Read in తెలుగు / ಕನ್ನಡ / தமிழ் / देवनागरी / English (IAST)
ಬ್ರಹ್ಮೋವಾಚ |
ನಂದಿಕೇಶ್ವರ ಸರ್ವಜ್ಞ ಭಕ್ತಾನುಗ್ರಹಕಾರಕ |
ಋದ್ಧಿಸಿದ್ಧಿಪ್ರದಂ ನೄಣಾಂ ಸರ್ವದೋಷನಿಷೂದನಮ್ || ೧ ||
ಸರ್ವಸಿದ್ಧಿಕರಂ ಪುಂಸಾಂ ಸರ್ವಕಾಮಾರ್ಥಸಾಧನಮ್ |
ಆಧಿವ್ಯಾಧಿಹರಂ ಕೇನ ಕೇನ ವಾ ಮೃತ್ಯುನಾಶನಮ್ |
ವಕ್ತುಮರ್ಹಸಿ ದೇವೇಶ ನಂದಿಕೇಶ ಸುರೋತ್ತಮ || ೨ ||
ಶ್ರೀನಂದಿಕೇಶ್ವರೋವಾಚ |
ಶೃಣು ಬ್ರಹ್ಮನ್ ಪ್ರವಕ್ಷ್ಯಾಮಿ ಗುಹ್ಯಾದ್ಗುಹ್ಯತರಂ ಮಹತ್ |
ಸರ್ವಸಕ್ತಹಿತಾರ್ಥಾಯ ಕಥಿತಾ ಕಮಲಾಸನೇ || ೩ || [ಭಕ್ತ]
ಸಮಸ್ತಕಲಹಧ್ವಂಸೀ ಲೋಕಸ್ಯ ಲೋಕವಲ್ಲಭಾ |
ಜಲಜಾಃ ಸ್ಥಲಜಾಶ್ಚೈವ ವನಜಾ ವ್ಯೋಮಜಾಸ್ತಥಾ || ೪ ||
ಕೃತ್ರಿಮಾ ದೋಷಜಾಶ್ಚಾಪಿ ಭ್ರಾಂತಭ್ರಾಂತಿವಿನಾಶನಮ್ |
ಅಪಸ್ಮಾರಗ್ರಹೋನ್ಮಾದಜಲೋನ್ಮತ್ತಪಿಶಾಚಕಾಃ || ೫ ||
ದುಃಖಪ್ರಣಾಶನಂ ನಿತ್ಯಂ ಸುಖಂ ಪ್ರಪ್ರಾಪ್ಯತೇ ವಿಧಿಃ | [ಸಂಪ್ರಾಪ್ಯತೇ]
ಇದಂ ಸ್ತೋತ್ರಂ ನ ಜಾನಂತಿ ವಾಗ್ದೇವೀಸ್ಮರಣೇ ಯದಿ || ೬ ||
ನ ತತ್ಸಿದ್ಧಿಮವಾಪ್ನೋತಿ ವರ್ಷಕೋಟಿಶತೈರಪಿ |
ಸರ್ವಂ ಸರಸ್ವತೀನಾಮ್ನಾಂ ಸದಾಶಿವಋಷಿಃ ಸ್ಮೃತಃ || ೭ ||
ಛಂದೋಽನುಷ್ಟುಪ್ ತಥಾ ಬೀಜಂ ವಾಗ್ಭವಂ ಶಕ್ತಿ ಕೀಲಕಮ್ |
ರಕಾರಂ ಸರ್ವಕಾಮಾರ್ಥಂ ವಿನಿಯೋಗಃ ಪ್ರಕೀರ್ತಿತಾಃ || ೮ ||
ಅಥ ಧ್ಯಾನಂ –
ಶುಭ್ರಾಂ ಸ್ವಚ್ಛವಿಲೇಪಮಾಲ್ಯವಸನಾಂ ಶೀತಾಂಶುಖಂಡೋಜ್ಜ್ವಲಾಂ
ವ್ಯಾಖ್ಯಾಮಕ್ಷಗುಣಂ ಸುಧಾಬ್ಜಕಲಶಂ ವಿದ್ಯಾಂ ಚ ಹಸ್ತಾಂಬುಜೈಃ |
ವಿಭ್ರಾಣಾಂ ಕಮಲಾಸನಾ ಕುಚನತಾಂ ವಾಗ್ದೇವತಾಂ ಸುಸ್ಮಿತಾಂ
ವಾಗ್ದೇವೀಂ ವಿಭವಪ್ರದಾಂ ತ್ರಿನಯನಾಂ ಸೌಭಾಗ್ಯಸಂಪತ್ಕರೀಮ್ || [ವಂದೇ ಯಾ]
ಅಥ ಸ್ತೋತ್ರಂ –
ಓಂ ಶ್ರೀವಾಗ್ವಾದಿನೀ ವಾಣೀ ವಾಗೀಶ್ವರೀ ಸರಸ್ವತೀ |
ವಾಚಾ ವಾಚಾಮತೀ ವಾಕ್ಯಾ ವಾಗ್ದೇವೀ ಬಾಲಸುಂದರೀ || ೧ ||
ವಚಸಾ ವಾಚಯಿಷ್ಯಾ ಚ ವಲ್ಲಭಾ ವಿಷ್ಣುವಲ್ಲಭಾ |
ಬಾಲರೂಪಾ ಸತೀ ವೃದ್ಧಾ ವನಮಾಲೀ ವನೇಶ್ವರೀ || ೨ ||
ವಲಿಧ್ವಂಸಪ್ರಿಯಾ ವೇದಾ ವರದಾ ವರವರ್ಧಿನೀ |
ಬ್ರಾಹ್ಮೀ ಸರಸ್ವತೀ ವಿದ್ಯಾ ಬ್ರಹ್ಮಾಣುಜ್ಞಾನಗೋಚರೀ || ೩ || [ಬ್ರಹ್ಮಾಂಡಜ್ಞಾನ]
ಬ್ರಹ್ಮನಾಡೀ ಬ್ರಹ್ಮಜ್ಞಾನೀ ವ್ರತೀ ವ್ರತಪ್ರಿಯಾ ವ್ರತಾ |
ಬ್ರಹ್ಮಚಾರೀ ಬುದ್ಧಿರೂಪೀ ಬುದ್ಧಿದಾ ಬುದ್ಧಿದಾಯಕಾ || ೪ ||
ಬುದ್ಧಿಃ ಪ್ರಜ್ಞಾ ಬುದ್ಧಿಮತೀ ಬುದ್ಧಿಶ್ರೀ ಬುದ್ಧಿವರ್ಧಿನೀ |
ವಾರಾಹೀ ವಾರುಣೀ ವ್ಯಕ್ತಾ ವೇಣುಹಸ್ತಾ ಬಲೀಯಸೀ || ೫ ||
ವಾಮಮಾರ್ಗರತಾ ದೇವೀ ವಾಮಾಚಾರರಸಪ್ರಿಯಾ |
ವಾಮಸ್ಥಾ ವಾಮರೂಪಾ ಚ ವರ್ಧಿನೀ ವಾಮಲೋಚನಾ || ೬ ||
ವಿಶ್ವವ್ಯಾಪೀ ವಿಶ್ವರೂಪಾ ವಿಶ್ವಸ್ಥಾ ವಿಶ್ವಮೋಹಿನೀ |
ವಿಂಧ್ಯಸ್ಥಾ ವಿಂಧ್ಯನಿಲಯಾ ವಿಂದುದಾ ವಿಂದುವಾಸಿನೀ || ೭ ||
ವಕ್ತ್ರಸ್ಥಾ ವಕ್ತ್ರರೂಪಾ ಚ ವಿಜ್ಞಾನಜ್ಞಾನದಾಯಿನೀ |
ವಿಘ್ನಹರ್ತ್ರೀ ವಿಘ್ನದಾತ್ರೀ ವಿಘ್ನರಾಜಸ್ಯ ವಲ್ಲಭಾ || ೮ ||
ವಾಸುದೇವಪ್ರಿಯಾ ದೇವೀ ವೇಣುದತ್ತಬಲಪ್ರದಾ |
ಬಲಭದ್ರಸ್ಯ ವರದಾ ಬಲಿರಾಜಪ್ರಪೂಜಿತಾ || ೯ ||
ವಾಕ್ಯಂ ವಾಚಮತೀ ಬ್ರಾಹ್ಮೀ ವಾಗ್ಭವಾನೀ ವಿಧಾಯಿಕಾ |
ವಾಯುರೂಪಾ ಚ ವೇಗೀಶಾ ವೇಗಸ್ಥಾ ವೇಗಚಾರಿಣೀ || ೧೦ ||
ಬ್ರಹ್ಮಮೂರ್ತಿರ್ವಾಙ್ಮಯೀ ಚ ವಾರ್ತಾಜ್ಞಾ ವಾಙ್ಮಯೇಶ್ವರೀ |
ಬಂಧಮೋಕ್ಷಪ್ರದಾ ದೇವೀ ಬ್ರಹ್ಮನಾದಸ್ವರೂಪಿಣೀ || ೧೧ ||
