Read in తెలుగు / ಕನ್ನಡ / தமிழ் / देवनागरी / English (IAST)
ಸುರಾಲಯಪ್ರಧಾನೇ ತು ದೇವದೇವಂ ಮಹೇಶ್ವರಮ್ |
ಶೈಲಾಧಿರಾಜತನಯಾ ಸಂಗ್ರಹೇ ತಮುವಾಚ ಹ || ೧ ||
ಶ್ರೀದೇವ್ಯುವಾಚ |
ಪರಮೇಷ್ಠಿನ್ ಪರಂ ಧಾಮ ಪ್ರಧಾನ ಪರಮೇಶ್ವರ |
ನಾಮ್ನಾಂ ಸಹಸ್ರಂ ಬಗಳಾಮುಖ್ಯಾಶ್ಚ ಬ್ರೂಹಿ ವಲ್ಲಭ || ೨ ||
ಈಶ್ವರ ಉವಾಚ |
ಶೃಣು ದೇವಿ ಪ್ರವಕ್ಷ್ಯಾಮಿ ನಾಮಧೇಯಂ ಸಹಸ್ರಕಮ್ |
ಪರಬ್ರಹ್ಮಾಸ್ತ್ರವಿದ್ಯಾಯಾಶ್ಚತುರ್ವರ್ಗಫಲಪ್ರದಮ್ || ೩ ||
ಗುಹ್ಯಾದ್ಗುಹ್ಯತರಂ ದೇವಿ ಸರ್ವಸಿದ್ಧೈಕವಂದಿತಮ್ |
ಅತಿಗುಪ್ತತರಾ ವಿದ್ಯಾ ಸರ್ವತಂತ್ರೇಷು ಗೋಪಿತಾ || ೪ ||
ವಿಶೇಷತಃ ಕಲಿಯುಗೇ ಮಹಾಸಿದ್ಧ್ಯೌಘದಾಯಿನೀ |
ಗೋಪನೀಯಂ ಗೋಪನೀಯಂ ಗೋಪನೀಯಂ ಪ್ರಯತ್ನತಃ || ೫ ||
ಅಪ್ರಕಾಶ್ಯಮಿದಂ ಸತ್ಯಂ ಸ್ವಯೋನಿರಿವ ಸುವ್ರತೇ |
ರೋಧಿನೀ ವಿಘ್ನಸಂಘಾನಾಂ ಮೋಹಿನೀ ಪರಯೋಷಿತಾಮ್ || ೬ ||
ಸ್ತಂಭಿನೀ ರಾಜಸೈನ್ಯಾನಾಂ ವಾದಿನೀ ಪರವಾದಿನಾಮ್ |
ಪುರಾ ಚೈಕಾರ್ಣವೇ ಘೋರೇ ಕಾಲೇ ಪರಮಭೈರವಃ || ೭ ||
ಸುಂದರೀಸಹಿತೋ ದೇವಃ ಕೇಶವಃ ಕ್ಲೇಶನಾಶನಃ |
ಉರಗಾಸನಮಾಸೀನೋ ಯೋಗನಿದ್ರಾಮುಪಾಗಮತ್ || ೮ ||
ನಿದ್ರಾಕಾಲೇ ಚ ತೇ ಕಾಲೇ ಮಯಾ ಪ್ರೋಕ್ತಂ ಸನಾತನಃ |
ಮಹಾಸ್ತಂಭಕರಂ ದೇವಿ ಸ್ತೋತ್ರಂ ವಾ ಶತನಾಮಕಮ್ || ೯ ||
ಸಹಸ್ರನಾಮ ಪರಮಂ ವದ ದೇವಸ್ಯ ಕಸ್ಯಚಿತ್ |
ಶ್ರೀಭಗವಾನುವಾಚ |
ಶೃಣು ಶಂಕರ ದೇವೇಶ ಪರಮಾತಿರಹಸ್ಯಕಮ್ || ೧೦ ||
ಅತೋಽಹಂ ಯತ್ಪ್ರಸಾದೇನ ವಿಷ್ಣುಃ ಸರ್ವೇಶ್ವರೇಶ್ವರಃ |
ಗೋಪನೀಯಂ ಪ್ರಯತ್ನೇನ ಪ್ರಕಾಶಾತ್ ಸಿದ್ಧಿಹಾನಿಕೃತ್ || ೧೧ ||
ವಿನಿಯೋಗಃ –
ಅಸ್ಯ ಶ್ರೀಪೀತಾಂಬರೀ ಬಗಳಾಮುಖೀ ಸಹಸ್ರನಾಮಸ್ತೋತ್ರಮಂತ್ರಸ್ಯ ಭಗವಾನ್ ಸದಾಶಿವ ಋಷಿಃ ಅನುಷ್ಟುಪ್ ಛಂದಃ ಶ್ರೀಜಗದ್ವಶ್ಯಕರೀ ಪೀತಾಂಬರೀ ಬಗಳಾಮುಖೀ ದೇವತಾ ಸರ್ವಾಭೀಷ್ಟಸಿದ್ಧ್ಯರ್ಥೇ ಜಪೇ ವಿನಿಯೋಗಃ ||
ಧ್ಯಾನಮ್ –
ಪೀತಾಂಬರಪರೀಧಾನಾಂ ಪೀನೋನ್ನತಪಯೋಧರಾಮ್ |
ಜಟಾಮುಕುಟಶೋಭಾಢ್ಯಾಂ ಪೀತಭೂಮಿಸುಖಾಸನಾಮ್ || ೧೨ ||
ಶತ್ರೋರ್ಜಿಹ್ವಾಂ ಮುದ್ಗರಂ ಚ ಬಿಭ್ರತೀಂ ಪರಮಾಂ ಕಳಾಮ್ |
ಸರ್ವಾಗಮಪುರಾಣೇಷು ವಿಖ್ಯಾತಾಂ ಭುವನತ್ರಯೇ || ೧೩ ||
ಸೃಷ್ಟಿಸ್ಥಿತಿವಿನಾಶಾನಾಮಾದಿಭೂತಾಂ ಮಹೇಶ್ವರೀಮ್ |
ಗೋಪ್ಯಾ ಸರ್ವಪ್ರಯತ್ನೇನ ಶೃಣು ತಾಂ ಕಥಯಾಮಿ ತೇ || ೧೪ ||
ಜಗದ್ವಿಧ್ವಂಸಿನೀಂ ದೇವೀಮಜರಾಽಮರಕಾರಿಣೀಮ್ |
ತಾಂ ನಮಾಮಿ ಮಹಾಮಾಯಾಂ ಮಹದೈಶ್ವರ್ಯದಾಯಿನೀಮ್ || ೧೫ ||
ಮೂಲಮಂತ್ರವ್ಯಾಖ್ಯ –
ಪ್ರಣವಂ ಪೂರ್ವಮುದ್ಧೃತ್ಯ ಸ್ಥಿರಮಾಯಾಂ ತತೋ ವದೇತ್ |
ಬಗಳಾಮುಖೀ ಸರ್ವೇತಿ ದುಷ್ಟಾನಾಂ ವಾಚಮೇವ ಚ || ೧೬ ||
ಮುಖಂ ಪದಂ ಸ್ತಂಭಯೇತಿ ಜಿಹ್ವಾಂ ಕೀಲಯ ಬುದ್ಧಿಮತ್ |
ವಿನಾಶಯೇತಿ ತಾರಂ ಚ ಸ್ಥಿರಮಾಯಾಂ ತತೋ ವದೇತ್ || ೧೭ ||
ವಹ್ನಿಪ್ರಿಯಾಂ ತತೋ ಮಂತ್ರಶ್ಚತುರ್ವರ್ಗಫಲಪ್ರದಃ |
ಸ್ತೋತ್ರಮ್ –
ಬ್ರಹ್ಮಾಸ್ತ್ರಂ ಬ್ರಹ್ಮವಿದ್ಯಾ ಚ ಬ್ರಹ್ಮಮಾತಾ ಸನಾತನೀ || ೧೮ ||
ಬ್ರಹ್ಮೇಶೀ ಬ್ರಹ್ಮಕೈವಲ್ಯಂ ಬಗಳಾ ಬ್ರಹ್ಮಚಾರಿಣೀ |
ನಿತ್ಯಾನಂದಾ ನಿತ್ಯಸಿದ್ಧಾ ನಿತ್ಯರೂಪಾ ನಿರಾಮಯಾ || ೧೯ ||
ಸಂಧಾರಿಣೀ ಮಹಾಮಾಯಾ ಕಟಾಕ್ಷಕ್ಷೇಮಕಾರಿಣೀ |
ಕಮಲಾ ವಿಮಲಾ ನೀಲರತ್ನಕಾಂತಿಗುಣಾಶ್ರಿತಾ || ೨೦ ||
ಕಾಮಪ್ರಿಯಾ ಕಾಮರತಾ ಕಾಮಕಾಮಸ್ವರೂಪಿಣೀ |
