Read in తెలుగు / ಕನ್ನಡ / தமிழ் / देवनागरी / English (IAST)
(గమనిక: ఈ స్తోత్రము “శ్రీ సరస్వతీ స్తోత్రనిధి” పారాయణ గ్రంథములో కూడా ఉన్నది. Click here to buy.)
బ్రహ్మోవాచ |
నందికేశ్వర సర్వజ్ఞ భక్తానుగ్రహకారక |
ఋద్ధిసిద్ధిప్రదం నౄణాం సర్వదోషనిషూదనమ్ || ౧ ||
సర్వసిద్ధికరం పుంసాం సర్వకామార్థసాధనమ్ |
ఆధివ్యాధిహరం కేన కేన వా మృత్యునాశనమ్ |
వక్తుమర్హసి దేవేశ నందికేశ సురోత్తమ || ౨ ||
శ్రీనందికేశ్వరోవాచ |
శృణు బ్రహ్మన్ ప్రవక్ష్యామి గుహ్యాద్గుహ్యతరం మహత్ |
సర్వసక్తహితార్థాయ కథితా కమలాసనే || ౩ || [భక్త]
సమస్తకలహధ్వంసీ లోకస్య లోకవల్లభా |
జలజాః స్థలజాశ్చైవ వనజా వ్యోమజాస్తథా || ౪ ||
కృత్రిమా దోషజాశ్చాపి భ్రాంతభ్రాంతివినాశనమ్ |
అపస్మారగ్రహోన్మాదజలోన్మత్తపిశాచకాః || ౫ ||
దుఃఖప్రణాశనం నిత్యం సుఖం ప్రప్రాప్యతే విధిః | [సంప్రాప్యతే]
ఇదం స్తోత్రం న జానంతి వాగ్దేవీస్మరణే యది || ౬ ||
న తత్సిద్ధిమవాప్నోతి వర్షకోటిశతైరపి |
సర్వం సరస్వతీనామ్నాం సదాశివఋషిః స్మృతః || ౭ ||
ఛందోఽనుష్టుప్ తథా బీజం వాగ్భవం శక్తి కీలకమ్ |
రకారం సర్వకామార్థం వినియోగః ప్రకీర్తితాః || ౮ ||
అథ ధ్యానం –
శుభ్రాం స్వచ్ఛవిలేపమాల్యవసనాం శీతాంశుఖండోజ్జ్వలాం
వ్యాఖ్యామక్షగుణం సుధాబ్జకలశం విద్యాం చ హస్తాంబుజైః |
విభ్రాణాం కమలాసనా కుచనతాం వాగ్దేవతాం సుస్మితాం
వాగ్దేవీం విభవప్రదాం త్రినయనాం సౌభాగ్యసంపత్కరీమ్ || [వందే యా]
అథ స్తోత్రం –
ఓం శ్రీవాగ్వాదినీ వాణీ వాగీశ్వరీ సరస్వతీ |
వాచా వాచామతీ వాక్యా వాగ్దేవీ బాలసుందరీ || ౧ ||
వచసా వాచయిష్యా చ వల్లభా విష్ణువల్లభా |
బాలరూపా సతీ వృద్ధా వనమాలీ వనేశ్వరీ || ౨ ||
వలిధ్వంసప్రియా వేదా వరదా వరవర్ధినీ |
బ్రాహ్మీ సరస్వతీ విద్యా బ్రహ్మాణుజ్ఞానగోచరీ || ౩ || [బ్రహ్మాండజ్ఞాన]
బ్రహ్మనాడీ బ్రహ్మజ్ఞానీ వ్రతీ వ్రతప్రియా వ్రతా |
బ్రహ్మచారీ బుద్ధిరూపీ బుద్ధిదా బుద్ధిదాయకా || ౪ ||
బుద్ధిః ప్రజ్ఞా బుద్ధిమతీ బుద్ధిశ్రీ బుద్ధివర్ధినీ |
వారాహీ వారుణీ వ్యక్తా వేణుహస్తా బలీయసీ || ౫ ||
వామమార్గరతా దేవీ వామాచారరసప్రియా |
వామస్థా వామరూపా చ వర్ధినీ వామలోచనా || ౬ ||
విశ్వవ్యాపీ విశ్వరూపా విశ్వస్థా విశ్వమోహినీ |
వింధ్యస్థా వింధ్యనిలయా విందుదా విందువాసినీ || ౭ ||
వక్త్రస్థా వక్త్రరూపా చ విజ్ఞానజ్ఞానదాయినీ |
విఘ్నహర్త్రీ విఘ్నదాత్రీ విఘ్నరాజస్య వల్లభా || ౮ ||
వాసుదేవప్రియా దేవీ వేణుదత్తబలప్రదా |
బలభద్రస్య వరదా బలిరాజప్రపూజితా || ౯ ||
వాక్యం వాచమతీ బ్రాహ్మీ వాగ్భవానీ విధాయికా |
వాయురూపా చ వేగీశా వేగస్థా వేగచారిణీ || ౧౦ ||
బ్రహ్మమూర్తిర్వాఙ్మయీ చ వార్తాజ్ఞా వాఙ్మయేశ్వరీ |
