Read in తెలుగు / ಕನ್ನಡ / தமிழ் / देवनागरी / English (IAST)
ಕದಾ ವೃಂದಾರಣ್ಯೇ ವಿಪುಲಯಮುನಾತೀರಪುಲಿನೇ
ಚರಂತಂ ಗೋವಿಂದಂ ಹಲಧರಸುದಾಮಾದಿಸಹಿತಮ್ |
ಅಹೋ ಕೃಷ್ಣ ಸ್ವಾಮಿನ್ ಮಧುರಮುರಳೀಮೋಹನ ವಿಭೋ
ಪ್ರಸೀದೇತಿ ಕ್ರೋಶನ್ನಿಮಿಷಮಿವ ನೇಷ್ಯಾಮಿ ದಿವಸಾನ್ || ೧ ||
ಕದಾ ಕಾಳಿಂದೀಯೈರ್ಹರಿಚರಣಮುದ್ರಾಂಕಿತತಟೈಃ
ಸ್ಮರನ್ ಗೋಪೀನಾಥಂ ಕಮಲನಯನಂ ಸಸ್ಮಿತಮುಖಮ್ |
ಅಹೋ ಪೂರ್ಣಾನಂದಾಂಬುಜವದನ ಭಕ್ತೈಕಲಲನ
ಪ್ರಸೀದೇತಿ ಕ್ರೋಶನ್ನಿಮಿಷಮಿವ ನೇಷ್ಯಾಮಿ ದಿವಸಾನ್ || ೨ ||
ಕದಾಚಿತ್ಖೇಲಂತಂ ವ್ರಜಪರಿಸರೇ ಗೋಪತನಯೈಃ
ಕುತಶ್ಚಿತ್ಸಂಪ್ರಾಪ್ತಂ ಕಿಮಪಿ ಲಸಿತಂ ಗೋಪಲಲನಮ್ |
ಅಯೇ ರಾಧೇ ಕಿಂ ವಾ ಹರಸಿ ರಸಿಕೇ ಕಂಚುಕಯುಗಂ
ಪ್ರಸೀದೇತಿ ಕ್ರೋಶನ್ನಿಮಿಷಮಿವ ನೇಷ್ಯಾಮಿ ದಿವಸಾನ್ || ೩ ||
ಕದಾಚಿದ್ಗೋಪೀನಾಂ ಹಸಿತಚಕಿತಸ್ನಿಗ್ಧನಯನಂ
ಸ್ಥಿತಂ ಗೋಪೀವೃಂದೇ ನಟಮಿವ ನಟಂತಂ ಸುಲಲಿತಮ್ |
ಸುರಾಧೀಶೈಃ ಸರ್ವೈಃ ಸ್ತುತಪದಮಿದಂ ಶ್ರೀಹರಿಮಿತಿ
ಪ್ರಸೀದೇತಿ ಕ್ರೋಶನ್ನಿಮಿಷಮಿವ ನೇಷ್ಯಾಮಿ ದಿವಸಾನ್ || ೪ ||
ಕದಾಚಿತ್ಸಚ್ಛಾಯಾಶ್ರಿತಮಭಿಮಹಾಂತಂ ಯದುಪತಿಂ
ಸಮಾಧಿಸ್ವಚ್ಛಾಯಾಂಚಲ ಇವ ವಿಲೋಲೈಕಮಕರಮ್ |
ಅಯೇ ಭಕ್ತೋದಾರಾಂಬುಜವದನ ನಂದಸ್ಯ ತನಯ
ಪ್ರಸೀದೇತಿ ಕ್ರೋಶನ್ನಿಮಿಷಮಿವ ನೇಷ್ಯಾಮಿ ದಿವಸಾನ್ || ೫ ||
ಕದಾಚಿತ್ಕಾಳಿಂದ್ಯಾಸ್ತಟತರುಕದಂಬೇ ಸ್ಥಿತಮಮುಂ
ಸ್ಮಯಂತಂ ಸಾಕೂತಂ ಹೃತವಸನಗೋಪೀಸುತಪದಮ್ |
ಅಹೋ ಶಕ್ರಾನಂದಾಂಬುಜವದನ ಗೋವರ್ಧನಧರ
ಪ್ರಸೀದೇತಿ ಕ್ರೋಶನ್ನಿಮಿಷಮಿವ ನೇಷ್ಯಾಮಿ ದಿವಸಾನ್ || ೬ ||
ಕದಾಚಿತ್ಕಾಂತಾರೇ ವಿಜಯಸಖಮಿಷ್ಟಂ ನೃಪಸುತಂ
ವದಂತಂ ಪಾರ್ಥೇತಿ ನೃಪಸುತ ಸಖೇ ಬಂಧುರಿತಿ ಚ |
ಭ್ರಮಂತಂ ವಿಶ್ರಾಂತಂ ಶ್ರಿತಮುರಳಿಮಾಸ್ಯಂ ಹರಿಮಮೀ
ಪ್ರಸೀದೇತಿ ಕ್ರೋಶನ್ನಿಮಿಷಮಿವ ನೇಷ್ಯಾಮಿ ದಿವಸಾನ್ || ೭ ||
ಕದಾ ದ್ರಕ್ಷ್ಯೇ ಪೂರ್ಣಂ ಪುರುಷಮಮಲಂ ಪಂಕಜದೃಶಂ
ಅಹೋ ವಿಷ್ಣೋ ಯೋಗಿನ್ ರಸಿಕಮುರಳೀಮೋಹನ ವಿಭೋ |
ದಯಾಂ ಕರ್ತುಂ ದೀನೇ ಪರಮಕರುಣಾಬ್ಧೇ ಸಮುಚಿತಂ
ಪ್ರಸೀದೇತಿ ಕ್ರೋಶನ್ನಿಮಿಷಮಿವ ನೇಷ್ಯಾಮಿ ದಿವಸಾನ್ || ೮ ||
ಇತಿ ಶ್ರೀವಾಸುದೇವಾನಂದಸರಸ್ವತೀ ಕೃತ ಶ್ರೀ ಕೃಷ್ಣ ಲಹರೀ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