ಮಂಗಳಾ ವಿಜಯಾ ಜಾಯಾ ಸರ್ವಮಂಗಳಕಾರಿಣೀ || ೨೧ ||
ಕಾಮಿನೀ ಕಾಮಿನೀಕಾಮ್ಯಾ ಕಾಮುಕಾ ಕಾಮಚಾರಿಣೀ |
ಕಾಮಪ್ರಿಯಾ ಕಾಮರತಾ ಕಾಮಾಕಾಮಸ್ವರೂಪಿಣೀ || ೨೨ ||
ಕಾಮಾಖ್ಯಾ ಕಾಮಬೀಜಸ್ಥಾ ಕಾಮಪೀಠನಿವಾಸಿನೀ |
ಕಾಮದಾ ಕಾಮಹಾ ಕಾಳೀ ಕಪಾಲೀ ಚ ಕರಾಳಿಕಾ || ೨೩ ||
ಕಂಸಾರಿಃ ಕಮಲಾ ಕಾಮಾ ಕೈಲಾಸೇಶ್ವರವಲ್ಲಭಾ |
ಕಾತ್ಯಾಯನೀ ಕೇಶವಾ ಚ ಕರುಣಾ ಕಾಮಕೇಳಿಭುಕ್ || ೨೪ ||
ಕ್ರಿಯಾ ಕೀರ್ತಿಃ ಕೃತ್ತಿಕಾ ಚ ಕಾಶಿಕಾ ಮಥುರಾ ಶಿವಾ |
ಕಾಲಾಕ್ಷೀ ಕಾಳಿಕಾ ಕಾಳೀ ಧವಳಾನನಸುಂದರೀ || ೨೫ ||
ಖೇಚರೀ ಚ ಖಮೂರ್ತಿಶ್ಚ ಕ್ಷುದ್ರಾಽಕ್ಷುದ್ರಕ್ಷುಧಾವರಾ |
ಖಡ್ಗಹಸ್ತಾ ಖಡ್ಗರತಾ ಖಡ್ಗಿನೀ ಖರ್ಪರಪ್ರಿಯಾ || ೨೬ ||
ಗಂಗಾ ಗೌರೀ ಗಾಮಿನೀ ಚ ಗೀತಾ ಗೋತ್ರವಿವರ್ಧಿನೀ |
ಗೋಧರಾ ಗೋಕರಾ ಗೋಧಾ ಗಂಧರ್ವಪುರವಾಸಿನೀ || ೨೭ ||
ಗಂಧರ್ವಾ ಗಂಧರ್ವಕಳಾ ಗೋಪನೀ ಗರುಡಾಸನಾ |
ಗೋವಿಂದಭಾವಾ ಗೋವಿಂದಾ ಗಾಂಧಾರೀ ಗಂಧಮಾದಿನೀ || ೨೮ ||
ಗೌರಾಂಗೀ ಗೋಪಿಕಾಮೂರ್ತಿರ್ಗೋಪೀಗೋಷ್ಠನಿವಾಸಿನೀ |
ಗಂಧಾ ಗಜೇಂದ್ರಗಾಮಾನ್ಯಾ ಗದಾಧರಪ್ರಿಯಾ ಗ್ರಹಾ || ೨೯ ||
ಘೋರಘೋರಾ ಘೋರರೂಪಾ ಘನಶ್ರೋಣೀ ಘನಪ್ರಭಾ |
ದೈತ್ಯೇಂದ್ರಪ್ರಬಲಾ ಘಂಟಾವಾದಿನೀ ಘೋರನಿಸ್ವನಾ || ೩೦ ||
ಡಾಕಿನ್ಯುಮಾ ಉಪೇಂದ್ರಾ ಚ ಉರ್ವಶೀ ಉರಗಾಸನಾ |
ಉತ್ತಮಾ ಉನ್ನತಾ ಉನ್ನಾ ಉತ್ತಮಸ್ಥಾನವಾಸಿನೀ || ೩೧ ||
ಚಾಮುಂಡಾ ಮುಂಡಿಕಾ ಚಂಡೀ ಚಂಡದರ್ಪಹರೇತಿ ಚ |
ಉಗ್ರಚಂಡಾ ಚಂಡಚಂಡಾ ಚಂಡದೈತ್ಯವಿನಾಶಿನೀ || ೩೨ ||
ಚಂಡರೂಪಾ ಪ್ರಚಂಡಾ ಚ ಚಂಡಾಚಂಡಶರೀರಿಣೀ |
ಚತುರ್ಭುಜಾ ಪ್ರಚಂಡಾ ಚ ಚರಾಚರನಿವಾಸಿನೀ || ೩೩ ||
ಕ್ಷತ್ರಪ್ರಾಯಃ ಶಿರೋವಾಹಾ ಛಲಾಛಲತರಾ ಛಲೀ |
ಕ್ಷತ್ರರೂಪಾ ಕ್ಷತ್ರಧರಾ ಕ್ಷತ್ರಿಯಕ್ಷಯಕಾರಿಣೀ || ೩೪ ||
ಜಯಾ ಚ ಜಯದುರ್ಗಾ ಚ ಜಯಂತೀ ಜಯದಾ ಪರಾ |
ಜಾಯಿನೀ ಜಯಿನೀ ಜ್ಯೋತ್ಸ್ನಾಜಟಾಧರಪ್ರಿಯಾಽಜಿತಾ || ೩೫ ||
ಜಿತೇಂದ್ರಿಯಾ ಜಿತಕ್ರೋಧಾ ಜಯಮಾನಾ ಜನೇಶ್ವರೀ |
ಜಿತಮೃತ್ಯುರ್ಜರಾತೀತಾ ಜಾಹ್ನವೀ ಜನಕಾತ್ಮಜಾ || ೩೬ ||
ಝಂಕಾರಾ ಝಂಝರೀಝಂಟಾ ಝಂಕಾರೀಝಕಶೋಭಿನೀ |
ಝಖಾಝಮೇಶಾ ಝಂಕಾರೀಯೋನಿಕಳ್ಯಾಣದಾಯಿನೀ || ೩೭ ||
ಝರ್ಝರಾ ಝಮುರೀಝಾರಾ ಝರಾಝರತರಾ ಪರಾ |
ಝಂಝಾಝಮೇತಾ ಝಂಕಾರೀಝಣಾಕಳ್ಯಾಣದಾಯಿನೀ || ೩೮ ||
ಙಮನಾಮಾನಸೀಚಿಂತ್ಯಾ ಙಮುನಾಶಂಕರಪ್ರಿಯಾ |
ಟಂಕಾರೀಟಿಟಿಕಾ ಟೀಕಾಟಂಕಿನೀ ಚ ಟವರ್ಗಗಾ || ೩೯ ||
ಟಾಪಾಟೋಪಾ ಟಟಪತಿಷ್ಟಮನೀ ಟಮನಪ್ರಿಯಾ |
ಠಕಾರಧಾರಿಣೀ ಠೀಕಾಠಂಕರೀ ಠಿಕರಪ್ರಿಯಾ || ೪೦ ||
ಠೇಕಠಾಸಾ ಠಕರತೀಠಾಮಿನೀ ಠಮನಪ್ರಿಯಾ |
ಡಾರಹಾ ಡಾಕಿನೀ ಡಾರಾಡಾಮರಾ ಡಾಮರಪ್ರಿಯಾ || ೪೧ ||
ಡಖಿನೀಡಡಯುಕ್ತಾ ಚ ಡಮರೂಕರವಲ್ಲಭಾ |
ಢಕ್ಕಾಢಕ್ಕೀಢಕ್ಕನಾದಾ ಢೋಲಶಬ್ದಪ್ರಬೋಧಿನೀ || ೪೨ ||
ಢಾಮಿನೀ ಢಾಮನಪ್ರೀತಾ ಢಗತಂತ್ರಪ್ರಕಾಶಿನೀ |
ಅನೇಕರೂಪಿಣೀ ಅಂಬಾ ಅಣಿಮಾಸಿದ್ಧಿದಾಯಿನೀ || ೪೩ ||
ಆಮಂತ್ರಿಣೀ ಅಣುಕರೀ ಅಣುಮದ್ಭಾನುಸಂಸ್ಥಿತಾ |
ತಾರಾತಂತ್ರವತೀ ತಂತ್ರತತ್ತ್ವರೂಪಾ ತಪಸ್ವಿನೀ || ೪೪ ||
ತರಂಗಿಣೀ ತತ್ತ್ವಪರಾ ತಂತ್ರಿಕಾ ತಂತ್ರವಿಗ್ರಹಾ |
ತಪೋರೂಪಾ ತತ್ತ್ವದಾತ್ರೀ ತಪಃಪ್ರೀತಿಪ್ರಧರ್ಷಿಣೀ || ೪೫ ||
ತಂತ್ರಯಂತ್ರಾರ್ಚನಪರಾ ತಲಾತಲನಿವಾಸಿನೀ |
