Read in తెలుగు / ಕನ್ನಡ / தமிழ் / देवनागरी / English (IAST)
ದೇವ್ಯುವಾಚ |
ಭಗವನ್ ಸರ್ವಧರ್ಮಜ್ಞ ಸರ್ವಶಾಸ್ತ್ರಾರ್ಥಪಾರಗ |
ದೇವ್ಯಾಃ ಪ್ರತ್ಯಂಗಿರಾಯಾಶ್ಚ ಕವಚಂ ಯತ್ಪ್ರಕಾಶಿತಮ್ || ೧ ||
ಸರ್ವಾರ್ಥಸಾಧನಂ ನಾಮ ಕಥಯಸ್ವ ಮಯಿ ಪ್ರಭೋ |
ಭೈರವ ಉವಾಚ |
ಶೃಣು ದೇವಿ ಪ್ರವಕ್ಷ್ಯಾಮಿ ಕವಚಂ ಪರಮಾದ್ಭುತಮ್ || ೨ ||
ಸರ್ವಾರ್ಥಸಾಧನಂ ನಾಮ ತ್ರೈಲೋಕ್ಯೇ ಚಾಽತಿದುರ್ಲಭಮ್ |
ಸರ್ವಸಿದ್ಧಿಮಯಂ ದೇವಿ ಸರ್ವೈಶ್ವರ್ಯಪ್ರದಾಯಕಮ್ || ೩ ||
ಪಠನಾಚ್ಛ್ರವಣಾನ್ಮರ್ತ್ಯಸ್ತ್ರೈಲೋಕ್ಯೈಶ್ವರ್ಯಭಾಗ್ಭವೇತ್ |
ಸರ್ವಾರ್ಥಸಾಧಕಸ್ಯಾಽಸ್ಯ ಕವಚಸ್ಯ ಋಷಿಃ ಶಿವಃ || ೪ ||
ಛಂದೋ ವಿರಾಟ್ ಪರಾಶಕ್ತಿರ್ಜಗದ್ಧಾತ್ರೀ ಚ ದೇವತಾ |
ಧರ್ಮಾಽರ್ಥಕಾಮಮೋಕ್ಷೇಷು ವಿನಿಯೋಗಃ ಪ್ರಕೀರ್ತಿತಃ || ೫ ||
ನ್ಯಾಸಃ –
ಶ್ರೀಸರ್ವಾರ್ಥಸಾಧಕಕವಚಸ್ಯ ಶಿವ ಋಷಯೇ ನಮಃ ಶಿರಸಿ |
ವಿರಾಟ್ ಛಂದಸೇ ನಮಃ ಮುಖೇ |
ಶ್ರೀಮತ್ಪ್ರತ್ಯಂಗಿರಾ ದೇವತಾಯೈ ನಮಃ ಹೃದಯೇ |
ಐಂ ಬೀಜಾಯ ನಮಃ ಗುಹ್ಯೇ |
ಹ್ರೀಂ ಶಕ್ತಯೇ ನಮಃ ಪಾದೌ |
ಶ್ರೀಂ ಕೀಲಕಾಯ ನಮಃ ನಾಭೌ |
ಧರ್ಮಾರ್ಥಕಾಮಮೋಕ್ಷೇಷು ವಿನಿಯೋಗಾಯ ನಮಃ ಸರ್ವಾಂಗೇ ||
ಕವಚಮ್ –
ಪ್ರಣವಂ ಮೇ ಶಿರಃ ಪಾತು ವಾಗ್ಭವಂ ಚ ಲಲಾಟಕಮ್ |
ಹ್ರೀಂ ಪಾತು ದಕ್ಷನೇತ್ರಂ ಮೇ ಲಕ್ಷ್ಮೀರ್ವಾಮ ಸುರೇಶ್ವರೀ || ೬ ||
ಪ್ರತ್ಯಂಗಿರಾ ದಕ್ಷಕರ್ಣಂ ವಾಮೇ ಕಾಮೇಶ್ವರೀ ತಥಾ |
ಲಕ್ಷ್ಮೀಃ ಪ್ರಾಣಂ ಸದಾ ಪಾತು ವದನಂ ಪಾತು ಕೇಶವಃ || ೭ ||
ಗೌರೀ ತು ರಸನಾಂ ಪಾತು ಕಂಠಂ ಪಾತು ಮಹೇಶ್ವರಃ |
ಸ್ಕಂಧದೇಶಂ ರತಿಃ ಪಾತು ಭುಜೌ ತು ಮಕರಧ್ವಜಃ || ೮ ||
ಶಂಖನಿಧಿಃ ಕರೌ ಪಾತು ವಕ್ಷಃ ಪದ್ಮನಿಧಿಸ್ತಥಾ |
ಬ್ರಾಹ್ಮೀ ಮಧ್ಯಂ ಸದಾ ಪಾತು ನಾಭಿಂ ಪಾತು ಮಹೇಶ್ವರೀ || ೯ ||
ಕೌಮಾರೀ ಪೃಷ್ಠದೇಶಂ ತು ಗುಹ್ಯಂ ರಕ್ಷತು ವೈಷ್ಣವೀ |
ವಾರಾಹೀ ಚ ಕಟಿಂ ಪಾತು ಚೈಂದ್ರೀ ಪಾತು ಪದದ್ವಯಮ್ || ೧೦ ||
ಭಾರ್ಯಾಂ ರಕ್ಷತು ಚಾಮುಂಡಾ ಲಕ್ಷ್ಮೀ ರಕ್ಷತು ಪುತ್ರಕಾನ್ |
ಇಂದ್ರಃ ಪೂರ್ವೇ ಸದಾ ಪಾತು ಆಗ್ನೇಯ್ಯಾಮಗ್ನಿದೇವತಾ || ೧೧ ||