ವಸುಂಧರಾಸ್ಥಿತಾ ದೇವೀ ವಸುಧಾರಸ್ವರೂಪಿಣೀ |
ವರ್ಗರೂಪಾ ವೇಗಧಾತ್ರೀ ವನಮಾಲಾವಿಭೂಷಣಾ || ೧೨ ||
ವಾಗ್ದೇವೇಶ್ವರಕಂಠಸ್ಥಾ ವೇದ್ಯಾ ವಿಬುಧವಂದಿತಾ |
ವಿದ್ಯುತ್ಪ್ರಭಾ ವಿಂದುಮತೀ ವಾಂಛಿತಾ ವೀರವಂದಿತಾ || ೧೩ ||
ವಹ್ನಿಜ್ವಾಲಾ ವಹ್ನಿಮುಖೀ ವಿಶ್ವವ್ಯಾಪೀ ವಿಶಾಲದಾ |
ವಿದ್ಯಾರೂಪಾ ಚ ಶ್ರೀವಿದ್ಯಾ ವಿದ್ಯಾಧರಪ್ರಪೂಜಿತಾ || ೧೪ ||
ವಿದ್ಯಾಸ್ಥಾ ವಿದ್ಯಯಾ ದೇವೀ ವಿದ್ಯಾದೇವೀ ವಿಷಪ್ರಹಾ |
ವಿಷಘ್ನೀ ವಿಷದೋಷಘ್ನೀ ವೃಕ್ಷಮೂಲಪ್ರತಿಷ್ಠಿತಾ || ೧೫ ||
ವೃಕ್ಷರೂಪೀ ಚ ವೃಕ್ಷೇಶೀ ವೃಕ್ಷಫಲಪ್ರದಾಯಕಾ |
ವಿವಿಧೌಷಧಸಂಪನ್ನಾ ವಿವಿಧೋತ್ಪಾತನಾಶಿನೀ || ೧೬ ||
ವಿಧಿಜ್ಞಾ ವಿವಿಧಾಕಾರಾ ವಿಶ್ವಗರ್ಭಾ ವನೇಶ್ವರೀ |
ವಿಶ್ವೇಶ್ವರೀ ವಿಶ್ವಯೋನೀರ್ವಿಶ್ವಮಾತಾ ವಿಧಿಪ್ರಿಯಾ || ೧೭ ||
ವಿಭೂತಿರೂಪಾ ವೈಭೂತೀ ವಂಶೀ ವಂಶೀಧರಪ್ರಿಯಾ |
ವಿಶಾಲಲೋಚನೀ ದೇವೀ ವಿತ್ತದಾ ಚ ವರಾನನಾ || ೧೮ ||
ವಾಯುಮಂಡಲಸಂಸ್ಥಾ ಚ ವಹ್ನಿಮಂಡಲಸಂಸ್ಥಿತಾ |
ಗಂಗಾದೇವೀ ಚ ಗಂಗಾ ಚ ಗುಣಾದಾತ್ರೀ ಗುಣಾತ್ಮಿಕಾ || ೧೯ ||
ಗುಣಾಶ್ರಯಾ ಗುಣವತೀ ಗುಣಶೀಲಸಮನ್ವಿತಾ |
ಗರ್ಭಪ್ರದಾ ಗರ್ಭದಾತ್ರೀ ಗರ್ಭರಕ್ಷಾಪ್ರದಾಯಿನೀ || ೨೦ ||
ಗೀರೂಪಾ ಗೀಷ್ಮತೀ ಗೀತಾ ಗೀತಜ್ಞಾ ಗೀತವಲ್ಲಭಾ |
ಗಿರಿಧಾರಿಪ್ರಿಯಾ ದೇವೀ ಗಿರಿರಾಜಸುತಾ ಸತೀ || ೨೧ ||
ಗತಿದಾ ಗರ್ಭದಾ ಗರ್ಭಾ ಗಣಪೂಜ್ಯಾ ಗಣೇಶ್ವರೀ |
ಗಂಭೀರಾ ಗಹನಾ ಗುಹ್ಯಾ ಗಂಧರ್ವಗಣಸೇವಿತಾ || ೨೨ ||
ಗುಹ್ಯೇಶ್ವರೀ ಗುಹ್ಯಕಾಳೀ ಗುಪ್ತಮಾರ್ಗಪ್ರದಾಯಿನೀ |
ಗುರುಮೂರ್ತಿರ್ಗುರುಸ್ಥಾ ಚ ಗೋಚರಾ ಗೋಚರಪ್ರದಾ || ೨೩ ||
ಗೋಪಿನೀ ಗೋಪಿಕಾ ಗೌರೀ ಗೋಪಾಲಜ್ಞಾನತತ್ಪರಾ |
ಗೋರೂಪಾ ಗೋಮತೀದೇವೀ ಗೋವರ್ಧನಧರಪ್ರಿಯಾ || ೨೪ ||
ಗುಣದಾತ್ರೀ ಗುಣಶೀಲಾ ಗುಣರೂಪಾ ಗುಣೇಶ್ವರೀ |
ಗಾಯತ್ರೀರೂಪಾ ಗಾಂಧಾರೀ ಗಂಗಾಧರಪ್ರಿಯಾ ತಥಾ || ೨೫ ||
ಗಿರಿಕನ್ಯಾ ಗಿರಿಸ್ಥಾ ಚ ಗೂಢರೂಪಾ ಗೃಹೇ ಸ್ಥಿತಾ |
ಗೃಹೇ ಕ್ಲೇಶ ವಿಧ್ವಂಸಿನೀ ಗೃಹೇ ಕಲಹಭಂಜನೀ || ೨೬ ||
ಗಗನಾಡೀ ಗರ್ಭಜ್ಯೋತಿರ್ಗಗನಾಕಾರಶೋಭಿತಾ |
ಗಮಸಾಗಮಸ್ವರೂಪಾ ಚ ಗರುಡಾಸನವಲ್ಲಭಾ || ೨೭ ||
ಗಂಧರೂಪಾ ಗಂಧರೂಪೀ ಗಲಸ್ಥಾ ಗಲಗೋಚರಾ |
ಗಜೇಂದ್ರಗಾಮಿನೀದೇವೀ ಗ್ರಹನಕ್ಷತ್ರವಂದಿತಾ || ೨೮ ||
ಗೋಪಕನ್ಯಾ ಗೋಕುಲೇಶೀ ಗೋಪೀಚಂದನಲೇಪಿತಾ |
ದಯಾವತೀ ದುಃಖಹಂತ್ರೀ ದುಷ್ಟದಾರಿದ್ರ್ಯನಾಶಿನೀ || ೨೯ ||
ದಿವ್ಯದೇಹಾ ದಿವ್ಯಮುಖೀ ದಿವ್ಯಚಂದನಲೇಪಿತಾ |
ದಿವ್ಯವಸ್ತ್ರಪರೀಧಾನಾ ದಂಭಲೋಭವಿವರ್ಜಿತಾ || ೩೦ ||
ದಾತಾ ದಾಮೋದರಪ್ರೀತಾ ದಾಮೋದರಪರಾಯಣಾ |
ದನುಜೇಂದ್ರವಿನಾಶೀ ಚ ದಾನವಾಗಣಸೇವಿತಾ || ೩೧ ||
ದುಷ್ಕೃತಘ್ನೀ ದೂರಗಾಮೀ ದುರ್ಮತಿದುಃಖನಾಶಿನೀ |
ದಾವಾಗ್ನಿರೂಪಿಣೀದೇವೀ ದಶಗ್ರೀವವರಪ್ರದಾ || ೩೨ ||
ದಯಾನದೀ ದಯಾಶೀಲಾ ದಾನಶೀಲಾ ಚ ದರ್ಶಿನೀ |
ದೃಢದೇವೀ ದೃಢದೃಷ್ಟೀ ದುಗ್ಧಪ್ರಾಪನತತ್ಪರಾ || ೩೩ ||
ದುಗ್ಧವರ್ಣಾ ದುಗ್ಧಪ್ರಿಯಾ ದಧಿದುಗ್ಧಪ್ರದಾಯಕಾ |
ದೇವಕೀ ದೇವಮಾತಾ ಚ ದೇವೇಶೀ ದೇವಪೂಜಿತಾ || ೩೪ ||
ದೇವೀಮೂರ್ತಿರ್ದಯಾಮೂರ್ತಿರ್ದೋಷಹಾ ದೋಷನಾಶಿನೀ |
ದೋಷಘ್ನೀ ದೋಷದಮನೀ ದೋಲಾಚಲಪ್ರತಿಷ್ಠಿತಾ || ೩೫ ||
ದೈತ್ಯಹಾ ದೈತ್ಯಹಂತ್ರೀ ಚ ದೇವಾರಿಗಣಮರ್ದಿನೀ |
ದಂಭಕೃದ್ದಂಭನಾಶೀ ಚ ದಾಡಿಮೀಪುಷ್ಪವಲ್ಲಭಾ || ೩೬ ||