ತಲ್ಪದಾ ತ್ವಲ್ಪದಾ ಕಾಮಾಸ್ಥಿರಾ ಸ್ಥಿರತರಾ ಸ್ಥಿತಿಃ || ೪೬ ||
ಸ್ಥಾಣುಪ್ರಿಯಾ ಸ್ಥಿತಿಪರಾ ಸ್ಥಿತಾಸ್ಥಾನಪ್ರದಾಯಿನೀ |
ದಿಗಂಬರಾ ದಯಾರೂಪಾ ದಾವಾಗ್ನಿದಮನೀ ದಮಾ || ೪೭ ||
ದುರ್ಗಾ ದುರ್ಗಪರಾದೇವೀ ದುಷ್ಟದೈತ್ಯವಿನಾಶಿನೀ |
ದಮನಪ್ರಮದಾ ದೈತ್ಯದಯಾದಾನಪರಾಯಣಾ || ೪೮ ||
ದುರ್ಗಾರ್ತಿನಾಶಿನೀ ದಾಂತಾ ದಂಭಿನೀ ದಂಭವರ್ಜಿತಾ |
ದಿಗಂಬರಪ್ರಿಯಾ ದಂಭಾ ದೈತ್ಯದಂಭವಿದಾರಿಣೀ || ೪೯ ||
ದಮನಾಶನಸೌಂದರ್ಯಾ ದಾನವೇಂದ್ರವಿನಾಶಿನೀ |
ದಯಾಧರಾ ಚ ದಮನೀ ದರ್ಭಪತ್ರವಿಲಾಸಿನೀ || ೫೦ ||
ಧರಣೀಧಾರಿಣೀ ಧಾತ್ರೀ ಧರಾಧರಧರಪ್ರಿಯಾ |
ಧರಾಧರಸುತಾ ದೇವೀ ಸುಧರ್ಮಾ ಧರ್ಮಚಾರಿಣೀ || ೫೧ ||
ಧರ್ಮಜ್ಞಾ ಧವಲಾ ಧೂಲಾ ಧನದಾ ಧನವರ್ಧಿನೀ |
ಧೀರಾಽಧೀರಾ ಧೀರತರಾ ಧೀರಸಿದ್ಧಿಪ್ರದಾಯಿನೀ || ೫೨ ||
ಧನ್ವಂತರಿಧರಾಧೀರಾ ಧ್ಯೇಯಧ್ಯಾನಸ್ವರೂಪಿಣೀ |
ನಾರಾಯಣೀ ನಾರಸಿಂಹೀ ನಿತ್ಯಾನಂದಾ ನರೋತ್ತಮಾ || ೫೩ ||
ನಕ್ತಾಽನಕ್ತವತೀ ನಿತ್ಯಾ ನೀಲಜೀಮೂತಸನ್ನಿಭಾ |
ನೀಲಾಂಗೀ ನೀಲವಸ್ತ್ರಾ ಚ ನೀಲಪರ್ವತವಾಸಿನೀ || ೫೪ ||
ಸುನೀಲಪುಷ್ಪಖಚಿತಾ ನೀಲಜಂಬೂಸಮಪ್ರಭಾ |
ನಿತ್ಯಾಖ್ಯಾ ಷೋಡಶೀ ವಿದ್ಯಾ ನಿತ್ಯಾಽನಿತ್ಯಸುಖಾವಹಾ || ೫೫ ||
ನರ್ಮದಾ ನಂದನಾನಂದಾ ನಂದಾನಂದವಿವರ್ಧಿನೀ |
ಯಶೋದಾನಂದತನಯಾ ನಂದನೋದ್ಯಾನವಾಸಿನೀ || ೫೬ ||
ನಾಗಾಂತಕಾ ನಾಗವೃದ್ಧಾ ನಾಗಪತ್ನೀ ಚ ನಾಗಿನೀ |
ನಮಿತಾಶೇಷಜನತಾ ನಮಸ್ಕಾರವತೀ ನಮಃ || ೫೭ ||
ಪೀತಾಂಬರಾ ಪಾರ್ವತೀ ಚ ಪೀತಾಂಬರವಿಭೂಷಿತಾ |
ಪೀತಮಾಲ್ಯಾಂಬರಧರಾ ಪೀತಾಭಾ ಪಿಂಗಮೂರ್ಧಜಾ || ೫೮ ||
ಪೀತಪುಷ್ಪಾರ್ಚನರತಾ ಪೀತಪುಷ್ಪಸಮರ್ಚಿತಾ |
ಪರಪ್ರಭಾ ಪಿತೃಪತಿಃ ಪರಸೈನ್ಯವಿನಾಶಿನೀ || ೫೯ ||
ಪರಮಾ ಪರತಂತ್ರಾ ಚ ಪರಮಂತ್ರಾ ಪರಾತ್ಪರಾ |
ಪರಾವಿದ್ಯಾ ಪರಾಸಿದ್ಧಿಃ ಪರಾಸ್ಥಾನಪ್ರದಾಯಿನೀ || ೬೦ ||
ಪುಷ್ಪಾ ಪುಷ್ಪವತೀ ನಿತ್ಯಾ ಪುಷ್ಪಮಾಲಾವಿಭೂಷಿತಾ |
ಪುರಾತನಾ ಪೂರ್ವಪರಾ ಪರಸಿದ್ಧಿಪ್ರದಾಯಿನೀ || ೬೧ ||
ಪೀತಾನಿತಂಬಿನೀ ಪೀತಾ ಪೀನೋನ್ನತಪಯಸ್ತನೀ |
ಪ್ರೇಮಾಪ್ರಮಧ್ಯಮಾಶೇಷಾ ಪದ್ಮಪತ್ರವಿಲಾಸಿನೀ || ೬೨ ||
ಪದ್ಮಾವತೀ ಪದ್ಮನೇತ್ರಾ ಪದ್ಮಾ ಪದ್ಮಮುಖೀ ಪರಾ |
ಪದ್ಮಾಸನಾ ಪದ್ಮಪ್ರಿಯಾ ಪದ್ಮರಾಗಸ್ವರೂಪಿಣೀ || ೬೩ ||
ಪಾವನೀ ಪಾಲಿಕಾ ಪಾತ್ರೀ ಪರದಾ ವರದಾ ಶಿವಾ |
ಪ್ರೇತಸಂಸ್ಥಾ ಪರಾನಂದಾ ಪರಬ್ರಹ್ಮಸ್ವರೂಪಿಣೀ || ೬೪ ||
ಜಿನೇಶ್ವರಪ್ರಿಯಾ ದೇವೀ ಪಶುರಕ್ತರತಪ್ರಿಯಾ |
ಪಶುಮಾಂಸಪ್ರಿಯಾಽಪರ್ಣಾ ಪರಾಮೃತಪರಾಯಣಾ || ೬೫ ||
ಪಾಶಿನೀ ಪಾಶಿಕಾ ಚಾಪಿ ಪಶುಘ್ನೀ ಪಶುಭಾಷಿಣೀ |
ಫುಲ್ಲಾರವಿಂದವದನೀ ಫುಲ್ಲೋತ್ಪಲಶರೀರಿಣೀ || ೬೬ ||
ಪರಾನಂದಪ್ರದಾ ವೀಣಾ ಪಶುಪಾಶವಿನಾಶಿನೀ |
ಫೂತ್ಕಾರಾ ಫೂತ್ಪರಾ ಫೇಣೀ ಫುಲ್ಲೇಂದೀವರಲೋಚನಾ || ೬೭ ||
ಫಟ್ಮಂತ್ರಾ ಸ್ಫಟಿಕಾ ಸ್ವಾಹಾ ಸ್ಫೋಟಾ ಚ ಫಟ್ಸ್ವರೂಪಿಣೀ |
ಸ್ಫಾಟಿಕಾಘುಟಿಕಾ ಘೋರಾ ಸ್ಫಟಿಕಾದ್ರಿಸ್ವರೂಪಿಣೀ || ೬೮ ||
ವರಾಂಗನಾ ವರಧರಾ ವಾರಾಹೀ ವಾಸುಕೀ ವರಾ |
ಬಿಂದುಸ್ಥಾ ಬಿಂದುನೀವಾಣೀ ಬಿಂದುಚಕ್ರನಿವಾಸಿನೀ || ೬೯ ||
ವಿದ್ಯಾಧರೀ ವಿಶಾಲಾಕ್ಷೀ ಕಾಶೀವಾಸಿಜನಪ್ರಿಯಾ |
ವೇದವಿದ್ಯಾ ವಿರೂಪಾಕ್ಷೀ ವಿಶ್ವಯುಗ್ಬಹುರೂಪಿಣೀ || ೭೦ ||
ಬ್ರಹ್ಮಶಕ್ತಿರ್ವಿಷ್ಣುಶಕ್ತಿಃ ಪಂಚವಕ್ತ್ರಾ ಶಿವಪ್ರಿಯಾ |
