Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀವ್ಯಾಸ ಉವಾಚ |
ಶ್ರೀಮದ್ಗುರೋ ನಿಖಿಲವೇದಶಿರೋನಿಗೂಢ
ಬ್ರಹ್ಮಾತ್ಮಬೋಧ ಸುಖಸಾಂದ್ರತನೋ ಮಹಾತ್ಮನ್ |
ಶ್ರೀಕಾಂತವಾಕ್ಪತಿ ಮುಖಾಖಿಲದೇವಸಂಘ
ಸ್ವಾತ್ಮಾವಬೋಧಕ ಪರೇಶ ನಮೋ ನಮಸ್ತೇ || ೧ ||
ಸಾನ್ನಿಧ್ಯಮಾತ್ರಮುಪಲಭ್ಯಸಮಸ್ತಮೇತ-
-ದಾಭಾತಿ ಯಸ್ಯ ಜಗದತ್ರ ಚರಾಚರಂ ಚ |
ಚಿನ್ಮಾತ್ರತಾಂ ನಿಜ ಕರಾಂಗುಳಿ ಮುದ್ರಯಾ ಯಃ
ಸ್ವಸ್ಯಾನಿಶಂ ವದತಿ ನಾಥ ನಮೋ ನಮಸ್ತೇ || ೨ ||
ಜೀವೇಶ್ವರಾದ್ಯಖಿಲಮತ್ರ ವಿಕಾರಜಾತಂ
ಜಾತಂ ಯತಃ ಸ್ಥಿತಮನಂತಸುಖೇ ಚ ಯಸ್ಮಿನ್ |
ಯೇನೋಪಸಂಹೃತಮಖಂಡಚಿದೇಕಶಕ್ತ್ಯಾ
ಸ್ವಾಭಿನ್ನಯೈವ ಜಗದೀಶ ನಮೋ ನಮಸ್ತೇ || ೩ ||
ಯಃ ಸ್ವಾಂಶಜೀವಸುಖದುಃಖಫಲೋಪಭೋಗ-
-ಹೇತೋರ್ವಪೂಂಷಿ ವಿವಿಧಾನಿ ಚ ಭೌತಿಕಾನಿ |
ನಿರ್ಮಾಯ ತತ್ರ ವಿಶತಾ ಕರಣೈಃ ಸಹಾಂತೇ
ಜೀವೇನ ಸಾಕ್ಷ್ಯಮತ ಏವ ನಮೋ ನಮಸ್ತೇ || ೪ ||
ಹೃತ್ಪುಂಡರೀಕಗತಚಿನ್ಮಣಿಮಾತ್ಮರೂಪಂ
ಯಸ್ಮಿನ್ ಸಮರ್ಪಯತಿ ಯೋಗಬಲೇನ ವಿದ್ವಾನ್ |
ಯಃ ಪೂರ್ಣಬೋಧಸುಖಲಕ್ಷಣ ಏಕರೂಪ
ಆಕಾಶವದ್ವಿಭುರುಮೇಶ ನಮೋ ನಮಸ್ತೇ || ೫ ||
ಯನ್ಮಾಯಯಾ ಹರಿಹರ ದ್ರುಹಿಣಾ ಬಭೂವುಃ
ಸೃಷ್ಟ್ಯಾದಿಕಾರಿಣ ಇಮೇ ಜಗತಾಮಧೀಶಾಃ |
ಯದ್ವಿದ್ಯಯೈವ ಪರಯಾತ್ರಹಿ ವಶ್ಯಮಾಯಾ
ಸ್ಥೈರ್ಯಂ ಗತಾ ಗುರುವರೇಶ ನಮೋ ನಮಸ್ತೇ || ೬ ||
ಸ್ತ್ರೀಪುಂನಪುಂಸಕಸಮಾಹ್ವಯ ಲಿಂಗಹೀನೋ-
-ಽಪ್ಯಾಸ್ತೇತ್ರಿಲಿಂಗಕ ಉಮೇಶತಯಾ ಯ ಏವ |
ಸತ್ಯಪ್ರಬೋಧ ಸುಖರೂಪತಯಾ ತ್ವರೂಪ-
-ವತ್ತ್ವೇ ನ ಚ ತ್ರಿಜಗದೀಶ ನಮೋ ನಮಸ್ತೇ || ೭ ||
ಜೀವತ್ರಯಂ ಭ್ರಮತಿ ವೈ ಯದವಿದ್ಯಯೈವ
ಸಂಸಾರಚಕ್ರ ಇಹ ದುಸ್ತರ ದುಃಖಹೇತೌ |
ಯದ್ವಿದ್ಯಯೈವ ನಿಜಬೋಧರತಂ ಸ್ವವಶ್ಯಾ
ವಿದ್ಯಂ ಚ ತದ್ಭವತಿ ಸಾಂಬ ನಮೋ ನಮಸ್ತೇ || ೭ ||
ಇತಿ ಶ್ರೀವ್ಯಾಸಕೃತ ಶ್ರೀ ದಕ್ಷಿಣಾಮೂರ್ತ್ಯಷ್ಟಕಮ್ |
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ. ಇನ್ನಷ್ಟು ಶ್ರೀ ದಕ್ಷಿಣಾಮೂರ್ತಿ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
