Sri Lalitha Ashtottara Shatanama Stotram 2 – ಶ್ರೀ ಲಲಿತಾಷ್ಟೋತ್ತರಶತನಾಮ ಸ್ತೋತ್ರಂ – ೨


ಶಿವಾ ಭವಾನೀ ಕಳ್ಯಾಣೀ ಗೌರೀ ಕಾಳೀ ಶಿವಪ್ರಿಯಾ |
ಕಾತ್ಯಾಯನೀ ಮಹಾದೇವೀ ದುರ್ಗಾಽಽರ್ಯಾ ಚಂಡಿಕಾ ಭವಾ || ೧ ||

ಚಂದ್ರಚೂಡಾ ಚಂದ್ರಮುಖೀ ಚಂದ್ರಮಂಡಲವಾಸಿನೀ |
ಚಂದ್ರಹಾಸಕರಾ ಚಂದ್ರಹಾಸಿನೀ ಚಂದ್ರಕೋಟಿಭಾ || ೨ ||

ಚಿದ್ರೂಪಾ ಚಿತ್ಕಳಾ ನಿತ್ಯಾ ನಿರ್ಮಲಾ ನಿಷ್ಕಳಾ ಕಳಾ |
ಭವ್ಯಾ ಭವಪ್ರಿಯಾ ಭವ್ಯರೂಪಿಣೀ ಕಲಭಾಷಿಣೀ || ೩ ||

ಕವಿಪ್ರಿಯಾ ಕಾಮಕಳಾ ಕಾಮದಾ ಕಾಮರೂಪಿಣೀ |
ಕಾರುಣ್ಯಸಾಗರಾ ಕಾಳೀ ಸಂಸಾರಾರ್ಣವತಾರಕಾ || ೪ ||

ದೂರ್ವಾಭಾ ದುಷ್ಟಭಯದಾ ದುರ್ಜಯಾ ದುರಿತಾಪಹಾ |
ಲಲಿತಾ ರಾಜ್ಯದಾ ಸಿದ್ಧಾ ಸಿದ್ಧೇಶೀ ಸಿದ್ಧಿದಾಯಿನೀ || ೫ ||

ಶರ್ಮದಾ ಶಾಂತಿರವ್ಯಕ್ತಾ ಶಂಖಕುಂಡಲಮಂಡಿತಾ |
ಶಾರದಾ ಶಾಂಕರೀ ಸಾಧ್ವೀ ಶ್ಯಾಮಲಾ ಕೋಮಲಾಕೃತಿಃ || ೬ ||

ಪುಷ್ಪಿಣೀ ಪುಷ್ಪಬಾಣಾಂಬಾ ಕಮಲಾ ಕಮಲಾಸನಾ |
ಪಂಚಬಾಣಸ್ತುತಾ ಪಂಚವರ್ಣರೂಪಾ ಸರಸ್ವತೀ || ೭ ||

ಪಂಚಮೀ ಪರಮಾ ಲಕ್ಷ್ಮೀಃ ಪಾವನೀ ಪಾಪಹಾರಿಣೀ |
ಸರ್ವಜ್ಞಾ ವೃಷಭಾರೂಢಾ ಸರ್ವಲೋಕವಶಂಕರೀ || ೮ ||

ಸರ್ವಸ್ವತಂತ್ರಾ ಸರ್ವೇಶೀ ಸರ್ವಮಂಗಳಕಾರಿಣೀ |
ನಿರವದ್ಯಾ ನೀರದಾಭಾ ನಿರ್ಮಲಾ ನಿಶ್ಚಯಾತ್ಮಿಕಾ || ೯ ||

ನಿರ್ಮದಾ ನಿಯತಾಚಾರಾ ನಿಷ್ಕಾಮಾ ನಿಗಮಾಲಯಾ |
ಅನಾದಿಬೋಧಾ ಬ್ರಹ್ಮಾಣೀ ಕೌಮಾರೀ ಗುರುರೂಪಿಣೀ || ೧೦ ||

ವೈಷ್ಣವೀ ಸಮಯಾಚಾರಾ ಕೌಳಿನೀ ಕುಲದೇವತಾ |
ಸಾಮಗಾನಪ್ರಿಯಾ ಸರ್ವವೇದರೂಪಾ ಸರಸ್ವತೀ || ೧೧ ||

ಅಂತರ್ಯಾಗಪ್ರಿಯಾಽಽನಂದಾ ಬಹಿರ್ಯಾಗಪರಾರ್ಚಿತಾ |
ವೀಣಾಗಾನರಸಾನಂದಾ ಚಾರ್ಧೋನ್ಮೀಲಿತಲೋಚನಾ || ೧೨ ||

ದಿವ್ಯಚಂದನದಿಗ್ಧಾಂಗೀ ಸರ್ವಸಾಮ್ರಾಜ್ಯರೂಪಿಣೀ |
ತರಂಗೀಕೃತಸ್ವಾಪಾಂಗವೀಕ್ಷಾರಕ್ಷಿತಸಜ್ಜನಾ || ೧೩ ||

ಸುಧಾಪಾನಸಮುದ್ವೇಲಹೇಲಾಮೋಹಿತಧೂರ್ಜಟಿಃ |
ಮತಂಗಮುನಿಸಂಪೂಜ್ಯಾ ಮತಂಗಕುಲಭೂಷಣಾ || ೧೪ ||

ಮಕುಟಾಂಗದಮಂಜೀರಮೇಖಲಾದಾಮಭೂಷಿತಾ |
ಊರ್ಮಿಕಾಕಿಂಕಿಣೀರತ್ನಕಂಕಣಾದಿಪರಿಷ್ಕೃತಾ || ೧೫ ||

ಮಲ್ಲಿಕಾಮಾಲತೀಕುಂದಮಂದಾರಾಂಚಿತಮಸ್ತಕಾ |
ತಾಂಬೂಲಕವಲೋದಂಚತ್ಕಪೋಲತಲಶೋಭಿನೀ || ೧೬||

ತ್ರಿಮೂರ್ತಿರೂಪಾ ತ್ರೈಲೋಕ್ಯಸುಮೋಹನತನುಪ್ರಭಾ |
ಶ್ರೀಮಚ್ಚಕ್ರಾಧಿನಗರೀಸಾಮ್ರಾಜ್ಯಶ್ರೀಸ್ವರೂಪಿಣೀ || ೧೭ ||

ಇದಂ ನಾಮ್ನಾಂ ಸಾಷ್ಟಶತಂ ಲಲಿತಾಯಾಃ ಮತಿಪ್ರದಮ್ |
ವಿದ್ಯಾಧನಯಶಃ ಕಾಮಪೂರ್ತಿದಂ ಸರ್ವಮಂಗಳಮ್ || ೧೮ ||

ಇತಿ ಶ್ರೀಲಲಿತಾಷ್ಟೋತ್ತರಶತನಾಮಸ್ತೋತ್ರಮ್ |


ಇನ್ನಷ್ಟು ಶ್ರೀ ಲಲಿತಾ ಸ್ತೋತ್ರಗಳು ನೋಡಿ.


గమనిక : "శ్రీ దత్తాత్రేయ స్తోత్రనిధి" పుస్తకము ముద్రణ చేయబోతున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

ನಿಮ್ಮದೊಂದು ಉತ್ತರ

ನಿಮ್ಮ ಮಿಂಚೆ ವಿಳಾಸ ಎಲ್ಲೂ ಪ್ರಕಟವಾಗುವುದಿಲ್ಲ.

error: Not allowed