Read in తెలుగు / ಕನ್ನಡ / தமிழ் / देवनागरी / English (IAST)
ರಾಮಾನುಜಾಯ ಮುನಯೇ ನಮ ಉಕ್ತಿ ಮಾತ್ರಂ
ಕಾಮಾತುರೋಽಪಿ ಕುಮತಿಃ ಕಲಯನ್ನಭೀಕ್ಷಮ್ |
ಯಾಮಾಮನನ್ತಿ ಯಮಿನಾಂ ಭಗವಜ್ಜನಾನಾಂ
ತಾಮೇವ ವಿಂದತಿ ಗತಿಂ ತಮಸಃ ಪರಸ್ತಾತ್ || ೧ ||
ಸೋಮಾವಚೂಡಸುರಶೇಖರದುಷ್ಕರೇಣ
ಕಾಮಾತಿಗೋಽಪಿ ತಪಸಾ ಕ್ಷಪಯನ್ನಘಾನಿ |
ರಾಮಾನುಜಾಯ ಮುನಯೇ ನಮ ಇತ್ಯನುಕ್ತ್ವಾ
ಕೋವಾ ಮಹೀಸಹಚರೇ ಕುರುತೇಽನುರಾಗಮ್ || ೨ ||
ರಾಮಾನುಜಾಯ ನಮ ಇತ್ಯಸಕೃದ್ಗೃಣೀತೇ
ಯೋ ಮಾನ ಮಾತ್ಸರ ಮದಸ್ಮರ ದೂಷಿತೋಽಪಿ |
ಪ್ರೇಮಾತುರಃ ಪ್ರಿಯತಮಾಮಪಹಾಯ ಪದ್ಮಾಂ
ಭೂಮಾ ಭುಜಂಗಶಯನಸ್ತಮನುಪ್ರಯಾತಿ || ೩ ||
ವಾಮಾಲಕಾನಯನವಾಗುರಿಕಾಗೃಹೀತಂ
ಕ್ಷೇಮಾಯ ಕಿಂಚಿದಪಿ ಕರ್ತುಮನೀಹಮಾನಮ್ |
ರಾಮಾನುಜೋ ಯತಿಪತಿರ್ಯದಿ ನೇಕ್ಷತೇ ಮಾಂ
ಮಾ ಮಾಮಕೋಽಯಮಿತಿ ಮುಂಚತಿ ಮಾಧವೋಽಪಿ || ೪ ||
ರಾಮಾನುಜೇತಿ ಯದಿತಂ ವಿದಿತಂ ಜಗತ್ಯಾಂ
ನಾಮೀಪಿ ನ ಶ್ರುತಿಸಮೀಪಮುಪೈತಿ ಯೇಷಾಮ್ |
ಮಾ ಮಾ ಮದೀಯ ಇತಿ ಸದ್ಭಿರುಪೇಕ್ಷಿತಾಸ್ತೇ
ಕಾಮಾನುವಿದ್ಧಮನಸೋ ನಿಪತನ್ತ್ಯಧೋಽಧಃ || ೫ ||
ನಾಮಾನುಕೀರ್ತ್ಯ ನರಕಾರ್ತಿಹರಂ ಯದೀಯಂ
ವ್ಯೋಮಾಧಿರೋಹತಿ ಪದಂ ಸಕಲೋಽಪಿ ಲೋಕಃ |
ರಾಮಾನುಜೋ ಯತಿಪತಿರ್ಯದಿ ನಾವಿರಾಸೀತ್
ಕೋ ಮಾದೃಶಃ ಪ್ರಭವಿತಾ ಭವಮುತ್ತರೀತುಮ್ || ೬ ||
ಸೀಮಾಮಹೀಧ್ರಪರಿಧಿಂ ಪೃಥಿವೀಮವಾಪ್ತುಂ
ವೈಮಾನಿಕೇಶ್ವರಪುರೀಮಧಿವಾಸಿತುಂ ವಾ |
ವ್ಯೋಮಾಧಿರೋಢುಮಪಿ ನ ಸ್ಪೃಹಯನ್ತಿ ನಿತ್ಯಂ
ರಾಮಾನುಜಾಂಘ್ರಿಯುಗಳಂ ಶರಣಂ ಪ್ರಪನ್ನಾಃ || ೭ ||
ಮಾ ಮಾ ಧುನೋತಿ ಮನಸೋಽಪಿ ನ ಗೋಚರಂ ಯತ್
ಭೂಮಾಸಖೇನ ಪುರುಷೇಣ ಸಹಾನುಭೂಯ |
ಪ್ರೇಮಾನುವಿದ್ಧಹೃದಯಪ್ರಿಯಭಕ್ತಲಭ್ಯೇ
ರಾಮಾನುಜಾಂಘ್ರಿಕಮಲೇ ರಮತಾಂ ಮನೋ ಮೇ || ೮ ||
ಶ್ಲೋಕಾಷ್ಟಕಮಿದಂ ಪುಣ್ಯಂ ಯೋ ಭಕ್ತ್ಯಾ ಪ್ರತ್ಯಹಂ ಪಠೇತ್ |
ಆಕಾರತ್ರಯಸಂಪನ್ನಃ ಶೋಕಾಬ್ಧಿಂ ತರತಿ ದ್ರುತಮ್ ||
ಇನ್ನಷ್ಟು ಶ್ರೀ ಗುರು ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
