Read in తెలుగు / ಕನ್ನಡ / தமிழ் / English (IAST)
ಏಕಸಪ್ತತಿತಮದಶಕಮ್ (೭೧) – ಕೇಶೀ ತಥಾ ವ್ಯೋಮಾಸುರವಧಮ್
ಯತ್ನೇಷು ಸರ್ವೇಷ್ವಪಿ ನಾವಕೇಶೀ ಕೇಶೀ ಸ ಭೋಜೇಶಿತುರಿಷ್ಟಬನ್ಧುಃ |
ತ್ವಂ ಸಿನ್ಧುಜಾವಾಪ್ಯ ಇತೀವ ಮತ್ವಾ ಸಮ್ಪ್ರಾಪ್ತವಾನ್ಸಿನ್ಧುಜವಾಜಿರೂಪಃ || ೭೧-೧ ||
ಗನ್ಧರ್ವತಾಮೇಷ ಗತೋಽಪಿ ರೂಕ್ಷೈರ್ನಾದೈಃ ಸಮುದ್ವೇಜಿತಸರ್ವಲೋಕಃ |
ಭವದ್ವಿಲೋಕಾವಧಿ ಗೋಪವಾಟೀಂ ಪ್ರಮರ್ದ್ಯ ಪಾಪಃ ಪುನರಾಪತತ್ತ್ವಾಮ್ || ೭೧-೨ ||
ತಾರ್ಕ್ಷ್ಯಾರ್ಪಿತಾಙ್ಘ್ರೇಸ್ತವ ತಾರ್ಕ್ಷ್ಯ ಏಷ ಚಿಕ್ಷೇಪ ವಕ್ಷೋಭುವಿ ನಾಮ ಪಾದಮ್ |
ಭೃಗೋಃ ಪದಾಘಾತಕಥಾಂ ನಿಶಮ್ಯ ಸ್ವೇನಾಪಿ ಶಕ್ಯಂ ತದಿತೀವ ಮೋಹಾತ್ || ೭೧-೩ ||
ಪ್ರವಞ್ಚಯನ್ನಸ್ಯ ಖುರಾಞ್ಚಲಂ ದ್ರಾಗಮುಂ ಚ ಚಿಕ್ಷೇಪಿಥ ದೂರದೂರಮ್ |
ಸಮ್ಮೂರ್ಛಿತೋಽಪಿ ಹ್ಯತಿಮೂರ್ಛಿತೇನ ಕ್ರೋಧೋಷ್ಮಣಾ ಖಾದಿತುಮಾದ್ರುತಸ್ತ್ವಾಮ್ || ೭೧-೪ ||
ತ್ವಂ ವಾಹದಣ್ಡೇ ಕೃತಧೀಶ್ಚ ವಾಹಾದಣ್ಡಂ ನ್ಯಧಾಸ್ತಸ್ಯ ಮುಖೇ ತದಾನೀಮ್ |
ತದ್ವೃದ್ಧಿರುದ್ಧಶ್ವಸನೋ ಗತಾಸುಃ ಸಪ್ತೀಭವನ್ನಪ್ಯಯಮೈಕ್ಯಮಾಗಾತ್ || ೭೧-೫ ||
ಆಲಂಭಮಾತ್ರೇಣ ಪಶೋಃ ಸುರಾಣಾಂ ಪ್ರಸಾದಕೇ ನೂತ್ನ ಇವಾಶ್ವಮೇಧೇ |
ಕೃತೇ ತ್ವಯಾ ಹರ್ಷವಶಾತ್ಸುರೇನ್ದ್ರಾಸ್ತ್ವಾಂ ತುಷ್ಟುವುಃ ಕೇಶವನಾಮಧೇಯಮ್ || ೭೧-೬ ||
ಕಂಸಾಯ ತೇ ಶೌರಿಸುತತ್ವಮುಕ್ತ್ವಾ ತಂ ತದ್ವಧೋತ್ಕಂ ಪ್ರತಿರುಧ್ಯ ವಾಚಾ |
ಪ್ರಾಪ್ತೇನ ಕೇಶಿಕ್ಷಪಣಾವಸಾನೇ ಶ್ರೀನಾರದೇನ ತ್ವಮಭಿಷ್ಟುತೋಽಭೂಃ || ೭೧-೭ ||
ಕದಾಪಿ ಗೋಪೈಃ ಸಹ ಕಾನನಾನ್ತೇ ನಿಲಾಯನಕ್ರೀಡನಲೋಲುಪಂ ತ್ವಾಮ್ |
ಮಯಾತ್ಮಜಃ ಪ್ರಾಪ ದುರನ್ತಮಾಯೋ ವ್ಯೋಮಾಭಿಧೋ ವ್ಯೋಮಚರೋಪರೋಧೀ || ೭೧-೮ ||
ಸ ಚೋರಪಾಲಾಯಿತವಲ್ಲವೇಷು ಚೋರಾಯಿತೋ ಗೋಪಶಿಶೂನ್ಪಶೂಂಶ್ಚ |
ಗುಹಾಸು ಕೃತ್ವಾ ಪಿದಧೇ ಶಿಲಾಭಿಸ್ತ್ವಯಾ ಚ ಬುದ್ಧ್ವಾ ಪರಿಮರ್ದಿತೋಽಭೂತ್ || ೭೧-೯ ||
ಏವಂವಿಧೈಶ್ಚಾದ್ಭುತಕೇಲಿಭೇದೈರಾನನ್ದಮೂರ್ಛಾಮತುಲಾಂ ವ್ರಜಸ್ಯ |
ಪದೇ ಪದೇ ನೂತನಯನ್ನಸೀಮಾಂ ಪರಾತ್ಮರೂಪಿನ್ ಪವನೇಶ ಪಾಯಾಃ || ೭೧-೧೦ ||
ಇತಿ ಏಕಚತ್ವಾರಿಂಶದಶಕಂ ಸಮಾಪ್ತಮ್ |
ನಾರಾಯಣೀಯಂ ದ್ವಿಸಪ್ತತಿತಮದಶಕಮ್ >>
ಸಂಪೂರ್ಣ ನಾರಾಯಣೀಯಂ ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
