Read in తెలుగు / ಕನ್ನಡ / தமிழ் / देवनागरी / English (IAST)
ಪೂರ್ವಾಙ್ಗಂ ಪಶ್ಯತು ॥
ಶ್ರೀ ಮಹಾಗಣಪತಿ ಲಘು ಷೋಡಶೋಪಚಾರ ಪೂಜಾ ಪಶ್ಯತು ॥
ಪುನಃ ಸಙ್ಕಲ್ಪಮ್ –
ಪೂರ್ವೋಕ್ತ ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭ ತಿಥೌ ಮಮ ಮೇಧಾ ಪ್ರಜ್ಞಾ ಅಭಿವೃದ್ಧಿದ್ವಾರಾ ಬ್ರಹ್ಮಜ್ಞಾನಪ್ರಾಪ್ತ್ಯರ್ಥಂ ಮಮ ಇಷ್ಟಕಾಮ್ಯಾರ್ಥಸಿದ್ಧ್ಯರ್ಥಂ ಶ್ರೀದಕ್ಷಿಣಾಮೂರ್ತಿ ಸದ್ಯೋಜಾತವಿಧಾನೇನ ಷೋಡಶೋಪಚಾರ ಪೂಜಾಂ ಕರಿಷ್ಯೇ ॥
ಧ್ಯಾನಮ್ –
ಭಸ್ಮಂ ವ್ಯಾಪಾಣ್ಡುರಾಙ್ಗ ಶಶಿಶಕಲಧರೋ ಜ್ಞಾನಮುದ್ರಾಕ್ಷಮಾಲಾ
ವೀಣಾಪುಸ್ತೇರ್ವಿರಾಜತ್ಕರಕಮಲಧರೋ ಲೋಕಪಟ್ಟಾಭಿರಾಮಃ ।
ವ್ಯಾಖ್ಯಾಪೀಠೇನಿಷಣ್ಣಾ ಮುನಿವರನಿಕರೈಃ ಸೇವ್ಯಮಾನ ಪ್ರಸನ್ನಃ
ಸವ್ಯಾಲಕೃತ್ತಿವಾಸಾಃ ಸತತಮವತು ನೋ ದಕ್ಷಿಣಾಮೂರ್ತಿಮೀಶಃ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ಧ್ಯಾಯಾಮಿ ಧ್ಯಾನಮ್ ಸಮರ್ಪಯಾಮಿ ।
ಆವಾಹನಮ್ –
ಓಂ ಸ॒ದ್ಯೋಜಾ॒ತಂ ಪ್ರ॑ಪದ್ಯಾ॒ಮಿ ।
ಆವಾಹಯೇ ಸುನ್ದರನಾಗಭೂಷಂ
ವಿಜ್ಞಾನಮುದ್ರಾಞ್ಚಿತ ಪಞ್ಚಶಾಖಮ್ ।
ಭಸ್ಮಾಙ್ಗರಾಗೇಣ ವಿರಾಜಮಾನಂ
ಶ್ರೀದಕ್ಷಿಣಾಮೂರ್ತಿ ಮಹಾತ್ಮರೂಪಮ್ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ಆವಾಹನಂ ಸಮರ್ಪಯಾಮಿ ।
ಆಸನಮ್ –
ಓಂ ಭವೇ ಭ॑ವೇ॒ನ ।
ಸುವರ್ಣರತ್ನಾಮಲವಜ್ರನೀಲ-
-ಮಾಣಿಕ್ಯಮುಕ್ತಾಮಣಿಯುಕ್ತಪೀಠೇ ।
ಸ್ಥಿರೋ ಭವ ತ್ವಂ ವರದೋ ಭವ ತ್ವಂ
ಸಂಸ್ಥಾಪಯಾಮೀಶ್ವರ ದಕ್ಷಿಣಾಸ್ಯಮ್ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ರತ್ನ ಸಿಂಹಾಸನಂ ಸಮರ್ಪಯಾಮಿ ।
ಪಾದ್ಯಮ್ –
ಓಂ ಭವೇ ಭ॑ವೇ॒ನ ।