ವೈಕುಂಠವಾಸಿನೀ ದೇವೀ ವೈಕುಂಠಪದದಾಯಿನೀ || ೭೧ ||
ಬ್ರಹ್ಮರೂಪಾ ವಿಷ್ಣುರೂಪಾ ಪರಬ್ರಹ್ಮಮಹೇಶ್ವರೀ |
ಭವಪ್ರಿಯಾ ಭವೋದ್ಭವಾ ಭವರೂಪಾ ಭವೋತ್ತಮಾ || ೭೨ ||
ಭವಪಾರಾ ಭವಾಧಾರಾ ಭಾಗ್ಯವತ್ಪ್ರಿಯಕಾರಿಣೀ |
ಭದ್ರಾ ಸುಭದ್ರಾ ಭವದಾ ಶುಂಭದೈತ್ಯವಿನಾಶಿನೀ || ೭೩ ||
ಭವಾನೀ ಭೈರವೀ ಭೀಮಾ ಭದ್ರಕಾಳೀ ಸುಭದ್ರಿಕಾ |
ಭಗಿನೀ ಭಗರೂಪಾ ಚ ಭಗಮಾನಾ ಭಗೋತ್ತಮಾ || ೭೪ ||
ಭಗಪ್ರಿಯಾ ಭಗವತೀ ಭಗವಾಸಾ ಭಗಾಕರಾ |
ಭಗಸೃಷ್ಟಾ ಭಾಗ್ಯವತೀ ಭಗರೂಪಾ ಭಗಾಸಿನೀ || ೭೫ ||
ಭಗಲಿಂಗಪ್ರಿಯಾ ದೇವೀ ಭಗಲಿಂಗಪರಾಯಣಾ |
ಭಗಲಿಂಗಸ್ವರೂಪಾ ಚ ಭಗಲಿಂಗವಿನೋದಿನೀ || ೭೬ ||
ಭಗಲಿಂಗರತಾ ದೇವೀ ಭಗಲಿಂಗನಿವಾಸಿನೀ |
ಭಗಮಾಲಾ ಭಗಕಲಾ ಭಗಾಧಾರಾ ಭಗಾಂಬರಾ || ೭೭ ||
ಭಗವೇಗಾ ಭಗಾಭೂಷಾ ಭಗೇಂದ್ರಾ ಭಾಗ್ಯರೂಪಿಣೀ |
ಭಗಲಿಂಗಾಂಗಸಂಭೋಗಾ ಭಗಲಿಂಗಾಸವಾವಹಾ || ೭೮ ||
ಭಗಲಿಂಗಸಮಾಧುರ್ಯಾ ಭಗಲಿಂಗನಿವೇಶಿತಾ |
ಭಗಲಿಂಗಸುಪೂಜಾ ಚ ಭಗಲಿಂಗಸಮನ್ವಿತಾ || ೭೯ ||
ಭಗಲಿಂಗವಿರಕ್ತಾ ಚ ಭಗಲಿಂಗಸಮಾವೃತಾ |
ಮಾಧವೀ ಮಾಧವೀಮಾನ್ಯಾ ಮಧುರಾ ಮಧುಮಾನಿನೀ || ೮೦ ||
ಮಂದಹಾಸಾ ಮಹಾಮಾಯಾ ಮೋಹಿನೀ ಮಹದುತ್ತಮಾ |
ಮಹಾಮೋಹಾ ಮಹಾವಿದ್ಯಾ ಮಹಾಘೋರಾ ಮಹಾಸ್ಮೃತಿಃ || ೮೧ ||
ಮನಸ್ವಿನೀ ಮಾನವತೀ ಮೋದಿನೀ ಮಧುರಾನನಾ |
ಮೇನಕಾ ಮಾನಿನೀ ಮಾನ್ಯಾ ಮಣಿರತ್ನವಿಭೂಷಣಾ || ೮೨ ||
ಮಲ್ಲಿಕಾಮೌಲಿಕಾಮಾಲಾ ಮಾಲಾಧರಮದೋತ್ತಮಾ |
ಮದನಾಸುಂದರೀ ಮೇಧಾ ಮಧುಮತ್ತಾ ಮಧುಪ್ರಿಯಾ || ೮೩ ||
ಮತ್ತಹಂಸಾಸಮೋನ್ನಾಸಾ ಮತ್ತಸಿಂಹಮಹಾಸನೀ |
ಮಹೇಂದ್ರವಲ್ಲಭಾ ಭೀಮಾ ಮೌಲ್ಯಂ ಚ ಮಿಥುನಾತ್ಮಜಾ || ೮೪ ||
ಮಹಾಕಾಳ್ಯಾ ಮಹಾಕಾಳೀ ಮಹಾಬುದ್ಧಿರ್ಮಹೋತ್ಕಟಾ |
ಮಾಹೇಶ್ವರೀ ಮಹಾಮಾಯಾ ಮಹಿಷಾಸುರಘಾತಿನೀ || ೮೫ ||
ಮಧುರಾಕೀರ್ತಿಮತ್ತಾ ಚ ಮತ್ತಮಾತಂಗಗಾಮಿನೀ |
ಮದಪ್ರಿಯಾ ಮಾಂಸರತಾ ಮತ್ತಯುಕ್ಕಾಮಕಾರಿಣೀ || ೮೬ ||
ಮೈಥುನ್ಯವಲ್ಲಭಾ ದೇವೀ ಮಹಾನಂದಾ ಮಹೋತ್ಸವಾ |
ಮರೀಚಿರ್ಮಾರತಿರ್ಮಾಯಾ ಮನೋಬುದ್ಧಿಪ್ರದಾಯಿನೀ || ೮೭ ||
ಮೋಹಾ ಮೋಕ್ಷಾ ಮಹಾಲಕ್ಷ್ಮೀರ್ಮಹತ್ಪದಪ್ರದಾಯಿನೀ |
ಯಮರೂಪಾ ಚ ಯಮುನಾ ಜಯಂತೀ ಚ ಜಯಪ್ರದಾ || ೮೮ ||
ಯಾಮ್ಯಾ ಯಮವತೀ ಯುದ್ಧಾ ಯದೋಃ ಕುಲವಿವರ್ಧಿನೀ |
ರಮಾ ರಾಮಾ ರಾಮಪತ್ನೀ ರತ್ನಮಾಲಾರತಿಪ್ರಿಯಾ || ೮೯ ||
ರತ್ನಸಿಂಹಾಸನಸ್ಥಾ ಚ ರತ್ನಾಭರಣಮಂಡಿತಾ |
ರಮಣೀ ರಮಣೀಯಾ ಚ ರತ್ಯಾರಸಪರಾಯಣಾ || ೯೦ ||
ರತಾನಂದಾ ರತವತೀ ರಘೂಣಾಂ ಕುಲವರ್ಧಿನೀ |
ರಮಣಾರಿಪರಿಭ್ರಾಜ್ಯಾ ರೈಧಾ ರಾಧಿಕರತ್ನಜಾ || ೯೧ ||
ರಾವೀರಸಸ್ವರೂಪಾ ಚ ರಾತ್ರಿರಾಜಸುಖಾವಹಾ |
ಋತುಜಾ ಋತುದಾ ಋದ್ಧಾ ಋತುರೂಪಾ ಋತುಪ್ರಿಯಾ || ೯೨ ||
ರಕ್ತಪ್ರಿಯಾ ರಕ್ತವತೀ ರಂಗಿಣೀ ರಕ್ತದಂತಿಕಾ |
ಲಕ್ಷ್ಮೀರ್ಲಜ್ಜಾ ಲತಿಕಾ ಚ ಲೀಲಾಲಗ್ನಾನಿತಾಕ್ಷಿಣೀ || ೯೩ ||
ಲೀಲಾ ಲೀಲಾವತೀ ಲೋಮಹರ್ಷಾಹ್ಲಾದನಪಟ್ಟಿಕಾ |
ಬ್ರಹ್ಮಸ್ಥಿತಾ ಬ್ರಹ್ಮರೂಪಾ ಬ್ರಹ್ಮಣಾ ವೇದವಂದಿತಾ || ೯೪ ||
ಬ್ರಹ್ಮೋದ್ಭವಾ ಬ್ರಹ್ಮಕಳಾ ಬ್ರಹ್ಮಾಣೀ ಬ್ರಹ್ಮಬೋಧಿನೀ |
ವೇದಾಂಗನಾ ವೇದರೂಪಾ ವನಿತಾ ವಿನತಾವಸಾ || ೯೫ ||
ಬಾಲಾ ಚ ಯುವತೀ ವೃದ್ಧಾ ಬ್ರಹ್ಮಕರ್ಮಪರಾಯಣಾ |
ವಿಂಧ್ಯಸ್ಥಾ ವಿಂಧ್ಯವಾಸೀ ಚ ಬಿಂದುಯುಗ್ಬಿಂದುಭೂಷಣಾ || ೯೬ ||
ವಿದ್ಯಾವತೀ ವೇದಧಾರೀ ವ್ಯಾಪಿಕಾ ಬರ್ಹಿಣೀಕಳಾ |
