Read in తెలుగు / ಕನ್ನಡ / தமிழ் / देवनागरी / English (IAST)
ಈಶ್ವರ ಉವಾಚ |
ಸ್ತವರಾಜಮಹಂ ವಂದೇ ವೈ ರೋಚನ್ಯಾಶ್ಶುಭಪ್ರದಂ |
ನಾಭೌ ಶುಭ್ರಾರವಿಂದಂ ತದುಪರಿ ವಿಲಸನ್ಮಂಡಲಂ ಚಂಡರಶ್ಮೇಃ
ಸಂಸಾರಸ್ಯೈಕಸಾರಾಂ ತ್ರಿಭುವನಜನನೀಂ ಧರ್ಮಕಾಮಾರ್ಥದಾತ್ರೀಂ |
ತಸ್ಮಿನ್ನಧ್ಯೇ ತ್ರಿಭಾಗೇ ತ್ರಿತಯತನುಧರಾಂ ಛಿನ್ನಮಸ್ತಾಂ ಪ್ರಶಸ್ತಾಂ
ತಾಂ ವಂದೇ ಛಿನ್ನಮಸ್ತಾಂ ಶಮನಭಯಹರಾಂ ಯೋಗಿನೀಂ ಯೋಗಮುದ್ರಾಮ್ || ೧ ||
ನಾಭೌ ಶುದ್ಧಸರೋಜವಕ್ತ್ರವಿಲಸದ್ಬಂಧೂಕಪುಷ್ಪಾರುಣಂ
ಭಾಸ್ವದ್ಭಾಸ್ಕರಮಂಡಲಂ ತದುದರೇ ತದ್ಯೋನಿಚಕ್ರಂ ಮಹತ್ |
ತನ್ಮಧ್ಯೇ ವಿಪರೀತಮೈಥುನರತ ಪ್ರದ್ಯುಮ್ನಸತ್ಕಾಮಿನೀ
ಪೃಷ್ಠಂಸ್ಯಾತ್ತರುಣಾರ್ಯ ಕೋಟಿವಿಲಸತ್ತೇಜಸ್ಸ್ವರೂಪಾಂ ಭಜೇ || ೨ ||
ವಾಮೇ ಛಿನ್ನಶಿರೋಧರಾಂ ತದಿತರೇ ಪಾಣೌ ಮಹತ್ಕರ್ತೃಕಾಂ
ಪ್ರತ್ಯಾಲೀಢಪದಾಂ ದಿಗಂತವಸನಾಮುನ್ಮುಕ್ತ ಕೇಶವ್ರಜಾಂ |
ಛಿನ್ನಾತ್ಮೀಯ ಶಿರಸ್ಸಮಚ್ಚಲ ದಮೃದ್ಧಾರಾಂ ಪಿಬಂತೀಂ ಪರಾಂ
ಬಾಲಾದಿತ್ಯ ಸಮಪ್ರಕಾಶ ವಿಲಸನ್ನೇತ್ರತ್ರಯೋದ್ಭಾಸಿನೀಮ್ || ೩ ||
ವಾಮಾದನ್ಯತ್ರ ನಾಳಂ ಬಹುಗಹನಗಳದ್ರಕ್ತಧಾರಾಭಿರುಚ್ಚೈ-
ರ್ಗಾಯಂತೀಮಸ್ಥಿಭೂಷಾಂ ಕರಕಮಲಲಸತ್ಕರ್ತೃಕಾಮುಗ್ರರೂಪಾಂ |
ರಕ್ತಾಮಾರಕ್ತಕೇಶೀಮವಗತವಸನಾವರ್ಣನೀಮಾತ್ಮಶಕ್ತಿಂ
ಪ್ರತ್ಯಾಲೀಢೋರುಪಾದಾಮರುಣಿ ತನಯನಾಂ ಯೋಗಿನೀಂ ಯೋಗನಿದ್ರಾಮ್ || ೪ ||
ದಿಗ್ವಸ್ತ್ರಾಂ ಮುಕ್ತಕೇಶೀಂ ಪ್ರಳಯಘನಘಟಾ ಘೋರರೂಪಾಂ
ಪ್ರಚಂಡಾಂ ದಂಷ್ಟ್ರಾದುಃಪ್ರೇಕ್ಷ್ಯವಕ್ತ್ರೋದರವಿವರಲಸಲ್ಲೋಲಜಿಹ್ವಾಗ್ರಭಾಸಾಂ |
ವಿದ್ಯುಲ್ಲೋಲಾಕ್ಷಿಯುಗ್ಮಾಂ ಹೃದಯತಟಲಸದ್ಭೋಗಿನೀಂ ಭೀಮಮೂರ್ತಿಂ
ಸದ್ಯಃ ಛಿನ್ನಾತ್ಮಕಂಠಪ್ರಗಲಿತರುಧಿರೈರ್ಡಾಕಿನೀ ವರ್ಧಯಂತೀಮ್ || ೫ ||
