Read in తెలుగు / ಕನ್ನಡ / தமிழ் / देवनागरी / English (IAST)
ಧ್ಯಾಯೇನ್ನಿತ್ಯಂ ಮಹೇಶಂ ರಜತಗಿರಿನಿಭಂ ಚಾರುಚಂದ್ರಾವತಂಸಂ
ರತ್ನಾಕಲ್ಪೋಜ್ಜ್ವಲಾಂಗಂ ಪರಶುಮೃಗವರಾಭೀತಿಹಸ್ತಂ ಪ್ರಸನ್ನಮ್ |
ಪದ್ಮಾಸೀನಂ ಸಮಂತಾತ್ ಸ್ತುತಮಮರಗಣೈರ್ವ್ಯಾಘ್ರಕೃತ್ತಿಂ ವಸಾನಂ
ವಿಶ್ವಾದ್ಯಂ ವಿಶ್ವಬೀಜಂ ನಿಖಿಲಭಯಹರಂ ಪಂಚವಕ್ತ್ರಂ ತ್ರಿನೇತ್ರಮ್ ||
ಪಶುಪತಿಂ ದ್ಯುಪತಿಂ ಧರಣೀಪತಿಂ
ಭುಜಗಲೋಕಪತಿಂ ಚ ಸತೀಪತಿಮ್ |
ಪ್ರಣತ ಭಕ್ತಜನಾರ್ತಿಹರಂ ಪರಂ
ಭಜತ ರೇ ಮನುಜಾ ಗಿರಿಜಾಪತಿಮ್ || ೧ ||
ನ ಜನಕೋ ಜನನೀ ನ ಚ ಸೋದರೋ
ನ ತನಯೋ ನ ಚ ಭೂರಿಬಲಂ ಕುಲಮ್ |
ಅವತಿ ಕೋಽಪಿ ನ ಕಾಲವಶಂ ಗತಂ
ಭಜತ ರೇ ಮನುಜಾ ಗಿರಿಜಾಪತಿಮ್ || ೨ ||
ಮುರಜಡಿಂಡಿಮವಾದ್ಯವಿಲಕ್ಷಣಂ
ಮಧುರಪಂಚಮನಾದವಿಶಾರದಮ್ |
ಪ್ರಮಥಭೂತಗಣೈರಪಿ ಸೇವಿತಂ
ಭಜತ ರೇ ಮನುಜಾ ಗಿರಿಜಾಪತಿಮ್ || ೩ ||
ಶರಣದಂ ಸುಖದಂ ಶರಣಾನ್ವಿತಂ
ಶಿವ ಶಿವೇತಿ ಶಿವೇತಿ ನತಂ ನೃಣಾಮ್ |
ಅಭಯದಂ ಕರುಣಾವರುಣಾಲಯಂ
ಭಜತ ರೇ ಮನುಜಾ ಗಿರಿಜಾಪತಿಮ್ || ೪ ||
ನರಶಿರೋರಚಿತಂ ಮಣಿಕುಂಡಲಂ
ಭುಜಗಹಾರಮುದಂ ವೃಷಭಧ್ವಜಮ್ |
ಚಿತಿರಜೋಧವಳೀಕೃತವಿಗ್ರಹಂ
ಭಜತ ರೇ ಮನುಜಾ ಗಿರಿಜಾಪತಿಮ್ || ೫ ||
ಮಖವಿನಾಶಕರಂ ಶಶಿಶೇಖರಂ
ಸತತಮಧ್ವರಭಾಜಿ ಫಲಪ್ರದಮ್ |
ಪ್ರಳಯದಗ್ಧಸುರಾಸುರಮಾನವಂ
ಭಜತ ರೇ ಮನುಜಾ ಗಿರಿಜಾಪತಿಮ್ || ೬ ||
ಮದಮಪಾಸ್ಯ ಚಿರಂ ಹೃದಿ ಸಂಸ್ಥಿತಂ
ಮರಣಜನ್ಮಜರಾಭಯಪೀಡಿತಮ್ |
ಜಗದುದೀಕ್ಷ್ಯ ಸಮೀಪಭಯಾಕುಲಂ
ಭಜತ ರೇ ಮನುಜಾ ಗಿರಿಜಾಪತಿಮ್ || ೭ ||
ಹರಿವಿರಂಚಿಸುರಾಧಿಪಪೂಜಿತಂ
ಯಮಜನೇಶಧನೇಶನಮಸ್ಕೃತಮ್ |
ತ್ರಿನಯನಂ ಭೂವನತ್ರಿತಯಾಧಿಪಂ
ಭಜತ ರೇ ಮನುಜಾ ಗಿರಿಜಾಪತಿಮ್ || ೮ ||
ಪಶುಪತೇರಿದಮಷ್ಟಕಮದ್ಭುತಂ
ವಿರಚಿತಂ ಪೃಥಿವೀಪತಿಸೂರಿಣಾ |
ಪಠತಿ ಸಂಶೃಣುತೇ ಮನುಜಃ ಸದಾ
ಶಿವಪುರೀಂ ವಸತೇ ಲಭತೇ ಮುದಮ್ || ೯ ||
ಇತಿ ಶ್ರೀಪೃಥಿವೀಪತಿಸೂರಿವಿರಚಿತಂ ಶ್ರೀಪಶುಪತ್ಯಷ್ಟಕಮ್ |
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