బంధమోక్షప్రదా దేవీ బ్రహ్మనాదస్వరూపిణీ || ౧౧ ||
వసుంధరాస్థితా దేవీ వసుధారస్వరూపిణీ |
వర్గరూపా వేగధాత్రీ వనమాలావిభూషణా || ౧౨ ||
వాగ్దేవేశ్వరకంఠస్థా వేద్యా విబుధవందితా |
విద్యుత్ప్రభా విందుమతీ వాంఛితా వీరవందితా || ౧౩ ||
వహ్నిజ్వాలా వహ్నిముఖీ విశ్వవ్యాపీ విశాలదా |
విద్యారూపా చ శ్రీవిద్యా విద్యాధరప్రపూజితా || ౧౪ ||
విద్యాస్థా విద్యయా దేవీ విద్యాదేవీ విషప్రహా |
విషఘ్నీ విషదోషఘ్నీ వృక్షమూలప్రతిష్ఠితా || ౧౫ ||
వృక్షరూపీ చ వృక్షేశీ వృక్షఫలప్రదాయకా |
వివిధౌషధసంపన్నా వివిధోత్పాతనాశినీ || ౧౬ ||
విధిజ్ఞా వివిధాకారా విశ్వగర్భా వనేశ్వరీ |
విశ్వేశ్వరీ విశ్వయోనీర్విశ్వమాతా విధిప్రియా || ౧౭ ||
విభూతిరూపా వైభూతీ వంశీ వంశీధరప్రియా |
విశాలలోచనీ దేవీ విత్తదా చ వరాననా || ౧౮ ||
వాయుమండలసంస్థా చ వహ్నిమండలసంస్థితా |
గంగాదేవీ చ గంగా చ గుణాదాత్రీ గుణాత్మికా || ౧౯ ||
గుణాశ్రయా గుణవతీ గుణశీలసమన్వితా |
గర్భప్రదా గర్భదాత్రీ గర్భరక్షాప్రదాయినీ || ౨౦ ||
గీరూపా గీష్మతీ గీతా గీతజ్ఞా గీతవల్లభా |
గిరిధారిప్రియా దేవీ గిరిరాజసుతా సతీ || ౨౧ ||
గతిదా గర్భదా గర్భా గణపూజ్యా గణేశ్వరీ |
గంభీరా గహనా గుహ్యా గంధర్వగణసేవితా || ౨౨ ||
గుహ్యేశ్వరీ గుహ్యకాళీ గుప్తమార్గప్రదాయినీ |
గురుమూర్తిర్గురుస్థా చ గోచరా గోచరప్రదా || ౨౩ ||
గోపినీ గోపికా గౌరీ గోపాలజ్ఞానతత్పరా |
గోరూపా గోమతీదేవీ గోవర్ధనధరప్రియా || ౨౪ ||
గుణదాత్రీ గుణశీలా గుణరూపా గుణేశ్వరీ |
గాయత్రీరూపా గాంధారీ గంగాధరప్రియా తథా || ౨౫ ||
గిరికన్యా గిరిస్థా చ గూఢరూపా గృహే స్థితా |
గృహే క్లేశ విధ్వంసినీ గృహే కలహభంజనీ || ౨౬ ||
గగనాడీ గర్భజ్యోతిర్గగనాకారశోభితా |
గమసాగమస్వరూపా చ గరుడాసనవల్లభా || ౨౭ ||
గంధరూపా గంధరూపీ గలస్థా గలగోచరా |
గజేంద్రగామినీదేవీ గ్రహనక్షత్రవందితా || ౨౮ ||
గోపకన్యా గోకులేశీ గోపీచందనలేపితా |
దయావతీ దుఃఖహంత్రీ దుష్టదారిద్ర్యనాశినీ || ౨౯ ||
దివ్యదేహా దివ్యముఖీ దివ్యచందనలేపితా |
దివ్యవస్త్రపరీధానా దంభలోభవివర్జితా || ౩౦ ||
దాతా దామోదరప్రీతా దామోదరపరాయణా |
దనుజేంద్రవినాశీ చ దానవాగణసేవితా || ౩౧ ||
దుష్కృతఘ్నీ దూరగామీ దుర్మతిదుఃఖనాశినీ |
దావాగ్నిరూపిణీదేవీ దశగ్రీవవరప్రదా || ౩౨ ||
దయానదీ దయాశీలా దానశీలా చ దర్శినీ |
దృఢదేవీ దృఢదృష్టీ దుగ్ధప్రాపనతత్పరా || ౩౩ ||
దుగ్ధవర్ణా దుగ్ధప్రియా దధిదుగ్ధప్రదాయకా |
దేవకీ దేవమాతా చ దేవేశీ దేవపూజితా || ౩౪ ||
దేవీమూర్తిర్దయామూర్తిర్దోషహా దోషనాశినీ |
దోషఘ్నీ దోషదమనీ దోలాచలప్రతిష్ఠితా || ౩౫ ||
దైత్యహా దైత్యహంత్రీ చ దేవారిగణమర్దినీ |