ಬ್ರಹ್ಮೇಶಾನಾಚ್ಯುತಾದ್ಯೈಶ್ಶಿರಸಿ ವಿನಿಹಿತಾ ಮಂದಪಾದಾರವಿಂದೈ
ರಾಜ್ಞೈರ್ಯೋಗೀಂದ್ರಮುಖ್ಯೈಃ ಪ್ರತಿಪದಮನಿಶಂ ಚಿಂತಿತಾಂ ಚಿಂತ್ಯರೂಪಾಂ |
ಸಂಸಾರೇ ಸಾರಭೂತಾಂ ತ್ರಿಭುವನಜನನೀಂ ಛಿನ್ನಮಸ್ತಾಂ ಪ್ರಶಸ್ತಾಂ
ಇಷ್ಟಾಂ ತಾಮಿಷ್ಟದಾತ್ರೀಂ ಕಲಿಕಲುಷಹರಾಂ ಚೇತಸಾ ಚಿಂತಯಾಮಿ || ೬ ||
ಉತ್ಪತ್ತಿ ಸ್ಥಿತಿಸಂಹೃತೀರ್ಘಟಯಿತುಂ ಧತ್ತೇ ತ್ರಿರೂಪಾಂ ತನುಂ
ತ್ರೈಗುಣ್ಯಾಜ್ಜಗತೋಯದೀಯವಿಕೃತಿ ಬ್ರಹ್ಮಾಚ್ಯುತಶ್ಶೂಲಭೃತ್ |
ತಾಮಾದ್ಯಾಂ ಪ್ರಕೃತಿಂ ಸ್ಮರಾಮಿ ಮನಸಾ ಸರ್ವಾರ್ಥಸಂಸಿದ್ಧಯೇ
ಯಸ್ಮಾತ್ಮ್ಸೇರಪದಾರವಿಂದಯುಗಳೇ ಲಾಭಂ ಭಜಂತೇ ನರಾಃ || ೭ ||
ಅಭಿಲಷಿತ ಪರಸ್ತ್ರೀ ಯೋಗಪೂಜಾಪರೋಽಹಂ
ಬಹುವಿಧಜನ ಭಾವಾರಂಭಸಂಭಾವಿತೋಽಹಂ |
ಪಶುಜನವಿರತೋಽಹಂ ಭೈರವೀ ಸಂಸ್ಥಿತೋಽಹಂ
ಗುರುಚರಣಪರೋಽಹಂ ಭೈರವೋಹಂ ಶಿವೋಽಹಮ್ || ೮ ||
ಇದಂ ಸ್ತೋತ್ರಂ ಮಹಾಪುಣ್ಯಂ ಬ್ರಹ್ಮಣಾ ಭಾಷಿತಂ ಪುರಾ |
ಸರ್ವಸಿದ್ಧಿಪ್ರದಂ ಸಾಕ್ಷಾನ್ಮಹಾಪಾತಕನಾಶನಮ್ || ೯ ||
ಯಃಪಠೇತ್ಪ್ರಾತರುತ್ಥಾಯ ದೇವ್ಯಾಸ್ಸನ್ನಿಹಿತೋಪಿ ವಾ |
ತಸ್ಯ ಸಿದ್ಧಿರ್ಭವೇದ್ದೇವೀ ವಾಂಛಿತಾರ್ಥ ಪ್ರದಾಯಿನೀ || ೧೦ ||
ಧನಂ ಧಾನ್ಯಂ ಸುತಂ ಜಾಯಾಂ ಹಯಂ ಹಸ್ತಿನಮೇವ ಚ |
ವಸುಂಧರಾಂ ಮಹಾವಿದ್ಯಾಮಷ್ಟಸಿದ್ಧಿಂ ಲಭೇದ್ಧೃವಮ್ || ೧೧ ||
ವೈಯಾಘ್ರಾಜಿನರಂಜಿತಸ್ವಜಘನೇಽರಣ್ಯೇ ಪ್ರಲಂಬೋದರೇ
ಖರ್ವೇ ನಿರ್ವಚನೀಯಪರ್ವಸುಭಗೇ ಮುಂಡಾವಳೀಮಂಡಿತೇ |
ಕರ್ತೀಂ ಕುಂದರುಚಿಂ ವಿಚಿತ್ರವನಿತಾಂ ಜ್ಞಾನೇ ದಧಾನೇ ಪದೇ
ಮಾತರ್ಭಕ್ತಜನಾನುಕಂಪಿನಿ ಮಹಾಮಾಯೇಸ್ತು ತುಭ್ಯಂ ನಮಃ || ೧೨ ||
ಇತಿ ಶ್ರೀ ಛಿನ್ನಮಸ್ತಾದೇವೀ ಸ್ತೋತ್ರಮ್ |
ಇನ್ನಷ್ಟು ದಶಮಹಾವಿದ್ಯಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