ದಶನಾ ದಾಡಿಮಾಕಾರಾ ದಾಡಿಮೀಕುಸುಮಪ್ರಭಾ |
ದಾಸೀವರಪ್ರದಾ ದೀಕ್ಷಾ ದೀಕ್ಷಿತಾ ದೀಕ್ಷಿತೇಶ್ವರೀ || ೩೭ ||
ದಿಲೀಪರಾಜಬಲದಾ ದಿನರಾತ್ರಿಸ್ವರೂಪಿಣೀ |
ದಿಗಂಬರೀ ದೀಪ್ತತೇಜಾ ಡಮರೂಭುಜಧಾರಿಣೀ || ೩೮ ||
ದ್ರವ್ಯರೂಪೀ ದ್ರವ್ಯಕರೀ ದಶರಥವರಪ್ರದಾ |
ಈಶ್ವರೀ ಈಶ್ವರಭಾರ್ಯಾ ಇಂದ್ರಿಯರೂಪಸಂಸ್ಥಿತಾ || ೩೯ ||
ಇಂದ್ರಪೂಜ್ಯಾ ಇಂದ್ರಮಾತಾ ಈಪ್ಸಿತ್ವಫಲದಾಯಕಾ |
ಇಂದ್ರಾಣೀ ಇಂಗಿತಜ್ಞಾ ಚ ಈಶಾನೀ ಈಶ್ವರಪ್ರಿಯಾ || ೪೦ ||
ಇಷ್ಟಮೂರ್ತೀ ಇಹೈವಸ್ಥಾ ಇಚ್ಛಾರೂಪಾ ಇಹೇಶ್ವರೀ |
ಇಚ್ಛಾಶಕ್ತಿ ಈಶ್ವರಸ್ಥಾ ಇಲ್ವದೈತ್ಯನಿಷೂದಿನೀ || ೪೧ ||
ಇತಿಹಾಸಾದಿಶಾಸ್ತ್ರಜ್ಞಾ ಇಚ್ಛಾಚಾರೀಸ್ವರೂಪಿಣೀ |
ಈಕಾರಾಕ್ಷರರೂಪಾ ಚ ಇಂದ್ರಿಯವರವರ್ಧಿನೀ || ೪೨ ||
ಇಂದ್ರಲೋಕನಿವಾಸಿನ್ಯೋ ಈಪ್ಸಿತಾರ್ಥಪ್ರದಾಯಿನೀ |
ನಾರೀ ನಾರಾಯಣಪ್ರೀತಾ ನಾರಸಿಂಹೀ ನರೇಶ್ವರೀ || ೪೩ ||
ನರ್ಮದಾ ನಂದಿನೀರೂಪಾ ನರ್ತಕೀ ನಗನಂದಿನೀ |
ನಾರಾಯಣಪ್ರಿಯಾ ನಿತ್ಯಂ ನಾನಾವಿದ್ಯಾಪ್ರದಾಯಿನೀ || ೪೪ ||
ನಾನಾಶಾಸ್ತ್ರಧರೀದೇವೀ ನಾನಾಪುಷ್ಪಸುಶೋಭಿತಾ |
ನಯನತ್ರಯರೂಪಾ ಚ ನೃತ್ಯನಾಥಸ್ಯವಲ್ಲಭಾ || ೪೫ ||
ನದೀರೂಪಾ ನೃತ್ಯರೂಪಾ ನಾಗರೀ ನಗರೇಶ್ವರೀ |
ನಾನಾರ್ಥದಾತಾ ನಳಿನೀ ನಾರದಾದಿಪ್ರಪೂಜಿತಾ || ೪೬ ||
ನತಾರಂಭೇಶ್ವರೀದೇವೀ ನೀತಿಜ್ಞಾ ಚ ನಿರಂಜನೀ |
ನಿತ್ಯಸಿಂಹಾಸನಸ್ಥಾ ಚ ನಿತ್ಯಕಲ್ಯಾಣಕಾರಿಣೀ || ೪೭ ||
ನಿತ್ಯಾನಂದಕರೀ ದೇವೀ ನಿತ್ಯಸಿದ್ಧಿಪ್ರದಾಯಕಾ |
ನೇತ್ರಪದ್ಮದಳಾಕಾರಾ ನೇತ್ರತ್ರಯಸ್ವರೂಪಿಣೀ || ೪೮ ||
ನೌಮೀದೇವೀನಾಮಮಾತ್ರಾ ನಕಾರಾಕ್ಷರರೂಪಿಣೀ |
ನಂದಾ ನಿಂದ್ರಾ ಮಹಾನಿದ್ರಾ ನೂಪುರಪದಶೋಭಿತಾ || ೪೯ ||
ನಾಟಕೀ ನಾಟಕಾಧ್ಯಕ್ಷಾ ನರಾನಂದಪ್ರದಾಯಿಕಾ |
ನಾನಾಭರಣಸಂತುಷ್ಟಾನಾನಾರತ್ನವಿಭೂಷಣಾ || ೫೦ ||
ನರಕನಾಶಿನೀದೇವೀ ನಾಗಾಂತಕಸ್ಥಿತಾ ಪ್ರಿಯಾ |
ನೀತಿವಿದ್ಯಾಪ್ರದಾ ದೇವೀ ನ್ಯಾಯಶಾಸ್ತ್ರವಿಶಾರದೀ || ೫೧ ||
ನರಲೋಕಗತಾದೇವೀ ನರಕಾಸುರನಾಶಿನೀ |
ಅನಂತಶಕ್ತಿರೂಪಾ ಚ ನೈಮಿತ್ತಿಕಪ್ರಪೂಜಿತಾ || ೫೨ ||
ನಾನಾಶಸ್ತ್ರಧರಾದೇವೀ ನಾರಬಿಂದುಸ್ವರೂಪಿಣೀ |
ನಕ್ಷತ್ರರೂಪಾ ನಂದಿತಾ ನಗಸ್ಥಾ ನಗನಂದಿನೀ || ೫೩ ||
ಸಾರದಾ ಸರಿತಾರೂಪಾ ಸತ್ಯಭಾಮಾ ಸುರೇಶ್ವರೀ |
ಸರ್ವಾನಂದಕರೀದೇವೀ ಸರ್ವಾಭರಣಭೂಷಿತಾ || ೫೪ ||
ಸರ್ವವಿದ್ಯಾಧರಾದೇವೀ ಸರ್ವಶಾಸ್ತ್ರಸ್ವರೂಪಿಣೀ |
ಸರ್ವಮಂಗಳದಾತ್ರೀ ಚ ಸರ್ವಕಳ್ಯಾಣಕಾರಿಣೀ || ೫೫ ||
ಸರ್ವಜ್ಞಾ ಸರ್ವಭಾಗ್ಯಂ ಚ ಸರ್ವಸಂತುಷ್ಟಿದಾಯಕಾ |
ಸರ್ವಭಾರಧರಾದೇವೀ ಸರ್ವದೇಶನಿವಾಸಿನೀ || ೫೬ ||
ಸರ್ವದೇವಪ್ರಿಯಾದೇವೀ ಸರ್ವದೇವಪ್ರಪೂಜಿತಾ |
ಸರ್ವದೋಷಹರಾದೇವೀ ಸರ್ವಪಾತಕನಾಶಿನೀ || ೫೭ ||
ಸರ್ವಸಂಸಾರಸಾರಾಣಿ ಸರ್ವಸಂಕಷ್ಟನಾಶಿನೀ |
ಸರ್ವಕಲಹವಿಧ್ವಂಸೀ ಸರ್ವವಿದ್ಯಾಧಿದೇವತಾ || ೫೮ ||
ಸರ್ವಮೋಹನಕಾರೀ ಚ ಸರ್ವಮಂತ್ರಪ್ರಸಿದ್ಧಿದಾ |
ಸರ್ವತಂತ್ರಾತ್ಮಿಕಾದೇವೀ ಸರ್ವಯಂತ್ರಾಧಿದೇವತಾ || ೫೯ ||
ಸರ್ವಮಂಡಲಸಂಸ್ಥಾ ಚ ಸರ್ವಮಾಯಾವಿಮೋಹಿನೀ |
ಸರ್ವಹೃದಯವಾಸಿನ್ಯೋ ಸರ್ವಮಾತ್ಮಸ್ವರೂಪಿಣೀ || ೬೦ ||
ಸರ್ವಕಾರಣಕಾರೀ ಚ ಸರ್ವಶಾಂತಸ್ವರೂಪಿಣೀ |
ಸರ್ವಸಿದ್ಧಿಕರಸ್ಥಾ ಚ ಸರ್ವವಾಕ್ಯಸ್ವರೂಪಿಣೀ || ೬೧ ||
ಸರ್ವಾಧಾರಾ ನಿರಾಧಾರಾ ಸರ್ವಾಂಗಸುಂದರೀ ಸತೀ |
