Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀ ಲಕ್ಷ್ಮೀನೃಸಿಂಹ ಹೃದಯ ಮಹಾಮಂತ್ರಸ್ಯ ಪ್ರಹ್ಲಾದ ಋಷಿಃ, ಶ್ರೀಲಕ್ಷ್ಮೀನೃಸಿಂಹೋ ದೇವತಾ, ಅನುಷ್ಟುಪ್ ಛಂದಃ, ಮಮ ಈಪ್ಸಿತಾರ್ಥಸಿದ್ಧ್ಯರ್ಥೇ ಪಾಠೇ ವಿನಿಯೋಗಃ ||
ಕರನ್ಯಾಸಃ –
ಓಂ ಶ್ರೀಲಕ್ಷ್ಮೀನೃಸಿಂಹಾಯ ಅಂಗುಷ್ಠಾಭ್ಯಾಂ ನಮಃ |
ಓಂ ವಜ್ರನಖಾಯ ತರ್ಜನೀಭ್ಯಾಂ ನಮಃ |
ಓಂ ಮಹಾರೂಪಾಯ ಮಧ್ಯಮಾಭ್ಯಾಂ ನಮಃ |
ಓಂ ಸರ್ವತೋಮುಖಾಯ ಅನಾಮಿಕಾಭ್ಯಾಂ ನಮಃ |
ಓಂ ಭೀಷಣಾಯ ಕನಿಷ್ಠಿಕಾಭ್ಯಾಂ ನಮಃ |
ಓಂ ವೀರಾಯ ಕರತಲ ಕರಪೃಷ್ಠಾಭ್ಯಾಂ ನಮಃ |
ಹೃದಯನ್ಯಾಸಃ –
ಓಂ ಶ್ರೀಲಕ್ಷ್ಮೀನೃಸಿಂಹಾಯ ಹೃದಯಾಯ ನಮಃ |
ಓಂ ವಜ್ರನಖಾಯ ಶಿರಸೇ ಸ್ವಾಹಾ |
ಓಂ ಮಹಾರೂಪಾಯ ಶಿಖಾಯೈ ವಷಟ್ |
ಓಂ ಸರ್ವತೋಮುಖಾಯ ಕವಚಾಯ ಹುಮ್ |
ಓಂ ಭೀಷಣಾಯ ನೇತ್ರತ್ರಯಾಯ ವೌಷಟ್ |
ಓಂ ವೀರಾಯ ಅಸ್ತ್ರಾಯ ಫಟ್ ||
ಅಥ ಧ್ಯಾನಮ್ |
ಸತ್ಯಂ ಜ್ಞಾನೇಂದ್ರಿಯಸುಖಂ ಕ್ಷೀರಾಂಭೋನಿಧಿ ಮಧ್ಯಗಂ
ಯೋಗಾರೂಢಂ ಪ್ರಸನ್ನಾಸ್ಯಂ ನಾನಾಭರಣಭೂಷಿತಮ್ |
ಮಹಾಚಕ್ರಂ ಮಹಾವಿಷ್ಣುಂ ತ್ರಿನೇತ್ರಂ ಚ ಪಿನಾಕಿನಂ
ಶ್ವೇತಾಹಿವಾಸಂ ಶ್ವೇತಾಂಗಂ ಸೂರ್ಯಚಂದ್ರಾದಿ ಪಾರ್ಶ್ವಗಮ್ |
ಶ್ರೀನೃಸಿಂಹಂ ಸದಾ ಧ್ಯಾಯೇತ್ ಕೋಟಿಸೂರ್ಯಸಮಪ್ರಭಮ್ ||
ಅಥ ಮಂತ್ರಃ |
ಓಂ ನಮೋ ಭಗವತೇ ನರಸಿಂಹಾಯ ದೇವಾಯ ನಮಃ ||
ಅಥ ಹೃದಯ ಸ್ತೋತ್ರಮ್ |
ಶ್ರೀನೃಸಿಂಹಃ ಪರಂಬ್ರಹ್ಮ ಶ್ರೀನೃಸಿಂಹಃ ಪರಂ ಶಿವಃ |
ನೃಸಿಂಹಃ ಪರಮೋ ವಿಷ್ಣುಃ ನೃಸಿಂಹಃ ಸರ್ವದೇವತಾ || ೧ ||
ನೃಶಬ್ದೇನೋಚ್ಯತೇ ಜೀವಃ ಸಿಂಹಶಬ್ದೇನ ಚ ಸ್ವರಃ |