ವಾಮಾಚಾರಪ್ರಿಯಾ ವಹ್ನಿರ್ವಾಮಾಚಾರಪರಾಯಣಾ || ೯೭ ||
ವಾಮಾಚಾರರತಾ ದೇವೀ ವಾಮದೇವಪ್ರಿಯೋತ್ತಮಾ |
ಬುದ್ಧೇಂದ್ರಿಯಾ ವಿಬುದ್ಧಾ ಚ ಬುದ್ಧಾಚರಣಮಾಲಿನೀ || ೯೮ ||
ಬಂಧಮೋಚನಕರ್ತ್ರೀ ಚ ವಾರುಣಾ ವರುಣಾಲಯಾ |
ಶಿವಾ ಶಿವಪ್ರಿಯಾ ಶುದ್ಧಾ ಶುದ್ಧಾಂಗೀ ಶುಕ್ಲವರ್ಣಿಕಾ || ೯೯ ||
ಶುಕ್ಲಪುಷ್ಪಪ್ರಿಯಾ ಶುಕ್ಲಾ ಶಿವಧರ್ಮಪರಾಯಣಾ |
ಶುಕ್ಲಸ್ಥಾ ಶುಕ್ಲಿನೀ ಶುಕ್ಲರೂಪಾ ಶುಕ್ಲಪಶುಪ್ರಿಯಾ || ೧೦೦ ||
ಶುಕ್ರಸ್ಥಾ ಶುಕ್ರಿಣೀ ಶುಕ್ರಾ ಶುಕ್ರರೂಪಾ ಚ ಶುಕ್ರಿಕಾ |
ಷಣ್ಮುಖೀ ಚ ಷಡಂಗಾ ಚ ಷಟ್ಚಕ್ರವಿನಿವಾಸಿನೀ || ೧೦೧ ||
ಷಡ್ಗ್ರಂಥಿಯುಕ್ತಾ ಷೋಢಾ ಚ ಷಣ್ಮಾತಾ ಚ ಷಡಾತ್ಮಿಕಾ |
ಷಡಂಗಯುವತೀ ದೇವೀ ಷಡಂಗಪ್ರಕೃತಿರ್ವಶೀ || ೧೦೨ ||
ಷಡಾನನಾ ಷಡ್ರಸಾ ಚ ಷಷ್ಠೀ ಷಷ್ಠೇಶ್ವರೀಪ್ರಿಯಾ |
ಷಡ್ಜವಾದಾ ಷೋಡಶೀ ಚ ಷೋಢಾನ್ಯಾಸಸ್ವರೂಪಿಣೀ || ೧೦೩ ||
ಷಟ್ಚಕ್ರಭೇದನಕರೀ ಷಟ್ಚಕ್ರಸ್ಥಸ್ವರೂಪಿಣೀ |
ಷೋಡಶಸ್ವರರೂಪಾ ಚ ಷಣ್ಮುಖೀ ಷಟ್ಪದಾನ್ವಿತಾ || ೧೦೪ || [ಷಡ್ರದಾನ್ವಿತಾ]
ಸನಕಾದಿಸ್ವರೂಪಾ ಚ ಶಿವಧರ್ಮಪರಾಯಣಾ |
ಸಿದ್ಧಸಪ್ತಸ್ವರೀ ಶುದ್ಧಾ ಸುರಮಾತಾ ಸುರೋತ್ತಮಾ || ೧೦೫ || [ಸ್ವರೋತ್ತಮಾ]
ಸಿದ್ಧವಿದ್ಯಾ ಸಿದ್ಧಮಾತಾ ಸಿದ್ಧಾಽಸಿದ್ಧಸ್ವರೂಪಿಣೀ |
ಹರಾ ಹರಿಪ್ರಿಯಾಹಾರಾ ಹರಿಣೀ ಹಾರಯುಕ್ ತಥಾ || ೧೦೬ ||
ಹರಿರೂಪಾ ಹರಿಧರಾ ಹರಿಣಾಕ್ಷೀ ಹರಿಪ್ರಿಯಾ |
ಹೇತುಪ್ರಿಯಾ ಹೇತುರತಾ ಹಿತಾಽಹಿತಸ್ವರೂಪಿಣೀ || ೧೦೭ ||
ಕ್ಷಮಾ ಕ್ಷಮಾವತೀ ಕ್ಷೀತಾ ಕ್ಷುದ್ರಘಂಟಾವಿಭೂಷಣಾ |
ಕ್ಷಯಂಕರೀ ಕ್ಷಿತೀಶಾ ಚ ಕ್ಷೀಣಮಧ್ಯಸುಶೋಭನಾ || ೧೦೮ ||
ಅಜಾನಂತಾ ಅಪರ್ಣಾ ಚ ಅಹಲ್ಯಾ ಶೇಷಶಾಯಿನೀ |
ಸ್ವಾಂತರ್ಗತಾ ಚ ಸಾಧೂನಾಮಂತರಾನಂದರೂಪಿಣೀ || ೧೦೯ ||
ಅರೂಪಾ ಅಮಲಾ ಚಾರ್ಧಾ ಅನಂತಗುಣಶಾಲಿನೀ |
ಸ್ವವಿದ್ಯಾ ವಿದ್ಯಕಾವಿದ್ಯಾ ವಿದ್ಯಾ ಚಾರ್ವೀಂದುಲೋಚನಾ || ೧೧೦ ||
ಅಪರಾಜಿತಾ ಜಾತವೇದಾ ಅಜಪಾ ಅಮರಾವತೀ |
ಅಲ್ಪಾ ಸ್ವಲ್ಪಾ ಅನಲ್ಪಾದ್ಯಾ ಅಣಿಮಾಸಿದ್ಧಿದಾಯಿನೀ || ೧೧೧ ||
ಅಷ್ಟಸಿದ್ಧಿಪ್ರದಾ ದೇವೀ ರೂಪಲಕ್ಷಣಸಂಯುತಾ |
ಅರವಿಂದಮುಖಾ ದೇವೀ ಭೋಗಸೌಖ್ಯಪ್ರದಾಯಿನೀ || ೧೧೨ ||
ಆದಿವಿದ್ಯಾ ಆದಿಭೂತಾ ಆದಿಸಿದ್ಧಿಪ್ರದಾಯಿನೀ |
ಸೀತ್ಕಾರರೂಪಿಣೀ ದೇವೀ ಸರ್ವಾಸನವಿಭೂಷಿತಾ || ೧೧೩ ||
ಇಂದ್ರಪ್ರಿಯಾ ಚ ಇಂದ್ರಾಣೀ ಇಂದ್ರಪ್ರಸ್ಥನಿವಾಸಿನೀ |
ಇಂದ್ರಾಕ್ಷೀ ಇಂದ್ರವಜ್ರಾ ಚ ಇಂದ್ರಮದ್ಯೋಕ್ಷಣೀ ತಥಾ || ೧೧೪ ||
ಈಲಾಕಾಮನಿವಾಸಾ ಚ ಈಶ್ವರೀಶ್ವರವಲ್ಲಭಾ |
ಜನನೀ ಚೇಶ್ವರೀ ದೀನಾ ಭೇದಾ ಚೇಶ್ವರಕರ್ಮಕೃತ್ || ೧೧೫ ||
ಉಮಾ ಕಾತ್ಯಾಯನೀ ಊರ್ಧ್ವಾ ಮೀನಾ ಚೋತ್ತರವಾಸಿನೀ |
ಉಮಾಪತಿಪ್ರಿಯಾ ದೇವೀ ಶಿವಾ ಚೋಂಕಾರರೂಪಿಣೀ || ೧೧೬ ||
ಉರಗೇಂದ್ರಶಿರೋರತ್ನಾ ಉರಗೋರಗವಲ್ಲಭಾ |
ಉದ್ಯಾನವಾಸಿನೀಮಾಲಾ ಪ್ರಶಸ್ತಮಣಿಭೂಷಣಾ || ೧೧೭ ||
ಊರ್ಧ್ವದಂತೋತ್ತಮಾಂಗೀ ಚ ಉತ್ತಮಾ ಚೋರ್ಧ್ವಕೇಶಿನೀ |
ಉಮಾಸಿದ್ಧಿಪ್ರದಾ ಯಾ ಚ ಉರಗಾಸನಸಂಸ್ಥಿತಾ || ೧೧೮ ||
ಋಷಿಪುತ್ರೀ ಋಷಿಚ್ಛಂದಾ ಋಷಿಸಿದ್ಧಿಪ್ರದಾಯಿನೀ |
ಉತ್ಸವೋತ್ಸವಸೀಮಂತಾ ಕಾಮಿಕಾ ಚ ಗುಣಾನ್ವಿತಾ || ೧೧೯ ||
ಏಲಾ ಏಕಾರವಿದ್ಯಾ ಚ ಏಣೀವಿದ್ಯಾಧರಾ ತಥಾ |
ಓಂಕಾರವಲಯೋಪೇತಾ ಓಂಕಾರಪರಮಾಕಲಾ || ೧೨೦ ||
ಓಂವದವದವಾಣೀ ಚ ಓಂಕಾರಾಕ್ಷರಮಂಡಿತಾ |
