Read in తెలుగు / ಕನ್ನಡ / தமிழ் / देवनागरी / English (IAST)
śaraṇāgatamāturamādhijitaṁ
karuṇākara kāmada kāmahatam |
śarakānanasambhava cārurucē
paripālaya tārakamāraka mām || 1 ||
harasārasamudbhava haimavatī-
-karapallavalālita kamratanō |
muravairiviriñcimudambunidhē
paripālaya tārakamāraka mām || 2 ||
śaradindusamānaṣaḍānanayā
sarasīruhacāruvilōcanayā |
nirupādhikayā nijabālatayā
paripālaya tārakamāraka mām || 3 ||
girijāsuta sāyakabhinnagirē
surasindhutanūja suvarṇarucē |
śikhitōkaśikhāvalavāhana hē
paripālaya tārakamāraka mām || 4 ||
jaya viprajanapriya vīra namō
jaya bhaktajanapriya bhadra namō |
jaya śākha viśākha kumāra namaḥ
paripālaya tārakamāraka mām || 5 ||
paritō bhava mē puratō bhava mē
pathi mē bhagavan bhava rakṣa gatim |
vitarāśu jayaṁ vijayaṁ paritaḥ
paripālaya tārakamāraka mām || 6 ||
iti kukkuṭakētumanusmaratāṁ
paṭhatāmapi ṣaṇmukhaṣaṭkamidam |
bhajatāmapi nandanamindubhr̥tō
na bhayaṁ kvacidasti śarīrabhr̥tām || 7 ||
gāṅgēyaṁ vahnigarbhaṁ śaravaṇajanitaṁ jñānaśaktiṁ kumāraṁ
brahmaṇyaṁ skandadēvaṁ guhamacalabhidaṁ rudratējasvarūpam |
sēnānyaṁ tārakaghnaṁ gajamukhasahajaṁ kārtikēyaṁ ṣaḍāsyaṁ
subrahmaṇyaṁ mayūradhvajarathasahitaṁ dēvadēvaṁ namāmi || 8 ||
iti śrīsubrahmaṇyaṣaṭkam ||
See more śrī subrahmaṇya stōtrāṇi for chanting.
గమనిక: "శ్రీ అయ్యప్ప స్తోత్రనిధి" విడుదల చేశాము. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