ಕಸ್ತೂರಿಕಾಮಿಶ್ರಮಿದಂ ಗೃಹಾಣ
ರುದ್ರಾಕ್ಷಮಾಲಾಭರಣಾಙ್ಕಿತಾಙ್ಗ ।
ಕಾಲತ್ರಯಾಬಾಧ್ಯಜಗನ್ನಿವಾಸ
ಪಾದ್ಯಂ ಪ್ರದಾಸ್ಯೇ ಹೃದಿ ದಕ್ಷಿಣಾಸ್ಯಮ್ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ಪಾದ್ಯಂ ಸಮರ್ಪಯಾಮಿ ।
ಅರ್ಘ್ಯಮ್ –
ಓಂ ಅತಿ॑ ಭವೇ ಭವಸ್ವ॒ಮಾಮ್ ।
ಶ್ರೀಜಾಹ್ನವೀನಿರ್ಮಲತೋಯಮೀಶ
ಚಾರ್ಘ್ಯಾರ್ಥಮಾನೀಯ ಸಮರ್ಪಯಿಷ್ಯೇ ।
ಪ್ರಸನ್ನವಕ್ತ್ರಾಮ್ಬುಜಲೋಕವನ್ದ್ಯ
ಕಾಲತ್ರಯೇಹಂ ತವ ದಕ್ಷಿಣಾಸ್ಯಮ್ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ಅರ್ಘ್ಯಂ ಸಮರ್ಪಯಾಮಿ ।
ಆಚಮನಮ್ –
ಓಂ ಭ॒ವೋದ್ಭ॑ವಾಯ॒ ನಮಃ ।
ಮುದಾಹಮಾನನ್ದ ಸುರೇನ್ದ್ರವನ್ದ್ಯ
ಗಙ್ಗಾನದೀತೋಯಮಿದಂ ಹಿ ದಾಸ್ಯೇ ।
ತವಾಧುನಾ ಚಾಚಮನಂ ಕುರುಷ್ವ
ಶ್ರೀದಕ್ಷಿಣಾಮೂರ್ತಿ ಗುರುಸ್ವರೂಪ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ಆಚಮನೀಯಂ ಸಮರ್ಪಯಾಮಿ ।
ಪಞ್ಚಾಮೃತಸ್ನಾನಮ್ –
ಸರ್ಪಿಃ ಪಯೋ ದಧಿ ಮಧು ಶರ್ಕರಾಭಿಃ ಪ್ರಸೇಚಯೇ ।
ಪಞ್ಚಾಮೃತಮಿದಂ ಸ್ನಾನಂ ದಕ್ಷಿಣಾಸ್ಯ ಕುರು ಪ್ರಭೋ ॥
ಶುದ್ಧೋದಕ ಸ್ನಾನಮ್ –
ಓಂ ವಾಮದೇವಾಯ ನಮಃ ।
ವೇದಾನ್ತವೇದ್ಯಾಖಿಲಶೂಲಪಾಣೇ
ಬ್ರಹ್ಮಾಮರೋಪೇನ್ದ್ರಸುರೇನ್ದ್ರವನ್ದ್ಯ ।
ಸ್ನಾನಂ ಕುರುಷ್ವಾಮಲಗಾಙ್ಗತೋಯೇ
ಸುವಾಸಿತೇಸ್ಮಿನ್ ಕುರು ದಕ್ಷಿಣಾಸ್ಯ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ಸ್ನಾನಂ ಸಮರ್ಪಯಾಮಿ ।
ವಸ್ತ್ರಮ್ –
ಓಂ ಜ್ಯೇ॒ಷ್ಠಾಯ॒ ನಮಃ ।
ಕೌಶೇಯವಸ್ತ್ರೇಣ ಚ ಮಾರ್ಜಯಾಮಿ
ದೇವೇಶ್ವರಾಙ್ಗಾನಿ ತವಾಮಲಾನಿ ।
ಪ್ರಜ್ಞಾಖ್ಯಲೋಕತ್ರಿತಯಪ್ರಸನ್ನ
ಶ್ರೀದಕ್ಷಿಣಾಸ್ಯಾಖಿಲಲೋಕಪಾಲ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ವಸ್ತ್ರಂ ಸಮರ್ಪಯಾಮಿ ।