ಐಂದ್ರೀ ಕುಲಿಶಹಸ್ತಾ ಚ ಓಂಲೋಕಪರವಾಸಿನೀ || ೧೨೧ ||
ಓಂಕಾರಮಧ್ಯಬೀಜಾ ಚ ಓಂನಮೋರೂಪಧಾರಿಣೀ |
ಪರಬ್ರಹ್ಮಸ್ವರೂಪಾ ಚ ಅಂಶುಕಾಂಶುಕವಲ್ಲಭಾ || ೧೨೨ ||
ಓಂಕಾರಾ ಅಃಫಟ್ ಮಂತ್ರಾ ಚ ಅಕ್ಷಾಕ್ಷರವಿಭೂಷಿತಾ |
ಅಮಂತ್ರಾ ಮಂತ್ರರೂಪಾ ಚ ಪದಶೋಭಾಸಮನ್ವಿತಾ || ೧೨೩ ||
ಪ್ರಣವೋಂಕಾರರೂಪಾ ಚ ಪ್ರಣವೋಚ್ಚಾರಭಾಕ್ ಪುನಃ |
ಹ್ರೀಂಕಾರರೂಪಾ ಹ್ರೀಂಕಾರೀ ವಾಗ್ಬೀಜಾಕ್ಷರಭೂಷಣಾ || ೧೨೪ ||
ಹೃಲ್ಲೇಖಾ ಸಿದ್ಧಿಯೋಗಾ ಚ ಹೃತ್ಪದ್ಮಾಸನಸಂಸ್ಥಿತಾ |
ಬೀಜಾಖ್ಯಾ ನೇತ್ರಹೃದಯಾ ಹ್ರೀಂಬೀಜಾ ಭುವನೇಶ್ವರೀ || ೧೨೫ ||
ಕ್ಲೀಂಕಾಮರಾಜಾ ಕ್ಲಿನ್ನಾ ಚ ಚತುರ್ವರ್ಗಫಲಪ್ರದಾ |
ಕ್ಲೀಂಕ್ಲೀಂಕ್ಲೀಂರೂಪಿಕಾ ದೇವೀ ಕ್ರೀಂಕ್ರೀಂಕ್ರೀಂನಾಮಧಾರಿಣೀ || ೧೨೬ ||
ಕಮಲಾಶಕ್ತಿಬೀಜಾ ಚ ಪಾಶಾಂಕುಶವಿಭೂಷಿತಾ |
ಶ್ರೀಂಶ್ರೀಂಕಾರಾ ಮಹಾವಿದ್ಯಾ ಶ್ರದ್ಧಾ ಶ್ರದ್ಧಾವತೀ ತಥಾ || ೧೨೭ ||
ಓಂ ಐಂ ಕ್ಲೀಂ ಹ್ರೀಂ ಶ್ರೀಂ ಪರಾ ಚ ಕ್ಲೀಂಕಾರೀ ಪರಮಾ ಕಳಾ |
ಹ್ರೀಂ ಕ್ಲೀಂ ಶ್ರೀಂಕಾರಸ್ವರೂಪಾ ಸರ್ವಕರ್ಮಫಲಪ್ರದಾ || ೧೨೮ ||
ಸರ್ವಾಢ್ಯಾ ಸರ್ವದೇವೀ ಚ ಸರ್ವಸಿದ್ಧಿಪ್ರದಾ ತಥಾ |
ಸರ್ವಜ್ಞಾ ಸರ್ವಶಕ್ತಿಶ್ಚ ವಾಗ್ವಿಭೂತಿಪ್ರದಾಯಿನೀ || ೧೨೯ ||
ಸರ್ವಮೋಕ್ಷಪ್ರದಾ ದೇವೀ ಸರ್ವಭೋಗಪ್ರದಾಯಿನೀ |
ಗುಣೇಂದ್ರವಲ್ಲಭಾ ವಾಮಾ ಸರ್ವಶಕ್ತಿಪ್ರದಾಯಿನೀ || ೧೩೦ ||
ಸರ್ವಾನಂದಮಯೀ ಚೈವ ಸರ್ವಸಿದ್ಧಿಪ್ರದಾಯಿನೀ |
ಸರ್ವಚಕ್ರೇಶ್ವರೀ ದೇವೀ ಸರ್ವಸಿದ್ಧೇಶ್ವರೀ ತಥಾ || ೧೩೧ ||
ಸರ್ವಪ್ರಿಯಂಕರೀ ಚೈವ ಸರ್ವಸೌಖ್ಯಪ್ರದಾಯಿನೀ |
ಸರ್ವಾನಂದಪ್ರದಾ ದೇವೀ ಬ್ರಹ್ಮಾನಂದಪ್ರದಾಯಿನೀ || ೧೩೨ ||
ಮನೋವಾಂಛಿತದಾತ್ರೀ ಚ ಮನೋಬುದ್ಧಿಸಮನ್ವಿತಾ |
ಅಕಾರಾದಿಕ್ಷಕಾರಾಂತಾ ದುರ್ಗಾ ದುರ್ಗಾರ್ತಿನಾಶಿನೀ || ೧೩೩ ||
ಪದ್ಮನೇತ್ರಾ ಸುನೇತ್ರಾ ಚ ಸ್ವಧಾ ಸ್ವಾಹಾ ವಷಟ್ಕರೀ |
ಸ್ವವರ್ಗಾ ದೇವವರ್ಗಾ ಚ ತವರ್ಗಾ ಚ ಸಮನ್ವಿತಾ || ೧೩೪ ||
ಅಂತಸ್ಥಾ ವೇಶ್ಮರೂಪಾ ಚ ನವದುರ್ಗಾ ನರೋತ್ತಮಾ |
ತತ್ತ್ವಸಿದ್ಧಿಪ್ರದಾ ನೀಲಾ ತಥಾ ನೀಲಪತಾಕಿನೀ || ೧೩೫ ||
ನಿತ್ಯರೂಪಾ ನಿಶಾಕಾರೀ ಸ್ತಂಭಿನೀ ಮೋಹಿನೀತಿ ಚ |
ವಶಂಕರೀ ತಥೋಚ್ಚಾಟೀ ಉನ್ಮಾದೀ ಕರ್ಷಿಣೀತಿ ಚ || ೧೩೬ ||
ಮಾತಂಗೀ ಮಧುಮತ್ತಾ ಚ ಅಣಿಮಾ ಲಘಿಮಾ ತಥಾ |
ಸಿದ್ಧಾ ಮೋಕ್ಷಪ್ರದಾ ನಿತ್ಯಾ ನಿತ್ಯಾನಂದಪ್ರದಾಯಿನೀ || ೧೩೭ ||
ರಕ್ತಾಂಗೀ ರಕ್ತನೇತ್ರಾ ಚ ರಕ್ತಚಂದನಭೂಷಿತಾ |
ಸ್ವಲ್ಪಸಿದ್ಧಿಃ ಸುಕಲ್ಪಾ ಚ ದಿವ್ಯಚಾರಣಶುಕ್ರಭಾ || ೧೩೮ ||
ಸಂಕ್ರಾಂತಿಃ ಸರ್ವವಿದ್ಯಾ ಚ ಸಪ್ತವಾಸರಭೂಷಿತಾ | [ಸಸ್ಯವಾಸರ-]
ಪ್ರಥಮಾ ಚ ದ್ವಿತೀಯಾ ಚ ತೃತೀಯಾ ಚ ಚತುರ್ಥಿಕಾ || ೧೩೯ ||
ಪಂಚಮೀ ಚೈವ ಷಷ್ಠೀ ಚ ವಿಶುದ್ಧಾ ಸಪ್ತಮೀ ತಥಾ |
ಅಷ್ಟಮೀ ನವಮೀ ಚೈವ ದಶಮ್ಯೇಕಾದಶೀ ತಥಾ || ೧೪೦ ||
ದ್ವಾದಶೀ ತ್ರಯೋದಶೀ ಚ ಚತುರ್ದಶ್ಯಥ ಪೂರ್ಣಿಮಾ |
ಅಮಾವಾಸ್ಯಾ ತಥಾ ಪೂರ್ವಾ ಉತ್ತರಾ ಪರಿಪೂರ್ಣಿಮಾ || ೧೪೧ ||
ಖಡ್ಗಿನೀ ಚಕ್ರಿಣೀ ಘೋರಾ ಗದಿನೀ ಶೂಲಿನೀ ತಥಾ |
ಭುಶುಂಡೀ ಚಾಪಿನೀ ಬಾಣಾ ಸರ್ವಾಯುಧವಿಭೂಷಣಾ || ೧೪೨ ||
ಕುಲೇಶ್ವರೀ ಕುಲವತೀ ಕುಲಾಚಾರಪರಾಯಣಾ |
ಕುಲಕರ್ಮಸುರಕ್ತಾ ಚ ಕುಲಾಚಾರಪ್ರವರ್ಧಿನೀ || ೧೪೩ ||
ಕೀರ್ತಿಃ ಶ್ರೀಶ್ಚ ರಮಾ ರಾಮಾ ಧರ್ಮಾಯೈ ಸತತಂ ನಮಃ |