దంభకృద్దంభనాశీ చ దాడిమీపుష్పవల్లభా || ౩౬ ||
దశనా దాడిమాకారా దాడిమీకుసుమప్రభా |
దాసీవరప్రదా దీక్షా దీక్షితా దీక్షితేశ్వరీ || ౩౭ ||
దిలీపరాజబలదా దినరాత్రిస్వరూపిణీ |
దిగంబరీ దీప్తతేజా డమరూభుజధారిణీ || ౩౮ ||
ద్రవ్యరూపీ ద్రవ్యకరీ దశరథవరప్రదా |
ఈశ్వరీ ఈశ్వరభార్యా ఇంద్రియరూపసంస్థితా || ౩౯ ||
ఇంద్రపూజ్యా ఇంద్రమాతా ఈప్సిత్వఫలదాయకా |
ఇంద్రాణీ ఇంగితజ్ఞా చ ఈశానీ ఈశ్వరప్రియా || ౪౦ ||
ఇష్టమూర్తీ ఇహైవస్థా ఇచ్ఛారూపా ఇహేశ్వరీ |
ఇచ్ఛాశక్తి ఈశ్వరస్థా ఇల్వదైత్యనిషూదినీ || ౪౧ ||
ఇతిహాసాదిశాస్త్రజ్ఞా ఇచ్ఛాచారీస్వరూపిణీ |
ఈకారాక్షరరూపా చ ఇంద్రియవరవర్ధినీ || ౪౨ ||
ఇంద్రలోకనివాసిన్యో ఈప్సితార్థప్రదాయినీ |
నారీ నారాయణప్రీతా నారసింహీ నరేశ్వరీ || ౪౩ ||
నర్మదా నందినీరూపా నర్తకీ నగనందినీ |
నారాయణప్రియా నిత్యం నానావిద్యాప్రదాయినీ || ౪౪ ||
నానాశాస్త్రధరీదేవీ నానాపుష్పసుశోభితా |
నయనత్రయరూపా చ నృత్యనాథస్యవల్లభా || ౪౫ ||
నదీరూపా నృత్యరూపా నాగరీ నగరేశ్వరీ |
నానార్థదాతా నళినీ నారదాదిప్రపూజితా || ౪౬ ||
నతారంభేశ్వరీదేవీ నీతిజ్ఞా చ నిరంజనీ |
నిత్యసింహాసనస్థా చ నిత్యకల్యాణకారిణీ || ౪౭ ||
నిత్యానందకరీ దేవీ నిత్యసిద్ధిప్రదాయకా |
నేత్రపద్మదళాకారా నేత్రత్రయస్వరూపిణీ || ౪౮ ||
నౌమీదేవీనామమాత్రా నకారాక్షరరూపిణీ |
నందా నింద్రా మహానిద్రా నూపురపదశోభితా || ౪౯ ||
నాటకీ నాటకాధ్యక్షా నరానందప్రదాయికా |
నానాభరణసంతుష్టానానారత్నవిభూషణా || ౫౦ ||
నరకనాశినీదేవీ నాగాంతకస్థితా ప్రియా |
నీతివిద్యాప్రదా దేవీ న్యాయశాస్త్రవిశారదీ || ౫౧ ||
నరలోకగతాదేవీ నరకాసురనాశినీ |
అనంతశక్తిరూపా చ నైమిత్తికప్రపూజితా || ౫౨ ||
నానాశస్త్రధరాదేవీ నారబిందుస్వరూపిణీ |
నక్షత్రరూపా నందితా నగస్థా నగనందినీ || ౫౩ ||
సారదా సరితారూపా సత్యభామా సురేశ్వరీ |
సర్వానందకరీదేవీ సర్వాభరణభూషితా || ౫౪ ||
సర్వవిద్యాధరాదేవీ సర్వశాస్త్రస్వరూపిణీ |
సర్వమంగళదాత్రీ చ సర్వకళ్యాణకారిణీ || ౫౫ ||
సర్వజ్ఞా సర్వభాగ్యం చ సర్వసంతుష్టిదాయకా |
సర్వభారధరాదేవీ సర్వదేశనివాసినీ || ౫౬ ||
సర్వదేవప్రియాదేవీ సర్వదేవప్రపూజితా |
సర్వదోషహరాదేవీ సర్వపాతకనాశినీ || ౫౭ ||
సర్వసంసారసారాణి సర్వసంకష్టనాశినీ |
సర్వకలహవిధ్వంసీ సర్వవిద్యాధిదేవతా || ౫౮ ||
సర్వమోహనకారీ చ సర్వమంత్రప్రసిద్ధిదా |
సర్వతంత్రాత్మికాదేవీ సర్వయంత్రాధిదేవతా || ౫౯ ||
సర్వమండలసంస్థా చ సర్వమాయావిమోహినీ |
సర్వహృదయవాసిన్యో సర్వమాత్మస్వరూపిణీ || ౬౦ ||
సర్వకారణకారీ చ సర్వశాంతస్వరూపిణీ |
సర్వసిద్ధికరస్థా చ సర్వవాక్యస్వరూపిణీ || ౬౧ ||
సర్వాధారా నిరాధారా సర్వాంగసుందరీ సతీ |
