Read in తెలుగు / ಕನ್ನಡ / தமிழ் / देवनागरी / English (IAST)
నారాయణాంఘ్రి జలజద్వయ సక్తచిత్తం
శ్రుత్యర్థసంపదనుకంపిత చారుకీర్తిమ్ |
వాల్మీకిముఖ్యమునిభిః కృతవందనాఢ్యం
శాంతం సదా విఖనసం మునిమాశ్రయామి || ౧ ||
లక్ష్మీపతేః ప్రియసుతం లలితప్రభావం
మంత్రార్థతత్త్వరసికం కరుణాంబురాశిమ్ |
భక్తాఽనుకూలహృదయం భపబంధనాశం
శాంతం సదా విఖనసం మునిమాశ్రయామి || ౨ ||
శ్రీవాసుదేవచరణాంబుజభృంగరాజం
కామాదిదోషదమనం పరవిష్ణురూపమ్ |
వైఖానసార్చితపదం పరమం పవిత్రం
శాంతం సదా విఖనసం మునిమాశ్రయామి || ౩ ||
భృగ్వాదిశిష్యమునిసేవితపాదపద్మం
యోగీశ్వరేశ్వరగురుం పరమం దయాళుమ్ |
పాపాపహం భగదర్పితచిత్తవృత్తిం
శాంతం సదా విఖనసం మునిమాశ్రయామి || ౪ ||
కంఠావలగ్నతులసీనళినాక్షమాలా
కాంతిప్రకాశవిలసద్ఘనపీనవత్సమ్ |
స్మేరాననాంబుజ లసద్ధవళోర్ధ్వపుండ్రం
శాంతం సదా విఖనసం మునిమాశ్రయామి || ౫ ||
వేదాంతవేద్యమఖిలార్థవిదాం వరిష్ఠం
శ్రీకాంతపాదసరసీరుహలగ్నచిత్తమ్ |
కేయూరహారమణిరాజవిభూషితాంగం
శాంతం సదా విఖనసం మునిమాశ్రయామి || ౬ ||
కాషాయవస్త్రకమనీయజటాకలాపం
దండత్రయోజ్జ్వలకరం విమలోపవీతమ్ |
లోకావలోకనకరం విగళద్విచారం
శాంతం సదా విఖనసం మునిమాశ్రయామి || ౭ ||
స్వాబద్ధసూత్రగతవిష్ణుబలిప్రమేయా-
-దాగర్భవైష్ణవముపాదిశదాదరాద్యః |
తత్తాదృశం బుధవశం వినిపాతితాశం
శాంతం సదా విఖనసం మునిమాశ్రయామి || ౮ ||
ఏవం పరం విఖనసాష్టకమాత్మనా యే
శృణ్వంతి చాత్మని పఠంతి మహాదరేణ
తాన్ముక్తదోష నిచయానపవర్గయోగ్యాన్
సంప్రీత ఆశు తనుయాత్కమలా సుపుత్రః || ౯ ||
ఇతి శ్రీ విఖనసాష్టకమ్ ||
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
