Read in తెలుగు / ಕನ್ನಡ / தமிழ் / देवनागरी / English (IAST)
ದತ್ತಾತ್ರೇಯಂ ತ್ವಾಂ ನಮಾಮಿ ಪ್ರಸೀದ
ತ್ವಂ ಸರ್ವಾತ್ಮಾ ಸರ್ವಕರ್ತಾ ನ ವೇದ |
ಕೋಽಪ್ಯಂತಂ ತೇ ಸರ್ವದೇವಾಧಿದೇವ
ಜ್ಞಾತಾಜ್ಞಾತಾನ್ಮೇಽಪರಾಧಾನ್ ಕ್ಷಮಸ್ವ || ೧ ||
ತ್ವದುದ್ಭವತ್ವಾತ್ತ್ವದಧೀನಧೀತ್ವಾ-
-ತ್ತ್ವಮೇವ ಮೇ ವಂದ್ಯ ಉಪಾಸ್ಯ ಆತ್ಮನ್ |
ಅಥಾಪಿ ಮೌಢ್ಯಾತ್ ಸ್ಮರಣಂ ನ ತೇ ಮೇ
ಕೃತಂ ಕ್ಷಮಸ್ವ ಪ್ರಿಯಕೃನ್ಮಹಾತ್ಮನ್ || ೨ ||
ಭೋಗಾಪವರ್ಗಪ್ರದಮಾರ್ತಬಂಧುಂ
ಕಾರುಣ್ಯಸಿಂಧುಂ ಪರಿಹಾಯ ಬಂಧುಮ್ |
ಹಿತಾಯ ಚಾನ್ಯಂ ಪರಿಮಾರ್ಗಯಂತಿ
ಹಾ ಮಾದೃಶೋ ನಷ್ಟದೃಶೋ ವಿಮೂಢಾಃ || ೩ ||
ನ ಮತ್ಸಮೋ ಯದ್ಯಪಿ ಪಾಪಕರ್ತಾ
ನ ತ್ವತ್ಸಮೋಽಥಾಪಿ ಹಿ ಪಾಪಹರ್ತಾ |
ನ ಮತ್ಸಮೋಽನ್ಯೋ ದಯನೀಯ ಆರ್ಯ
ನ ತ್ವತ್ಸಮಃ ಕ್ವಾಪಿ ದಯಾಲುವರ್ಯಃ || ೪ ||
ಅನಾಥನಾಥೋಽಸಿ ಸುದೀನಬಂಧೋ
ಶ್ರೀಶಾಽನುಕಂಪಾಮೃತಪೂರ್ಣಸಿಂಧೋ |
ತ್ವತ್ಪಾದಭಕ್ತಿಂ ತವ ದಾಸದಾಸ್ಯಂ
ತ್ವದೀಯಮಂತ್ರಾರ್ಥದೃಢೈಕನಿಷ್ಠಾಮ್ || ೫ ||
ಗುರುಸ್ಮೃತಿಂ ನಿರ್ಮಲಬುದ್ಧಿಮಾಧಿ-
-ವ್ಯಾಧಿಕ್ಷಯಂ ಮೇ ವಿಜಯಂ ಚ ದೇಹಿ |
ಇಷ್ಟಾರ್ಥಸಿದ್ಧಿಂ ವರಲೋಕವಶ್ಯಂ
ಧನಾನ್ನವೃದ್ಧಿಂ ವರಗೋಸಮೃದ್ಧಿಮ್ || ೬ ||
ಪುತ್ರಾದಿಲಬ್ಧಿಂ ಮ ಉದಾರತಾಂ ಚ
ದೇಹೀಶ ಮೇ ಚಾಸ್ತ್ವಭಯ ಹಿ ಸರ್ವತಃ |
ಬ್ರಹ್ಮಾಗ್ನಿಭೂಮ್ಯೋ ನಮ ಓಷಧೀಭ್ಯೋ
ವಾಚೇ ನಮೋ ವಾಕ್ಪತಯೇ ಚ ವಿಷ್ಣವೇ || ೭ ||
ಶಾಂತಾಽಸ್ತು ಭೂರ್ನಃ ಶಿವಮಂತರಿಕ್ಷಂ
ದ್ಯೌಶ್ಚಾಽಭಯಂ ನೋಽಸ್ತು ದಿಶಃ ಶಿವಾಶ್ಚ |
ಆಪಶ್ಚ ವಿದ್ಯುತ್ಪರಿಪಾಂತು ದೇವಾಃ
ಶಂ ಸರ್ವತೋ ಮೇಽಭಯಮಸ್ತು ಶಾಂತಿಃ || ೮ ||
ಇತಿ ಶ್ರೀಮದ್ವಾಸುದೇವಾನಂದಸರಸ್ವತೀ ವಿರಚಿತಂ ಶ್ರೀ ದತ್ತಾಪರಾಧ ಕ್ಷಮಾಪಣ ಸ್ತೋತ್ರಮ್ |
ಇನ್ನಷ್ಟು ಶ್ರೀ ದತ್ತತ್ರೇಯ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
