Read in తెలుగు / ಕನ್ನಡ / தமிழ் / देवनागरी / English (IAST)
ನಾರದ ಉವಾಚ –
ಜೈಗೀಷವ್ಯ ಮುನಿಶ್ರೇಷ್ಠ ಸರ್ವಜ್ಞ ಸುಖದಾಯಕ |
ಆಖ್ಯಾತಾನಿ ಸುಪುಣ್ಯಾನಿ ಶ್ರುತಾನಿ ತ್ವತ್ಪ್ರಸಾದತಃ || ೧ ||
ನ ತೃಪ್ತಿಮಧಿಗಚ್ಛಾಮಿ ತವ ವಾಗಮೃತೇನ ಚ |
ವದಸ್ವೈಕಂ ಮಹಾಭಾಗ ಸಂಕಟಾಖ್ಯಾನಮುತ್ತಮಮ್ || ೨ ||
ಇತಿ ತಸ್ಯ ವಚಃ ಶ್ರುತ್ವಾ ಜೈಗೀಷವ್ಯೋಽಬ್ರವೀತ್ತತಃ |
ಸಂಕಷ್ಟನಾಶನಂ ಸ್ತೋತ್ರಂ ಶೃಣು ದೇವರ್ಷಿಸತ್ತಮ || ೩ ||
ದ್ವಾಪರೇ ತು ಪುರಾ ವೃತ್ತೇ ಭ್ರಷ್ಟರಾಜ್ಯೋ ಯುಧಿಷ್ಠಿರಃ |
ಭ್ರಾತೃಭಿಸ್ಸಹಿತೋ ರಾಜ್ಯನಿರ್ವೇದಂ ಪರಮಂ ಗತಃ || ೪ ||
ತದಾನೀಂ ತು ತತಃ ಕಾಶೀಂ ಪುರೀಂ ಯಾತೋ ಮಹಾಮುನಿಃ |
ಮಾರ್ಕಂಡೇಯ ಇತಿ ಖ್ಯಾತಃ ಸಹ ಶಿಷ್ಯೈರ್ಮಹಾಯಶಾಃ || ೫ ||
ತಂ ದೃಷ್ಟ್ವಾ ಸ ಸಮುತ್ಥಾಯ ಪ್ರಣಿಪತ್ಯ ಸುಪೂಜಿತಃ |
ಕಿಮರ್ಥಂ ಮ್ಲಾನವದನ ಏತತ್ತ್ವಂ ಮಾಂ ನಿವೇದಯ || ೬ ||
ಯುಧಿಷ್ಠಿರ ಉವಾಚ –
ಸಂಕಷ್ಟಂ ಮೇ ಮಹತ್ಪ್ರಾಪ್ತಮೇತಾದೃಗ್ವದನಂ ತತಃ |
ಏತನ್ನಿವಾರಣೋಪಾಯಂ ಕಿಂಚಿದ್ಬ್ರೂಹಿ ಮುನೇ ಮಮ || ೭ ||
ಮಾರ್ಕಂಡೇಯ ಉವಾಚ –
ಆನಂದಕಾನನೇ ದೇವೀ ಸಂಕಟಾ ನಾಮ ವಿಶ್ರುತಾ |
ವೀರೇಶ್ವರೋತ್ತರೇ ಭಾಗೇ ಪೂರ್ವಂ ಚಂದ್ರೇಶ್ವರಸ್ಯ ಚ || ೮ ||
ಶೃಣು ನಾಮಾಷ್ಟಕಂ ತಸ್ಯಾಃ ಸರ್ವಸಿದ್ಧಿಕರಂ ನೃಣಾಮ್ |
ಸಂಕಟಾ ಪ್ರಥಮಂ ನಾಮ ದ್ವಿತೀಯಂ ವಿಜಯಾ ತಥಾ || ೯ ||
ತೃತೀಯಂ ಕಾಮದಾ ಪ್ರೋಕ್ತಂ ಚತುರ್ಥಂ ದುಃಖಹಾರಿಣೀ |
ಶರ್ವಾಣೀ ಪಂಚಮಂ ನಾಮ ಷಷ್ಠಂ ಕಾತ್ಯಾಯನೀ ತಥಾ || ೧೦ ||
ಸಪ್ತಮಂ ಭೀಮನಯನಾ ಸರ್ವರೋಗಹರಾಽಷ್ಟಮಮ್ |
ನಾಮಾಷ್ಟಕಮಿದಂ ಪುಣ್ಯಂ ತ್ರಿಸಂಧ್ಯಂ ಶ್ರದ್ಧಯಾನ್ವಿತಃ || ೧೧ ||
ಯಃ ಪಠೇತ್ಪಾಠಯೇದ್ವಾಪಿ ನರೋ ಮುಚ್ಯೇತ ಸಂಕಟಾತ್ |
ಇತ್ಯುಕ್ತ್ವಾ ತು ದ್ವಿಜಶ್ರೇಷ್ಠಮೃಷಿರ್ವಾರಾಣಸೀಂ ಯಯೌ || ೧೨ ||
ಇತಿ ತಸ್ಯ ವಚಃ ಶ್ರುತ್ವಾ ನಾರದೋ ಹರ್ಷನಿರ್ಭರಃ |
ತತಃ ಸಂಪೂಜಿತಾಂ ದೇವೀಂ ವೀರೇಶ್ವರಸಮನ್ವಿತಾಮ್ || ೧೩ ||
ಭುಜೈಸ್ತು ದಶಭಿರ್ಯುಕ್ತಾಂ ಲೋಚನತ್ರಯಭೂಷಿತಾಮ್ |
ಮಾಲಾಕಮಂಡಲುಯುತಾಂ ಪದ್ಮಶಂಖಗದಾಯುತಾಮ್ || ೧೪ ||
ತ್ರಿಶೂಲಡಮರುಧರಾಂ ಖಡ್ಗಚರ್ಮವಿಭೂಷಿತಾಮ್ |
ವರದಾಭಯಹಸ್ತಾಂ ತಾಂ ಪ್ರಣಮ್ಯ ವಿಧಿನಂದನಃ || ೧೫ ||
ವಾರತ್ರಯಂ ಗೃಹೀತ್ವಾ ತು ತತೋ ವಿಷ್ಣುಪುರಂ ಯಯೌ |
ಏತತ್‍ ಸ್ತೋತ್ರಸ್ಯ ಪಠನಂ ಪುತ್ರಪೌತ್ರವಿವರ್ಧನಮ್ || ೧೬ ||
ಸಂಕಷ್ಟನಾಶನಂ ಚೈವ ತ್ರಿಷು ಲೋಕೇಷು ವಿಶ್ರುತಮ್ |
ಗೋಪನೀಯಂ ಪ್ರಯತ್ನೇನ ಮಹಾವಂಧ್ಯಾಪ್ರಸೂತಿಕೃತ್ || ೧೭ ||
ಇತಿ ಶ್ರೀಪದ್ಮಪುರಾಣೇ ಸಂಕಟನಾಮಾಷ್ಟಕಮ್ |
ಇನ್ನಷ್ಟು ದೇವೀ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