సర్వవేదమయీదేవీ సర్వశబ్దస్వరూపిణీ || ౬౨ ||
సర్వబ్రహ్మాండవ్యాప్తా చ సర్వబ్రహ్మాండవాసినీ |
సర్వాచారరతా సాధ్వీ సర్వబీజస్వరూపిణీ || ౬౩ ||
సర్వోన్మాదవికారఘ్నీ సర్వకల్మషనాశినీ |
సర్వదేహగతాదేవీ సర్వయోగేశ్వరీ పరా || ౬౪ ||
సర్వకంఠస్థితా నిత్యం సర్వగర్భాసురక్షకా |
సర్వభావా ప్రభావాద్యా సర్వలక్ష్మీప్రదాయికా || ౬౫ ||
సర్వైశ్వర్యప్రదా దేవీ సర్వవాయుస్వరూపిణీ |
సురలోకగతా దేవీ సర్వయోగేశ్వరీ పరా || ౬౬ ||
సర్వకంఠస్థితా నిత్యం సురాసురవరప్రదా |
సూర్యకోటిప్రతీకాశా సూర్యమండలసంస్థితా || ౬౭ ||
శూన్యమండలసంస్థా చ సాత్త్వికీ సత్యదా తథా |
సరితా సరితాశ్రేష్ఠా సదాచారసుశోభితా || ౬౮ ||
సాకినీ సామ్యరూపా చ సాధ్వీ సాధుజనాశ్రయా |
సిద్ధిదా సిద్ధిరూపా చ సిద్ధిః సిద్ధివివర్ధినీ || ౬౯ ||
శ్రియకళ్యాణదాదేవీ సర్వమోహాధిదేవతా |
సిద్ధేశ్వరీ చ సిద్ధాత్మా సర్వమేధావివర్ధినీ || ౭౦ ||
శక్తిరూపా చ శక్తేశీ శ్యామా కష్టనిషూదినీ |
సర్వభక్షా శంఖినీ చ సరసాగతకారిణీ || ౭౧ ||
సర్వప్రణవరూపా చ సర్వ అక్షరరూపిణీ |
సుఖదా సౌఖ్యదా భోగా సర్వవిఘ్నవిదారిణీ || ౭౨ ||
సంతాపహా సర్వబీజా సావిత్రీ సురసుందరీ |
శ్రీరూపా శ్రీకరీ శ్రీశ్చ శిశిరాచలవాసినీ || ౭౩ ||
శైలపుత్రీ శైలధాత్రీ శరణాగతవల్లభా |
రత్నేశ్వరీ రత్నప్రదా రత్నమందిరవాసినీ || ౭౪ ||
రత్నమాలావిచిత్రాంగీ రత్నసింహాసనస్థితా |
రసధారా రసరతా రసజ్ఞా రసవల్లభా || ౭౫ ||
రసభోక్త్రీ రసరూపా షడ్రసజ్ఞా రసేశ్వరీ | [రసషట్జ్ఞా]
రసేంద్రభూషణా నిత్యం రతిరూపా రతిఃప్రదా || ౭౬ ||
రాజ్యేశ్వరీ రాకిణీ చ రావణావరదాయకా |
రామకాంతా రామప్రియా రామచంద్రస్య వల్లభా || ౭౭ ||
రాక్షసఘ్నీ రాజమాతా రాధా రుద్రేశ్వరీతి చ |
రుక్మిణీ రమణీ రామా రాజ్యభుగ్రాజ్యదాయకా || ౭౮ ||
రక్తాంబరధరాదేవీ రకారాక్షరరూపిణీ |
రాసిస్థా రామవరదా రాజ్యదా రాజ్యమండితా || ౭౯ ||
రోగహా లోభహా లోలా లలితా లలితేశ్వరీ |
తంత్రిణీ తంత్రరూపా చ తత్త్వీ తత్త్వస్వరూపిణీ || ౮౦ ||
తపసా తపసీ తారా తరుణానంగరూపిణీ |
తత్త్వజ్ఞా తత్త్వనిలయా తత్త్వాలయనివాసినీ || ౮౧ ||
తమోగుణప్రదాదేవీ తారిణీ తంత్రదాయికా |
తకారాక్షరరూపా చ తారకాభయభంజనీ || ౮౨ ||
తీర్థరూపా తీర్థసంస్థా తీర్థకోటిఫలప్రదా |
తీర్థమాతా తీర్థజ్యేష్ఠా తరంగతీర్థదాయకా || ౮౩ ||
త్రైలోక్యజననీదేవీ త్రైలోక్యభయభంజనీ |
తులసీ తోతలా తీర్థా త్రిపురా త్రిపురేశ్వరీ || ౮౪ ||
త్రైలోక్యపాలకధ్వంసీ త్రివర్గఫలదాయకా |
త్రికాలజ్ఞా త్రిలోకేశీ తృతీయజ్వరనాశినీ || ౮౫ ||
త్రినేత్రధారీ త్రిగుణా త్రిసుగంధివిలేపినీ |
త్రిలోహదాత్రీ గంభీరా తారాగణవిలాసినీ || ౮౬ ||
త్రయోదశగుణోపేతా తురీయమూర్తిరూపిణీ |