ಸರ್ವವೇದಮಯೀದೇವೀ ಸರ್ವಶಬ್ದಸ್ವರೂಪಿಣೀ || ೬೨ ||
ಸರ್ವಬ್ರಹ್ಮಾಂಡವ್ಯಾಪ್ತಾ ಚ ಸರ್ವಬ್ರಹ್ಮಾಂಡವಾಸಿನೀ |
ಸರ್ವಾಚಾರರತಾ ಸಾಧ್ವೀ ಸರ್ವಬೀಜಸ್ವರೂಪಿಣೀ || ೬೩ ||
ಸರ್ವೋನ್ಮಾದವಿಕಾರಘ್ನೀ ಸರ್ವಕಲ್ಮಷನಾಶಿನೀ |
ಸರ್ವದೇಹಗತಾದೇವೀ ಸರ್ವಯೋಗೇಶ್ವರೀ ಪರಾ || ೬೪ ||
ಸರ್ವಕಂಠಸ್ಥಿತಾ ನಿತ್ಯಂ ಸರ್ವಗರ್ಭಾಸುರಕ್ಷಕಾ |
ಸರ್ವಭಾವಾ ಪ್ರಭಾವಾದ್ಯಾ ಸರ್ವಲಕ್ಷ್ಮೀಪ್ರದಾಯಿಕಾ || ೬೫ ||
ಸರ್ವೈಶ್ವರ್ಯಪ್ರದಾ ದೇವೀ ಸರ್ವವಾಯುಸ್ವರೂಪಿಣೀ |
ಸುರಲೋಕಗತಾ ದೇವೀ ಸರ್ವಯೋಗೇಶ್ವರೀ ಪರಾ || ೬೬ ||
ಸರ್ವಕಂಠಸ್ಥಿತಾ ನಿತ್ಯಂ ಸುರಾಸುರವರಪ್ರದಾ |
ಸೂರ್ಯಕೋಟಿಪ್ರತೀಕಾಶಾ ಸೂರ್ಯಮಂಡಲಸಂಸ್ಥಿತಾ || ೬೭ ||
ಶೂನ್ಯಮಂಡಲಸಂಸ್ಥಾ ಚ ಸಾತ್ತ್ವಿಕೀ ಸತ್ಯದಾ ತಥಾ |
ಸರಿತಾ ಸರಿತಾಶ್ರೇಷ್ಠಾ ಸದಾಚಾರಸುಶೋಭಿತಾ || ೬೮ ||
ಸಾಕಿನೀ ಸಾಮ್ಯರೂಪಾ ಚ ಸಾಧ್ವೀ ಸಾಧುಜನಾಶ್ರಯಾ |
ಸಿದ್ಧಿದಾ ಸಿದ್ಧಿರೂಪಾ ಚ ಸಿದ್ಧಿಃ ಸಿದ್ಧಿವಿವರ್ಧಿನೀ || ೬೯ ||
ಶ್ರಿಯಕಳ್ಯಾಣದಾದೇವೀ ಸರ್ವಮೋಹಾಧಿದೇವತಾ |
ಸಿದ್ಧೇಶ್ವರೀ ಚ ಸಿದ್ಧಾತ್ಮಾ ಸರ್ವಮೇಧಾವಿವರ್ಧಿನೀ || ೭೦ ||
ಶಕ್ತಿರೂಪಾ ಚ ಶಕ್ತೇಶೀ ಶ್ಯಾಮಾ ಕಷ್ಟನಿಷೂದಿನೀ |
ಸರ್ವಭಕ್ಷಾ ಶಂಖಿನೀ ಚ ಸರಸಾಗತಕಾರಿಣೀ || ೭೧ ||
ಸರ್ವಪ್ರಣವರೂಪಾ ಚ ಸರ್ವ ಅಕ್ಷರರೂಪಿಣೀ |
ಸುಖದಾ ಸೌಖ್ಯದಾ ಭೋಗಾ ಸರ್ವವಿಘ್ನವಿದಾರಿಣೀ || ೭೨ ||
ಸಂತಾಪಹಾ ಸರ್ವಬೀಜಾ ಸಾವಿತ್ರೀ ಸುರಸುಂದರೀ |
ಶ್ರೀರೂಪಾ ಶ್ರೀಕರೀ ಶ್ರೀಶ್ಚ ಶಿಶಿರಾಚಲವಾಸಿನೀ || ೭೩ ||
ಶೈಲಪುತ್ರೀ ಶೈಲಧಾತ್ರೀ ಶರಣಾಗತವಲ್ಲಭಾ |
ರತ್ನೇಶ್ವರೀ ರತ್ನಪ್ರದಾ ರತ್ನಮಂದಿರವಾಸಿನೀ || ೭೪ ||
ರತ್ನಮಾಲಾವಿಚಿತ್ರಾಂಗೀ ರತ್ನಸಿಂಹಾಸನಸ್ಥಿತಾ |
ರಸಧಾರಾ ರಸರತಾ ರಸಜ್ಞಾ ರಸವಲ್ಲಭಾ || ೭೫ ||
ರಸಭೋಕ್ತ್ರೀ ರಸರೂಪಾ ಷಡ್ರಸಜ್ಞಾ ರಸೇಶ್ವರೀ | [ರಸಷಟ್ಜ್ಞಾ]
ರಸೇಂದ್ರಭೂಷಣಾ ನಿತ್ಯಂ ರತಿರೂಪಾ ರತಿಃಪ್ರದಾ || ೭೬ ||
ರಾಜ್ಯೇಶ್ವರೀ ರಾಕಿಣೀ ಚ ರಾವಣಾವರದಾಯಕಾ |
ರಾಮಕಾಂತಾ ರಾಮಪ್ರಿಯಾ ರಾಮಚಂದ್ರಸ್ಯ ವಲ್ಲಭಾ || ೭೭ ||
ರಾಕ್ಷಸಘ್ನೀ ರಾಜಮಾತಾ ರಾಧಾ ರುದ್ರೇಶ್ವರೀತಿ ಚ |
ರುಕ್ಮಿಣೀ ರಮಣೀ ರಾಮಾ ರಾಜ್ಯಭುಗ್ರಾಜ್ಯದಾಯಕಾ || ೭೮ ||
ರಕ್ತಾಂಬರಧರಾದೇವೀ ರಕಾರಾಕ್ಷರರೂಪಿಣೀ |
ರಾಸಿಸ್ಥಾ ರಾಮವರದಾ ರಾಜ್ಯದಾ ರಾಜ್ಯಮಂಡಿತಾ || ೭೯ ||
ರೋಗಹಾ ಲೋಭಹಾ ಲೋಲಾ ಲಲಿತಾ ಲಲಿತೇಶ್ವರೀ |
ತಂತ್ರಿಣೀ ತಂತ್ರರೂಪಾ ಚ ತತ್ತ್ವೀ ತತ್ತ್ವಸ್ವರೂಪಿಣೀ || ೮೦ ||
ತಪಸಾ ತಪಸೀ ತಾರಾ ತರುಣಾನಂಗರೂಪಿಣೀ |
ತತ್ತ್ವಜ್ಞಾ ತತ್ತ್ವನಿಲಯಾ ತತ್ತ್ವಾಲಯನಿವಾಸಿನೀ || ೮೧ ||
ತಮೋಗುಣಪ್ರದಾದೇವೀ ತಾರಿಣೀ ತಂತ್ರದಾಯಿಕಾ |
ತಕಾರಾಕ್ಷರರೂಪಾ ಚ ತಾರಕಾಭಯಭಂಜನೀ || ೮೨ ||
ತೀರ್ಥರೂಪಾ ತೀರ್ಥಸಂಸ್ಥಾ ತೀರ್ಥಕೋಟಿಫಲಪ್ರದಾ |
ತೀರ್ಥಮಾತಾ ತೀರ್ಥಜ್ಯೇಷ್ಠಾ ತರಂಗತೀರ್ಥದಾಯಕಾ || ೮೩ ||
ತ್ರೈಲೋಕ್ಯಜನನೀದೇವೀ ತ್ರೈಲೋಕ್ಯಭಯಭಂಜನೀ |
ತುಲಸೀ ತೋತಲಾ ತೀರ್ಥಾ ತ್ರಿಪುರಾ ತ್ರಿಪುರೇಶ್ವರೀ || ೮೪ ||
ತ್ರೈಲೋಕ್ಯಪಾಲಕಧ್ವಂಸೀ ತ್ರಿವರ್ಗಫಲದಾಯಕಾ |
ತ್ರಿಕಾಲಜ್ಞಾ ತ್ರಿಲೋಕೇಶೀ ತೃತೀಯಜ್ವರನಾಶಿನೀ || ೮೫ ||
ತ್ರಿನೇತ್ರಧಾರೀ ತ್ರಿಗುಣಾ ತ್ರಿಸುಗಂಧಿವಿಲೇಪಿನೀ |
ತ್ರಿಲೋಹದಾತ್ರೀ ಗಂಭೀರಾ ತಾರಾಗಣವಿಲಾಸಿನೀ || ೮೬ ||
