Read in తెలుగు / ಕನ್ನಡ / தமிழ் / देवनागरी / English (IAST)
ವಿಮಲನಿಜಪದಾಬ್ಜಂ ವೇದವೇದಾಂತವೇದ್ಯಂ
ಮಮ ಕುಲಗುರುನಾಥಂ ವಾದ್ಯಗಾನಪ್ರಮೋದಮ್ |
ರಮಣಸುಗುಣಜಾಲಂ ರಂಗರಾಡ್ಭಾಗಿನೇಯಂ
ಕಮಲಜನುತಪಾದಂ ಕಾರ್ತಿಕೇಯಂ ನಮಾಮಿ || ೧ ||
ಶಿವಶರವಣಜಾತಂ ಶೈವಯೋಗಪ್ರಭಾವಂ
ಭವಹಿತಗುರುನಾಥಂ ಭಕ್ತಬೃಂದಪ್ರಮೋದಮ್ |
ನವರಸಮೃದುಪಾದಂ ನಾಥ ಹ್ರೀಂಕಾರರೂಪಂ
ಕವನಮಧುರಸಾರಂ ಕಾರ್ತಿಕೇಯಂ ಭಜಾಮಿ || ೨ ||
ಪಾಕಾರಾತಿಸುತಾಮುಖಾಬ್ಜಮಧುಪಂ ಬಾಲೇಂದುಮೌಳೀಶ್ವರಂ
ಲೋಕಾನುಗ್ರಹಕಾರಣಂ ಶಿವಸುತಂ ಲೋಕೇಶತತ್ತ್ವಪ್ರದಮ್ |
ರಾಕಾಚಂದ್ರಸಮಾನಚಾರುವದನಂ ರಂಭೋರುವಲ್ಲೀಶ್ವರಂ
ಹ್ರೀಂಕಾರಪ್ರಣವಸ್ವರೂಪಲಹರೀಂ ಶ್ರೀಕಾರ್ತಿಕೇಯಂ ಭಜೇ || ೩ ||
ಮಹಾದೇವಾಜ್ಜಾತಂ ಶರವಣಭವಂ ಮಂತ್ರಶರಭಂ
ಮಹತ್ತತ್ತ್ವಾನಂದಂ ಪರಮಲಹರೀ ಮಂತ್ರಮಧುರಮ್ |
ಮಹಾದೇವಾತೀತಂ ಸುರಗಣಯುತಂ ಮಂತ್ರವರದಂ
ಗುಹಂ ವಲ್ಲೀನಾಥಂ ಮಮ ಹೃದಿ ಭಜೇ ಗೃಧ್ರಗಿರಿಶಮ್ || ೪ ||
ನಿತ್ಯಾಕಾರಂ ನಿಖಿಲವರದಂ ನಿರ್ಮಲಂ ಬ್ರಹ್ಮತತ್ತ್ವಂ
ನಿತ್ಯಂ ದೇವೈರ್ವಿನುತಚರಣಂ ನಿರ್ವಿಕಲ್ಪಾದಿಯೋಗಮ್ |
ನಿತ್ಯಾನಂದಂ ನಿಗಮವಿದಿತಂ ನಿರ್ಗುಣಂ ದೇವದೇವಂ
ನಿತ್ಯಂ ವಂದೇ ಮಮ ಗುರುವರಂ ನಿರ್ಮಮಂ ಕಾರ್ತಿಕೇಯಮ್ || ೫ ||
ಪಂಚಕಂ ಕಾರ್ತಿಕೇಯಸ್ಯ ಯಃ ಪಠೇಚ್ಛೃಣುಯಾದಪಿ |
ಕಾರ್ತಿಕೇಯ ಪ್ರಸಾದಾತ್ಸ ಸರ್ವಾಭೀಷ್ಟಮವಾಪ್ನುಯಾತ್ || ೬ ||
ಇತಿ ಶ್ರೀ ಕಾರ್ತಿಕೇಯ ಪಂಚಕಮ್ ||
ಇನ್ನಷ್ಟು ಶ್ರೀ ಸುಬ್ರಹ್ಮಣ್ಯ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