తాండవేశీ తుంగభద్రా తుష్టిస్త్రేతాయుగప్రియా || ౮౭ ||
తరంగిణీ తరంగస్థా తపోలోకనివాసినీ |
తప్తకాంచనవర్ణాభా తపఃసిద్ధివిధాయినీ || ౮౮ ||
త్రిశక్తిస్త్రిమధుప్రీతా త్రివేణీ త్రిపురాంతకా |
పద్మస్థా పద్మహస్తా చ పరత్రఫలదాయకా || ౮౯ ||
పరమాత్మా పద్మవర్ణా పరాపరతరాశుభా |
పరమేష్ఠీ పరంజ్యోతిః పవిత్రా పరమేశ్వరీ || ౯౦ ||
పారకర్త్రీ పాపహంత్రీ పాతకౌఘవినాశినీ |
పరమానందదాదేవీ ప్రీతిదా ప్రీతివర్ధినీ || ౯౧ ||
పుణ్యనామ్నీ పుణ్యదేహా పుష్టిపుస్తకధారిణీ |
పుత్రదాత్రీ పుత్రమాతా పురుషార్థపురేశ్వరీ || ౯౨ ||
పౌర్ణిమాపుణ్యఫలదా పంకజాసనసంస్థితా |
పృథ్వీరూపా చ పృథివీ పీతాంబరస్య వల్లభా || ౯౩ ||
పాఠాదేవీ చ పఠితా పాఠేశీ పాఠవల్లభా |
పన్నగాంతకసంస్థా చ పరార్ధాంగోశ్చ పద్ధతీ || ౯౪ ||
హంసినీ హాసినీదేవీ హర్షరూపా చ హర్షదా |
హరిప్రియా హేమగర్భా హంసస్థా హంసగామినీ || ౯౫ ||
హేమాలంకారసర్వాంగీ హైమాచలనివాసినీ |
హుత్వా హసితదేహా చ హాహాహూహూసదాప్రియా || ౯౬ ||
హంసరూపా హంసవర్ణా హితా లోకత్రయేశ్వరీ |
హుంకారనాదినీదేవీ హుతభుక్త్వా హుతేశ్వరీ || ౯౭ ||
జ్ఞానరూపా చ జ్ఞానజ్ఞా జ్ఞానదా జ్ఞానసిద్ధిదా |
జ్ఞానేశ్వరీ జ్ఞానగమ్యా జ్ఞానీ జ్ఞానవిశాలధీః || ౯౮ ||
జ్ఞానమూర్తిర్జ్ఞానధాత్రీ జ్ఞాతవ్యాకరణాదినీ |
అజ్ఞాననాశినీదేవీ జ్ఞాతా జ్ఞానార్ణవేశ్వరీ || ౯౯ ||
మహాదేవీ మహామోహా మహాయోగరతా తథా |
మహావిద్యా మహాప్రజ్ఞా మహాజ్ఞానా మహేశ్వరీ || ౧౦౦ ||
మంజుశ్రీ మంజురప్రీతా మంజుఘోషస్య వందితా |
మహామంజురికాదేవీ మణీముకుటశోభితా || ౧౦౧ ||
మాలాధరీ మంత్రమూర్తిర్మదనీ మదనప్రదా |
మానరూపా మనసీ చ మతిర్మతిమనోత్సవా || ౧౦౨ ||
మానేశ్వరీ మానమాన్యా మధుసూదనవల్లభా |
మృడప్రియా మూలసంస్థా మూర్ధ్నిస్థా మునివందితా || ౧౦౩ ||
ముఖబేక్తా మూఢహంతా మృత్యుర్భయవినాశినీ |
మృత్తికా మాతృకా మేధా మేధావీ మాధవప్రియా || ౧౦౪ ||
మకారాక్షరరూపా చ మణిరత్నవిభూషితా |
మంత్రారాధనతత్త్వజ్ఞా మంత్రయంత్రఫలప్రదా || ౧౦౫ ||
మనోద్భవా మందహాసా మంగళా మంగళేశ్వరీ |
మౌనహంత్రీ మోదదాత్రీ మైనాకపర్వతే స్థితా || ౧౦౬ ||
మణిమతీ మనోజ్ఞా చ మాతా మార్గవిలాసినీ |
మూలమార్గరతాదేవీ మాసా (చ) మానదాయినీ || ౧౦౭ ||
భారతీ భువనేశీ చ భూతజ్ఞా భూతపూజితా |
భద్రగంగా భద్రరూపా భువనా భువనేశ్వరీ || ౧౦౮ ||
భైరవీ భోగదాదేవీ భైషజ్యా భైరవప్రియా |
భవానందా భవాతుష్టీ భావినీ భరతార్చితా || ౧౦౯ ||
భాగీరథీ భాష్యరూపా భాగ్యా భాగ్యవతీతి చ |
భద్రకల్యాణదాదేవీ భ్రాంతహా భ్రమనాశినీ || ౧౧౦ ||
భీమేశ్వరీ భీతిహంత్రీ భవపాతకభంజనీ |
భక్తోత్సవా భక్తప్రియా భక్తస్థా భక్తవత్సలా || ౧౧౧ ||
భంజరీ భూతదోషఘ్నీ భవమాతా భవేశ్వరీ |
