Read in తెలుగు / ಕನ್ನಡ / தமிழ் / देवनागरी / English (IAST)
nārāyaṇāṅghri jalajadvaya saktacittaṁ
śrutyarthasampadanukampita cārukīrtim |
vālmīkimukhyamunibhiḥ kr̥tavandanāḍhyaṁ
śāntaṁ sadā vikhanasaṁ munimāśrayāmi || 1 ||
lakṣmīpatēḥ priyasutaṁ lalitaprabhāvaṁ
mantrārthatattvarasikaṁ karuṇāmburāśim |
bhaktā:’nukūlahr̥dayaṁ bhapabandhanāśaṁ
śāntaṁ sadā vikhanasaṁ munimāśrayāmi || 2 ||
śrīvāsudēvacaraṇāmbujabhr̥ṅgarājaṁ
kāmādidōṣadamanaṁ paraviṣṇurūpam |
vaikhānasārcitapadaṁ paramaṁ pavitraṁ
śāntaṁ sadā vikhanasaṁ munimāśrayāmi || 3 ||
bhr̥gvādiśiṣyamunisēvitapādapadmaṁ
yōgīśvarēśvaraguruṁ paramaṁ dayālum |
pāpāpahaṁ bhagadarpitacittavr̥ttiṁ
śāntaṁ sadā vikhanasaṁ munimāśrayāmi || 4 ||
kaṇṭhāvalagnatulasīnalinākṣamālā
kāntiprakāśavilasadghanapīnavatsam |
smērānanāmbuja lasaddhavalōrdhvapuṇḍraṁ
śāntaṁ sadā vikhanasaṁ munimāśrayāmi || 5 ||
vēdāntavēdyamakhilārthavidāṁ variṣṭhaṁ
śrīkāntapādasarasīruhalagnacittam |
kēyūrahāramaṇirājavibhūṣitāṅgaṁ
śāntaṁ sadā vikhanasaṁ munimāśrayāmi || 6 ||
kāṣāyavastrakamanīyajaṭākalāpaṁ
daṇḍatrayōjjvalakaraṁ vimalōpavītam |
lōkāvalōkanakaraṁ vigaladvicāraṁ
śāntaṁ sadā vikhanasaṁ munimāśrayāmi || 7 ||
svābaddhasūtragataviṣṇubalipramēyā-
-dāgarbhavaiṣṇavamupādiśadādarādyaḥ |
tattādr̥śaṁ budhavaśaṁ vinipātitāśaṁ
śāntaṁ sadā vikhanasaṁ munimāśrayāmi || 8 ||
ēvaṁ paraṁ vikhanasāṣṭakamātmanā yē
śr̥ṇvanti cātmani paṭhanti mahādarēṇa
tānmuktadōṣa nicayānapavargayōgyān
samprīta āśu tanuyātkamalā suputraḥ || 9 ||
iti śrī vikhanasāṣṭakam ||
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