ತಯೋರೈಕ್ಯಂ ಶ್ರುತಿಪ್ರೋಕ್ತಂ ಯಃ ಪಶ್ಯತಿ ಸ ಪಶ್ಯತಿ || ೨ ||
ನೃಸಿಂಹಾದ್ದೇವಾಃ ಜಾಯಂತೇ ಲೋಕಾಃ ಸ್ಥಾವರಜಂಗಮಾಃ |
ನೃಸಿಂಹೇನೈವ ಜೀವಂತಿ ನೃಸಿಂಹೇ ಪ್ರವಿಶಂತಿ ಚ || ೩ ||
ನೃಸಿಂಹೋ ವಿಶ್ವಮುತ್ಪಾದ್ಯ ಪ್ರವಿಶ್ಯ ತದನಂತರಮ್ |
ರಾಜಭಿಕ್ಷುಸ್ವರೂಪೇಣ ನೃಸಿಂಹಸ್ಯ ಸ್ಮರಂತಿ ಯೇ || ೪ ||
ನೃಸಿಂಹಾತ್ ಪರಮಂ ನಾಸ್ತಿ ನೃಸಿಂಹಂ ಕುಲದೈವತಮ್ |
ನೃಸಿಂಹಭಕ್ತಾ ಯೇ ಲೋಕೇ ತೇ ಜ್ಞಾನಿನಂ ಇತೀರಿತಾಃ || ೫ ||
ವಿರಕ್ತಾ ದಯಯಾ ಯುಕ್ತಾಃ ಸರ್ವಭೂತಸಮೇಕ್ಷಣಾಃ |
ನ್ಯಸ್ತ ಸಂಸಾರ ಯೋಗೇನ ನೃಸಿಂಹಂ ಪ್ರಾಪ್ನುವಂತಿ ತೇ || ೬ ||
ಮಾಹಾತ್ಮ್ಯಂ ಯಸ್ಯ ಸರ್ವೇಽಪಿ ವದಂತಿ ನಿಗಮಾಗಮಾಃ |
ನೃಸಿಂಹಃ ಸರ್ವಜಗತಾಂ ಕರ್ತಾ ಭೋಕ್ತಾ ನ ಚಾಪರಃ || ೭ ||
ನೃಸಿಂಹೋ ಜಗತಾಂ ಹೇತುಃ ಬಹಿರ್ಯಾಯಾಽವಲಂಬನಃ |
ಮಾಯಯಾ ವೇದಿತಾತ್ಮಾ ಚ ಸುದರ್ಶನಸಮಾಕ್ಷರಃ || ೮ ||
ವಾಸುದೇವೋ ಮಯಾತೀತೋ ನಾರಾಯಣಸಮಪ್ರಭ |
ನಿರ್ಮಲೋ ನಿರಹಂಕಾರೋ ನಿರ್ಮಾಲ್ಯೋ ಯೋ ನಿರಂಜನಃ || ೯ ||
ಸರ್ವೇಷಾಂ ಚಾಪಿ ಭೂತಾನಾಂ ಹೃದಯಾಂಭೋಜವಾಸಕಃ |
ಅತಿಪ್ರೇಷ್ಠಃ ಸದಾನಂದೋ ನಿರ್ವಿಕಾರೋ ಮಹಾಮತಿಃ || ೧೦ ||
ಚರಾಚರಸ್ವರೂಪೀ ಚ ಚರಾಚರನಿಯಾಮಕಃ |
ಸರ್ವೇಶ್ವರಃ ಸರ್ವಕರ್ತಾ ಸರ್ವಾತ್ಮಾ ಸರ್ವಗೋಚರಃ || ೧೧ ||
ನೃಸಿಂಹ ಏವ ಯಃ ಸಾಕ್ಷಾತ್ ಪ್ರತ್ಯಗಾತ್ಮಾ ನ ಸಂಶಯಃ |
ಕೇಚಿನ್ಮೂಢಾ ವದಂತ್ಯೇವಮವತಾರಮನೀಶ್ವರಮ್ || ೧೨ ||
ನೃಸಿಂಹ ಪರಮಾತ್ಮಾನಂ ಸರ್ವಭೂತನಿವಾಸಿನಮ್ |
ತಸ್ಯ ದರ್ಶನಮಾತ್ರೇಣ ಸೂರ್ಯಸ್ಯಾಲೋಕವದ್ಭವೇತ್ || ೧೩ ||
ಸರ್ವಂ ನೃಸಿಂಹ ಏವೇತಿ ಸಂಗ್ರಹಾತ್ಮಾ ಸುದುರ್ಲಭಃ |
