Read in తెలుగు / ಕನ್ನಡ / தமிழ் / देवनागरी / English (IAST)
amba śaśibimbavadanē kambugrīvē kaṭhōrakucakumbhē |
ambarasamānamadhyē śambararipuvairidēvi māṁ pāhi || 1 ||
kundamukulāgradantāṁ kuṅkumapaṅkēna liptakucabhārāṁ |
ānīlanīladēhāmambāmakhilāṇḍanāyakīṁ vandē || 2 ||
sarigamapadhanisatāntāṁ vīṇāsaṅkrāntacāruhastāṁ tām |
śāntāṁ mr̥dulasvāntāṁ kucabharatāntāṁ namāmi śivakāntām || 3 ||
araṭataṭaghaṭikajūṭītāḍitatālīkapālatāṭaṅkāṁ |
vīṇāvādanavēlākampitaśirasaṁ namāmi mātaṅgīm || 4 ||
vīṇārasānuṣaṅgaṁ vikacamadāmōdamādhurībhr̥ṅgam |
karuṇāpūritaraṅgaṁ kalayē mātaṅgakanyakāpāṅgam || 5 ||
dayamānadīrghanayanāṁ dēśikarūpēṇa darśitābhyudayām |
vāmakucanihitavīṇāṁ varadāṁ saṅgīta mātr̥kāṁ vandē || 6 ||
māṇikyavīṇā mupalālayantīṁ madālasāṁ mañjulavāgvilāsām |
māhēndranīladyutikōmalāṅgīṁ mātaṅgakanyāṁ manasā smarāmi || 7 ||
iti śrīkālikāyāṁ dēvīṣaṭkam ||
See more dēvī stōtrāṇi for chanting.
గమనిక: "నవగ్రహ స్తోత్రనిధి" పుస్తకము తాయారుచేయుటకు ఆలోచన చేయుచున్నాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
