Read in తెలుగు / ಕನ್ನಡ / தமிழ் / देवनागरी / English (IAST)
ರಾಧಾ ರಾಸೇಶ್ವರೀ ರಾಸವಾಸಿನೀ ರಸಿಕೇಶ್ವರೀ |
ಕೃಷ್ಣಪ್ರಾಣಾಧಿಕಾ ಕೃಷ್ಣಪ್ರಿಯಾ ಕೃಷ್ಣಸ್ವರೂಪಿಣೀ || ೧ ||
ಕೃಷ್ಣವಾಮಾಂಗಸಂಭೂತಾ ಪರಮಾನಂದರೂಪಿಣೀ |
ಕೃಷ್ಣಾ ವೃಂದಾವನೀ ವೃಂದಾ ವೃಂದಾವನವಿನೋದಿನೀ || ೨ ||
ಚಂದ್ರಾವಳೀ ಚಂದ್ರಕಾಂತಾ ಶರಚ್ಚಂದ್ರಪ್ರಭಾನನಾ |
ನಾಮಾನ್ಯೇತಾನಿ ಸಾರಾಣಿ ತೇಷಾಮಭ್ಯಂತರಾಣಿ ಚ || ೩ ||
ರಾಧೇತ್ಯೇವಂ ಚ ಸಂಸಿದ್ಧಾ ರಾಕಾರೋ ದಾನವಾಚಕಃ |
ಸ್ವಯಂ ನಿರ್ವಾಣದಾತ್ರೀ ಯಾ ಸಾ ರಾಧಾ ಪರಿಕೀರ್ತಿತಾ || ೪ ||
ರಾ ಚ ರಾಸೇ ಚ ಭವನಾದ್ಧಾ ಏವ ಧಾರಣಾದಹೋ |
ಹರೇರಾಲಿಂಗನಾದಾರಾತ್ತೇನ ರಾಧಾ ಪ್ರಕೀರ್ತಿತಾ || ೫ ||
ರಾಸೇಶ್ವರಸ್ಯ ಪತ್ನೀಯಂ ತೇನ ರಾಸೇಶ್ವರೀ ಸ್ಮೃತಾ |
ರಾಸೇ ಚ ವಾಸೋ ಯಸ್ಯಾಶ್ಚ ತೇನ ಸಾ ರಾಸವಾಸಿನೀ || ೬ ||
ಸರ್ವಾಸಾಂ ರಸಿಕಾನಾಂ ಚ ದೇವೀನಾಮೀಶ್ವರೀ ಪರಾ |
ಪ್ರವದಂತಿ ಪುರಾ ಸಂತಸ್ತೇನ ತಾಂ ರಸಿಕೇಶ್ವರೀಮ್ || ೭ ||
ಪ್ರಾಣಾಧಿಕಾ ಪ್ರೇಯಸೀ ಸಾ ಕೃಷ್ಣಸ್ಯ ಪರಮಾತ್ಮನಃ |
ಕೃಷ್ಣಪ್ರಾಣಾಧಿಕಾ ಸಾ ಚ ಕೃಷ್ಣೇನ ಪರಿಕೀರ್ತಿತಾ || ೮ ||
ಕೃಷ್ಣಾಸ್ಯಾತಿಪ್ರಿಯಾ ಕಾಂತಾ ಕೃಷ್ಣೋ ವಾಽಸ್ಯಾಃ ಪ್ರಿಯಃ ಸದಾ |
ಸರ್ವೈರ್ದೇವಗಣೈರುಕ್ತಾ ತೇನ ಕೃಷ್ಣಪ್ರಿಯಾ ಸ್ಮೃತಾ || ೯ ||
ಕೃಷ್ಣರೂಪಂ ಸಂವಿಧಾತುಂ ಯಾ ಶಕ್ತಾ ಚಾವಲೀಲಯಾ |
ಸರ್ವಾಂಶೈಃ ಕೃಷ್ಣಸದೃಶೀ ತೇನ ಕೃಷ್ಣಸ್ವರೂಪಿಣೀ || ೧೦ ||
