Read in తెలుగు / ಕನ್ನಡ / தமிழ் / देवनागरी / English (IAST)
ಲಕ್ಷ್ಮೀ ಮೇ ಚಾಗ್ರತಃ ಪಾತು ಕಮಲಾ ಪಾತು ಪೃಷ್ಠತಃ |
ನಾರಾಯಣೀ ಶೀರ್ಷದೇಶೇ ಸರ್ವಾಂಗೇ ಶ್ರೀಸ್ವರೂಪಿಣೀ || ೧ ||
ರಾಮಪತ್ನೀ ತು ಪ್ರತ್ಯಂಗೇ ರಾಮೇಶ್ವರೀ ಸದಾಽವತು |
ವಿಶಾಲಾಕ್ಷೀ ಯೋಗಮಾಯಾ ಕೌಮಾರೀ ಚಕ್ರಿಣೀ ತಥಾ || ೨ ||
ಜಯದಾತ್ರೀ ಧನದಾತ್ರೀ ಪಾಶಾಕ್ಷಮಾಲಿನೀ ಶುಭಾ |
ಹರಿಪ್ರಿಯಾ ಹರಿರಾಮಾ ಜಯಂಕರೀ ಮಹೋದರೀ || ೩ ||
ಕೃಷ್ಣಪರಾಯಣಾ ದೇವೀ ಶ್ರೀಕೃಷ್ಣಮನಮೋಹಿನೀ |
ಜಯಂಕರೀ ಮಹಾರೌದ್ರೀ ಸಿದ್ಧಿದಾತ್ರೀ ಶುಭಂಕರೀ || ೪ ||
ಸುಖದಾ ಮೋಕ್ಷದಾ ದೇವೀ ಚಿತ್ರಕೂಟನಿವಾಸಿನೀ |
ಭಯಂ ಹರತು ಭಕ್ತಾನಾಂ ಭವಬಂಧಂ ವಿಮುಂಚತು || ೫ ||
ಕವಚಂ ತನ್ಮಹಾಪುಣ್ಯಂ ಯಃ ಪಠೇದ್ಭಕ್ತಿಸಂಯುತಃ |
ತ್ರಿಸಂಧ್ಯಮೇಕಸಂಧ್ಯಂ ವಾ ಮುಚ್ಯತೇ ಸರ್ವಸಂಕಟಾತ್ || ೬ ||
ಕವಚಸ್ಯಾಸ್ಯ ಪಠನಂ ಧನಪುತ್ರವಿವರ್ಧನಮ್ |
ಭೀತಿವಿನಾಶನಂ ಚೈವ ತ್ರಿಷು ಲೋಕೇಷು ಕೀರ್ತಿತಮ್ || ೭ ||
ಭೂರ್ಜಪತ್ರೇ ಸಮಾಲಿಖ್ಯ ರೋಚನಾಕುಂಕುಮೇನ ತು |
ಧಾರಣಾದ್ಗಲದೇಶೇ ಚ ಸರ್ವಸಿದ್ಧಿರ್ಭವಿಷ್ಯತಿ || ೮ ||
ಅಪುತ್ರೋ ಲಭತೇ ಪುತ್ರಂ ಧನಾರ್ಥೀ ಲಭತೇ ಧನಮ್ |
ಮೋಕ್ಷಾರ್ಥೀ ಮೋಕ್ಷಮಾಪ್ನೋತಿ ಕವಚಸ್ಯ ಪ್ರಸಾದತಃ || ೯ ||
ಗರ್ಭಿಣೀ ಲಭತೇ ಪುತ್ರಂ ವಂಧ್ಯಾ ಚ ಗರ್ಭಿಣೀ ಭವೇತ್ |
ಧಾರಯೇದ್ಯದಿ ಕಂಠೇ ಚ ಅಥವಾ ವಾಮಬಾಹುಕೇ || ೧೦ ||
ಯಃ ಪಠೇನ್ನಿಯತೋ ಭಕ್ತ್ಯಾ ಸ ಏವ ವಿಷ್ಣುವದ್ಭವೇತ್ |
ಮೃತ್ಯುವ್ಯಾಧಿಭಯಂ ತಸ್ಯ ನಾಸ್ತಿ ಕಿಂಚಿನ್ಮಹೀತಲೇ || ೧೧ ||
ಪಠೇದ್ವಾ ಪಾಠಯೇದ್ವಾಪಿ ಶೃಣುಯಾಚ್ಛ್ರಾವಯೇದಪಿ |
ಸರ್ವಪಾಪವಿಮುಕ್ತಸ್ತು ಲಭತೇ ಪರಮಾಂ ಗತಿಮ್ || ೧೨ ||
ಸಂಕಟೇ ವಿಪದೇ ಘೋರೇ ತಥಾ ಚ ಗಹನೇ ವನೇ |
ರಾಜದ್ವಾರೇ ಚ ನೌಕಾಯಾಂ ತಥಾ ಚ ರಣಮಧ್ಯತಃ || ೧೩ ||
