Read in తెలుగు / ಕನ್ನಡ / தமிழ் / English (IAST)
ಚತುಃಷಷ್ಟಿತಮದಶಕಮ್ (೬೪) – ಗೋವಿನ್ದಪಟ್ಟಾಭಿಷೇಕಮ್ |
ಆಲೋಕ್ಯ ಶೈಲೋದ್ಧರಣಾದಿರೂಪಂ
ಪ್ರಭಾವಮುಚ್ಚೈಸ್ತವ ಗೋಪಲೋಕಾಃ |
ವಿಶ್ವೇಶ್ವರಂ ತ್ವಾಮಭಿಮತ್ಯ ವಿಶ್ವೇ
ನನ್ದಂ ಭವಜ್ಜಾತಕಮನ್ವಪೃಚ್ಛನ್ || ೬೪-೧ ||
ಗರ್ಗೋದಿತೋ ನಿರ್ಗದಿತೋ ನಿಜಾಯ
ವರ್ಗಾಯ ತಾತೇನ ತವ ಪ್ರಭಾವಃ |
ಪೂರ್ವಾಧಿಕಸ್ತ್ವಯ್ಯನುರಾಗ ಏಷಾ-
ಮೈಧಿಷ್ಟ ತಾವದ್ಬಹುಮಾನಭಾರಃ || ೬೪-೨ ||
ತತೋಽವಮಾನೋದಿತತತ್ತ್ವಬೋಧಃ
ಸುರಾಧಿರಾಜಃ ಸಹ ದಿವ್ಯಗವ್ಯಾ |
ಉಪೇತ್ಯ ತುಷ್ಟಾವ ಸ ನಷ್ಟಗರ್ವಃ
ಸ್ಪೃಷ್ಟ್ವಾ ಪದಾಬ್ಜಂ ಮಣಿಮೌಲಿನಾ ತೇ || ೬೪-೩ ||
ಸ್ನೇಹಸ್ನುತೈಸ್ತ್ವಾಂ ಸುರಭಿಃ ಪಯೋಭಿ-
ರ್ಗೋವಿನ್ದನಾಮಾಙ್ಕಿತಮಭ್ಯಷಿಞ್ಚತ್ |
ಐರಾವತೋಪಾಹೃತದಿವ್ಯಗಙ್ಗಾ-
ಪಾಥೋಭಿರಿನ್ದ್ರೋಽಪಿ ಚ ಜಾತಹರ್ಷಃ || ೬೪-೪ ||
ಜಗತ್ತ್ರಯೇಶೇ ತ್ವಯಿ ಗೋಕುಲೇಶೇ
ತಥಾಽಭಿಷಿಕ್ತೇ ಸತಿ ಗೋಪವಾಟಃ |
ನಾಕೇಽಪಿ ವೈಕುಣ್ಠಪದೇಽಪ್ಯಲಭ್ಯಾಂ
ಶ್ರಿಯಂ ಪ್ರಪೇದೇ ಭವತಃ ಪ್ರಭಾವಾತ್ || ೬೪-೫ ||
ಕದಾಚಿದನ್ತರ್ಯಮುನಂ ಪ್ರಭಾತೇ
ಸ್ನಾಯನ್ ಪಿತಾ ವಾರುಣಪೂರುಷೇಣ |
ನೀತಸ್ತಮಾನೇತುಮಗಾಃ ಪುರೀಂ ತ್ವಂ
ತಾಂ ವಾರುಣೀಂ ಕಾರಣಮರ್ತ್ಯರೂಪಃ || ೬೪-೬ ||
ಸಸಂಭ್ರಮಂ ತೇನ ಜಲಾಧಿಪೇನ
ಪ್ರಪೂಜಿತಸ್ತ್ವಂ ಪ್ರತಿಗೃಹ್ಯ ತಾತಮ್ |
ಉಪಾಗತಸ್ತತ್ಕ್ಷಣಮಾತ್ಮಗೇಹಂ
ಪಿತಾಽವದತ್ತಚ್ಚರಿತಂ ನಿಜೇಭ್ಯಃ || ೬೪-೭ ||
ಹರಿಂ ವಿನಿಶ್ಚಿತ್ಯ ಭವನ್ತಮೇತಾನ್
ಭವತ್ಪದಾಲೋಕನಬದ್ಧತೃಷ್ಣಾನ್ |
ನಿರೀಕ್ಷ್ಯ ವಿಷ್ಣೋ ಪರಮಂ ಪದಂ ತ-
ದ್ದುರಾಪಮನ್ಯೈಸ್ತ್ವಮದೀದೃಶಸ್ತಾನ್ || ೬೪-೮ ||
ಸ್ಫುರತ್ಪರಾನನ್ದರಸಪ್ರವಾಹ-
ಪ್ರಪೂರ್ಣಕೈವಲ್ಯಮಹಾಪಯೋಧೌ |
ಚಿರಂ ನಿಮಗ್ನಾಃ ಖಲು ಗೋಪಸಙ್ಘಾ-
ಸ್ತ್ವಯೈವ ಭೂಮನ್ ಪುನರುದ್ಧೃತಾಸ್ತೇ || ೬೪-೯ ||
ಕರಬದರವದೇವಂ ದೇವ ಕುತ್ರಾವತಾರೇ
ಪರಪದಮನವಾಪ್ಯಂ ದರ್ಶಿತಂ ಭಕ್ತಿಭಾಜಾಮ್ | [** ನಿಜಪದಮನವಾಪ್ಯಂ **]
ತದಿಹ ಪಶುಪರೂಪೀ ತ್ವಂ ಹಿ ಸಾಕ್ಷಾತ್ಪರಾತ್ಮಾ
ಪವನಪುರನಿವಾಸಿನ್ ಪಾಹಿ ಮಾಮಾಮಯೇಭ್ಯಃ || ೬೪-೧೦ ||
ಇತಿ ಚತುಃಷಷ್ಟಿತಮದಶಕಂ ಸಮಾಪ್ತಮ್ |
ಸಂಪೂರ್ಣ ನಾರಾಯಣೀಯಂ ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
