Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀಬೃಹಸ್ಪತಿ ಕವಚಸ್ತೋತ್ರಮಂತ್ರಸ್ಯ ಈಶ್ವರ ಋಷಿಃ, ಅನುಷ್ಟುಪ್ ಛಂದಃ, ಬೃಹಸ್ಪತಿರ್ದೇವತಾ, ಗಂ ಬೀಜಂ, ಶ್ರೀಂ ಶಕ್ತಿಃ, ಕ್ಲೀಂ ಕೀಲಕಂ, ಬೃಹಸ್ಪತಿ ಪೀಡಾಪ್ರಶಮನಾರ್ಥೇ ಬೃಹಸ್ಪತಿ ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ |
ಕರನ್ಯಾಸಃ –
ಗಾಂ ಅಂಗುಷ್ಠಾಭ್ಯಾಂ ನಮಃ |
ಗೀಂ ತರ್ಜನೀಭ್ಯಾಂ ನಮಃ |
ಗೂಂ ಮಧ್ಯಮಾಭ್ಯಾಂ ನಮಃ |
ಗೈಂ ಅನಾಮಿಕಾಭ್ಯಾಂ ನಮಃ |
ಗೌಂ ಕನಿಷ್ಠಿಕಾಭ್ಯಾಂ ನಮಃ |
ಗಃ ಕರತಲಕರಪೃಷ್ಠಾಭ್ಯಾಂ ನಮಃ |
ಅಂಗನ್ಯಾಸಃ –
ಗಾಂ ಹೃದಯಾಯ ನಮಃ |
ಗೀಂ ಶಿರಸೇ ಸ್ವಾಹಾ |
ಗೂಂ ಶಿಖಾಯೈ ವಷಟ್ |
ಗೈಂ ಕವಚಾಯ ಹುಮ್ |
ಗೌಂ ನೇತ್ರತ್ರಯಾಯ ವೌಷಟ್ |
ಗಃ ಅಸ್ತ್ರಾಯ ಫಟ್ |
ಧ್ಯಾನಮ್ –
ಅಭೀಷ್ಟಫಲದಂ ದೇವಂ ಸರ್ವಜ್ಞಂ ಸುರಪೂಜಿತಮ್ |
ಅಕ್ಷಮಾಲಾಧರಂ ಶಾಂತಂ ಪ್ರಣಮಾಮಿ ಬೃಹಸ್ಪತಿಮ್ || ೧ ||
ಅಥ ಕವಚಮ್ –
ಬೃಹಸ್ಪತಿಃ ಶಿರಃ ಪಾತು ಲಲಾಟಂ ಪಾತು ಮೇ ಗುರುಃ |
ಕರ್ಣೌ ಸುರಗುರುಃ ಪಾತು ನೇತ್ರೇ ಮೇಽಭೀಷ್ಟದಾಯಕಃ || ೨ ||
ಜಿಹ್ವಾಂ ಪಾತು ಸುರಾಚಾರ್ಯೋ ನಾಸಾಂ ಮೇ ವೇದಪಾರಗಃ |
ಮುಖಂ ಮೇ ಪಾತು ಸರ್ವಜ್ಞೋ ಕಂಠಂ ಮೇ ದೇವತಾಗುರುಃ || ೩ ||
ಭುಜಾವಾಂಗಿರಸಃ ಪಾತು ಕರೌ ಪಾತು ಶುಭಪ್ರದಃ |
ಸ್ತನೌ ಮೇ ಪಾತು ವಾಗೀಶಃ ಕುಕ್ಷಿಂ ಮೇ ಶುಭಲಕ್ಷಣಃ || ೪ ||
ನಾಭಿಂ ದೇವಗುರುಃ ಪಾತು ಮಧ್ಯಂ ಪಾತು ಸುಖಪ್ರದಃ |
ಕಟಿಂ ಪಾತು ಜಗದ್ವಂದ್ಯ ಊರೂ ಮೇ ಪಾತು ವಾಕ್ಪತಿಃ || ೫ ||
ಜಾನುಜಂಘೇ ಸುರಾಚಾರ್ಯೋ ಪಾದೌ ವಿಶ್ವಾತ್ಮಕಸ್ತಥಾ |
ಅನ್ಯಾನಿ ಯಾನಿ ಚಾಂಗಾನಿ ರಕ್ಷೇನ್ಮೇ ಸರ್ವತೋ ಗುರುಃ || ೬ ||
ಇತ್ಯೇತತ್ಕವಚಂ ದಿವ್ಯಂ ತ್ರಿಸಂಧ್ಯಂ ಯಃ ಪಠೇನ್ನರಃ |
ಸರ್ವಾನ್ ಕಾಮಾನವಾಪ್ನೋತಿ ಸರ್ವತ್ರ ವಿಜಯೀ ಭವೇತ್ || ೭ ||
ಇತಿ ಶ್ರೀಬ್ರಹ್ಮಯಾಮಲೋಕ್ತಂ ಶ್ರೀ ಬೃಹಸ್ಪತಿ ಕವಚಮ್ |
ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