ಕ್ಷಮಾ ಧೃತಿಃ ಸ್ಮೃತಿರ್ಮೇಧಾ ಕಲ್ಪವೃಕ್ಷನಿವಾಸಿನೀ || ೧೪೪ ||
ಉಗ್ರಾ ಉಗ್ರಪ್ರಭಾ ಗೌರೀ ವೇದವಿದ್ಯಾವಿಬೋಧಿನೀ |
ಸಾಧ್ಯಾ ಸಿದ್ಧಾ ಸುಸಿದ್ಧಾ ಚ ವಿಪ್ರರೂಪಾ ತಥೈವ ಚ || ೧೪೫ ||
ಕಾಳೀ ಕರಾಳೀ ಕಾಲ್ಯಾ ಚ ಕಾಲದೈತ್ಯವಿನಾಶಿನೀ |
ಕೌಲಿನೀ ಕಾಲಿಕೀ ಚೈವ ಕಚಟತಪವರ್ಗಿಕಾ || ೧೪೬ ||
ಜಯಿನೀ ಜಯಯುಕ್ತಾ ಚ ಜಯದಾ ಜೃಂಭಿಣೀ ತಥಾ |
ಸ್ರಾವಿಣೀ ದ್ರಾವಿಣೀ ದೇವೀ ಭೇರುಂಡಾ ವಿಂಧ್ಯವಾಸಿನೀ || ೧೪೭ || [ಭರುಂಡಾ]
ಜ್ಯೋತಿರ್ಭೂತಾ ಚ ಜಯದಾ ಜ್ವಾಲಾಮಾಲಾಸಮಾಕುಲಾ |
ಭಿನ್ನಾಭಿನ್ನಪ್ರಕಾಶಾ ಚ ವಿಭಿನ್ನಾ ಭಿನ್ನರೂಪಿಣೀ || ೧೪೮ ||
ಅಶ್ವಿನೀ ಭರಣೀ ಚೈವ ನಕ್ಷತ್ರಸಂಭವಾನಿಲಾ |
ಕಾಶ್ಯಪೀ ವಿನತಾಖ್ಯಾತಾ ದಿತಿಜಾ ದಿತಿರೇವ ಚ || ೧೪೯ ||
ಕೀರ್ತಿಃ ಕಾಮಪ್ರಿಯಾ ದೇವೀ ಕೀರ್ತ್ಯಕೀರ್ತಿವಿವರ್ಧಿನೀ |
ಸದ್ಯೋಮಾಂಸಸಮಾಲಬ್ಧಾ ಸದ್ಯಶ್ಛಿನ್ನಾಸಿಶಂಕರಾ || ೧೫೦ ||
ದಕ್ಷಿಣಾ ಚೋತ್ತರಾ ಪೂರ್ವಾ ಪಶ್ಚಿಮಾ ದಿಕ್ ತಥೈವ ಚ |
ಅಗ್ನಿನೈರೃತಿವಾಯವ್ಯಾ ಈಶಾನ್ಯಾದಿಕ್ ತಥಾ ಸ್ಮೃತಾ || ೧೫೧ ||
ಊರ್ಧ್ವಾಂಗಾಧೋಗತಾ ಶ್ವೇತಾ ಕೃಷ್ಣಾ ರಕ್ತಾ ಚ ಪೀತಕಾ |
ಚತುರ್ವರ್ಗಾ ಚತುರ್ವರ್ಣಾ ಚತುರ್ಮಾತ್ರಾತ್ಮಿಕಾಕ್ಷರಾ || ೧೫೨ ||
ಚತುರ್ಮುಖೀ ಚತುರ್ವೇದಾ ಚತುರ್ವಿದ್ಯಾ ಚತುರ್ಮುಖಾ |
ಚತುರ್ಗಣಾ ಚತುರ್ಮಾತಾ ಚತುರ್ವರ್ಗಫಲಪ್ರದಾ || ೧೫೩ ||
ಧಾತ್ರೀವಿಧಾತ್ರೀಮಿಥುನಾ ನಾರೀನಾಯಕವಾಸಿನೀ |
ಸುರಾಮುದಾ ಮುದವತೀ ಮೋದಿನೀ ಮೇನಕಾತ್ಮಜಾ || ೧೫೪ ||
ಊರ್ಧ್ವಕಾಳೀ ಸಿದ್ಧಿಕಾಳೀ ದಕ್ಷಿಣಾಕಾಳಿಕಾ ಶಿವಾ |
ನೀಲಸರಸ್ವತೀ ಸಾ ತ್ವಂ ಬಗಳಾ ಛಿನ್ನಮಸ್ತಕಾ || ೧೫೫ ||
ಸರ್ವೇಶ್ವರೀ ಸಿದ್ಧವಿದ್ಯಾ ಪರಾ ಪರಮದೇವತಾ |
ಹಿಂಗುಲಾ ಹಿಂಗುಲಾಂಗೀ ಚ ಹಿಂಗುಲಾಧರವಾಸಿನೀ || ೧೫೬ ||
ಹಿಂಗುಲೋತ್ತಮವರ್ಣಾಭಾ ಹಿಂಗುಲಾಭರಣಾ ಚ ಸಾ |
ಜಾಗ್ರತೀ ಚ ಜಗನ್ಮಾತಾ ಜಗದೀಶ್ವರವಲ್ಲಭಾ || ೧೫೭ ||
ಜನಾರ್ದನಪ್ರಿಯಾ ದೇವೀ ಜಯಯುಕ್ತಾ ಜಯಪ್ರದಾ |
ಜಗದಾನಂದಕರೀ ಚ ಜಗದಾಹ್ಲಾದಕಾರಿಣೀ || ೧೫೮ ||
ಜ್ಞಾನದಾನಕರೀ ಯಜ್ಞಾ ಜಾನಕೀ ಜನಕಪ್ರಿಯಾ |
ಜಯಂತೀ ಜಯದಾ ನಿತ್ಯಾ ಜ್ವಲದಗ್ನಿಸಮಪ್ರಭಾ || ೧೫೯ ||
ವಿದ್ಯಾಧರಾ ಚ ಬಿಂಬೋಷ್ಠೀ ಕೈಲಾಸಾಚಲವಾಸಿನೀ |
ವಿಭವಾ ವಡವಾಗ್ನಿಶ್ಚ ಅಗ್ನಿಹೋತ್ರಫಲಪ್ರದಾ || ೧೬೦ ||
ಮಂತ್ರರೂಪಾ ಪರಾ ದೇವೀ ತಥೈವ ಗುರುರೂಪಿಣೀ |
ಗಯಾ ಗಂಗಾ ಗೋಮತೀ ಚ ಪ್ರಭಾಸಾ ಪುಷ್ಕರಾಽಪಿ ಚ || ೧೬೧ ||
ವಿಂಧ್ಯಾಚಲರತಾ ದೇವೀ ವಿಂಧ್ಯಾಚಲನಿವಾಸಿನೀ |
ಬಹೂ ಬಹುಸುಂದರೀ ಚ ಕಂಸಾಸುರವಿನಾಶಿನೀ || ೧೬೨ ||
ಶೂಲಿನೀ ಶೂಲಹಸ್ತಾ ಚ ವಜ್ರಾ ವಜ್ರಹರಾಽಪಿ ಚ |
ದುರ್ಗಾ ಶಿವಾ ಶಾಂತಿಕರೀ ಬ್ರಹ್ಮಾಣೀ ಬ್ರಾಹ್ಮಣಪ್ರಿಯಾ || ೧೬೩ ||
ಸರ್ವಲೋಕಪ್ರಣೇತ್ರೀ ಚ ಸರ್ವರೋಗಹರಾಽಪಿ ಚ |
ಮಂಗಳಾ ಶೋಭನಾ ಶುದ್ಧಾ ನಿಷ್ಕಳಾ ಪರಮಾ ಕಳಾ || ೧೬೪ ||
ವಿಶ್ವೇಶ್ವರೀ ವಿಶ್ವಮಾತಾ ಲಲಿತಾವಾಸಿತಾನನಾ |
ಸದಾಶಿವಾ ಉಮಾ ಕ್ಷೇಮಾ ಚಂಡಿಕಾ ಚಂಡವಿಕ್ರಮಾ || ೧೬೫ ||
ಸರ್ವದೇವಮಯೀ ದೇವೀ ಸರ್ವಾಗಮಭಯಾಪಹಾ |
ಬ್ರಹ್ಮೇಶವಿಷ್ಣುನಮಿತಾ ಸರ್ವಕಳ್ಯಾಣಕಾರಿಣೀ || ೧೬೬ ||
ಯೋಗಿನೀ ಯೋಗಮಾತಾ ಚ ಯೋಗೀಂದ್ರಹೃದಯಸ್ಥಿತಾ |
ಯೋಗಿಜಾಯಾ ಯೋಗವತೀ ಯೋಗೀಂದ್ರಾನಂದಯೋಗಿನೀ || ೧೬೭ ||
