Read in తెలుగు / ಕನ್ನಡ / தமிழ் / देवनागरी / English (IAST)
ತ್ವಂ ದೇವ ಋಷಿಕರ್ತಾ ಚ ಪ್ರಕೃತಿಃ ಪುರುಷಃ ಪ್ರಭುಃ |
ಛಾಯಾ ಸಂಜ್ಞಾ ಪ್ರತಿಷ್ಠಾಪಿ ನಿರಾಲಂಬೋ ನಿರಾಶ್ರಯಃ || ೧ ||
ಆಶ್ರಯಃ ಸರ್ವಭೂತಾನಾಂ ನಮಸ್ತೇಽಸ್ತು ಸದಾ ಮಮ |
ತ್ವಂ ದೇವ ಸರ್ವತಶ್ಚಕ್ಷುಃ ಸರ್ವತಃ ಸರ್ವದಾ ಗತಿಃ || ೨ ||
ಸರ್ವದಃ ಸರ್ವದಾ ಸರ್ವಃ ಸರ್ವಸೇವ್ಯಸ್ತ್ವಮಾರ್ತಿಹಾ |
ತ್ವಂ ದೇವ ಧ್ಯಾನಿನಾಂ ಧ್ಯಾನಂ ಯೋಗಿನಾಂ ಯೋಗ ಉತ್ತಮಃ || ೩ ||
ತ್ವಂ ಭಾಷಾಫಲದಃ ಸರ್ವಃ ಸದ್ಯಃ ಪಾಪಹರೋ ವಿಭುಃ |
ಸರ್ವಾರ್ತಿನಾಶಂ ನೋ ನಾಶೀಕರಣಂ ಕರುಣಾ ವಿಭುಃ || ೪ ||
ದಯಾಶಕ್ತಿಃ ಕ್ಷಮಾವಾಸಃ ಸಘೃಣಿರ್ಘೃಣಿಮೂರ್ತಿಮಾನ್ |
ತ್ವಂ ದೇವ ಸೃಷ್ಟಿಸಂಹಾರಸ್ಥಿತಿರೂಪಃ ಸುರಾಧಿಪಃ || ೫ ||
ಬಕಃ ಶೋಷೋ ವೃಕೋದಾಹಸ್ತುಷಾರೋ ದಹನಾತ್ಮಕಃ |
ಪ್ರಣತಾರ್ತಿಹರೋ ಯೋಗೀ ಯೋಗಮೂರ್ತೇ ನಮೋಽಸ್ತು ತೇ || ೬ ||
ತ್ವಂ ದೇವ ಹೃದಯಾನಂದ ಶಿರೋರತ್ನಪ್ರಭಾಮಣಿಃ |
ಬೋಧಕಃ ಪಾಠಕೋ ಧ್ಯಾಯೀ ಗ್ರಾಹಕೋ ಗ್ರಹಣಾತ್ಮಕಃ || ೭ ||
ತ್ವಂ ದೇವ ನಿಯಮೋ ನ್ಯಾಯೀ ನ್ಯಾಯಕೋ ನ್ಯಾಯವರ್ಧನಃ |
ಅನಿತ್ಯೋ ನಿಯತೋ ನಿತ್ಯೋ ನ್ಯಾಯಮೂರ್ತೇ ನಮೋಽಸ್ತು ತೇ || ೮ ||
ತ್ವಂ ದೇವ ತ್ರಾಯಸೇ ಪ್ರಾಪ್ತಾನ್ ಪಾಲಯಸ್ಯರ್ಪವಸ್ಥಿತಾನ್ |
ಊರ್ದ್ವತ್ರಾಣಾರ್ದಿತಾನ್ ಲೋಕಾನ್ ಲೋಕಚಕ್ಷುರ್ನಮೋಽಸ್ತು ತೇ || ೯ ||
ದಮನೋಽಸಿ ತ್ವಂ ದುರ್ದಾಂತಃ ಸಾಧ್ಯಾನಾಂ ಚೈವ ಸಾಧಕಃ |
ಬಂಧುಃ ಸ್ವಬಂಧುಹೀನಾನಾಂ ನಮಸ್ತೇ ಬಂಧುರೂಪಿಣೇ || ೧೦ ||
ಇತಿ ಶ್ರೀಸಾಂಬಪುರಾಣೇ ತ್ರಿಚತ್ವಾರಿಂಶೋಽಧ್ಯಾಯೇ ರವಿ ಸ್ತೋತ್ರಮ್ ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