ತ್ರಯೋದಶಗುಣೋಪೇತಾ ತುರೀಯಮೂರ್ತಿರೂಪಿಣೀ |
ತಾಂಡವೇಶೀ ತುಂಗಭದ್ರಾ ತುಷ್ಟಿಸ್ತ್ರೇತಾಯುಗಪ್ರಿಯಾ || ೮೭ ||
ತರಂಗಿಣೀ ತರಂಗಸ್ಥಾ ತಪೋಲೋಕನಿವಾಸಿನೀ |
ತಪ್ತಕಾಂಚನವರ್ಣಾಭಾ ತಪಃಸಿದ್ಧಿವಿಧಾಯಿನೀ || ೮೮ ||
ತ್ರಿಶಕ್ತಿಸ್ತ್ರಿಮಧುಪ್ರೀತಾ ತ್ರಿವೇಣೀ ತ್ರಿಪುರಾಂತಕಾ |
ಪದ್ಮಸ್ಥಾ ಪದ್ಮಹಸ್ತಾ ಚ ಪರತ್ರಫಲದಾಯಕಾ || ೮೯ ||
ಪರಮಾತ್ಮಾ ಪದ್ಮವರ್ಣಾ ಪರಾಪರತರಾಶುಭಾ |
ಪರಮೇಷ್ಠೀ ಪರಂಜ್ಯೋತಿಃ ಪವಿತ್ರಾ ಪರಮೇಶ್ವರೀ || ೯೦ ||
ಪಾರಕರ್ತ್ರೀ ಪಾಪಹಂತ್ರೀ ಪಾತಕೌಘವಿನಾಶಿನೀ |
ಪರಮಾನಂದದಾದೇವೀ ಪ್ರೀತಿದಾ ಪ್ರೀತಿವರ್ಧಿನೀ || ೯೧ ||
ಪುಣ್ಯನಾಮ್ನೀ ಪುಣ್ಯದೇಹಾ ಪುಷ್ಟಿಪುಸ್ತಕಧಾರಿಣೀ |
ಪುತ್ರದಾತ್ರೀ ಪುತ್ರಮಾತಾ ಪುರುಷಾರ್ಥಪುರೇಶ್ವರೀ || ೯೨ ||
ಪೌರ್ಣಿಮಾಪುಣ್ಯಫಲದಾ ಪಂಕಜಾಸನಸಂಸ್ಥಿತಾ |
ಪೃಥ್ವೀರೂಪಾ ಚ ಪೃಥಿವೀ ಪೀತಾಂಬರಸ್ಯ ವಲ್ಲಭಾ || ೯೩ ||
ಪಾಠಾದೇವೀ ಚ ಪಠಿತಾ ಪಾಠೇಶೀ ಪಾಠವಲ್ಲಭಾ |
ಪನ್ನಗಾಂತಕಸಂಸ್ಥಾ ಚ ಪರಾರ್ಧಾಂಗೋಶ್ಚ ಪದ್ಧತೀ || ೯೪ ||
ಹಂಸಿನೀ ಹಾಸಿನೀದೇವೀ ಹರ್ಷರೂಪಾ ಚ ಹರ್ಷದಾ |
ಹರಿಪ್ರಿಯಾ ಹೇಮಗರ್ಭಾ ಹಂಸಸ್ಥಾ ಹಂಸಗಾಮಿನೀ || ೯೫ ||
ಹೇಮಾಲಂಕಾರಸರ್ವಾಂಗೀ ಹೈಮಾಚಲನಿವಾಸಿನೀ |
ಹುತ್ವಾ ಹಸಿತದೇಹಾ ಚ ಹಾಹಾಹೂಹೂಸದಾಪ್ರಿಯಾ || ೯೬ ||
ಹಂಸರೂಪಾ ಹಂಸವರ್ಣಾ ಹಿತಾ ಲೋಕತ್ರಯೇಶ್ವರೀ |
ಹುಂಕಾರನಾದಿನೀದೇವೀ ಹುತಭುಕ್ತ್ವಾ ಹುತೇಶ್ವರೀ || ೯೭ ||
ಜ್ಞಾನರೂಪಾ ಚ ಜ್ಞಾನಜ್ಞಾ ಜ್ಞಾನದಾ ಜ್ಞಾನಸಿದ್ಧಿದಾ |
ಜ್ಞಾನೇಶ್ವರೀ ಜ್ಞಾನಗಮ್ಯಾ ಜ್ಞಾನೀ ಜ್ಞಾನವಿಶಾಲಧೀಃ || ೯೮ ||
ಜ್ಞಾನಮೂರ್ತಿರ್ಜ್ಞಾನಧಾತ್ರೀ ಜ್ಞಾತವ್ಯಾಕರಣಾದಿನೀ |
ಅಜ್ಞಾನನಾಶಿನೀದೇವೀ ಜ್ಞಾತಾ ಜ್ಞಾನಾರ್ಣವೇಶ್ವರೀ || ೯೯ ||
ಮಹಾದೇವೀ ಮಹಾಮೋಹಾ ಮಹಾಯೋಗರತಾ ತಥಾ |
ಮಹಾವಿದ್ಯಾ ಮಹಾಪ್ರಜ್ಞಾ ಮಹಾಜ್ಞಾನಾ ಮಹೇಶ್ವರೀ || ೧೦೦ ||
ಮಂಜುಶ್ರೀ ಮಂಜುರಪ್ರೀತಾ ಮಂಜುಘೋಷಸ್ಯ ವಂದಿತಾ |
ಮಹಾಮಂಜುರಿಕಾದೇವೀ ಮಣೀಮುಕುಟಶೋಭಿತಾ || ೧೦೧ ||
ಮಾಲಾಧರೀ ಮಂತ್ರಮೂರ್ತಿರ್ಮದನೀ ಮದನಪ್ರದಾ |
ಮಾನರೂಪಾ ಮನಸೀ ಚ ಮತಿರ್ಮತಿಮನೋತ್ಸವಾ || ೧೦೨ ||
ಮಾನೇಶ್ವರೀ ಮಾನಮಾನ್ಯಾ ಮಧುಸೂದನವಲ್ಲಭಾ |
ಮೃಡಪ್ರಿಯಾ ಮೂಲಸಂಸ್ಥಾ ಮೂರ್ಧ್ನಿಸ್ಥಾ ಮುನಿವಂದಿತಾ || ೧೦೩ ||
ಮುಖಬೇಕ್ತಾ ಮೂಢಹಂತಾ ಮೃತ್ಯುರ್ಭಯವಿನಾಶಿನೀ |
ಮೃತ್ತಿಕಾ ಮಾತೃಕಾ ಮೇಧಾ ಮೇಧಾವೀ ಮಾಧವಪ್ರಿಯಾ || ೧೦೪ ||
ಮಕಾರಾಕ್ಷರರೂಪಾ ಚ ಮಣಿರತ್ನವಿಭೂಷಿತಾ |
ಮಂತ್ರಾರಾಧನತತ್ತ್ವಜ್ಞಾ ಮಂತ್ರಯಂತ್ರಫಲಪ್ರದಾ || ೧೦೫ ||
ಮನೋದ್ಭವಾ ಮಂದಹಾಸಾ ಮಂಗಳಾ ಮಂಗಳೇಶ್ವರೀ |
ಮೌನಹಂತ್ರೀ ಮೋದದಾತ್ರೀ ಮೈನಾಕಪರ್ವತೇ ಸ್ಥಿತಾ || ೧೦೬ ||
ಮಣಿಮತೀ ಮನೋಜ್ಞಾ ಚ ಮಾತಾ ಮಾರ್ಗವಿಲಾಸಿನೀ |
ಮೂಲಮಾರ್ಗರತಾದೇವೀ ಮಾಸಾ (ಚ) ಮಾನದಾಯಿನೀ || ೧೦೭ ||
ಭಾರತೀ ಭುವನೇಶೀ ಚ ಭೂತಜ್ಞಾ ಭೂತಪೂಜಿತಾ |
ಭದ್ರಗಂಗಾ ಭದ್ರರೂಪಾ ಭುವನಾ ಭುವನೇಶ್ವರೀ || ೧೦೮ ||
ಭೈರವೀ ಭೋಗದಾದೇವೀ ಭೈಷಜ್ಯಾ ಭೈರವಪ್ರಿಯಾ |
ಭವಾನಂದಾ ಭವಾತುಷ್ಟೀ ಭಾವಿನೀ ಭರತಾರ್ಚಿತಾ || ೧೦೯ ||
ಭಾಗೀರಥೀ ಭಾಷ್ಯರೂಪಾ ಭಾಗ್ಯಾ ಭಾಗ್ಯವತೀತಿ ಚ |
ಭದ್ರಕಲ್ಯಾಣದಾದೇವೀ ಭ್ರಾಂತಹಾ ಭ್ರಮನಾಶಿನೀ || ೧೧೦ ||
ಭೀಮೇಶ್ವರೀ ಭೀತಿಹಂತ್ರೀ ಭವಪಾತಕಭಂಜನೀ |
ಭಕ್ತೋತ್ಸವಾ ಭಕ್ತಪ್ರಿಯಾ ಭಕ್ತಸ್ಥಾ ಭಕ್ತವತ್ಸಲಾ || ೧೧೧ ||
