Read in తెలుగు / ಕನ್ನಡ / தமிழ் / देवनागरी / English (IAST)
ನಾರಾಯಣಾಂಘ್ರಿ ಜಲಜದ್ವಯ ಸಕ್ತಚಿತ್ತಂ
ಶ್ರುತ್ಯರ್ಥಸಂಪದನುಕಂಪಿತ ಚಾರುಕೀರ್ತಿಮ್ |
ವಾಲ್ಮೀಕಿಮುಖ್ಯಮುನಿಭಿಃ ಕೃತವಂದನಾಢ್ಯಂ
ಶಾಂತಂ ಸದಾ ವಿಖನಸಂ ಮುನಿಮಾಶ್ರಯಾಮಿ || ೧ ||
ಲಕ್ಷ್ಮೀಪತೇಃ ಪ್ರಿಯಸುತಂ ಲಲಿತಪ್ರಭಾವಂ
ಮಂತ್ರಾರ್ಥತತ್ತ್ವರಸಿಕಂ ಕರುಣಾಂಬುರಾಶಿಮ್ |
ಭಕ್ತಾಽನುಕೂಲಹೃದಯಂ ಭಪಬಂಧನಾಶಂ
ಶಾಂತಂ ಸದಾ ವಿಖನಸಂ ಮುನಿಮಾಶ್ರಯಾಮಿ || ೨ ||
ಶ್ರೀವಾಸುದೇವಚರಣಾಂಬುಜಭೃಂಗರಾಜಂ
ಕಾಮಾದಿದೋಷದಮನಂ ಪರವಿಷ್ಣುರೂಪಮ್ |
ವೈಖಾನಸಾರ್ಚಿತಪದಂ ಪರಮಂ ಪವಿತ್ರಂ
ಶಾಂತಂ ಸದಾ ವಿಖನಸಂ ಮುನಿಮಾಶ್ರಯಾಮಿ || ೩ ||
ಭೃಗ್ವಾದಿಶಿಷ್ಯಮುನಿಸೇವಿತಪಾದಪದ್ಮಂ
ಯೋಗೀಶ್ವರೇಶ್ವರಗುರುಂ ಪರಮಂ ದಯಾಳುಮ್ |
ಪಾಪಾಪಹಂ ಭಗದರ್ಪಿತಚಿತ್ತವೃತ್ತಿಂ
ಶಾಂತಂ ಸದಾ ವಿಖನಸಂ ಮುನಿಮಾಶ್ರಯಾಮಿ || ೪ ||
ಕಂಠಾವಲಗ್ನತುಲಸೀನಳಿನಾಕ್ಷಮಾಲಾ
ಕಾಂತಿಪ್ರಕಾಶವಿಲಸದ್ಘನಪೀನವತ್ಸಮ್ |
ಸ್ಮೇರಾನನಾಂಬುಜ ಲಸದ್ಧವಳೋರ್ಧ್ವಪುಂಡ್ರಂ
ಶಾಂತಂ ಸದಾ ವಿಖನಸಂ ಮುನಿಮಾಶ್ರಯಾಮಿ || ೫ ||
ವೇದಾಂತವೇದ್ಯಮಖಿಲಾರ್ಥವಿದಾಂ ವರಿಷ್ಠಂ
ಶ್ರೀಕಾಂತಪಾದಸರಸೀರುಹಲಗ್ನಚಿತ್ತಮ್ |
ಕೇಯೂರಹಾರಮಣಿರಾಜವಿಭೂಷಿತಾಂಗಂ
ಶಾಂತಂ ಸದಾ ವಿಖನಸಂ ಮುನಿಮಾಶ್ರಯಾಮಿ || ೬ ||
ಕಾಷಾಯವಸ್ತ್ರಕಮನೀಯಜಟಾಕಲಾಪಂ
ದಂಡತ್ರಯೋಜ್ಜ್ವಲಕರಂ ವಿಮಲೋಪವೀತಮ್ |
ಲೋಕಾವಲೋಕನಕರಂ ವಿಗಳದ್ವಿಚಾರಂ
ಶಾಂತಂ ಸದಾ ವಿಖನಸಂ ಮುನಿಮಾಶ್ರಯಾಮಿ || ೭ ||
ಸ್ವಾಬದ್ಧಸೂತ್ರಗತವಿಷ್ಣುಬಲಿಪ್ರಮೇಯಾ-
-ದಾಗರ್ಭವೈಷ್ಣವಮುಪಾದಿಶದಾದರಾದ್ಯಃ |
ತತ್ತಾದೃಶಂ ಬುಧವಶಂ ವಿನಿಪಾತಿತಾಶಂ
ಶಾಂತಂ ಸದಾ ವಿಖನಸಂ ಮುನಿಮಾಶ್ರಯಾಮಿ || ೮ ||
ಏವಂ ಪರಂ ವಿಖನಸಾಷ್ಟಕಮಾತ್ಮನಾ ಯೇ
ಶೃಣ್ವಂತಿ ಚಾತ್ಮನಿ ಪಠಂತಿ ಮಹಾದರೇಣ
ತಾನ್ಮುಕ್ತದೋಷ ನಿಚಯಾನಪವರ್ಗಯೋಗ್ಯಾನ್
ಸಂಪ್ರೀತ ಆಶು ತನುಯಾತ್ಕಮಲಾ ಸುಪುತ್ರಃ || ೯ ||
ಇತಿ ಶ್ರೀ ವಿಖನಸಾಷ್ಟಕಮ್ ||
ಇನ್ನಷ್ಟು ಶ್ರೀ ವಿಖನಸ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
