Read in తెలుగు / ಕನ್ನಡ / தமிழ் / देवनागरी / English (IAST)
(ಅಥ ಪೌರಾಣಿಕೈಃ ಶ್ಲೋಕೈ ರಾಷ್ಟ್ರೈ ದ್ವಾದಶಾಭಿಃ ಶುಭೈಃ |
ಪ್ರಣಮೇದ್ದಂಡವದ್ಭಾನುಂ ಸಾಷ್ಟಾಂಗಂ ಭಕ್ತಿಸಂಯುತಃ ||)
ಹಂಸಾಯ ಭುವನಧ್ವಾಂತಧ್ವಂಸಾಯಾಽಮಿತತೇಜಸೇ |
ಹಂಸವಾಹನರೂಪಾಯ ಭಾಸ್ಕರಾಯ ನಮೋ ನಮಃ || ೧ ||
ವೇದಾಂಗಾಯ ಪತಂಗಾಯ ವಿಹಂಗಾರೂಢಗಾಮಿನೇ |
ಹರಿದ್ವರ್ಣತುರಂಗಾಯ ಭಾಸ್ಕರಾಯ ನಮೋ ನಮಃ || ೨ ||
ಭುವನತ್ರಯದೀಪ್ತಾಯ ಭುಕ್ತಿಮುಕ್ತಿಪ್ರದಾಯ ಚ |
ಭಕ್ತದಾರಿದ್ರ್ಯನಾಶಾಯ ಭಾಸ್ಕರಾಯ ನಮೋ ನಮಃ || ೩ ||
ಲೋಕಾಲೋಕಪ್ರಕಾಶಾಯ ಸರ್ವಲೋಕೈಕಚಕ್ಷುಷೇ |
ಲೋಕೋತ್ತರಚರಿತ್ರಾಯ ಭಾಸ್ಕರಾಯ ನಮೋ ನಮಃ || ೪ ||
ಸಪ್ತಲೋಕಪ್ರಕಾಶಾಯ ಸಪ್ತಸಪ್ತಿರಥಾಯ ಚ |
ಸಪ್ತದ್ವೀಪಪ್ರಕಾಶಾಯ ಭಾಸ್ಕರಾಯ ನಮೋ ನಮಃ || ೫ ||
ಮಾರ್ತಾಂಡಾಯ ದ್ಯುಮಣಯೇ ಭಾನವೇ ಚಿತ್ರಭಾನವೇ |
ಪ್ರಭಾಕರಾಯ ಮಿತ್ರಾಯ ಭಾಸ್ಕರಾಯ ನಮೋ ನಮಃ || ೬ ||
ನಮಸ್ತೇ ಕಮಲಾನಾಥ ನಮಸ್ತೇ ಕಮಲಪ್ರಿಯ |
ನಮಃ ಕಮಲಹಸ್ತಾಯ ಭಾಸ್ಕರಾಯ ನಮೋ ನಮಃ || ೭ ||
ನಮಸ್ತೇ ಬ್ರಹ್ಮರೂಪಾಯ ನಮಸ್ತೇ ವಿಷ್ಣುರೂಪಿಣೇ |
ನಮಸ್ತೇ ರುದ್ರರೂಪಾಯ ಭಾಸ್ಕರಾಯ ನಮೋ ನಮಃ || ೮ ||
ಸತ್ಯಜ್ಞಾನಸ್ವರೂಪಾಯ ಸಹಸ್ರಕಿರಣಾಯ ಚ |
ಗೀರ್ವಾಣಭೀತಿನಾಶಾಯ ಭಾಸ್ಕರಾಯ ನಮೋ ನಮಃ || ೯ ||
ಸರ್ವದುಃಖೋಪಶಾಂತಾಯ ಸರ್ವಪಾಪಹರಾಯ ಚ |
ಸರ್ವವ್ಯಾಧಿವಿನಾಶಾಯ ಭಾಸ್ಕರಾಯ ನಮೋ ನಮಃ || ೧೦ ||
ಸಹಸ್ರಪತ್ರನೇತ್ರಾಯ ಸಹಸ್ರಾಕ್ಷಸ್ತುತಾಯ ಚ |
ಸಹಸ್ರನಾಮಧೇಯಾಯ ಭಾಸ್ಕರಾಯ ನಮೋ ನಮಃ || ೧೧ ||
ನಿತ್ಯಾಯ ನಿರವದ್ಯಾಯ ನಿರ್ಮಲಜ್ಞಾನಮೂರ್ತಯೇ |
ನಿಗಮಾರ್ಥಪ್ರಕಾಶಾಯ ಭಾಸ್ಕರಾಯ ನಮೋ ನಮಃ || ೧೨ ||
