Read in తెలుగు / ಕನ್ನಡ / தமிழ் / देवनागरी / English (IAST)
ಶರಣಾಗತಮಾತುರಮಾಧಿಜಿತಂ
ಕರುಣಾಕರ ಕಾಮದ ಕಾಮಹತಮ್ |
ಶರಕಾನನಸಂಭವ ಚಾರುರುಚೇ
ಪರಿಪಾಲಯ ತಾರಕಮಾರಕ ಮಾಮ್ || ೧ ||
ಹರಸಾರಸಮುದ್ಭವ ಹೈಮವತೀ-
-ಕರಪಲ್ಲವಲಾಲಿತ ಕಮ್ರತನೋ |
ಮುರವೈರಿವಿರಿಂಚಿಮುದಂಬುನಿಧೇ
ಪರಿಪಾಲಯ ತಾರಕಮಾರಕ ಮಾಮ್ || ೨ ||
ಶರದಿಂದುಸಮಾನಷಡಾನನಯಾ
ಸರಸೀರುಹಚಾರುವಿಲೋಚನಯಾ |
ನಿರುಪಾಧಿಕಯಾ ನಿಜಬಾಲತಯಾ
ಪರಿಪಾಲಯ ತಾರಕಮಾರಕ ಮಾಮ್ || ೩ ||
ಗಿರಿಜಾಸುತ ಸಾಯಕಭಿನ್ನಗಿರೇ
ಸುರಸಿಂಧುತನೂಜ ಸುವರ್ಣರುಚೇ |
ಶಿಖಿತೋಕಶಿಖಾವಲವಾಹನ ಹೇ
ಪರಿಪಾಲಯ ತಾರಕಮಾರಕ ಮಾಮ್ || ೪ ||
ಜಯ ವಿಪ್ರಜನಪ್ರಿಯ ವೀರ ನಮೋ
ಜಯ ಭಕ್ತಜನಪ್ರಿಯ ಭದ್ರ ನಮೋ |
ಜಯ ಶಾಖ ವಿಶಾಖ ಕುಮಾರ ನಮಃ
ಪರಿಪಾಲಯ ತಾರಕಮಾರಕ ಮಾಮ್ || ೫ ||
ಪರಿತೋ ಭವ ಮೇ ಪುರತೋ ಭವ ಮೇ
ಪಥಿ ಮೇ ಭಗವನ್ ಭವ ರಕ್ಷ ಗತಿಮ್ |
ವಿತರಾಶು ಜಯಂ ವಿಜಯಂ ಪರಿತಃ
ಪರಿಪಾಲಯ ತಾರಕಮಾರಕ ಮಾಮ್ || ೬ ||
ಇತಿ ಕುಕ್ಕುಟಕೇತುಮನುಸ್ಮರತಾಂ
ಪಠತಾಮಪಿ ಷಣ್ಮುಖಷಟ್ಕಮಿದಮ್ |
ಭಜತಾಮಪಿ ನಂದನಮಿಂದುಭೃತೋ
ನ ಭಯಂ ಕ್ವಚಿದಸ್ತಿ ಶರೀರಭೃತಾಮ್ || ೭ ||
ಗಾಂಗೇಯಂ ವಹ್ನಿಗರ್ಭಂ ಶರವಣಜನಿತಂ ಜ್ಞಾನಶಕ್ತಿಂ ಕುಮಾರಂ
ಬ್ರಹ್ಮಣ್ಯಂ ಸ್ಕಂದದೇವಂ ಗುಹಮಚಲಭಿದಂ ರುದ್ರತೇಜಸ್ವರೂಪಮ್ |
ಸೇನಾನ್ಯಂ ತಾರಕಘ್ನಂ ಗಜಮುಖಸಹಜಂ ಕಾರ್ತಿಕೇಯಂ ಷಡಾಸ್ಯಂ
ಸುಬ್ರಹ್ಮಣ್ಯಂ ಮಯೂರಧ್ವಜರಥಸಹಿತಂ ದೇವದೇವಂ ನಮಾಮಿ || ೮ ||
ಇತಿ ಶ್ರೀಸುಬ್ರಹ್ಮಣ್ಯಷಟ್ಕಮ್ ||
ಇನ್ನಷ್ಟು ಶ್ರೀ ಸುಬ್ರಹ್ಮಣ್ಯ ಸ್ತೋತ್ರಗಳು ನೋಡಿ.
ಗಮನಿಸಿ :"ಪ್ರಭಾತ ಸ್ತೋತ್ರನಿಧಿ" ಪುಸ್ತಕ ಬಿಡುಗಡೆಯಾಗಿದೆ ಮತ್ತು ಈಗ ಖರೀದಿಗೆ ಲಭ್ಯವಿದೆ. Click here to buy
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
