Read in తెలుగు / ಕನ್ನಡ / தமிழ் / देवनागरी / English (IAST)
(ತೈ।ಬ್ರಾ।2।8।8।6)
ಶ್ರ॒ದ್ಧಾಯಾ॒ಽಗ್ನಿಃ ಸಮಿ॑ಧ್ಯತೇ ।
ಶ್ರ॒ದ್ಧಯಾ॑ ವಿನ್ದತೇ ಹ॒ವಿಃ ।
ಶ್ರ॒ದ್ಧಾಂ ಭಗ॑ಸ್ಯ ಮೂ॒ರ್ಧನಿ॑ ।
ವಚ॒ಸಾಽಽವೇ॑ದಯಾಮಸಿ ।
ಪ್ರಿ॒ಯಗ್ಗ್ ಶ್ರ॑ದ್ಧೇ॒ ದದ॑ತಃ ।
ಪ್ರಿ॒ಯಗ್ಗ್ ಶ್ರ॑ದ್ಧೇ॒ ದಿದಾ॑ಸತಃ ।
ಪ್ರಿ॒ಯಂ ಭೋ॒ಜೇಷು॒ ಯಜ್ವ॑ಸು ॥
ಇ॒ದಂ ಮ॑ ಉದಿ॒ತಂ ಕೃ॑ಧಿ ।
ಯಥಾ॑ ದೇ॒ವಾ ಅಸು॑ರೇಷು ।
ಶ್ರ॒ದ್ಧಾಮು॒ಗ್ರೇಷು॑ ಚಕ್ರಿ॒ರೇ ।
ಏ॒ವಂ ಭೋ॒ಜೇಷು॒ ಯಜ್ವ॑ಸು ।
ಅ॒ಸ್ಮಾಕ॑ಮುದಿ॒ತಂ ಕೃ॑ಧಿ ।
ಶ್ರ॒ದ್ಧಾಂ ದೇ॑ವಾ॒ ಯಜ॑ಮಾನಾಃ ।
ವಾ॒ಯುಗೋ॑ಪಾ॒ ಉಪಾ॑ಸತೇ ।
ಶ್ರ॒ದ್ಧಾಗ್ಂ ಹೃ॑ದ॒ಯ್ಯ॑ಯಾಽಽಕೂ᳚ತ್ಯಾ ।
ಶ್ರ॒ದ್ಧಯಾ॑ ಹೂಯತೇ ಹ॒ವಿಃ ।
ಶ್ರ॒ದ್ಧಾಂ ಪ್ರಾ॒ತರ್ಹ॑ವಾಮಹೇ ॥
ಶ್ರ॒ದ್ಧಾಂ ಮ॒ಧ್ಯನ್ದಿ॑ನಂ॒ ಪರಿ॑ ।
ಶ್ರ॒ದ್ಧಾಗ್ಂ ಸೂರ್ಯ॑ಸ್ಯ ನಿ॒ಮೃಚಿ॑ ।
ಶ್ರದ್ಧೇ॒ ಶ್ರದ್ಧಾ॑ಪಯೇ॒ಹ ಮಾ᳚ ।
ಶ್ರ॒ದ್ಧಾ ದೇ॒ವಾನಧಿ॑ವಸ್ತೇ ।
ಶ್ರ॒ದ್ಧಾ ವಿಶ್ವ॑ಮಿ॒ದಂ ಜಗ॑ತ್ ।
ಶ್ರ॒ದ್ಧಾಂ ಕಾಮ॑ಸ್ಯ ಮಾ॒ತರಮ್᳚ ।
ಹ॒ವಿಷಾ॑ ವರ್ಧಯಾಮಸಿ ।
ಇನ್ನಷ್ಟು ವೇದಸೂಕ್ತಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
