Read in తెలుగు / ಕನ್ನಡ / தமிழ் / देवनागरी / English (IAST)
ಓಮಿತಿ ನಿಖಿಲಾ ದೇವಾ
ಯಸ್ಯಾಜ್ಞಾಂ ಶಿರಸಿ ಕುರ್ವತೇ ಸತತಮ್ |
ಓಂಕಾರಪದ್ಮಭೃಂಗಂ
ತಮಹಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೧ ||
ನತ್ವಾ ಯತ್ಪದಯುಗ್ಮಂ
ಮೂಕಾ ಅಪಿ ವಾಗ್ವಿಧೂತಗುರವಃ ಸ್ಯುಃ |
ನತಜನರಕ್ಷಣದಕ್ಷಂ
ತಮಹಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೨ ||
ಮೋಹಮತಂಗಜಭೇದನ-
-ಪಂಚಾಸ್ಯಾ ಯತ್ಪದಾಂಬುಜಪ್ರಣತಾಃ |
ಮೋಹಾಂಧಕಾರಮಿಹಿರಂ
ತಮಹಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೩ ||
ಭವವಾರಿಧಿಮಾಶು ತರೇ-
-ತ್ಕುಲ್ಯಾಮಿವ ಯತ್ಪದಾಂಬುಜಧ್ಯಾನಾತ್ |
ಭಗವತ್ಪದಾದಿರೂಪಂ
ತಮಹಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೪ ||
ಗತಿವಿಜಿತಹಂಸಗರ್ವಂ
ಗಗನಮರುದ್ವಹ್ನಿಜಲಧರಾರೂಪಮ್ |
ಗಜಮುಖಷಡಾಸ್ಯಪೂಜಿತ-
-ಮನಿಶಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೫ ||
ವರಯಂತೇಽಖಿಲವಿದ್ಯಾಃ
ಸ್ವಯಮೇವ ಯದಂಘ್ರಿಪದ್ಮನಮ್ರಜನಾನ್ |
ವನವಾಸಲೋಲಚಿತ್ತಂ
ತಮಹಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೬ ||
ತೇನ ಜಿತಂ ಜಗದಖಿಲಂ
ತೇನೈವಾತ್ತಂ ಸಮಸ್ತಭಾಗ್ಯಂ ಚ |
ಯೇನ ತ್ವತ್ಪದಯುಗಳಂ
ಪೂಜಿತಮಪಿ ಜಾತು ದಕ್ಷಿಣಾಮೂರ್ತೇ || ೭ ||
ದಮಶಮಮುಖಾಸ್ತು ಸುಗುಣಾಃ
ಪ್ರಾಪ್ಯಂತೇ ಸತ್ವರಂ ಯಸ್ಯ |
ಪಾದಾಂಬುಜಯುಗನಮನಾ-
-ತ್ತಮಹಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೮ ||
ಕ್ಷಿತಿಪತಯೋ ದಾಸಾಃ ಸ್ಯು-
-ರ್ಯತ್ಪಾದಪಾಥೋಜಪೂಜಕಸ್ಯಾಶು |
ಕ್ಷಿತಿಧರಶಿಖರಾವಾಸಂ
ತಮಹಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೯ ||
ಣಾಣೇತಿ ಯನ್ಮನುಸ್ಥಂ
ವರ್ಣಂ ಜಪ್ತುಃ ಸಮಸ್ತಪುರುಷಾರ್ಥಾಃ |
ಕರತಲಮಧ್ಯಗತಾಃ ಸ್ಯು-
-ಸ್ತಮಹಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೧೦ ||
ಮೂರ್ತಿಂ ನಿರೀಕ್ಷ್ಯ ಮೋಹಂ
ಪ್ರಾಪ್ಯಾಗಸುತಾ ಪುರಾ ತಪಸ್ತೇಪೇ |
ಯಸ್ಯ ಪ್ರಾಪ್ತ್ಯೈ ಸುಚಿರಂ
ತಮಹಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೧೧ ||
ತಸ್ಯಾಣಿಮಾದಿಸಿದ್ಧಿ-
-ರ್ವಿನೈವ ಯೋಗಂ ಭವೇನ್ನ ಸಂದೇಹಃ |
ತರುಣೇಂದುಭೂಷಿತಜಟಂ
ಯಸ್ತ್ವಾಂ ನಮತೀಹ ದಕ್ಷಿಣಾಮೂರ್ತೇ || ೧೨ ||
ಯೇ ತ್ವತ್ಪಾದಾಬ್ಜಯುಗಳಂ
ಚಿತ್ತೇ ಸಂದಧತಿ ದಕ್ಷಿಣಾಮೂರ್ತೇ |
ತಾನ್ಮತ್ತವಾರಣೇಂದ್ರಾ
ದಧತಿ ತುರಂಗಾಃ ಸುವರ್ಣಶಿಬಿಕಾಶ್ಚ || ೧೩ ||
ಮಥಿತಾಸುರಸಂದೋಹಂ
ಮಾನಸಚರಮದ್ರಿರಾಜತನಯಾಯಾಃ |
ಮಾನಪ್ರದಮಾನಮತಾ-
-ಮನಿಶಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೧೪ ||
ಹ್ಯಂಭೋಧೌ ಲುಠತಾಂ ತ-
-ತ್ಪಾರಂ ಗಂತುಂ ಯದೀಯಪದಭಕ್ತಿಃ |
ಸಂಸೃತಿರೂಪೇ ನೌಕಾ
ತಮಹಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೧೫ ||
ಮೇಧಾಪ್ರಜ್ಞೇ ಚೇಟೀ-
-ಭಾವಂ ವ್ರಜತೋ ಯದಂಘ್ರಿನತಿಕರ್ತುಃ |
ಮೇನಾಸಖಜಾಕಾಂತಂ
ತಮಹಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೧೬ ||
ಧಾಂ ಬಾಪೂರ್ವಾಂ ನಿಖಿಲಾಂ
ಯೋಽರಂ ವಾರಯತಿ ಭಕ್ತಬೃಂದಸ್ಯ |
ಧಾಮ್ನಾಮಪಿ ಧಾಮತ್ವದ-
-ಮನಿಶಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೧೭ ||
ಪ್ರಜ್ಞಾಮಾತ್ರಶರೀರಂ
ಪ್ರಣತಾಘಾಂಭೋಧಿಕುಂಭಸಂಜಾತಮ್ |
ಪ್ರತ್ಯಕ್ಷಂ ನತವಿತತೇಃ
ಸತತಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೧೮ ||
ಜ್ಞಾಂಶೀಭೂತಾಂಜೀವಾನ್
ಭವಮಗ್ನಾನ್ ಬ್ರಹ್ಮಬೋಧದಾನೇನ |
ಕುರ್ವಾಣಂ ಪ್ರವಿಮುಕ್ತಾನ್
ಸತತಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೧೯ ||
ಪ್ರತ್ನವಚಸ್ತತಿಗೇಯಂ
ಪ್ರಜ್ಞಾದಾನಪ್ರಚಂಡನಿಜನಮನಮ್ |
ಪ್ರಣವಪ್ರತಿಪಾದ್ಯತನುಂ
ಸತತಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೨೦ ||
ಯಸ್ಯಾರ್ಧವರ್ಷ್ಮಲಾಭಾ-
-ದೇವಾಭೂತ್ ಸರ್ವಮಂಗಳಾ ಗಿರಿಜಾ |
ಯಮಿವರಹೃದಬ್ಜನಿಲಯಂ
ತಮಹಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೨೧ ||
ಛತ್ರೀಭೂತವಟಾಗಂ
ಛನ್ನಮವಿದ್ಯಾಽಽಖ್ಯವಾಸಸಾನಾದಿಮ್ |
ಛತ್ರಾದಿನೃಪವಿಭೂತಿದ-
-ಮನಿಶಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೨೨ ||
ಸ್ವಾಹಾಸ್ವಧಾನಿಷೇವ್ಯಂ
ಸ್ವಾಕೃತಿಸಂತೋಷಿತಾಗಜಾಹೃದಯಮ್ |
ಸ್ವಾಹಾಸಹಾಯತಿಲಕಂ
ಸತತಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೨೩ ||
ಹಾಸಾಧರೀಕೃತವಿಧುಂ
ಹಾಲಾಹಲಶೋಭಮಾನಗಲದೇಶಮ್ |
ಹಾರಾಯಿತಾಹಿರಾಜಂ
ಸತತಂ ಪ್ರಣಮಾಮಿ ದಕ್ಷಿಣಾಮೂರ್ತಿಮ್ || ೨೪ ||
ಶ್ರೀಮನ್ನೃಸಿಂಹಯತಿರಾ-
-ಟ್ಛಿಷ್ಯಃ ಶ್ರೀಸಚ್ಚಿದಾನಂದಃ |
ಅಕರೋದ್ಗುರುವರಕೃಪಯಾ
ಸ್ತೋತ್ರಂ ಶ್ರೀದಕ್ಷಿಣಾಮೂರ್ತೇಃ || ೨೫ ||
ಮನುವರ್ಣಘಟಿತಮೇತತ್
ಸ್ತೋತ್ರಂ ಯಃ ಪಠತಿ ಭಕ್ತಿಸಂಯುಕ್ತಃ |
ತಸ್ಮೈ ವಟತಟವಾಸೀ
ದದ್ಯಾತ್ ಸಕಲಾಃ ಕಲಾಸ್ತ್ವರಿತಮ್ || ೨೬ ||
ಇತಿ ಶ್ರೀಜಗದ್ಗುರು ಶ್ರೀಸಚ್ಚಿದಾನಂದ ಶಿವಾಭಿನವ ನೃಸಿಂಹ ಭಾರತೀ ಸ್ವಾಮಿಭಿಃ ವಿರಚಿತಂ ಶ್ರೀ ದಕ್ಷಿಣಾಮೂರ್ತಿಮನು ಸುವರ್ಣಮಾಲಾ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ. ಇನ್ನಷ್ಟು ಶ್ರೀ ದಕ್ಷಿಣಾಮೂರ್ತಿ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