ಭಂಜರೀ ಭೂತದೋಷಘ್ನೀ ಭವಮಾತಾ ಭವೇಶ್ವರೀ |
ಭಯಹಾ ಭಗ್ನಹಾ ಭವ್ಯಾ ಭವಕಾರಣಕಾರಿಣೀ || ೧೧೨ ||
ಭೂತೈಶ್ವರ್ಯಪ್ರದಾ ದೇವೀ ಭೂಷಣಾಂಗೀ ಭವಪ್ರಿಯಾ |
ಅನಂತಜ್ಞಾನಸಂಪನ್ನಾ ಅಕಾರಾಕ್ಷರರೂಪಿಣೀ || ೧೧೩ ||
ಅನಂತಮಹಿಮಾ ತ್ರ್ಯಕ್ಷೀ ಅಜಪಾಮಂತ್ರರೂಪಿಣೀ |
ಅನೇಕಸೃಷ್ಟಿಸಂಪೂರ್ಣಾ ಅನೇಕಾಕ್ಷರಜ್ಞಾನದಾ || ೧೧೪ ||
ಆನಂದದಾಯಿನೀ ದೇವೀ ಅಮೃತಾ ಅಮೃತೋದ್ಭವಾ |
ಆನಂದಿನೀ ಚ ಅರಿಹಾ ಅಂತಸ್ಥಾ ಅಗ್ನಿವಚ್ಛವಿಃ || ೧೧೫ ||
ಅತ್ಯಂತಜ್ಞಾನಸಂಪನ್ನಾ ಅಣಿಮಾದಿಪ್ರಸಿದ್ಧಿದಾ |
ಆರೋಗ್ಯದಾಯಿನೀ ಆಜ್ಞಾ ಆದಿಶಕ್ತಿರಭೀರುಹಾ || ೧೧೬ ||
ಅಗೋಚರೀ ಆದಿಮಾತಾ ಅಶ್ವತ್ಥವೃಕ್ಷವಾಸಿನೀ |
ಧರ್ಮಾವತೀ ಧರ್ಮಧರೀ ಧರಣೀಧರವಲ್ಲಭಾ || ೧೧೭ ||
ಧಾರಣಾ ಧಾರಣಾಧೀಶಾ ಧರ್ಮರೂಪಧರಾಧರೀ |
ಧರ್ಮಮಾತಾ ಧರ್ಮಕರ್ತ್ರೀ ಧನದಾ ಚ ಧನೇಶ್ವರೀ || ೧೧೮ ||
ಧ್ರುವಲೋಕಗತಾ ಧಾತಾ ಧರಿತ್ರೀ ಧೇನುರೂಪಧೃಕ್ |
ಧೀರೂಪಾ ಧೀಪ್ರದಾ ಧೀಶಾ ಧೃತಿರ್ವಾಕ್ಸಿದ್ಧಿದಾಯಕಾ || ೧೧೯ ||
ಧೈರ್ಯಕೃದ್ಧೈರ್ಯದಾ ಧೈರ್ಯಾ ಧೌತವಸ್ತ್ರೇಣ ಶೋಭಿತಾ |
ಧುರಂಧರೀ ಧುಂಧಿಮಾತಾ ಧಾರಣಾಶಕ್ತಿರೂಪಿಣೀ || ೧೨೦ ||
ವೈಕುಂಠಸ್ಥಾ ಕಂಠನಿಲಯಾ ಕಾಮದಾ ಕಾಮಚಾರಿಣೀ |
ಕಾಮಧೇನುಸ್ವರೂಪಾ ಚ ಕಷ್ಟಕಲ್ಲೋಲಹಾರಿಣೀ || ೧೨೧ ||
ಕುಮುದಹಾಸಿನೀ ನಿತ್ಯಂ ಕೈಲಾಸಪದದಾಯಕಾ |
ಕಮಲಾ ಕಮಲಸ್ಥಾ ಚ ಕಾಲಹಾ ಕ್ಲೇಶನಾಶಿನೀ || ೧೨೨ ||
ಕಳಾಷೋಡಶಸಂಯುಕ್ತಾ ಕಂಕಾಳೀ ಕಮಲೇಶ್ವರೀ |
ಕುಮಾರೀ ಕುಲಸಂತೋಷಾ ಕುಲಜ್ಞಾ ಕುಲವರ್ಧಿನೀ || ೧೨೩ ||
ಕಾಲಕೂಟವಿಷಧ್ವಂಸೀ ಕಮಲಾಪತಿಮೋಹನೀ |
ಕುಂಭಸ್ಥಾ ಕಲಶಸ್ಥಾ ಚ ಕೃಷ್ಣವಕ್ಷವಿಲಾಸಿನೀ || ೧೨೪ ||
ಕೃತ್ಯಾದಿದೋಷಹಾ ಕುಂತೀ ಕಸ್ತೂರೀತಿಲಕಪ್ರಿಯಾ |
ಕರ್ಪುರವಾಸಿತಾದೇಹಾ ಕರ್ಪೂರಮೋದಧಾರಿಣೀ || ೧೨೫ ||
ಕುಶಸ್ಥಾ ಕುಶಮೂಲಸ್ಥಾ ಕುಬ್ಜಾ ಕೈಟಭನಾಶಿನೀ |
ಕುರುಕ್ಷೇತ್ರಕೃತಾ ದೇವೀ ಕುಲಶ್ರೀ ಕುಲಭೈರವೀ || ೧೨೬ ||
ಕೃತಬ್ರಹ್ಮಾಂಡಸರ್ವೇಷಾಂ ಕಾಳೀ ಕಂಕಣಧಾರಿಣೀ |
ಕುಬೇರಪೂಜಿತಾ ದೇವೀ ಕಂಠಕೃತ್ಕಂಠಕರ್ಷಣೀ || ೧೨೭ ||
ಕುಮುದಃಪುಷ್ಪಸಂತುಷ್ಟಾ ಕಿಂಕಿಣೀಪಾದಭೂಷಿಣೀ |
ಕುಂಕುಮೇನ ವಿಲಿಪ್ತಾಂಗೀ ಕುಂಕುಮದ್ರವಲೇಪಿತಾ || ೧೨೮ ||
ಕುಂಭಕರ್ಣಸ್ಯ ಭ್ರಮದಾ ಕುಂಜರಾಸನಸಂಸ್ಥಿತಾ |
ಕುಸುಮಮಾಲಿಕಾವೇತ್ರೀ ಕೌಶಿಕೀಕುಸುಮಪ್ರಿಯಾ || ೧೨೯ ||
ಯಜ್ಞರೂಪಾ ಚ ಯಜ್ಞೇಶೀ ಯಶೋದಾ ಜಲಶಾಯಿನೀ |
ಯಜ್ಞವಿದ್ಯಾ ಯೋಗಮಾಯಾ ಜಾನಕೀ ಜನನೀ ಜಯಾ || ೧೩೦ ||
ಯಮುನಾಜಪಸಂತುಷ್ಟಾ ಜಪಯಜ್ಞೇಫಲಪ್ರದಾ |
ಯೋಗಧಾತ್ರೀ ಯೋಗದಾತ್ರೀ ಯಮಲೋಕನಿವಾರಿಣೀ || ೧೩೧ ||
ಯಶಃಕೀರ್ತಿಪ್ರದಾ ಯೋಗೀ ಯುಕ್ತಿದಾ ಯುಕ್ತಿದಾಯನೀ |
ಯೌವನೀ ಯುಗಧಾತ್ರೀ ಚ ಯಮಲಾರ್ಜುನಭಂಜನೀ || ೧೩೨ ||
ಜೃಂಭಣ್ಯಾದಿರತಾದೇವೀ ಜಮದಗ್ನಿಪ್ರಪೂಜಿತಾ |
ಜಾಲಂಧರೀ ಜಿತಕ್ರೋಧಾ ಜೀಮೂತೈಶ್ವರ್ಯದಾಯಕಾ || ೧೩೩ ||
ಕ್ಷೇಮರೂಪಾ ಕ್ಷೇಮಕರೀ ಕ್ಷೇತ್ರದಾ ಕ್ಷೇತ್ರವರ್ಧಿನೀ |
ಕ್ಷಾರಸಮುದ್ರಸಂಸ್ಥಾ ಚ ಕ್ಷೀರಜಾ ಕ್ಷೀರದಾಯಕಾ || ೧೩೪ ||
ಕ್ಷುಧಾಹಂತ್ರೀ ಕ್ಷೇಮಧಾತ್ರೀ ಕ್ಷೀರಾರ್ಣವಸಮುದ್ಭವಾ |
ಕ್ಷೀರಪ್ರಿಯಾ ಕ್ಷೀರಭೋಜೀ ಕ್ಷತ್ರಿಯಕುಲವರ್ಧಿನೀ || ೧೩೫ ||
ಖಗೇಂದ್ರವಾಹಿನೀ ಖರ್ವ ಖಚಾರೀಣೀ ಖಗೇಶ್ವರೀ |
ಖರಯೂಥವಿನಾಶೀ ಚ ಖಡ್ಗಹಸ್ತಾ ಚ ಖಂಜನಾ || ೧೩೬ ||