ಯಜ್ಞೋಪವೀತಮ್ –
ಓಂ ಶ್ರೇ॒ಷ್ಠಾಯ॒ ನಮಃ ।
ಸುವರ್ಣತನ್ತೂದ್ಭವಮಗ್ರ್ಯಮೀಶ
ಯಜ್ಞೋಪವೀತಂ ಪರಿಧತ್ಸ್ವದೇವ ।
ವಿಶಾಲಬಾಹೂದರಪಞ್ಚವಕ್ತ್ರ
ಶ್ರೀದಕ್ಷಿಣಾಮೂರ್ತಿ ಸುಖಸ್ವರೂಪ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ಯಜ್ಞೋಪವೀತಂ ಸಮರ್ಪಯಾಮಿ ।
ಆಭರಣಮ್ –
ಓಂ ರು॒ದ್ರಾಯ॒ ನಮಃ ।
ಸುರತ್ನದಾಙ್ಗೇಯ ಕಿರೀಟಕುಣ್ಡಲಂ
ಹಾರಾಙ್ಗುಲೀಕಙ್ಕಣಮೇಖಲಾವೃತಮ್ ।
ಖಣ್ಡೇನ್ದುಚೂಡಾಮೃತಪಾತ್ರಯುಕ್ತಂ
ಶ್ರೀದಕ್ಷಿಣಾಮೂರ್ತಿಮಹಂ ಭಜಾಮಿ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ಆಭರಣಾನಿ ಸಮರ್ಪಯಾಮಿ ।
ಗನ್ಧಮ್ –
ಓಂ ಕಾಲಾ॑ಯ॒ ನಮ॑: ।
ಕಸ್ತೂರಿಕಾಚನ್ದನಕುಙ್ಕುಮಾದಿ-
-ವಿಮಿಶ್ರಗನ್ಧಂ ಮಣಿಪಾತ್ರಸಂಸ್ಥಮ್ ।
ಸಮರ್ಪಯಿಷ್ಯಾಮಿ ಮುದಾ ಮಹಾತ್ಮನ್
ಗೌರೀಮನೋವಸ್ಥಿತದಕ್ಷಿಣಾಸ್ಯ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ಗನ್ಧಂ ಸಮರ್ಪಯಾಮಿ ।
ಅಕ್ಷತಾನ್ –
ಓಂ ಕಲ॑ವಿಕರಣಾಯ॒ ನಮಃ ।
ಶುಭ್ರಾಕ್ಷತೈಃ ಶುಭ್ರತಿಲೈಃ ಸುಮಿಶ್ರೈಃ
ಸಮ್ಪೂಜಯಿಷ್ಯೇ ಭವತಃ ಪರಾತ್ಮನ್ ।
ತದೇಕನಿಷ್ಠೇನ ಸಮಾಧಿನಾಥ
ಸದಾಹಮಾನನ್ದ ಸುದಕ್ಷಿಣಾಸ್ಯ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ಅಕ್ಷತಾನ್ ಸಮರ್ಪಯಾಮಿ ।
ಪುಷ್ಪಮ್ –
ಓಂ ಬಲ॑ ವಿಕರಣಾಯ॒ ನಮಃ ।
ಸುಗನ್ಧೀನಿ ಸುಪುಷ್ಪಾಣಿ ಜಾಜೀಬಿಲ್ವಾರ್ಕ ಚಮ್ಪಕೈಃ ।
ನಿರ್ಮಿತಂ ಪುಷ್ಪಮಾಲಞ್ಚ ನೀಲಕಣ್ಠ ಗೃಹಾಣ ಭೋ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ಪುಷ್ಪಾಣಿ ಸಮರ್ಪಯಾಮಿ ।
ಅಷ್ಟೋತ್ತರಶತನಾಮ ಪೂಜಾ –
