Read in తెలుగు / ಕನ್ನಡ / தமிழ் / English (IAST)
ಷಷ್ಟಿತಮದಶಕಮ್ (೬೦) – ಗೋಪೀವಸ್ತ್ರಾಪಹರಣಮ್
ಮದನಾತುರಚೇತಸೋಽನ್ವಹಂ
ಭವದಙ್ಘ್ರಿದ್ವಯದಾಸ್ಯಕಾಮ್ಯಯಾ |
ಯಮುನಾತಟಸೀಮ್ನಿ ಸೈಕತೀಂ
ತರಲಾಕ್ಷ್ಯೋ ಗಿರಿಜಾಂ ಸಮಾರ್ಚಿಚನ್ || ೬೦-೧ ||
ತವ ನಾಮಕಥಾರತಾಃ ಸಮಂ
ಸುದೃಶಃ ಪ್ರಾತರುಪಾಗತಾ ನದೀಮ್ |
ಉಪಹಾರಶತೈರಪೂಜಯನ್
ದಯಿತೋ ನನ್ದಸುತೋ ಭವೇದಿತಿ || ೬೦-೨ ||
ಇತಿ ಮಾಸಮುಪಾಹಿತವ್ರತಾ-
ಸ್ತರಲಾಕ್ಷೀರಭಿವೀಕ್ಷ್ಯ ತಾ ಭವಾನ್ |
ಕರುಣಾಮೃದುಲೋ ನದೀತಟಂ
ಸಮಯಾಸೀತ್ತದನುಗ್ರಹೇಚ್ಛಯಾ || ೬೦-೩ ||
ನಿಯಮಾವಸಿತೌ ನಿಜಾಂಬರಂ
ತಟಸೀಮನ್ಯವಮುಚ್ಯ ತಾಸ್ತದಾ |
ಯಮುನಾಜಲಖೇಲನಾಕುಲಾಃ
ಪುರತಸ್ತ್ವಾಮವಲೋಕ್ಯ ಲಜ್ಜಿತಾಃ || ೬೦-೪ ||
ತ್ರಪಯಾ ನಮಿತಾನನಾಸ್ವಥೋ
ವನಿತಾಸ್ವಂಬರಜಾಲಮನ್ತಿಕೇ |
ನಿಹಿತಂ ಪರಿಗೃಹ್ಯ ಭೂರುಹೋ
ವಿಟಪಂ ತ್ವಂ ತರಸಾಧಿರೂಢವಾನ್ || ೬೦-೫ ||
ಇಹ ತಾವದುಪೇತ್ಯ ನೀಯತಾಂ
ವಸನಂ ವಃ ಸುದೃಶೋ ಯಥಾಯಥಮ್ |
ಇತಿ ನರ್ಮಮೃದುಸ್ಮಿತೇ ತ್ವಯಿ
ಬ್ರುವತಿ ವ್ಯಾಮುಮುಹೇ ವಧೂಜನೈಃ || ೬೦-೬ ||
ಅಯಿ ಜೀವ ಚಿರಂ ಕಿಶೋರ ನ-
ಸ್ತವ ದಾಸೀರವಶೀಕರೋಷಿ ಕಿಮ್ |
ಪ್ರದಿಶಾಂಬರಮಂಬುಜೇಕ್ಷಣೇ-
ತ್ಯುದಿತಸ್ತ್ವಂ ಸ್ಮಿತಮೇವ ದತ್ತವಾನ್ || ೬೦-೭ ||
ಅಧಿರುಹ್ಯ ತಟಂ ಕೃತಾಞ್ಜಲೀಃ
ಪರಿಶುದ್ಧಾಃ ಸ್ವಗತೀರ್ನಿರೀಕ್ಷ್ಯ ತಾಃ |
ವಸನಾನ್ಯಖಿಲಾನ್ಯನುಗ್ರಹಂ
ಪುನರೇವಂ ಗಿರಮಪ್ಯದಾ ಮುದಾ || ೬೦-೮ ||
ವಿದಿತಂ ನನು ವೋ ಮನೀಷಿತಂ
ವದಿತಾರಸ್ತ್ವಿಹ ಯೋಗ್ಯಮುತ್ತರಮ್ |
ಯಮುನಾಪುಲಿನೇ ಸಚನ್ದ್ರಿಕಾಃ
ಕ್ಷಣದಾ ಇತ್ಯಬಲಾಸ್ತ್ವಮೂಚಿವಾನ್ || ೬೦-೯ ||
ಉಪಕರ್ಣ್ಯ ಭವನ್ಮುಖಚ್ಯುತಂ
ಮಧುನಿಷ್ಯನ್ದಿ ವಚೋ ಮೃಗೀದೃಶಃ |
ಪ್ರಣಯಾದಯಿ ವೀಕ್ಷ್ಯ ವೀಕ್ಷ್ಯ ತೇ
ವದನಾಬ್ಜಂ ಶನಕೈರ್ಗೃಹಂ ಗತಾಃ || ೬೦-೧೦ ||
ಇತಿ ನನ್ವನುಗೃಹ್ಯ ವಲ್ಲವೀ-
ರ್ವಿಪಿನಾನ್ತೇಷು ಪುರೇವ ಸಞ್ಚರನ್ |
ಕರುಣಾಶಿಶಿರೋ ಹರೇ ಹರ
ತ್ವರಯಾ ಮೇ ಸಕಲಾಮಯಾವಲಿಮ್ || ೬೦-೧೧ ||
ಇತಿ ಷಷ್ಟಿತಮದಶಕಂ ಸಮಾಪ್ತಂ
ಸಂಪೂರ್ಣ ನಾರಾಯಣೀಯಂ ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
