Sri Balambika Stotram (Ashtakam) - ಶ್ರೀ ಬಾಲಾಂಬಿಕಾ ಸ್ತೋತ್ರಂ

(ಗಮನಿಸಿ: ಈ ಸ್ತೋತ್ರವು “ಪ್ರಭಾತ ಸ್ತೋತ್ರನಿಧಿ” ಪಾರಾಯಣ ಗ್ರಂಥದಲ್ಲಿ ಇದೆ. Click here to buy.)

ವೇಲಾತಿಲಂಘ್ಯ ಕರುಣೇ ವಿಬುಧೇಂದ್ರ ವಂದ್ಯೇ
ಲೀಲಾವಿನಿರ್ಮಿತ ಚರಾಚರಹೃನ್ನಿವಾಸೇ |
ಮಾಲಾ ಕಿರೀಟ ಮಣಿಕುಂಡಲ ಮಂಡಿತಾಂಗೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೧ ||

ಕಂಜಾಸನಾದಿ ಮಣಿಮಂಜುಕಿರೀಟಕೋಟಿ
ಪ್ರತ್ಯುಪ್ತರತ್ನರುಚಿ ರಂಜಿತ ಪಾದಪದ್ಮೇ |
ಮಂಜೀರ ಮಂಜುಲ ವಿನಿರ್ಜಿತ ಹಂಸನಾದೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೨ ||

ಪ್ರಾಲೇಯಭಾನು ಕಲಿಕಾ ಕಲಿತಾತಿರಮ್ಯೇ
ಪಾದಾಗ್ರಜಾವಲಿ ವಿನಿರ್ಜಿತ ಮೌಕ್ತಿಕಾಭೇ |
ಪ್ರಾಣೇಶ್ವರಿ ಪ್ರಥಮಲೋಕಪತೇ ಪ್ರಜಾನಾಂ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೩ ||

ಜಂಘಾದಿಭಿರ್ವಿಜಿತ ಚಿತ್ತಜ ತೂಣಿಭಾಗೇ
ರಂಭಾದಿ ಮಾರ್ದವ ಕರೀಂದ್ರ ಕರೋರುಯುಗ್ಮೇ |
ಶಂಪಾಶತಾಧಿಕ ಸಮುಜ್ಜ್ವಲ ಚೇಲಲೀಲೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೪ ||

ಮಾಣಿಕ್ಯಮೌಕ್ತಿಕ ವಿನಿರ್ಮಿತ ಮೇಖಲಾಢ್ಯೇ
ಮಾಯಾ ವಿಲಗ್ನ ವಿಲಸನ್ಮಣಿಪಟ್ಟಬಂಧೇ |
ಲೋಲಂಬರಾಜಿ ವಿಲಸನ್ನವರೋಮಜಾಲೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೫ ||

ನ್ಯಗ್ರೋಧಪಲ್ಲವ ತಲೋದರ ನಿಮ್ನನಾಭೇ
ನಿರ್ಧೂತಹಾರ ವಿಲಸತ್ಕುಚ ಚಕ್ರವಾಕೇ |
ನಿಷ್ಕಾದಿ ಮಂಜುಮಣಿಭೂಷಣ ಭೂಷಿತಾಂಗೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೬ ||

ಕಂದರ್ಪ ಚಾಪ ಮದಭಂಗ ಕೃತಾತಿರಮ್ಯೇ
ಭ್ರೂವಲ್ಲರೀ ವಿವಿಧ ಚೇಷ್ಟಿತ ರಮ್ಯಮಾನೇ |
ಕಂದರ್ಪಸೋದರ ಸಮಾಕೃತಿ ಫಾಲದೇಶೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೭ ||

ಮುಕ್ತಾವಲೀ ವಿಲಸದೂರ್ಮಿತ ಕಂಬುಕಂಠೇ
ಮಂದಸ್ಮಿತಾನನ ವಿನಿರ್ಮಿತ ಚಂದ್ರಬಿಂಬೇ |
ಭಕ್ತೇಷ್ಟದಾನ ನಿರತಾಮೃತ ಪೂರ್ಣದೃಷ್ಟೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೮ ||

ಕರ್ಣಾವಲಂಬಿ ಮಣಿಕುಂಡಲ ಗಂಡಭಾಗೇ
ಕರ್ಣಾಂತದೀರ್ಘ ನವನೀರಜಪತ್ರ ನೇತ್ರೇ |
ಸ್ವರ್ಣಾಯಕಾದಿ ಗುಣಮೌಕ್ತಿಕ ಶೋಭಿನಾಸೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೯ ||

ಲೋಲಂಬರಾಜಿ ಲಲಿತಾಲಕಜಾಲಶೋಭೇ
ಮಲ್ಲೀ ನವೀನ ಕಲಿಕಾ ನವ ಕುಂದಜಾಲೇ |
ಭಾಲೇಂದು ಮಂಜುಲ ಕಿರೀಟ ವಿರಾಜಮಾನೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೧೦ ||

ಬಾಲಾಂಬಿಕೇ ಮಹಾರಾಜ್ಞಿ ವೈದ್ಯನಾಥಪ್ರಿಯೇಶ್ವರಿ |
ಪಾಹಿ ಮಾಮಂಬ ಕೃಪಯಾ ತ್ವತ್ಪಾದಂ ಶರಣಂ ಗತಃ || ೧೧ ||

ಇತಿ ಶ್ರೀ ಬಾಲಾಂಬಿಕಾ ಸ್ತೋತ್ರಮ್ |

ಗಮನಿಸಿ: ಮೇಲೆ ಕೊಟ್ಟಿರುವ ಸ್ತೋತ್ರವು ಈ ಪುಸ್ತಕದಲ್ಲೂ ಇದೆ.

ಪ್ರಭಾತ ಸ್ತೋತ್ರನಿಧಿ

(ನಿತ್ಯ ಪಾರಾಯಣ ಗ್ರಂಥ)

గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.

Facebook Comments