ಆದಿಮಧ್ಯಾಂತಶೂನ್ಯಾಯ ವೇದವೇದಾಂತವೇದಿನೇ |
ನಾದಬಿಂದುಸ್ವರೂಪಾಯ ಭಾಸ್ಕರಾಯ ನಮೋ ನಮಃ || ೧೩ ||
ನಿರ್ಮಲಜ್ಞಾನರೂಪಾಯ ರಮ್ಯತೇಜಃ ಸ್ವರೂಪಿಣೇ |
ಬ್ರಹ್ಮತೇಜಃ ಸ್ವರೂಪಾಯ ಭಾಸ್ಕರಾಯ ನಮೋ ನಮಃ || ೧೪ ||
ನಿತ್ಯಜ್ಞಾನಾಯ ನಿತ್ಯಾಯ ನಿರ್ಮಲಜ್ಞಾನಮೂರ್ತಯೇ |
ನಿಗಮಾರ್ಥಸ್ವರೂಪಾಯ ಭಾಸ್ಕರಾಯ ನಮೋ ನಮಃ || ೧೫ ||
ಕುಷ್ಠವ್ಯಾಧಿವಿನಾಶಾಯ ದುಷ್ಟವ್ಯಾಧಿಹರಾಯ ಚ |
ಇಷ್ಟಾರ್ಥದಾಯಿನೇ ತಸ್ಮೈ ಭಾಸ್ಕರಾಯ ನಮೋ ನಮಃ || ೧೬ ||
ಭವರೋಗೈಕವೈದ್ಯಾಯ ಸರ್ವರೋಗಾಪಹಾರಿಣೇ |
ಏಕನೇತ್ರಸ್ವರೂಪಾಯ ಭಾಸ್ಕರಾಯ ನಮೋ ನಮಃ || ೧೭ ||
ದಾರಿದ್ರ್ಯದೋಷನಾಶಾಯ ಘೋರಪಾಪಹರಾಯ ಚ |
ದುಷ್ಟಶಿಕ್ಷಣಧುರ್ಯಾಯ ಭಾಸ್ಕರಾಯ ನಮೋ ನಮಃ || ೧೮ ||
ಹೋಮಾನುಷ್ಠಾನರೂಪೇಣ ಕಾಲಮೃತ್ಯುಹರಾಯ ಚ |
ಹಿರಣ್ಯವರ್ಣದೇಹಾಯ ಭಾಸ್ಕರಾಯ ನಮೋ ನಮಃ || ೧೯ ||
ಸರ್ವಸಂಪತ್ಪ್ರದಾತ್ರೇ ಚ ಸರ್ವದುಃಖವಿನಾಶಿನೇ |
ಸರ್ವೋಪದ್ರವನಾಶಾಯ ಭಾಸ್ಕರಾಯ ನಮೋ ನಮಃ || ೨೦ ||
ನಮೋ ಧರ್ಮನಿಧಾನಾಯ ನಮಃ ಸುಕೃತಸಾಕ್ಷಿಣೇ |
ನಮಃ ಪ್ರತ್ಯಕ್ಷರೂಪಾಯ ಭಾಸ್ಕರಾಯ ನಮೋ ನಮಃ || ೨೧ ||
ಸರ್ವಲೋಕೈಕಪೂರ್ಣಾಯ ಕಾಲಕರ್ಮಾಘಹಾರಿಣೇ |
ನಮಃ ಪುಣ್ಯಸ್ವರೂಪಾಯ ಭಾಸ್ಕರಾಯ ನಮೋ ನಮಃ || ೨೨ ||
ದ್ವಂದ್ವವ್ಯಾಧಿವಿನಾಶಾಯ ಸರ್ವದುಃಖವಿನಾಶಿನೇ |
ನಮಸ್ತಾಪತ್ರಯಘ್ನಾಯ ಭಾಸ್ಕರಾಯ ನಮೋ ನಮಃ || ೨೩ ||
ಕಾಲರೂಪಾಯ ಕಳ್ಯಾಣಮೂರ್ತಯೇ ಕಾರಣಾಯ ಚ |
ಅವಿದ್ಯಾಭಯಸಂಹರ್ತ್ರೇ ಭಾಸ್ಕರಾಯ ನಮೋ ನಮಃ || ೨೪ ||
ಇತಿ ಭಾಸ್ಕರ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಸೂರ್ಯ ಸ್ತೋತ್ರಗಳು ನೋಡಿ. ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