భయహా భగ్నహా భవ్యా భవకారణకారిణీ || ౧౧౨ ||
భూతైశ్వర్యప్రదా దేవీ భూషణాంగీ భవప్రియా |
అనంతజ్ఞానసంపన్నా అకారాక్షరరూపిణీ || ౧౧౩ ||
అనంతమహిమా త్ర్యక్షీ అజపామంత్రరూపిణీ |
అనేకసృష్టిసంపూర్ణా అనేకాక్షరజ్ఞానదా || ౧౧౪ ||
ఆనందదాయినీ దేవీ అమృతా అమృతోద్భవా |
ఆనందినీ చ అరిహా అంతస్థా అగ్నివచ్ఛవిః || ౧౧౫ ||
అత్యంతజ్ఞానసంపన్నా అణిమాదిప్రసిద్ధిదా |
ఆరోగ్యదాయినీ ఆజ్ఞా ఆదిశక్తిరభీరుహా || ౧౧౬ ||
అగోచరీ ఆదిమాతా అశ్వత్థవృక్షవాసినీ |
ధర్మావతీ ధర్మధరీ ధరణీధరవల్లభా || ౧౧౭ ||
ధారణా ధారణాధీశా ధర్మరూపధరాధరీ |
ధర్మమాతా ధర్మకర్త్రీ ధనదా చ ధనేశ్వరీ || ౧౧౮ ||
ధ్రువలోకగతా ధాతా ధరిత్రీ ధేనురూపధృక్ |
ధీరూపా ధీప్రదా ధీశా ధృతిర్వాక్సిద్ధిదాయకా || ౧౧౯ ||
ధైర్యకృద్ధైర్యదా ధైర్యా ధౌతవస్త్రేణ శోభితా |
ధురంధరీ ధుంధిమాతా ధారణాశక్తిరూపిణీ || ౧౨౦ ||
వైకుంఠస్థా కంఠనిలయా కామదా కామచారిణీ |
కామధేనుస్వరూపా చ కష్టకల్లోలహారిణీ || ౧౨౧ ||
కుముదహాసినీ నిత్యం కైలాసపదదాయకా |
కమలా కమలస్థా చ కాలహా క్లేశనాశినీ || ౧౨౨ ||
కళాషోడశసంయుక్తా కంకాళీ కమలేశ్వరీ |
కుమారీ కులసంతోషా కులజ్ఞా కులవర్ధినీ || ౧౨౩ ||
కాలకూటవిషధ్వంసీ కమలాపతిమోహనీ |
కుంభస్థా కలశస్థా చ కృష్ణవక్షవిలాసినీ || ౧౨౪ ||
కృత్యాదిదోషహా కుంతీ కస్తూరీతిలకప్రియా |
కర్పురవాసితాదేహా కర్పూరమోదధారిణీ || ౧౨౫ ||
కుశస్థా కుశమూలస్థా కుబ్జా కైటభనాశినీ |
కురుక్షేత్రకృతా దేవీ కులశ్రీ కులభైరవీ || ౧౨౬ ||
కృతబ్రహ్మాండసర్వేషాం కాళీ కంకణధారిణీ |
కుబేరపూజితా దేవీ కంఠకృత్కంఠకర్షణీ || ౧౨౭ ||
కుముదఃపుష్పసంతుష్టా కింకిణీపాదభూషిణీ |
కుంకుమేన విలిప్తాంగీ కుంకుమద్రవలేపితా || ౧౨౮ ||
కుంభకర్ణస్య భ్రమదా కుంజరాసనసంస్థితా |
కుసుమమాలికావేత్రీ కౌశికీకుసుమప్రియా || ౧౨౯ ||
యజ్ఞరూపా చ యజ్ఞేశీ యశోదా జలశాయినీ |
యజ్ఞవిద్యా యోగమాయా జానకీ జననీ జయా || ౧౩౦ ||
యమునాజపసంతుష్టా జపయజ్ఞేఫలప్రదా |
యోగధాత్రీ యోగదాత్రీ యమలోకనివారిణీ || ౧౩౧ ||
యశఃకీర్తిప్రదా యోగీ యుక్తిదా యుక్తిదాయనీ |
యౌవనీ యుగధాత్రీ చ యమలార్జునభంజనీ || ౧౩౨ ||
జృంభణ్యాదిరతాదేవీ జమదగ్నిప్రపూజితా |
జాలంధరీ జితక్రోధా జీమూతైశ్వర్యదాయకా || ౧౩౩ ||
క్షేమరూపా క్షేమకరీ క్షేత్రదా క్షేత్రవర్ధినీ |
క్షారసముద్రసంస్థా చ క్షీరజా క్షీరదాయకా || ౧౩౪ ||
క్షుధాహంత్రీ క్షేమధాత్రీ క్షీరార్ణవసముద్భవా |
క్షీరప్రియా క్షీరభోజీ క్షత్రియకులవర్ధినీ || ౧౩౫ ||
ఖగేంద్రవాహినీ ఖర్వ ఖచారీణీ ఖగేశ్వరీ |
ఖరయూథవినాశీ చ ఖడ్గహస్తా చ ఖంజనా || ౧౩౬ ||
షట్చక్రాధారసంస్థా చ షట్చక్రస్యాధిదేవతా |