ಷಟ್ಚಕ್ರಾಧಾರಸಂಸ್ಥಾ ಚ ಷಟ್ಚಕ್ರಸ್ಯಾಧಿದೇವತಾ |
ಷಡಂಗಜ್ಞಾನಸಂಪನ್ನಾ ಖಂಡಚಂದ್ರಾರ್ಧಶೇಖರಾ || ೧೩೭ ||
ಷಟ್ಕರ್ಮರಹಿತಾ ಖ್ಯಾತಾ ಖರಬುದ್ಧಿನಿವಾರಿಣೀ |
ಷೋಡಶಾಧಾರಕೃದ್ದೇವೀ ಷೋಡಶಭುಜಶೋಭಿತಾ || ೧೩೮ ||
ಷೋಡಶಮೂರ್ತೀ ಷೋಡಶ್ಯಾ ಖಡ್ಗಖೇಟಕಧಾರಿಣೀ |
ಘೃತಪ್ರಿಯಾ ಘರ್ಘರಿಕಾ ಘುರ್ಘುರೀನಾದಶೋಭಿತಾ || ೧೩೯ ||
ಘಂಟಾನಿನಾದಸಂತುಷ್ಟಾ ಘಂಟಶಬ್ದಸ್ವರೂಪಿಣೀ |
ಘಟಿಕಾಘಟಸಂಸ್ಥಾ ಚ ಘ್ರಾಣವಾಸೀ ಘನೇಶ್ವರೀ || ೧೪೦ ||
ಚಾರುನೇತ್ರಾ ಚಾರುವಕ್ತ್ರಾ ಚತುರ್ಬಾಹುಶ್ಚತುರ್ಭುಜಾ |
ಚಂಚಲಾ ಚಪಲಾ ಚಿತ್ರಾ ಚಿತ್ರಿಣೀ ಚಿತ್ರರಂಜಿನೀ || ೧೪೧ ||
ಚಂದ್ರಭಾಗಾ ಚಂದ್ರಹಾಸಾ ಚಿತ್ರಸ್ಥಾ ಚಿತ್ರಶೋಭನಾ |
ಚಿತ್ರವಿಚಿತ್ರಮಾಲ್ಯಾಂಗೀ ಚಂದ್ರಕೋಟಿಸಮಪ್ರಭಾ || ೧೪೨ ||
ಚಂದ್ರಮಾ ಚ ಚತುರ್ವೇದಾ ಪ್ರಚಂಡಾ ಚಂಡಶೇಖರೀ |
ಚಕ್ರಮಧ್ಯೇಸ್ಥಿತಾ ದೇವೀ ಚಕ್ರಹಸ್ತಾ ಚ ಚಕ್ರಿಣೀ || ೧೪೩ ||
ಚಂದ್ರಚೂಡಾ ಚಾರುದೇಹಾ ಚಂಡಮುಂಡವಿನಾಶಿನೀ |
ಚಂಡೇಶ್ವರೀ ಚಿತ್ರಲೇಖಾ ಚರಣೇ ನೂಪುರೈರ್ಯುತಾ || ೧೪೪ ||
ಚೈತ್ರಾದಿಮಾಸರೂಪಾ ಸಾ ಚಾಮರಭುಜಧಾರಿಣೀ |
ಚರ್ವಿಕಾ ಚರ್ಚಿಕಾ ದಿವ್ಯಾ ಚಂಪಾದೇವೀ ಚತುರ್ಥಚಿತ್ || ೧೪೫ ||
ಚತುರ್ಭುಜಪ್ರಿಯಾ ನಿತ್ಯಂ ಚತುರ್ವರ್ಗಫಲಪ್ರದಾ |
ಚತುಸ್ಸಾಗರಸಂಖ್ಯಾತಾ ಚಕ್ರವರ್ತಿಫಲಪ್ರದಾ || ೧೪೬ ||
ಛತ್ರದಾತ್ರೀ ಛಿನ್ನಮಸ್ತಾ ಛಲಮಧ್ಯೇನಿವಾಸಿನೀ |
ಛಾಯಾರೂಪಾ ಚ ಛತ್ರಸ್ಥಾ ಛುರಿಕಾಹಸ್ತಧಾರಿಣೀ || ೧೪೭ ||
ಉತ್ತಮಾಂಗೀ ಉಕಾರಸ್ಥಾ ಉಮಾದೇವೀಸ್ವರೂಪಿಣೀ |
ಊರ್ಧ್ವಾಮ್ನಾಯೀ ಊರ್ಧ್ವಗಾಮ್ಯಾ ಓಂಕಾರಾಕ್ಷರರೂಪಿಣೀ || ೧೪೮ ||
ಏಕವಕ್ತ್ರಾ ದೇವಮಾತಾ ಐಂದ್ರೀ ಐಶ್ವರ್ಯದಾಯಕಾ |
ಔಷಧೀಶೋ ಚೌಷಧೀಕೃತ್ ಓಷ್ಠಸ್ಥಾ ಓಷ್ಠವಾಸಿನೀ || ೧೪೯ ||
ಸ್ಥಾವರಸ್ಥಾ ಸ್ಥಲಚರಾ ಸ್ಥಿತಿಸಂಹಾರಕಾರಿಕಾ |
ರುಂ ರುಂ ಶಬ್ದಸ್ವರೂಪಾ ಚ ರುಂಕಾರಾಕ್ಷರರೂಪಿಣೀ || ೧೫೦ ||
ಆರ್ಯುದಾ ಅದ್ಭುತಪ್ರದಾ ಆಮ್ನಾಯಷಟ್ಸ್ವರೂಪಿಣೀ |
ಅನ್ನಪೂರ್ಣಾ ಅನ್ನದಾತ್ರೀ ಆಶಾ ಸರ್ವಜನಸ್ಯ ಚ || ೧೫೧ ||
ಆರ್ತಿಹಾರೀ ಚ ಅಸ್ವಸ್ಥಾ ಅಶೇಷಗುಣಸಂಯುತಾ |
ಶುದ್ಧರೂಪಾ ಸುರೂಪಾ ಚ ಸಾವಿತ್ರೀ ಸಾಧಕೇಶ್ವರೀ || ೧೫೨ ||
ಬಾಲಿಕಾ ಯುವತೀ ವೃದ್ಧಾ ವಿಶ್ವಾಸೀ ವಿಶ್ವಪಾಲಿನೀ |
ಫಕಾರರೂಪಾ ಫಲದಾ ಫಲವರ್ತಿ ಫಲಪ್ರದಾ || ೧೫೩ ||
ಫಣೀಂದ್ರಭೂಷಣಾ ದೇವೀ ಫಕಾರಕ್ಷರರೂಪಿಣೀ |
ಋದ್ಧಿರೂಪೀ ಋಕಾರಸ್ಥಾ ಋಣಹಾ ಋಣನಾಶಿನೀ || ೧೫೪ ||
ರೇಣುರಾಕಾರರಮಣೀ ಪರಿಭಾಷಾ ಸುಭಾಷಿತಾ |
ಪ್ರಾಣಾಪಾನಸಮಾನಶ್ಚೋದಾನವ್ಯಾನೌ ಧನಂಜಯಾ || ೧೫೫ ||
ಕೃಕರಾ ವಾಯುರೂಪಾ ಚ ಕೃತಜ್ಞಾ ಶಂಖಿನೀ ತಥಾ |
ಕುರ್ಮನಾಮ್ನ್ಯುನ್ಮೀಲನಕರೀ ಜಿಹ್ವಕಸ್ವಾದುಮೀಲನಾ || ೧೫೬ ||
ಜಿಹ್ವಾರೂಪಾ ಜಿಹ್ವಸಂಸ್ಥಾ ಜಿಹ್ವಾಸ್ವಾದಪ್ರದಾಯಕಾ |
ಸ್ಮೃತಿದಾ ಸ್ಮೃತಿಮೂಲಸ್ಥಾ ಶ್ಲೋಕಕೃಚ್ಛ್ಲೋಕರಾಶಿಕೃತ್ || ೧೫೭ ||
ಆಧಾರೇ ಸಂಸ್ಥಿತಾ ದೇವೀ ಅನಾಹತನಿವಾಸಿನೀ |
ನಾಭಿಸ್ಥಾ ಹೃದಯಸ್ಥಾ ಚ ಭ್ರೂಮಧ್ಯೇ ದ್ವಿದಲೇ ಸ್ಥಿತಾ || ೧೫೮ ||
ಸಹಸ್ರದಳಸಂಸ್ಥಾ ಚ ಗುರುಪತ್ನೀಸ್ವರೂಪಿಣೀ |
ಇತಿ ತೇ ಕಥಿತಂ ಬ್ರಹ್ಮ ನಾಮ್ನಾ ವಾಗ್ವಾದಿನೀ ಪರಮ್ || ೧೫೯ ||
ಸಹಸ್ರಂ ತು ಮಹಾಗೋಪ್ಯಂ ದೇವಾನಾಮಪಿ ದುರ್ಲಭಮ್ |
ನ ಪ್ರಕಾಶ್ಯಂ ಮಯಾಽಽಖ್ಯಾತಂ ತವ ಸ್ನೇಹೇನ ಆತ್ಮಭೂಃ || ೧೬೦ ||