ನಾರಸಿಂಹಃ ಪರಂ ದೈವಂ ನಾರಸಿಂಹೋ ಜಗದ್ಗುರುಃ || ೧೪ ||
ನೃಸಿಂಹೇತಿ ನೃಸಿಂಹೇತಿ ಪ್ರಭಾತೇ ಯೇ ಪಠಂತಿ ಚ |
ತೇಷಾಂ ಪ್ರಸನ್ನೋ ಭಗವಾನ್ ಮೋಕ್ಷಂ ಸಮ್ಯಕ್ ಪ್ರಯಚ್ಛತಿ || ೧೫ ||
ಓಂಕಾರೇಭ್ಯಶ್ಚ ಪೂತಾತ್ಮಾ ಓಂಕಾರೈಕ ಪ್ರಬೋಧಿತಃ |
ಓಂಕಾರೋ ಮಂತ್ರರಾಜಶ್ಚ ಲೋಕೇ ಮೋಕ್ಷಪ್ರದಾಯಕಃ || ೧೬ ||
ನೃಸಿಂಹಭಕ್ತಾ ಯೇ ಲೋಕೇ ನಿರ್ಭಯಾ ನಿರ್ವಿಕಾರಕಾಃ |
ತೇಷಾಂ ದರ್ಶನಮಾತ್ರೇಣ ಸರ್ವಪಾಪೈಃ ಪ್ರಮುಚ್ಯತೇ || ೧೭ ||
ಸಕಾರೋ ಜೀವವಾಚೀ ಸ್ಯಾದಿಕಾರಃ ಪರಮೇಶ್ವರಃ |
ಹಕಾರಾಕಾರಯೋರೈಕ್ಯಂ ಮಹಾವಾಕ್ಯಂ ತತೋ ಭವೇತ್ || ೧೮ ||
ಓಂಕಾರಜಾ ಪ್ರೇತಮುಕ್ತಿಃ ಕಾಶ್ಯಾಂ ಮರಣಂ ತಥಾ |
ನೃಸಿಂಹ ಸ್ಮರಣಾದೇವ ಮುಕ್ತಿರ್ಭವತಿ ನಾನ್ಯಥಾ || ೧೯ ||
ತಸ್ಮಾತ್ಸರ್ವಪ್ರಯತ್ನೇನ ಮಂತ್ರರಾಜಮಿತಿ ಧ್ರುವಮ್ |
ಸರ್ವೇಷಾಂ ಚಾಪಿ ವೇದಾನಾಂ ದೇವತಾನಾಂ ತಥೈವ ಚ || ೨೦ ||
ಸರ್ವೇಷಾಂ ಚಾಪಿ ಶಾಸ್ತ್ರಾಣಾಂ ತಾತ್ಪರ್ಯಂ ನೃಹರೌ ಹರೌ |
ಶ್ರೀರಾಮತಾಪನೀಯಸ್ಯ ಗೋಪಾಲಸ್ಯಾಪಿ ತಾಪಿನಃ || ೨೧ ||
ನೃಸಿಂಹತಾಪನೀಯಸ್ಯ ಕಲಾಂ ನಾರ್ಹತಿ ಷೋಡಶೀಮ್ |
ಶ್ರೀಮನ್ಮಂತ್ರಮಹಾರಾಜ ನೃಸಿಂಹಸ್ಯ ಪ್ರಸಾದತಃ || ೨೨ ||
ಶ್ರೀನೃಸಿಂಹೋ ನಮಸ್ತುಭ್ಯಂ ಶ್ರೀನೃಸಿಂಹಃ ಪ್ರಸೀದ ಮೇ |
ನೃಸಿಂಹೋ ಭಗವಾನ್ಮಾತಾ ಶ್ರೀನೃಸಿಂಹಃ ಪಿತಾ ಮಮ || ೨೩ ||
ನೃಸಿಂಹೋ ಮಮ ಪುತ್ರಶ್ಚ ನರಕಾತ್ತ್ರಾಯತೇ ಯತಃ |
ಸರ್ವದೇವಾತ್ಮಕೋ ಯಶ್ಚ ನೃಸಿಂಹಃ ಪರಿಕೀರ್ತಿತಃ || ೨೪ ||
ಅಶ್ವಮೇಧಸಹಸ್ರಾಣಿ ವಾಜಪೇಯ ಶತಾನಿ ಚ |
ಕಾಶೀ ರಾಮೇಶ್ವರಾದೀನಿ ಫಲಾನ್ಯಪಿ ನಿಶಮ್ಯ ಚ || ೨೫ ||
