Sri Balambika Stotram (Ashtakam) – śrī bālāmbikā stōtram

stōtranidhi → śrī bālā stōtrāṇi → śrī bālāmbikā stōtram

vēlātilaṅghya karuṇē vibudhēndra vandyē
līlāvinirmita carācarahr̥nnivāsē |
mālā kirīṭa maṇikuṇḍala maṇḍitāṅgē
bālāmbikē mayi nidhēhi kr̥pākaṭākṣam || 1 ||

kañjāsanādi maṇimañjukirīṭakōṭi
pratyuptaratnaruci rañjita pādapadmē |
mañjīra mañjula vinirjita haṁsanādē
bālāmbikē mayi nidhēhi kr̥pākaṭākṣam || 2 ||

prālēyabhānu kalikā kalitātiramyē
pādāgrajāvali vinirjita mauktikābhē |
prāṇēśvari prathamalōkapatē prajānāṁ
bālāmbikē mayi nidhēhi kr̥pākaṭākṣam || 3 ||

jaṅghādibhirvijita cittaja tūṇibhāgē
rambhādi mārdava karīndra karōruyugmē |
śampāśatādhika samujjvala cēlalīlē
bālāmbikē mayi nidhēhi kr̥pākaṭākṣam || 4 ||

māṇikyamauktika vinirmita mēkhalāḍhyē
māyā vilagna vilasanmaṇipaṭ-ṭabandhē |
lōlambarāji vilasannavarōmajālē
bālāmbikē mayi nidhēhi kr̥pākaṭākṣam || 5 ||

nyagrōdhapallava talōdara nimnanābhē
nirdhūtahāra vilasatkuca cakravākē |
niṣkādi mañjumaṇibhūṣaṇa bhūṣitāṅgē
bālāmbikē mayi nidhēhi kr̥pākaṭākṣam || 6 ||

kandarpa cāpa madabhaṅga kr̥tātiramyē
bhrūvallarī vividha cēṣṭita ramyamānē |
kandarpasōdara samākr̥ti phāladēśē
bālāmbikē mayi nidhēhi kr̥pākaṭākṣam || 7 ||

muktāvalī vilasadūrmita kambukaṇṭhē
mandasmitānana vinirmita candrabimbē |
bhaktēṣṭadāna niratāmr̥ta pūrṇadr̥ṣṭē
bālāmbikē mayi nidhēhi kr̥pākaṭākṣam || 8 ||

karṇāvalambi maṇikuṇḍala gaṇḍabhāgē
karṇāntadīrgha navanīrajapatra nētrē |
svarṇāyakādi guṇamauktika śōbhināsē
bālāmbikē mayi nidhēhi kr̥pākaṭākṣam || 9 ||

lōlambarāji lalitālakajālaśōbhē
mallī navīna kalikā nava kundajālē |
bhālēndu mañjula kirīṭa virājamānē
bālāmbikē mayi nidhēhi kr̥pākaṭākṣam || 10 ||

bālāmbikē mahārājñi vaidyanāthapriyēśvari |
pāhi māmamba kr̥payā tvatpādaṁ śaraṇaṁ gataḥ || 11 ||

iti śrī bālāmbikā stōtram |

---

See more dēvī stōtrāṇi for chanting.

Did you see any mistake/variation in the content above? Click here to report mistakes and corrections in Stotranidhi content.