ಶ್ರೀ ದಕ್ಷಿಣಾಮೂರ್ತ್ಯಷ್ಟೋತ್ತರಶತನಾಮಾವಲೀ ಪಶ್ಯತು ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ಅಷ್ಟೋತ್ತರಶತನಾಮಪೂಜಾಂ ಸಮರ್ಪಯಾಮಿ ।
ಧೂಪಮ್ –
ಓಂ ಬಲಾ॑ಯ॒ ನಮಃ ।
ದಶಾಙ್ಗಧೂಪಂ ಪರಿಕಲ್ಪಯಾಮಿ
ನಾನಾಸುಗನ್ಧಾನ್ವಿತಮಾಜ್ಯಯುಕ್ತಮ್ ।
ಮೇಧಾಖ್ಯ ಸರ್ವಜ್ಞ ಬುಧೇನ್ದ್ರಪೂಜ್ಯ
ದಿಗಮ್ಬರ ಸ್ವೀಕುರು ದಕ್ಷಿಣಾಸ್ಯ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ಧೂಪಂ ಸಮರ್ಪಯಾಮಿ ।
ದೀಪಮ್ –
ಓಂ ಬಲ॑ ಪ್ರಮಥನಾಯ॒ ನಮಃ ।
ಆಜ್ಯೇನ ಸಂಮಿಶ್ರಮಿಮಂ ಪ್ರದೀಪಂ
ವರ್ತಿತ್ರಯೇಣಾನ್ವಿತಮಗ್ನಿಯುಕ್ತಮ್ ।
ಗೃಹಾಣ ಯೋಗೀನ್ದ್ರ ಮಯಾರ್ಪಿತಂ ಭೋ
ಶ್ರೀದಕ್ಷಿಣಾಮೂರ್ತಿಗುರೋ ಪ್ರಸೀದ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ದೀಪಂ ಸಮರ್ಪಯಾಮಿ ।
ನೈವೇದ್ಯಮ್ –
ಓಂ ಸರ್ವ॑ ಭೂತ ದಮನಾಯ॒ ನಮಃ ।
ಶಾಲ್ಯೋದನಂ ನಿರ್ಮಲಸೂಪಶಾಕ-
-ಭಕ್ಷ್ಯಾಜ್ಯಸಮ್ಯುಕ್ತದಧಿಪ್ರಸಿಕ್ತಮ್ ।
ಕಪಿತ್ಥ ಸದ್ರಾಕ್ಷಫಲೈಶ್ಚ ಚೂತೈಃ
ಸಾಪೋಶನಂ ಭಕ್ಷಯ ದಕ್ಷಿಣಾಸ್ಯ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ನೈವೇದ್ಯಂ ಸಮರ್ಪಯಾಮಿ ।
ತಾಮ್ಬೂಲಮ್ –
ಓಂ ಮ॒ನೋನ್ಮ॑ನಾಯ॒ ನಮಃ ।
ತಾಮ್ಬೂಲಮದ್ಯ ಪ್ರತಿಸಙ್ಗೃಹಾಣ
ಕರ್ಪೂರಮುಕ್ತಾಮಣಿಚೂರ್ಣಯುಕ್ತಮ್ ।
ಸುಪರ್ಣಪರ್ಣಾನ್ವಿತಪೂಗಖಣ್ಡ-
-ಮನೇಕರೂಪಾಕೃತಿ ದಕ್ಷಿಣಾಸ್ಯ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ತಾಮ್ಬೂಲಂ ಸಮರ್ಪಯಾಮಿ ।
ನೀರಾಜನಮ್ –
ಓಂ ಅ॒ಘೋರೇ᳚ಭ್ಯೋಽಥ॒ ಘೋರೇ᳚ಭ್ಯೋ॒ ಘೋರ॒ಘೋರ॑ತರೇಭ್ಯಃ ।
ಸರ್ವೇ᳚ಭ್ಯಃ ಸರ್ವ॒ಶರ್ವೇ᳚ಭ್ಯೋ॒ ನಮ॑ಸ್ತೇ ಅಸ್ತು ರು॒ದ್ರರೂ॑ಪೇಭ್ಯಃ ॥