ಯಾವತ್ಫಲಂ ಸಮಾಪ್ನೋತಿ ತಾವದಾಪ್ನೋತಿ ಮಂತ್ರತಃ |
ಷಣ್ಣವತ್ಯಶ್ಚ ಕರಣೀ ಯಾವತೀ ತೃಪ್ತಿರಿಷ್ಯತೇ || ೨೬ ||
ಪಿತೄಣಾಂ ತಾವತೀ ಪ್ರೀತಿಃ ಮಂತ್ರರಾಜಸ್ಯ ಜಾಯತೇ |
ಅಪುತ್ರಸ್ಯ ಗತಿರ್ನಾಸ್ತಿ ಇತಿ ಸ್ಮೃತ್ಯಾ ಯದೀರಿತಮ್ || ೨೭ ||
ತತ್ತು ಲಕ್ಷ್ಮೀನೃಸಿಂಹಸ್ಯ ಭಕ್ತಿಮಾತ್ರಾವಗೋಚರಮ್ |
ಸರ್ವಾಣಿ ತರ್ಕಮೀಮಾಂಸಾ ಶಾಸ್ತ್ರಾಣಿ ಪರಿಹಾಯ ವೈ || ೨೮ ||
ನೃಸಿಂಹ ಸ್ಮರಣಾಲ್ಲೋಕೇ ತಾರಕಂ ಭವತಾರಕಮ್ |
ಅಪಾರ ಭವವಾರಾಬ್ಧೌ ಸತತಂ ಪತತಾಂ ನೃಣಾಮ್ || ೨೯ ||
ನೃಸಿಂಹಮಂತ್ರರಾಜೋಽಯಂ ನಾವಿಕೋ ಭಾಷ್ಯತೇ ಬುಧೈಃ |
ಯಮಪಾಶೇನ ಬದ್ಧಾನಾಂ ಪಂಗುಂ ವೈ ತಿಷ್ಠತಾಂ ನೃಣಾಮ್ || ೩೦ ||
ನೃಸಿಂಹಮಂತ್ರರಾಜೋಽಯಂ ಋಷಯಃ ಪರಿಕೀರ್ತಿತಃ |
ಭವಸರ್ಪೇಣ ದಂಷ್ಟ್ರಾಣಾಂ ವಿವೇಕಗತ ಚೇತಸಾಮ್ || ೩೧ ||
ನೃಸಿಂಹಮಂತ್ರರಾಜೋಽಯಂ ಗಾರುಡೋಮಂತ್ರ ಉಚ್ಯತೇ |
ಅಜ್ಞಾನತಮಸಾಂ ನೃಣಾಮಂಧವದ್ಭ್ರಾಂತಚಕ್ಷುಷಾಮ್ || ೩೨ ||
ನೃಸಿಂಹಮಂತ್ರರಾಜೋಽಯಂ ಪ್ರಯಾಸಂ ಪರಿಕೀರ್ತಿತಃ |
ತಾಪತ್ರಯಾಗ್ನಿ ದಗ್ಧಾನಾಂ ಛಾಯಾ ಸಂಶ್ರಯಮಿಚ್ಛತಾಮ್ || ೩೩ ||
ನೃಸಿಂಹಮಂತ್ರರಾಜಶ್ಚ ಭಕ್ತಮಾನಸಪಂಜರಮ್ |
ನೃಸಿಂಹೋ ಭಾಸ್ಕರೋ ಭೂತ್ವಾ ಪ್ರಕಾಶಯತಿ ಮಂದಿರಮ್ || ೩೪ ||
ವೇದಾಂತವನಮಧ್ಯಸ್ಥಾ ಹರಿಣೀ ಮೃಗ ಇಷ್ಯತೇ |
ನೃಸಿಂಹ ನೀಲಮೇಘಸ್ಯ ಸಂದರ್ಶನ ವಿಶೇಷತಃ || ೩೫ ||
ಮಯೂರಾ ಭಕ್ತಿಮಂತಶ್ಚ ನೃತ್ಯಂತಿ ಪ್ರೀತಿಪೂರ್ವಕಮ್ |
ಅನ್ಯತ್ರ ನಿರ್ಗತಾ ವಾಲಾ ಮಾತರಂ ಪರಿಲೋಕಯ || ೩೬ ||
ಯಥಾ ಯಥಾ ಹಿ ತುಷ್ಯಂತೇ ನೃಸಿಂಹಸ್ಯಾವಲೋಕನಾತ್ |