ವಾಮಾಂಗಾರ್ಧೇನ ಕೃಷ್ಣಸ್ಯ ಯಾ ಸಂಭೂತಾ ಪರಾ ಸತೀ |
ಕೃಷ್ಣವಾಮಾಂಗಸಂಭೂತಾ ತೇನ ಕೃಷ್ಣೇನ ಕೀರ್ತಿತಾ || ೧೧ ||
ಪರಮಾನಂದರಾಶಿಶ್ಚ ಸ್ವಯಂ ಮೂರ್ತಿಮತೀ ಸತೀ |
ಶ್ರುತಿಭಿಃ ಕೀರ್ತಿತಾ ತೇನ ಪರಮಾನಂದರೂಪಿಣೀ || ೧೨ ||
ಕೃಷಿರ್ಮೋಕ್ಷಾರ್ಥವಚನೋ ಣ ಏವೋತ್ಕೃಷ್ಟವಾಚಕಃ |
ಆಕಾರೋ ದಾತೃವಚನಸ್ತೇನ ಕೃಷ್ಣಾ ಪ್ರಕೀರ್ತಿತಾ || ೧೩ ||
ಅಸ್ತಿ ವೃಂದಾವನಂ ಯಸ್ಯಾಸ್ತೇನ ವೃಂದಾವನೀ ಸ್ಮೃತಾ |
ವೃಂದಾವನಸ್ಯಾಧಿದೇವೀ ತೇನ ವಾಽಥ ಪ್ರಕೀರ್ತಿತಾ || ೧೪ ||
ಸಂಘಃ ಸಖೀನಾಂ ವೃಂದಃ ಸ್ಯಾದಕಾರೋಽಪ್ಯಸ್ತಿವಾಚಕಃ |
ಸಖಿವೃಂದೋಽಸ್ತಿ ಯಸ್ಯಾಶ್ಚ ಸಾ ವೃಂದಾ ಪರಿಕೀರ್ತಿತಾ || ೧೫ ||
ವೃಂದಾವನೇ ವಿನೋದಶ್ಚ ಸೋಽಸ್ಯಾ ಹ್ಯಸ್ತಿ ಚ ತತ್ರ ವೈ |
ವೇದಾ ವದಂತಿ ತಾಂ ತೇನ ವೃಂದಾವನವಿನೋದಿನೀಮ್ || ೧೬ ||
ನಖಚಂದ್ರಾವಳೀವಕ್ತ್ರಚಂದ್ರೋಽಸ್ತಿ ಯತ್ರ ಸಂತತಮ್ |
ತೇನ ಚಂದ್ರವಳೀ ಸಾ ಚ ಕೃಷ್ಣೇನ ಪರಿಕೀರ್ತಿತಾ || ೧೭ ||
ಕಾಂತಿರಸ್ತಿ ಚಂದ್ರತುಲ್ಯಾ ಸದಾ ಯಸ್ಯಾ ದಿವಾನಿಶಮ್ |
ಸಾ ಚಂದ್ರಕಾಂತಾ ಹರ್ಷೇಣ ಹರಿಣಾ ಪರಿಕೀರ್ತಿತಾ || ೧೮ ||
ಶರಚ್ಚಂದ್ರಪ್ರಭಾ ಯಸ್ಯಾಶ್ಚಾಽಽನನೇಽಸ್ತಿ ದಿವಾನಿಶಮ್ |
ಮುನಿನಾ ಕೀರ್ತಿತಾ ತೇನ ಶರಚ್ಚಂದ್ರಪ್ರಭಾನನಾ || ೧೯ ||
ಇದಂ ಷೋಡಶನಾಮೋಕ್ತಮರ್ಥವ್ಯಾಖ್ಯಾನಸಂಯುತಮ್ |
ನಾರಾಯಣೇನ ಯದ್ದತ್ತಂ ಬ್ರಹ್ಮಣೇ ನಾಭಿಪಂಕಜೇ || ೨೦ ||
ಬ್ರಹ್ಮಣಾ ಚ ಪುರಾ ದತ್ತಂ ಧರ್ಮಾಯ ಜನಕಾಯ ಮೇ |