ಇಂದ್ರಾದಿನಮಿತಾ ದೇವೀ ಈಶ್ವರೀ ಚೇಶ್ವರಪ್ರಿಯಾ |
ವಿಶುದ್ಧಿದಾ ಭಯಹರಾ ಭಕ್ತದ್ವೇಷಿಭಯಂಕರೀ || ೧೬೮ ||
ಭವವೇಷಾ ಕಾಮಿನೀ ಚ ಭೇರುಂಡಾ ಭಯಕಾರಿಣೀ |
ಬಲಭದ್ರಪ್ರಿಯಾಕಾರಾ ಸಂಸಾರಾರ್ಣವತಾರಿಣೀ || ೧೬೯ ||
ಪಂಚಭೂತಾ ಸರ್ವಭೂತಾ ವಿಭೂತಿರ್ಭೂತಿಧಾರಿಣೀ |
ಸಿಂಹವಾಹಾ ಮಹಾಮೋಹಾ ಮೋಹಪಾಶವಿನಾಶಿನೀ || ೧೭೦ ||
ಮಂದುರಾ ಮದಿರಾ ಮುದ್ರಾಽಮುದ್ರಾ ಮುದ್ಗರಧಾರಿಣೀ |
ಸಾವಿತ್ರೀ ಚ ಮಹಾದೇವೀ ಪರಪ್ರಿಯವಿನಾಯಿಕಾ || ೧೭೧ ||
ಯಮದೂತೀ ಚ ಪಿಂಗಾಕ್ಷೀ ವೈಷ್ಣವೀ ಶಂಕರೀ ತಥಾ |
ಚಂದ್ರಪ್ರಿಯಾ ಚಂದ್ರರತಾ ಚಂದನಾರಣ್ಯವಾಸಿನೀ || ೧೭೨ ||
ಚಂದನೇಂದ್ರಸಮಾಯುಕ್ತಾ ಚಂಡದೈತ್ಯವಿನಾಶಿನೀ |
ಸರ್ವೇಶ್ವರೀ ಯಕ್ಷಿಣೀ ಚ ಕಿರಾತೀ ರಾಕ್ಷಸೀ ತಥಾ || ೧೭೩ ||
ಮಹಾಭೋಗವತೀ ದೇವೀ ಮಹಾಮೋಕ್ಷಪ್ರದಾಯಿನೀ |
ವಿಶ್ವಹಂತ್ರೀ ವಿಶ್ವರೂಪಾ ವಿಶ್ವಸಂಹಾರಕಾರಿಣೀ || ೧೭೪ ||
ಧಾತ್ರೀ ಚ ಸರ್ವಲೋಕಾನಾಂ ಹಿತಕಾರಣಕಾಮಿನೀ |
ಕಮಲಾ ಸೂಕ್ಷ್ಮದಾ ದೇವೀ ಧಾತ್ರೀ ಹರವಿನಾಶಿನೀ || ೧೭೫ ||
ಸುರೇಂದ್ರಪೂಜಿತಾ ಸಿದ್ಧಾ ಮಹಾತೇಜೋವತೀತಿ ಚ |
ಪರಾರೂಪವತೀ ದೇವೀ ತ್ರೈಲೋಕ್ಯಾಕರ್ಷಕಾರಿಣೀ || ೧೭೬ ||
ಫಲಶ್ರುತಿಃ –
ಇತಿ ತೇ ಕಥಿತಂ ದೇವಿ ಪೀತಾನಾಮಸಹಸ್ರಕಮ್ |
ಪಠೇದ್ವಾ ಪಾಠಯೇದ್ವಾಪಿ ಸರ್ವಸಿದ್ಧಿರ್ಭವೇತ್ ಪ್ರಿಯೇ || ೧೭೭ ||
ಇತಿ ತೇ ವಿಷ್ಣುನಾ ಪ್ರೋಕ್ತಂ ಮಹಾಸ್ತಂಭಕರಂ ಪರಮ್ |
ಪ್ರಾತಃ ಕಾಲೇ ಚ ಮಧ್ಯಾಹ್ನೇ ಸಂಧ್ಯಾಕಾಲೇ ಚ ಪಾರ್ವತಿ || ೧೭೮ ||
ಏಕಚಿತ್ತಃ ಪಠೇದೇತತ್ ಸರ್ವಸಿದ್ಧಿರ್ಭವಿಷ್ಯತಿ |
ಏಕವಾರಂ ಪಠೇದ್ಯಸ್ತು ಸರ್ವಪಾಪಕ್ಷಯೋ ಭವೇತ್ || ೧೭೯ ||
ದ್ವಿವಾರಂ ಪ್ರಪಠೇದ್ಯಸ್ತು ವಿಘ್ನೇಶ್ವರಸಮೋ ಭವೇತ್ |
ತ್ರಿವಾರಂ ಪಠನಾದ್ದೇವಿ ಸರ್ವಂ ಸಿದ್ಧ್ಯತಿ ಸರ್ವಥಾ || ೧೮೦ ||
ಸ್ತವಸ್ಯಾಽಸ್ಯ ಪ್ರಭಾವೇಣ ಸಾಕ್ಷಾದ್ಭವತಿ ಸುವ್ರತೇ |
ಮೋಕ್ಷಾರ್ಥೀ ಲಭತೇ ಮೋಕ್ಷಂ ಧನಾರ್ಥೀ ಲಭತೇ ಧನಮ್ || ೧೮೧ ||
ವಿದ್ಯಾರ್ಥೀ ಲಭತೇ ವಿದ್ಯಾಂ ತರ್ಕವ್ಯಾಕರಣಾನ್ವಿತಾಮ್ |
ಮಹಿತ್ವಂ ವತ್ಸರಾಂತಾಚ್ಚ ಶತ್ರುಹಾನಿಃ ಪ್ರಜಾಯತೇ || ೧೮೨ ||
ಕ್ಷೋಣೀಪತಿರ್ವಶಸ್ತಸ್ಯ ಸ್ಮರಣೇ ಸದೃಶೋ ಭವೇತ್ |
ಯಃ ಪಠೇತ್ ಸರ್ವದಾ ಭಕ್ತ್ಯಾ ಶ್ರೇಯಸ್ತು ಭವತಿ ಪ್ರಿಯೇ || ೧೮೩ ||
ಗಣಾಧ್ಯಕ್ಷಪ್ರತಿನಿಧಿಃ ಕವಿಕಾವ್ಯಪರೋ ವರಃ |
ಗೋಪನೀಯಂ ಪ್ರಯತ್ನೇನ ಜನನೀಜಾರವತ್ಸದಾ || ೧೮೪ ||
ಹೇತುಯುಕ್ತೋ ಭವೇನ್ನಿತ್ಯಂ ಶಕ್ತಿಯುಕ್ತಃ ಸದಾ ಭವೇತ್ |
ಯ ಇದಂ ಪಠತೇ ನಿತ್ಯಂ ಶಿವೇನ ಸದೃಶೋ ಭವೇತ್ || ೧೮೫ ||
ಜೀವನ್ ಧರ್ಮಾರ್ಥಭೋಗೀ ಸ್ಯಾನ್ಮೃತೋ ಮೋಕ್ಷಪತಿರ್ಭವೇತ್ |
ಸತ್ಯಂ ಸತ್ಯಂ ಮಹಾದೇವಿ ಸತ್ಯಂ ಸತ್ಯಂ ನ ಸಂಶಯಃ || ೧೮೬ ||
ಸ್ತವಸ್ಯಾಸ್ಯ ಪ್ರಭಾವೇಣ ದೇವೇನ ಸಹ ಮೋದತೇ |
ಸುಚಿತ್ತಾಶ್ಚ ಸುರಾಃ ಸರ್ವೇ ಸ್ತವರಾಜಸ್ಯ ಕೀರ್ತನಾತ್ || ೧೮೭ ||
ಪೀತಾಂಬರಪರೀಧಾನಾ ಪೀತಗಂಧಾನುಲೇಪನಾ |
ಪರಮೋದಯಕೀರ್ತಿಃ ಸ್ಯಾತ್ ಸ್ಮರತಃ ಸುರಸುಂದರಿ || ೧೮೮ ||
ಇತಿ ಶ್ರೀಉತ್ಕಟಶಂಬರೇ ನಾಗೇಂದ್ರಪ್ರಯಾಣತಂತ್ರೇ ಷೋಡಶಸಹಸ್ರೇ ವಿಷ್ಣುಶಂಕರಸಂವಾದೇ ಶ್ರೀ ಬಗಳಾಮುಖೀ ಸಹಸ್ರನಾಮ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಬಗಳಾಮುಖೀ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