ಶ್ರೀಮನ್ನೃಸಿಂಹಪಾದಾಬ್ಜಂ ನತ್ವಾರಂಗಪ್ರವೇಶಿತಾ || ೩೭ ||
ಮದೀಯ ಬುದ್ಧಿವನಿತಾ ನಟೀ ನೃತ್ಯತಿ ಸುಂದರೀ |
ಶ್ರೀಮನ್ನೃಸಿಂಹಪಾದಾಬ್ಜ ಮಧುಪೀತ್ವಾ ಮದೋನ್ಮದಃ || ೩೮ ||
ಮದೀಯಾ ಬುದ್ಧಿಮಾಲೋಕ್ಯ ಮೂಢಾ ನಿಂದಂತಿ ಮಾಧವಮ್ |
ಶ್ರೀಮನ್ನೃಸಿಂಹಪಾದಾಬ್ಜರೇಣುಂ ವಿಧಿಸುಭಕ್ಷಣಮ್ || ೪೦ ||
ಮದೀಯಚಿತ್ತಹಂಸೋಽಯಂ ಮನೋವಶ್ಯಂ ನ ಯಾತಿ ಮೇ |
ಶ್ರೀನೃಸಿಂಹಃ ಪಿತಾ ಮಹ್ಯಂ ಮಾತಾ ಚ ನರಕೇಸರೀ || ೪೧ ||
ವರ್ತತೇ ತಾಭುವೌ ನಿತ್ಯಂ ರೌವಹಂ ಪರಿಯಾಮಿ ವೈ |
ಸತ್ಯಂ ಸತ್ಯಂ ಪುನಃ ಸತ್ಯಂ ನೃಸಿಂಹಃ ಶರಣಂ ಮಮ || ೪೨ ||
ಅಹೋಭಾಗ್ಯಂ ಅಹೋಭಾಗ್ಯಂ ನಾರಸಿಂಹೋ ಗತಿರ್ಮಮ |
ಶ್ರೀಮನ್ನೃಸಿಂಹಪಾದಾಬ್ಜದ್ವಂದ್ವಂ ಮೇ ಹೃದಯೇ ಸದಾ || ೪೩ ||
ವರ್ತತಾಂ ವರ್ತತಾಂ ನಿತ್ಯಂ ದೃಢಭಕ್ತಿಂ ಪ್ರಯಚ್ಛ ಮೇ |
ನೃಸಿಂಹ ತುಷ್ಟೋ ಭಕ್ತೋಽಯಂ ಭುಕ್ತಿಂ ಮುಕ್ತಿಂ ಪ್ರಯಚ್ಛತಿ || ೪೪ ||
ನೃಸಿಂಹಹೃದಯಂ ಯಸ್ತು ಪಠೇನ್ನಿತ್ಯಂ ಸಮಾಹಿತಃ |
ನೃಸಿಂಹತ್ವಂ ಸಮಾಪ್ನೋತಿ ನೃಸಿಂಹಃ ಸಂಪ್ರಸೀದತಿ || ೪೫ ||
ತ್ರಿಸಂಧ್ಯಂ ಯಃ ಪಠೇನ್ನಿತ್ಯಂ ಮಂದವಾರೇ ವಿಷೇಶತಃ |
ರಾಜದ್ವಾರೇ ಸಭಾಸ್ಥಾನೇ ಸರ್ವತ್ರ ವಿಜಯೀ ಭವೇತ್ || ೪೬ ||
ಯಂ ಯಂ ಚಿಂತಯತೇ ಕಾಮಂ ತಂ ತಂ ಪ್ರಾಪ್ನೋತಿ ನಿಶ್ಚಿತಮ್ |
ಇಹ ಲೋಕೇ ಶುಭಾನ್ ಕಾಮಾನ್ ಪರತ್ರ ಚ ಪರಾಂಗತಿಮ್ || ೪೭ ||
ಇತಿ ಭವಿಷ್ಯೋತ್ತರಪುರಾಣೇ ಪ್ರಹ್ಲಾದಕಥಿತಂ ಶ್ರೀ ಲಕ್ಷ್ಮೀನೃಸಿಂಹ ಹೃದಯ ಸ್ತೋತ್ರಮ್ |
ಇನ್ನಷ್ಟು ಶ್ರೀ ನೃಸಿಂಹ ಸ್ತೋತ್ರಗಳು ನೋಡಿ.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