ನೀರಾಜನಂ ನಿರ್ಮಲಪಾತ್ರಸಂಸ್ಥಂ
ಕರ್ಪೂರಸನ್ದೀಪಿತಮಚ್ಛರೂಪಮ್ ।
ಕರೋಮಿ ವಾಮೇಶ ತವೋಪರೀದಂ
ವ್ಯೋಮಾಕೃತೇ ಶಙ್ಕರ ದಕ್ಷಿಣಾಸ್ಯ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ನೀರಾಜನಂ ಸಮರ್ಪಯಾಮಿ ।
ಮನ್ತ್ರಪುಷ್ಪಮ್ –
ಓಂ ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ ।
ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ಮನ್ತ್ರಪುಷ್ಪಂ ಸಮರ್ಪಯಾಮಿ ।
ಪುಷ್ಪಾಞ್ಜಲಿ –
ಮನ್ದಾರಪಙ್ಕೇರುಹಕುನ್ದಜಾಜೀ-
-ಸುಗನ್ಧಪುಷ್ಪಾಞ್ಜಲಿಮರ್ಪಯಾಮಿ ।
ತ್ರಿಶೂಲ ಢಕ್ಕಾಞ್ಚಿತ ಪಾಣಿಯುಗ್ಮ
ತೇ ದಕ್ಷಿಣಾಮೂರ್ತಿ ವಿರೂಪಧಾರಿನ್ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ಪುಷ್ಪಾಞ್ಜಲಿಂ ಸಮರ್ಪಯಾಮಿ ।
ಪ್ರದಕ್ಷಿಣ –
ಈಶಾನಃ ಸರ್ವ॑ವಿದ್ಯಾ॒ನಾ॒ಮೀಶ್ವರಃ ಸರ್ವ॑ಭೂತಾ॒ನಾಂ॒
ಬ್ರಹ್ಮಾಧಿ॑ಪತಿ॒ರ್ಬ್ರಹ್ಮ॒ಣೋಽಧಿ॑ಪತಿ॒ರ್ಬ್ರಹ್ಮಾ॑ ಶಿ॒ವೋ ಮೇ॑ ಅಸ್ತು ಸದಾಶಿ॒ವೋಮ್ ॥
ಪ್ರದಕ್ಷಿಣಂ ಸಮ್ಯಗಹಂ ಕರಿಷ್ಯೇ
ಕಾಲತ್ರಯೇ ತ್ವಾಂ ಕರುಣಾಭಿರಾಮಮ್ ।
ಶಿವಾಮನೋನಾಥ ಮಮಾಪರಾಧಂ
ಕ್ಷಮಸ್ವ ಯಜ್ಞೇಶ್ವರ ದಕ್ಷಿಣಾಸ್ಯ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ಪ್ರದಕ್ಷಿಣನಮಸ್ಕಾರಾನ್ ಸಮರ್ಪಯಾಮಿ ।
ಸರ್ವೋಪಚಾರಾಃ –
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ ಛತ್ರಮಾಚ್ಛಾದಯಾಮಿ ।
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ ಚಾಮರೈರ್ವೀಜಯಾಮಿ ।
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ ನೃತ್ಯಂ ದರ್ಶಯಾಮಿ ।