షడంగజ్ఞానసంపన్నా ఖండచంద్రార్ధశేఖరా || ౧౩౭ ||
షట్కర్మరహితా ఖ్యాతా ఖరబుద్ధినివారిణీ |
షోడశాధారకృద్దేవీ షోడశభుజశోభితా || ౧౩౮ ||
షోడశమూర్తీ షోడశ్యా ఖడ్గఖేటకధారిణీ |
ఘృతప్రియా ఘర్ఘరికా ఘుర్ఘురీనాదశోభితా || ౧౩౯ ||
ఘంటానినాదసంతుష్టా ఘంటశబ్దస్వరూపిణీ |
ఘటికాఘటసంస్థా చ ఘ్రాణవాసీ ఘనేశ్వరీ || ౧౪౦ ||
చారునేత్రా చారువక్త్రా చతుర్బాహుశ్చతుర్భుజా |
చంచలా చపలా చిత్రా చిత్రిణీ చిత్రరంజినీ || ౧౪౧ ||
చంద్రభాగా చంద్రహాసా చిత్రస్థా చిత్రశోభనా |
చిత్రవిచిత్రమాల్యాంగీ చంద్రకోటిసమప్రభా || ౧౪౨ ||
చంద్రమా చ చతుర్వేదా ప్రచండా చండశేఖరీ |
చక్రమధ్యేస్థితా దేవీ చక్రహస్తా చ చక్రిణీ || ౧౪౩ ||
చంద్రచూడా చారుదేహా చండముండవినాశినీ |
చండేశ్వరీ చిత్రలేఖా చరణే నూపురైర్యుతా || ౧౪౪ ||
చైత్రాదిమాసరూపా సా చామరభుజధారిణీ |
చర్వికా చర్చికా దివ్యా చంపాదేవీ చతుర్థచిత్ || ౧౪౫ ||
చతుర్భుజప్రియా నిత్యం చతుర్వర్గఫలప్రదా |
చతుస్సాగరసంఖ్యాతా చక్రవర్తిఫలప్రదా || ౧౪౬ ||
ఛత్రదాత్రీ ఛిన్నమస్తా ఛలమధ్యేనివాసినీ |
ఛాయారూపా చ ఛత్రస్థా ఛురికాహస్తధారిణీ || ౧౪౭ ||
ఉత్తమాంగీ ఉకారస్థా ఉమాదేవీస్వరూపిణీ |
ఊర్ధ్వామ్నాయీ ఊర్ధ్వగామ్యా ఓంకారాక్షరరూపిణీ || ౧౪౮ ||
ఏకవక్త్రా దేవమాతా ఐంద్రీ ఐశ్వర్యదాయకా |
ఔషధీశో చౌషధీకృత్ ఓష్ఠస్థా ఓష్ఠవాసినీ || ౧౪౯ ||
స్థావరస్థా స్థలచరా స్థితిసంహారకారికా |
రుం రుం శబ్దస్వరూపా చ రుంకారాక్షరరూపిణీ || ౧౫౦ ||
ఆర్యుదా అద్భుతప్రదా ఆమ్నాయషట్స్వరూపిణీ |
అన్నపూర్ణా అన్నదాత్రీ ఆశా సర్వజనస్య చ || ౧౫౧ ||
ఆర్తిహారీ చ అస్వస్థా అశేషగుణసంయుతా |
శుద్ధరూపా సురూపా చ సావిత్రీ సాధకేశ్వరీ || ౧౫౨ ||
బాలికా యువతీ వృద్ధా విశ్వాసీ విశ్వపాలినీ |
ఫకారరూపా ఫలదా ఫలవర్తి ఫలప్రదా || ౧౫౩ ||
ఫణీంద్రభూషణా దేవీ ఫకారక్షరరూపిణీ |
ఋద్ధిరూపీ ఋకారస్థా ఋణహా ఋణనాశినీ || ౧౫౪ ||
రేణురాకారరమణీ పరిభాషా సుభాషితా |
ప్రాణాపానసమానశ్చోదానవ్యానౌ ధనంజయా || ౧౫౫ ||
కృకరా వాయురూపా చ కృతజ్ఞా శంఖినీ తథా |
కుర్మనామ్న్యున్మీలనకరీ జిహ్వకస్వాదుమీలనా || ౧౫౬ ||
జిహ్వారూపా జిహ్వసంస్థా జిహ్వాస్వాదప్రదాయకా |
స్మృతిదా స్మృతిమూలస్థా శ్లోకకృచ్ఛ్లోకరాశికృత్ || ౧౫౭ ||
ఆధారే సంస్థితా దేవీ అనాహతనివాసినీ |
నాభిస్థా హృదయస్థా చ భ్రూమధ్యే ద్విదలే స్థితా || ౧౫౮ ||
సహస్రదళసంస్థా చ గురుపత్నీస్వరూపిణీ |
ఇతి తే కథితం బ్రహ్మ నామ్నా వాగ్వాదినీ పరమ్ || ౧౫౯ ||
సహస్రం తు మహాగోప్యం దేవానామపి దుర్లభమ్ |
న ప్రకాశ్యం మయాఽఽఖ్యాతం తవ స్నేహేన ఆత్మభూః || ౧౬౦ ||
ఏకకాలం ద్వికాలం వా త్రికాలం వాపి భక్తితః |
న తేషాం దుర్లభం కించిత్ త్రిషు లోకేషు వల్లభా || ౧౬౧ ||
