Narayaneeyam Dasakam 71 – nārāyaṇīyaṁ ēkasaptatitamadaśakam


nārāyaṇīyaṁ ēkasaptatitamadaśakam (71) – kēśī tathā vyōmāsuravadham

yatnēṣu sarvēṣvapi nāvakēśī kēśī sa bhōjēśituriṣṭabandhuḥ |
tvaṁ sindhujāvāpya itīva matvā samprāptavānsindhujavājirūpaḥ || 71-1 ||

gandharvatāmēṣa gatō:’pi rūkṣairnādaiḥ samudvējitasarvalōkaḥ |
bhavadvilōkāvadhi gōpavāṭīṁ pramardya pāpaḥ punarāpatattvām || 71-2 ||

tārkṣyārpitāṅghrēstava tārkṣya ēṣa cikṣēpa vakṣōbhuvi nāma pādam |
bhr̥gōḥ padāghātakathāṁ niśamya svēnāpi śakyaṁ taditīva mōhāt || 71-3 ||

pravañcayannasya khurāñcalaṁ drāgamuṁ ca cikṣēpitha dūradūram |
sammūrchitō:’pi hyatimūrchitēna krōdhōṣmaṇā khāditumādrutastvām || 71-4 ||

tvaṁ vāhadaṇḍē kr̥tadhīśca vāhādaṇḍaṁ nyadhāstasya mukhē tadānīm |
tadvr̥ddhiruddhaśvasanō gatāsuḥ saptībhavannapyayamaikyamāgāt || 71-5 ||

ālaṁbhamātrēṇa paśōḥ surāṇāṁ prasādakē nūtna ivāśvamēdhē |
kr̥tē tvayā harṣavaśātsurēndrāstvāṁ tuṣṭuvuḥ kēśavanāmadhēyam || 71-6 ||

kaṁsāya tē śaurisutatvamuktvā taṁ tadvadhōtkaṁ pratirudhya vācā |
prāptēna kēśikṣapaṇāvasānē śrīnāradēna tvamabhiṣṭutō:’bhūḥ || 71-7 ||

kadāpi gōpaiḥ saha kānanāntē nilāyanakrīḍanalōlupaṁ tvām |
mayātmajaḥ prāpa durantamāyō vyōmābhidhō vyōmacarōparōdhī || 71-8 ||

sa cōrapālāyitavallavēṣu cōrāyitō gōpaśiśūnpaśūṁśca |
guhāsu kr̥tvā pidadhē śilābhistvayā ca buddhvā parimarditō:’bhūt || 71-9 ||

ēvaṁvidhaiścādbhutakēlibhēdairānandamūrchāmatulāṁ vrajasya |
padē padē nūtanayannasīmāṁ parātmarūpin pavanēśa pāyāḥ || 71-10 ||

iti ēkacatvāriṁśadaśakaṁ samāptam |


See complete nārāyaṇīyam for chanting.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

Leave a Reply

error: Not allowed