ಧರ್ಮೇಣ ಕೃಪಯಾ ದತ್ತಂ ಮಹ್ಯಮಾದಿತ್ಯಪರ್ವಣಿ || ೨೧ ||
ಪುಷ್ಕರೇ ಚ ಮಹಾತೀರ್ಥೇ ಪುಣ್ಯಾಹೇ ದೇವಸಂಸದಿ |
ರಾಧಾಪ್ರಭಾವಪ್ರಸ್ತಾವೇ ಸುಪ್ರಸನ್ನೇನ ಚೇತಸಾ || ೨೨ ||
ಇದಂ ಸ್ತೋತ್ರಂ ಮಹಾಪುಣ್ಯಂ ತುಭ್ಯಂ ದತ್ತಂ ಮಯಾ ಮುನೇ |
ನಿಂದಕಾಯಾಽವೈಷ್ಣವಾಯ ನ ದಾತವ್ಯಂ ಮಹಾಮುನೇ || ೨೩ ||
ಯಾವಜ್ಜೀವಮಿದಂ ಸ್ತೋತ್ರಂ ತ್ರಿಸಂಧ್ಯಂ ಯಃ ಪಠೇನ್ನರಃ |
ರಾಧಾಮಾಧವಯೋಃ ಪಾದಪದ್ಮೇ ಭಕ್ತಿರ್ಭವೇದಿಹ || ೨೪ ||
ಅಂತೇ ಲಭೇತ್ತಯೋರ್ದಾಸ್ಯಂ ಶಶ್ವತ್ ಸಹಚರೋ ಭವೇತ್ |
ಅಣಿಮಾದಿಕಸಿದ್ಧಿಂ ಚ ಸಂಪ್ರಾಪ್ಯ ನಿತ್ಯವಿಗ್ರಹಮ್ || ೨೫ ||
ವ್ರತದಾನೋಪವಾಸೈಶ್ಚ ಸರ್ವೈರ್ನಿಯಮಪೂರ್ವಕೈಃ |
ಚತುರ್ಣಾಂ ಚೈವ ವೇದಾನಾಂ ಪಾಠೈಃ ಸರ್ವಾರ್ಥಸಂಯುತೈಃ || ೨೬ ||
ಸರ್ವೇಷಾಂ ಯಜ್ಞತೀರ್ಥಾನಾಂ ಕರಣೈರ್ವಿಧಿಬೋಧಿತೈಃ |
ಪ್ರದಕ್ಷಿಣೇನ ಭುಮೇಶ್ಚ ಕೃತ್ಸ್ನಾಯಾ ಏವ ಸಪ್ತಧಾ || ೨೭ ||
ಶರಣಾಗತರಕ್ಷಾಯಾಮಜ್ಞಾನಾಂ ಜ್ಞಾನದಾನತಃ |
ದೇವಾನಾಂ ವೈಷ್ಣವಾನಾಂ ಚ ದರ್ಶನೇನಾಪಿ ಯತ್ ಫಲಮ್ || ೨೮ ||
ತದೇವ ಸ್ತೋತ್ರಪಾಠಸ್ಯ ಕಲಾಂ ನಾರ್ಹತಿ ಷೋಡಶೀಮ್ |
ಸ್ತೋತ್ರಸ್ಯಾಸ್ಯ ಪ್ರಭಾವೇಣ ಜೀವನ್ಮುಕ್ತೋ ಭವೇನ್ನರಃ || ೨೯ ||
ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಶ್ರೀಕೃಷ್ಣಜನ್ಮಖಂಡೇ ಸಪ್ತದಶೋಽಧ್ಯಾಯೇ ಶ್ರೀನಾರಾಯಣಕೃತ ಶ್ರೀ ರಾಧಾ ಷೋಡಶನಾಮ ವರ್ಣನಮ್ ||
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