సాధకాభీష్టదో బ్రహ్మా సర్వవిద్యావిశారదః |
త్రివారం యో పఠిష్యంతి నరః శక్తిధరో భవేత్ || ౧౬౨ ||
పంచధా భాగ్యమాప్నోతి సప్తధా ధనవాన్భవేత్ |
నవమైశ్వర్యమాప్నోతి సాధకః శుద్ధచేతసా || ౧౬౩ ||
పఠేదేకాదశో నిత్యం స సిద్ధిభాజనో భవేత్ |
మాసమేకం పఠిత్వా తు భవేద్వాగీశ్వరోపమః || ౧౬౪ ||
మాసషట్కం పఠేద్ధీమాన్ సర్వవిద్యా ప్రజాయతే |
వత్సరైకం పఠేద్యో మాం సాక్షాత్సర్వాంగతత్త్వవిత్ || ౧౬౫ ||
గోరోచనాకుంకుమేన విలిఖేద్భూర్జపత్రకే |
పూజయిత్వా విధానేన దేవీం వాగీశ్వరీం జపేత్ || ౧౬౬ ||
సహస్రవారపఠనాన్మూకోఽపి సుకవిర్భవేత్ |
పంచమ్యాం చ దశమ్యాం చ పూర్ణమాస్యామథాపి వా || ౧౬౭ ||
గురోరాధనతత్త్వేనమర్చయేద్భక్తిభావతః |
జడం హంతి గదం హంతి వాంతిభ్రాంతివినాశనమ్ || ౧౬౮ ||
బుద్ధి మేధా ప్రవర్ధంతే ఆరోగ్యం చ దినే దినే |
అల్పమృత్యుభయం నాస్తి భూతవేతాలడకినీ- || ౧౬౯ ||
-రాక్షసీగ్రహదోషఘ్నం కలిదోషనివారణమ్ |
ఆధివ్యాధిజలోన్మత్త అపస్మారం న బాధతే || ౧౭౦ ||
ప్రాతఃకాలే పఠేన్నిత్యమున్మాదశ్చ వినశ్యతి |
మేధాకాంతిస్మృతిదా భోగమోక్షమవాప్యతే || ౧౭౧ ||
మహావ్యాధిమహామూఠనిర్మూలనం భవేత్క్షణాత్ |
విద్యారంభే చ వాదే చ విదేశగమనే తథా || ౧౭౨ ||
యాత్రాకాలే పఠేగత్వాద్విజయం నాత్ర సంశయః |
సిద్ధం మూలీ తథా బ్రాహ్మీ ఉగ్రగంధా హరీతకీ || ౧౭౩ ||
చతుర్ద్రవ్యసమాయుక్తం భక్తియుక్తేన మానసా |
బ్రాహ్మణేన లభేద్విద్యా రాజ్యం చ క్షత్రియో లభేత్ || ౧౭౪ ||
వైశ్యో వాణిజ్యసిద్ధిం చ శూద్రేషు చిరం జీవితః |
వాగ్వాదినీసరస్వత్యాః సహస్రం నామ యః స్మరేత్ || ౧౭౫ ||
తస్య బుద్ధిః స్థిరా లక్ష్మీ జాయతే నాత్ర సంశయః |
యం యం కామయతే మర్త్యస్తం తం ప్రాప్నోతి నిత్యశః || ౧౭౬ ||
అతః పరం కిముక్తేన పరమేష్ఠీ మహాత్మనః |
సర్వాన్ కామాన్ లభేత్ సద్యః లోకవశ్యం తికారకః || ౧౭౭ ||
షట్కర్మం చ మహాసిద్ధిమంత్రయంత్రాదిగీశ్వరః |
కామక్రోధాదహంకారదంభలోభం వినశ్యతి || ౧౭౮ ||
పురుషార్థీ భవేద్విద్వాన్ విజిత్వా తు మహీతలే |
నాతఃపరతరం స్తోత్రం సరస్వత్యా పితామహ || ౧౭౯ ||
న దేయం పరశిష్యేభ్యో భక్తిహీనాయ నిందకే |
సుభక్తేభ్యో సుశిష్యేభ్యో దేయం దేయం న సంశయః || ౧౮౦ ||
ఇదం స్తోత్రం పఠిత్వా తు యత్ర యత్రైవ గచ్ఛతి |
కార్యసిద్ధిశ్చ జాయంతే నిర్విఘ్నం పునరాగమః || ౧౮౧ ||
ఇతి శ్రీభవిష్యోత్తరపురాణే శ్రీనందికేశ్వరబ్రహ్మాసంవాదే సర్వాధారసమయే హృదయాకర్షణకారణే శ్రీ వాగ్వాదినీ సహస్రనామ స్తోత్రమ్ ||
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ సరస్వతీ స్తోత్రనిధి
(నిత్య పారాయణ గ్రంథము)
మరిన్ని శ్రీ సరస్వతీ స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