ಯಾಮ್ಯೇ ಯಮಃ ಸದಾ ಪಾತು ನೈರೃತ್ಯಾಂ ನಿರೃತಿಸ್ತಥಾ |
ಪಶ್ಚಿಮೇ ವರುಣಃ ಪಾತು ವಾಯವ್ಯಾಂ ವಾಯುದೇವತಾ || ೧೨ ||
ಸೌಮ್ಯಾಂ ಸೋಮಃ ಸದಾ ಪಾತು ಚೈಶಾನ್ಯಾಮೀಶ್ವರೋ ವಿಭುಃ |
ಊರ್ಧ್ವಂ ಪ್ರಜಾಪತಿಃ ಪಾತು ಹ್ಯಧಶ್ಚಾಽನಂತದೇವತಾ || ೧೩ ||
ರಾಜದ್ವಾರೇ ಶ್ಮಶಾನೇ ತು ಅರಣ್ಯೇ ಪ್ರಾಂತರೇ ತಥಾ |
ಜಲೇ ಸ್ಥಲೇ ಚಾಽಂತರಿಕ್ಷೇ ಶತ್ರೂಣಾಂ ನಿವಹೇ ತಥಾ || ೧೪ ||
ಏತಾಭಿಃ ಸಹಿತಾ ದೇವೀ ಚತುರ್ಬೀಜಾ ಮಹೇಶ್ವರೀ |
ಪ್ರತ್ಯಂಗಿರಾ ಮಹಾಶಕ್ತಿಃ ಸರ್ವತ್ರ ಮಾಂ ಸದಾಽವತು || ೧೫ ||
ಫಲಶ್ರುತಿಃ –
ಇತಿ ತೇ ಕಥಿತಂ ದೇವಿ ಸಾರಾತ್ಸಾರಂ ಪರಾತ್ಪರಮ್ |
ಸರ್ವಾರ್ಥಸಾಧನಂ ನಾಮ ಕವಚಂ ಪರಮಾದ್ಭುತಮ್ || ೧೬ ||
ಅಸ್ಯಾಽಪಿ ಪಠನಾತ್ಸದ್ಯಃ ಕುಬೇರೋಽಪಿ ಧನೇಶ್ವರಃ |
ಇಂದ್ರಾದ್ಯಾಃ ಸಕಲಾ ದೇವಾಃ ಧಾರಣಾತ್ಪಠನಾದ್ಯತಃ || ೧೭ ||
ಸರ್ವಸಿದ್ಧೀಶ್ವರಾಃ ಸಂತಃ ಸರ್ವೈಶ್ವರ್ಯಮವಾಪ್ನುಯುಃ |
ಪುಷ್ಪಾಂಜಲ್ಯಷ್ಟಕಂ ದತ್ತ್ವಾ ಮೂಲೇನೈವ ಸಕೃತ್ಪಠೇತ್ || ೧೮ ||
ಸಂವತ್ಸರಕೃತಾಯಾಸ್ತು ಪೂಜಾಯಾಃ ಫಲಮಾಪ್ನುಯಾತ್ |
ಪ್ರೀತಿಮನ್ಯೇಽನ್ಯತಃ ಕೃತ್ವಾ ಕಮಲಾ ನಿಶ್ಚಲಾ ಗೃಹೇ || ೧೯ ||
ವಾಣೀ ಚ ನಿವಸೇದ್ವಕ್ತ್ರೇ ಸತ್ಯಂ ಸತ್ಯಂ ನ ಸಂಶಯಃ |
ಯೋ ಧಾರಯತಿ ಪುಣ್ಯಾತ್ಮಾ ಸರ್ವಾರ್ಥಸಾಧನಾಭಿಧಮ್ || ೨೦ ||
ಕವಚಂ ಪರಮಂ ಪುಣ್ಯಂ ಸೋಽಪಿ ಪುಣ್ಯವತಾಂ ವರಃ |
ಸರ್ವೈಶ್ವರ್ಯಯುತೋ ಭೂತ್ವಾ ತ್ರೈಲೋಕ್ಯವಿಜಯೀ ಭವೇತ್ || ೨೧ ||
ಪುರುಷೋ ದಕ್ಷಿಣೇ ಬಾಹೌ ನಾರೀ ವಾಮಭುಜೇ ತಥಾ |
ಬಹುಪುತ್ರವತೀ ಭೂಯಾದ್ವಂಧ್ಯಾಽಪಿ ಲಭತೇ ಸುತಮ್ || ೨೨ ||
ಬ್ರಹ್ಮಾಸ್ತ್ರಾದೀನಿ ಶಸ್ತ್ರಾಣಿ ನೈವ ಕೃಂತಂತಿ ತತ್ತನುಮ್ |
ಏತತ್ಕವಚಮಜ್ಞಾತ್ವಾ ಯೋ ಜಪೇತ್ಪರಮೇಶ್ವರೀಮ್ |
ದಾರಿದ್ರ್ಯಂ ಪರಮಂ ಪ್ರಾಪ್ಯ ಸೋಽಚಿರಾನ್ಮೃತ್ಯುಮಾಪ್ನುಯಾತ್ || ೨೩ ||
ಇತಿ ಶ್ರೀರುದ್ರಯಾಮಲತಂತ್ರೇ ಪಂಚಾಂಗಖಂಡೇ ಸರ್ವಾರ್ಥಸಾಧನಂ ನಾಮ ಶ್ರೀ ಪ್ರತ್ಯಂಗಿರಾ ಕವಚಮ್ |
ಇನ್ನಷ್ಟು ಶ್ರೀ ಪ್ರತ್ಯಂಗಿರಾ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