ಪಠನಾದ್ಧಾರಣಾದಸ್ಯ ಜಯಮಾಪ್ನೋತಿ ನಿಶ್ಚಿತಮ್ |
ಅಪುತ್ರಾ ಚ ತಥಾ ವಂಧ್ಯಾ ತ್ರಿಪಕ್ಷಂ ಶೃಣುಯಾದ್ಯದಿ || ೧೪ ||
ಸುಪುತ್ರಂ ಲಭತೇ ಸಾ ತು ದೀರ್ಘಾಯುಷ್ಕಂ ಯಶಸ್ವಿನಮ್ |
ಶೃಣುಯಾದ್ಯಃ ಶುದ್ಧಬುದ್ಧ್ಯಾ ದ್ವೌ ಮಾಸೌ ವಿಪ್ರವಕ್ತ್ರತಃ || ೧೫ ||
ಸರ್ವಾನ್ಕಾಮಾನವಾಪ್ನೋತಿ ಸರ್ವಬಂಧಾದ್ವಿಮುಚ್ಯತೇ |
ಮೃತವತ್ಸಾ ಜೀವವತ್ಸಾ ತ್ರಿಮಾಸಂ ಶ್ರವಣಂ ಯದಿ || ೧೬ ||
ರೋಗೀ ರೋಗಾದ್ವಿಮುಚ್ಯೇತ ಪಠನಾನ್ಮಾಸಮಧ್ಯತಃ |
ಲಿಖಿತ್ವಾ ಭೂರ್ಜಪತ್ರೇ ಚ ಅಥವಾ ತಾಡಪತ್ರಕೇ || ೧೭ ||
ಸ್ಥಾಪಯೇನ್ನಿಯತಂ ಗೇಹೇ ನಾಗ್ನಿಚೌರಭಯಂ ಕ್ವಚಿತ್ |
ಶೃಣುಯಾದ್ಧಾರಯೇದ್ವಾಪಿ ಪಠೇದ್ವಾ ಪಾಠಯೇದಪಿ || ೧೮ ||
ಯಃ ಪುಮಾನ್ಸತತಂ ತಸ್ಮಿನ್ಪ್ರಸನ್ನಾಃ ಸರ್ವದೇವತಾಃ |
ಬಹುನಾ ಕಿಮಿಹೋಕ್ತೇನ ಸರ್ವಜೀವೇಶ್ವರೇಶ್ವರೀ || ೧೯ ||
ಆದ್ಯಾಶಕ್ತಿಃ ಸದಾಲಕ್ಷ್ಮೀರ್ಭಕ್ತಾನುಗ್ರಹಕಾರಿಣೀ |
ಧಾರಕೇ ಪಾಠಕೇ ಚೈವ ನಿಶ್ಚಲಾ ನಿವಸೇದ್ಧ್ರುವಮ್ || ೨೦ ||
ಇತಿ ಶ್ರೀ ಲಕ್ಷ್ಮೀ ಕವಚಮ್ |
ಇನ್ನಷ್ಟು ಶ್ರೀ ಲಕ್ಷ್ಮೀ ಸ್ತೋತ್ರಗಳು ನೋಡಿ.
Hyd Book Exhibition: స్తోత్రనిధి బుక్ స్టాల్ 37th Hyderabad Book Fair లో ఉంటుంది. 19-Dec-2024 నుండి 29-Dec-2024 వరకు Kaloji Kalakshetram (NTR Stadium), Hyderabad వద్ద నిర్వహించబడుతుంది. దయచేసి గమనించగలరు.
గమనిక: "శ్రీ కృష్ణ స్తోత్రనిధి" విడుదల చేశాము. Click here to buy. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము. మా తదుపరి ప్రచురణ: "శ్రీ ఆంజనేయ స్తోత్రనిధి" .
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