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ ಗೀತಂ ಶ್ರಾವಯಾಮಿ ।
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ ಆನ್ದೋಲಿಕಾನಾರೋಹಯಾಮಿ ।
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ ಅಶ್ವಾನಾರೋಹಯಾಮಿ ।
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ ಗಜಾನಾರೋಹಯಾಮಿ ।
ಸಮಸ್ತ ರಾಜೋಪಚಾರ ದೇವೋಪಚಾರಾನ್ ಸಮರ್ಪಯಾಮಿ ॥
ಪ್ರಾರ್ಥನಾ –
ನಮೋ ಹಿರಣ್ಯಬಾಹವೇ ಹಿರಣ್ಯವರ್ಣಾಯ ಹಿರಣ್ಯರೂಪಾಯ ಹಿರಣ್ಯಪತಯೇಽಮ್ಬಿಕಾಪತಯ ಉಮಾಪತಯೇ ಪಶುಪತಯೇ॑ ನಮೋ॒ ನಮಃ ॥
ನಮೋ ನಮಃ ಪಾಪವಿನಾಶನಾಯ
ನಮೋ ನಮಃ ಕಞ್ಜಭವಾರ್ಚಿತಾಯ ।
ನಮೋ ನಮಃ ಕೃಷ್ಣಹೃದಿಸ್ಥಿತಾಯ
ಶ್ರೀದಕ್ಷಿಣಾಮೂರ್ತಿ ಮಹೇಶ್ವರಾಯ ॥
ಓಂ ಶ್ರೀದಕ್ಷಿಣಾಮೂರ್ತಯೇ ನಮಃ । ಪ್ರಾರ್ಥನಾ ನಮಸ್ಕಾರಾನ್ ಸಮರ್ಪಯಾಮಿ ।
ಕ್ಷಮಾಪ್ರಾರ್ಥನಾ –
ಯಸ್ಯ ಸ್ಮೃತ್ಯಾಚ ನಾಮೋಕ್ತ್ಯಾ ತಪಃ ಪೂಜಾ ಕ್ರಿಯಾದಿಷು ।
ನ್ಯೂನಂ ಸಮ್ಪೂರ್ಣತಾಂ ಯಾತಿ ಸದ್ಯೋವನ್ದೇ ಮಹೇಶ್ವರಮ್ ॥
ಮನ್ತ್ರಹೀನಂ ಕ್ರಿಯಾಹೀನಂ ಭಕ್ತಿಹೀನಂ ಮಹೇಶ್ವರ ।
ಯತ್ಪೂಜಿತಂ ಮಯಾ ದೇವ ಪರಿಪೂರ್ಣಂ ತದಸ್ತು ತೇ ॥
ಅನಯಾ ಸದ್ಯೋಜಾತ ವಿಧಿನಾ ಧ್ಯಾನಾವಹನಾದಿ ಷೋಡಶೋಪಚಾರ ಪೂಜಯಾ ಭಗವಾನ್ ಸರ್ವಾತ್ಮಕಃ ಶ್ರೀ ದಕ್ಷಿಣಾಮೂರ್ತಿಃ ಸುಪ್ರೀತಃ ಸುಪ್ರಸನ್ನೋ ವರದೋ ಭವತು ॥
ಏತತ್ಫಲಂ ಪರಮೇಶ್ವರಾರ್ಪಣಮಸ್ತು ॥
ತೀರ್ಥಮ್ –
ಅಕಾಲಮೃತ್ಯುಹರಣಂ ಸರ್ವವ್ಯಾಧಿ ನಿವಾರಣಮ್ ।
ಸಮಸ್ತಪಾಪಕ್ಷಯಕರಂ ಶ್ರೀದಕ್ಷಿಣಾಮೂರ್ತಿ ಪಾದೋದಕಂ ಪಾವನಂ ಶುಭಮ್ ॥
ಓಂ ಶಾನ್ತಿಃ ಶಾನ್ತಿಃ ಶಾನ್ತಿಃ ॥
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