ಏಕಕಾಲಂ ದ್ವಿಕಾಲಂ ವಾ ತ್ರಿಕಾಲಂ ವಾಪಿ ಭಕ್ತಿತಃ |
ನ ತೇಷಾಂ ದುರ್ಲಭಂ ಕಿಂಚಿತ್ ತ್ರಿಷು ಲೋಕೇಷು ವಲ್ಲಭಾ || ೧೬೧ ||
ಸಾಧಕಾಭೀಷ್ಟದೋ ಬ್ರಹ್ಮಾ ಸರ್ವವಿದ್ಯಾವಿಶಾರದಃ |
ತ್ರಿವಾರಂ ಯೋ ಪಠಿಷ್ಯಂತಿ ನರಃ ಶಕ್ತಿಧರೋ ಭವೇತ್ || ೧೬೨ ||
ಪಂಚಧಾ ಭಾಗ್ಯಮಾಪ್ನೋತಿ ಸಪ್ತಧಾ ಧನವಾನ್ಭವೇತ್ |
ನವಮೈಶ್ವರ್ಯಮಾಪ್ನೋತಿ ಸಾಧಕಃ ಶುದ್ಧಚೇತಸಾ || ೧೬೩ ||
ಪಠೇದೇಕಾದಶೋ ನಿತ್ಯಂ ಸ ಸಿದ್ಧಿಭಾಜನೋ ಭವೇತ್ |
ಮಾಸಮೇಕಂ ಪಠಿತ್ವಾ ತು ಭವೇದ್ವಾಗೀಶ್ವರೋಪಮಃ || ೧೬೪ ||
ಮಾಸಷಟ್ಕಂ ಪಠೇದ್ಧೀಮಾನ್ ಸರ್ವವಿದ್ಯಾ ಪ್ರಜಾಯತೇ |
ವತ್ಸರೈಕಂ ಪಠೇದ್ಯೋ ಮಾಂ ಸಾಕ್ಷಾತ್ಸರ್ವಾಂಗತತ್ತ್ವವಿತ್ || ೧೬೫ ||
ಗೋರೋಚನಾಕುಂಕುಮೇನ ವಿಲಿಖೇದ್ಭೂರ್ಜಪತ್ರಕೇ |
ಪೂಜಯಿತ್ವಾ ವಿಧಾನೇನ ದೇವೀಂ ವಾಗೀಶ್ವರೀಂ ಜಪೇತ್ || ೧೬೬ ||
ಸಹಸ್ರವಾರಪಠನಾನ್ಮೂಕೋಽಪಿ ಸುಕವಿರ್ಭವೇತ್ |
ಪಂಚಮ್ಯಾಂ ಚ ದಶಮ್ಯಾಂ ಚ ಪೂರ್ಣಮಾಸ್ಯಾಮಥಾಪಿ ವಾ || ೧೬೭ ||
ಗುರೋರಾಧನತತ್ತ್ವೇನಮರ್ಚಯೇದ್ಭಕ್ತಿಭಾವತಃ |
ಜಡಂ ಹಂತಿ ಗದಂ ಹಂತಿ ವಾಂತಿಭ್ರಾಂತಿವಿನಾಶನಮ್ || ೧೬೮ ||
ಬುದ್ಧಿ ಮೇಧಾ ಪ್ರವರ್ಧಂತೇ ಆರೋಗ್ಯಂ ಚ ದಿನೇ ದಿನೇ |
ಅಲ್ಪಮೃತ್ಯುಭಯಂ ನಾಸ್ತಿ ಭೂತವೇತಾಲಡಕಿನೀ- || ೧೬೯ ||
-ರಾಕ್ಷಸೀಗ್ರಹದೋಷಘ್ನಂ ಕಲಿದೋಷನಿವಾರಣಮ್ |
ಆಧಿವ್ಯಾಧಿಜಲೋನ್ಮತ್ತ ಅಪಸ್ಮಾರಂ ನ ಬಾಧತೇ || ೧೭೦ ||
ಪ್ರಾತಃಕಾಲೇ ಪಠೇನ್ನಿತ್ಯಮುನ್ಮಾದಶ್ಚ ವಿನಶ್ಯತಿ |
ಮೇಧಾಕಾಂತಿಸ್ಮೃತಿದಾ ಭೋಗಮೋಕ್ಷಮವಾಪ್ಯತೇ || ೧೭೧ ||
ಮಹಾವ್ಯಾಧಿಮಹಾಮೂಠನಿರ್ಮೂಲನಂ ಭವೇತ್ಕ್ಷಣಾತ್ |
ವಿದ್ಯಾರಂಭೇ ಚ ವಾದೇ ಚ ವಿದೇಶಗಮನೇ ತಥಾ || ೧೭೨ ||
ಯಾತ್ರಾಕಾಲೇ ಪಠೇಗತ್ವಾದ್ವಿಜಯಂ ನಾತ್ರ ಸಂಶಯಃ |
ಸಿದ್ಧಂ ಮೂಲೀ ತಥಾ ಬ್ರಾಹ್ಮೀ ಉಗ್ರಗಂಧಾ ಹರೀತಕೀ || ೧೭೩ ||
ಚತುರ್ದ್ರವ್ಯಸಮಾಯುಕ್ತಂ ಭಕ್ತಿಯುಕ್ತೇನ ಮಾನಸಾ |
ಬ್ರಾಹ್ಮಣೇನ ಲಭೇದ್ವಿದ್ಯಾ ರಾಜ್ಯಂ ಚ ಕ್ಷತ್ರಿಯೋ ಲಭೇತ್ || ೧೭೪ ||
ವೈಶ್ಯೋ ವಾಣಿಜ್ಯಸಿದ್ಧಿಂ ಚ ಶೂದ್ರೇಷು ಚಿರಂ ಜೀವಿತಃ |
ವಾಗ್ವಾದಿನೀಸರಸ್ವತ್ಯಾಃ ಸಹಸ್ರಂ ನಾಮ ಯಃ ಸ್ಮರೇತ್ || ೧೭೫ ||
ತಸ್ಯ ಬುದ್ಧಿಃ ಸ್ಥಿರಾ ಲಕ್ಷ್ಮೀ ಜಾಯತೇ ನಾತ್ರ ಸಂಶಯಃ |
ಯಂ ಯಂ ಕಾಮಯತೇ ಮರ್ತ್ಯಸ್ತಂ ತಂ ಪ್ರಾಪ್ನೋತಿ ನಿತ್ಯಶಃ || ೧೭೬ ||
ಅತಃ ಪರಂ ಕಿಮುಕ್ತೇನ ಪರಮೇಷ್ಠೀ ಮಹಾತ್ಮನಃ |
ಸರ್ವಾನ್ ಕಾಮಾನ್ ಲಭೇತ್ ಸದ್ಯಃ ಲೋಕವಶ್ಯಂ ತಿಕಾರಕಃ || ೧೭೭ ||
ಷಟ್ಕರ್ಮಂ ಚ ಮಹಾಸಿದ್ಧಿಮಂತ್ರಯಂತ್ರಾದಿಗೀಶ್ವರಃ |
ಕಾಮಕ್ರೋಧಾದಹಂಕಾರದಂಭಲೋಭಂ ವಿನಶ್ಯತಿ || ೧೭೮ ||
ಪುರುಷಾರ್ಥೀ ಭವೇದ್ವಿದ್ವಾನ್ ವಿಜಿತ್ವಾ ತು ಮಹೀತಲೇ |
ನಾತಃಪರತರಂ ಸ್ತೋತ್ರಂ ಸರಸ್ವತ್ಯಾ ಪಿತಾಮಹ || ೧೭೯ ||
ನ ದೇಯಂ ಪರಶಿಷ್ಯೇಭ್ಯೋ ಭಕ್ತಿಹೀನಾಯ ನಿಂದಕೇ |
ಸುಭಕ್ತೇಭ್ಯೋ ಸುಶಿಷ್ಯೇಭ್ಯೋ ದೇಯಂ ದೇಯಂ ನ ಸಂಶಯಃ || ೧೮೦ ||
ಇದಂ ಸ್ತೋತ್ರಂ ಪಠಿತ್ವಾ ತು ಯತ್ರ ಯತ್ರೈವ ಗಚ್ಛತಿ |
ಕಾರ್ಯಸಿದ್ಧಿಶ್ಚ ಜಾಯಂತೇ ನಿರ್ವಿಘ್ನಂ ಪುನರಾಗಮಃ || ೧೮೧ ||
ಇತಿ ಶ್ರೀಭವಿಷ್ಯೋತ್ತರಪುರಾಣೇ ಶ್ರೀನಂದಿಕೇಶ್ವರಬ್ರಹ್ಮಾಸಂವಾದೇ ಸರ್ವಾಧಾರಸಮಯೇ ಹೃದಯಾಕರ್ಷಣಕಾರಣೇ ಶ್ರೀ ವಾಗ್ವಾದಿನೀ ಸಹಸ್ರನಾಮ ಸ್ತೋತ್ರಮ್ ||
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
