಾಮಿತ್ರೌ ರಾಮಕೃಷ್ಣೌ ಗತಿರ್ಮಮ || ೩೨ ||
ಋಷಿಸಂಘಕೃತಾತಿಥ್ಯ ಮುನಿಪತ್ನ್ಯರ್ಪಿತೋದನೌ |
ನಿರಮಯೌ ನಿರಾತಂಕೌ ರಾಮಕೃಷ್ಣೌ ಗತಿರ್ಮಮ || ೩೩ ||
ಧರಾಧರವಿನಿರ್ಭೇತ್ತೃ ಗೋವರ್ಧನಧರೋದ್ಧರೌ |
ಸುಬಾಹು ಶತಧನ್ವಘ್ನೌ ರಾಮಕೃಷ್ಣೌ ಗತಿರ್ಮಮ || ೩೪ ||
ದಶಾಸ್ಯಾನ್ವಯಸಂಹರ್ತೃ ದುರ್ಯೋಧನಕುಲಾಂತಕೌ |
ಸರ್ವಭೂತಹಿತೋದ್ಯುಕ್ತೌ ರಾಮಕೃಷ್ಣೌ ಗತಿರ್ಮಮ || ೩೫ ||
ಮೃತಶಾಖಾಮೃಗೋಜ್ಜೀವಿ ಮೃತಗೋಗೋಪಜೀವಕೌ |
ಬ್ರಹ್ಮೇಂದ್ರಾದಿಸ್ತುತಿಪ್ರೀತೌ ರಾಮಕೃಷ್ಣೌ ಗತಿರ್ಮಮ || ೩೬ ||
ಶಿವಲಿಂಗಪ್ರತಿಷ್ಠಾತೃ ಕೃತಕೈಲಾಸಯಾತ್ರಕೌ |
ನಿರಂಜನೌ ನಿಷ್ಕಳಂಕೌ ರಾಮಕೃಷ್ಣೌ ಗತಿರ್ಮಮ || ೩೭ ||
ಮೃತದ್ವಿಜಸುತೋಜ್ಜೀವಿ ವಿನಷ್ಟ ಗುರುಪುತ್ರದೌ |
ನಿರ್ಮಮೌ ನಿರಹಂಕಾರೌ ರಾಮಕೃಷ್ಣೌ ಗತಿರ್ಮಮ || ೩೮ ||
ಸರಯೂ ಯಮುನಾತೀರ ವಿಹಾರಾಸಕ್ತಮಾನಸೌ |
ವಾಲ್ಮೀಕಿವ್ಯಾಸಸಂಸ್ತುತ್ಯೌ ರಾಮಕೃಷ್ಣೌ ಗತಿರ್ಮಮ || ೩೯ ||
ಭೂಮೀಶಾರ್ಚಿತಪಾದಾಬ್ಜ ಭೂಭಾರಪರಿಹಾರಕೌ |
ಧರ್ಮಸಂಸ್ಥಾಪನೋದ್ಯುಕ್ತೌ ರಾಮಕೃಷ್ಣೌ ಗತಿರ್ಮಮ || ೪೦ ||
ರಾಜರಾಜಪ್ರೀತಿಕರ ರಾಜೇಂದ್ರಾನ್ವಯಪಾಲಕೌ |
ಸರ್ವಾಭೀಷ್ಟಪ್ರದಾತಾರೌ ರಾಮಕೃಷ್ಣೌ ಗತಿರ್ಮಮ || ೪೧ ||
ಇತಿ ಶ್ರೀ ರಾಮಕೃಷ್ಣ ಅಷ್ಟೋತ್ತರಶತನಾಮ ಸ್ತೋತ್ರಮ್ |
ಇನ್ನಷ್ಟು ಶ್ರೀ ರಾಮ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
