Read in తెలుగు / ಕನ್ನಡ / தமிழ் / English (IAST)
ದಶಮದಶಕಮ್ (೧೦) – ಸೃಷ್ಟಿವೈವಿಧ್ಯಮ್
ವೈಕುಣ್ಠ ವರ್ಧಿತಬಲೋಽಥ ಭವತ್ಪ್ರಸಾದಾ-
ದಂಭೋಜಯೋನಿರಸೃಜತ್ಕಿಲ ಜೀವದೇಹಾನ್ |
ಸ್ಥಾಸ್ನೂನಿ ಭೂರುಹಮಯಾನಿ ತಥಾ ತಿರಶ್ಚಾಂ
ಜಾತೀರ್ಮನುಷ್ಯನಿವಹಾನಪಿ ದೇವಭೇದಾನ್ || ೧೦-೧ ||
ಮಿಥ್ಯಾಗ್ರಹಾಸ್ಮಿಮತಿರಾಗವಿಕೋಪಭೀತಿ-
ರಜ್ಞಾನವೃತ್ತಿಮಿತಿ ಪಞ್ಚವಿಧಾಂ ಸ ಸೃಷ್ಟ್ವಾ |
ಉದ್ದಾಮತಾಮಸಪದಾರ್ಥವಿಧಾನದೂನ-
ಸ್ತೇನೇ ತ್ವದೀಯಚರಣಸ್ಮರಣಂ ವಿಶುದ್ಧ್ಯೈ || ೧೦-೨ ||
ತಾವತ್ಸಸರ್ಜ ಮನಸಾ ಸನಕಂ ಸನನ್ದಂ
ಭೂಯಸ್ಸನಾತನಮುನಿಂ ಚ ಸನತ್ಕುಮಾರಮ್ |
ತೇ ಸೃಷ್ಟಿಕರ್ಮಣಿ ತು ತೇನ ನಿಯುಜ್ಯಮಾನಾ-
ಸ್ತ್ವತ್ಪಾದಭಕ್ತಿರಸಿಕಾ ಜಗೃಹುರ್ನ ವಾಣೀಮ್ || ೧೦-೩ ||
ತಾವತ್ಪ್ರಕೋಪಮುದಿತಂ ಪ್ರತಿರುನ್ಧತೋಽಸ್ಯ
ಭ್ರೂಮಧ್ಯತೋಽಜನಿ ಮೃಡೋ ಭವದೇಕದೇಶಃ |
ನಾಮಾನಿ ಮೇ ಕುರು ಪದಾನಿ ಚ ಹಾ ವಿರಿಞ್ಚೇ-
ತ್ಯಾದೌ ರುರೋದ ಕಿಲ ತೇನ ಸ ರುದ್ರನಾಮಾ || ೧೦-೪ ||
ಏಕಾದಶಾಹ್ವಯತಯಾ ಚ ವಿಭಿನ್ನರೂಪಂ
ರುದ್ರಂ ವಿಧಾಯ ದಯಿತಾ ವನಿತಾಶ್ಚ ದತ್ತ್ವಾ |
ತಾವನ್ತ್ಯದತ್ತ ಚ ಪದಾನಿ ಭವತ್ಪ್ರಣುನ್ನಃ
ಪ್ರಾಹ ಪ್ರಜಾವಿರಚನಾಯ ಚ ಸಾದರಂ ತಮ್ || ೧೦-೫ ||
ರುದ್ರಾಭಿಸೃಷ್ಟಭಯದಾಕೃತಿರುದ್ರಸಙ್ಘ-
ಸಂಪೂರ್ಯಮಾಣಾಭುವನತ್ರಯಭೀತಚೇತಾಃ |
ಮಾ ಮಾ ಪ್ರಜಾಃ ಸೃಜ ತಪಶ್ಚರ ಮಙ್ಗಲಾಯೇ-
ತ್ಯಾಚಷ್ಟ ತಂ ಕಮಲಭೂರ್ಭವದೀರಿತಾತ್ಮಾ || ೧೦-೬ ||
ತಸ್ಯಾಥ ಸರ್ಗರಸಿಕಸ್ಯ ಮರೀಚಿರತ್ರಿ-
ಸ್ತತ್ರಾಙ್ಗಿರಾಃ ಕ್ರತುಮುನಿಃ ಪುಲಹಃ ಪುಲಸ್ತ್ಯಃ |
ಅಙ್ಗಾದಜಾಯತ ಭೃಗುಶ್ಚ ವಸಿಷ್ಠದಕ್ಷೌ
ಶ್ರೀನಾರದಶ್ಚ ಭಗವನ್ ಭವದಙ್ಘ್ರಿದಾಸಃ || ೧೦-೭ ||
ಧರ್ಮಾದಿಕಾನಭಿಸೃಜನ್ನಥ ಕರ್ದಮಂ ಚ
ವಾಣೀಂ ವಿಧಾಯ ವಿಧಿರಙ್ಗಜಸಙ್ಕುಲೋಽಭೂತ್ |
ತ್ವದ್ಬೋಧಿತೈಃ ಸನಕದಕ್ಷಮುಖೈಸ್ತನೂಜೈ-
ರುದ್ಬೋಧಿತಶ್ಚ ವಿರರಾಮ ತಮೋ ವಿಮುಞ್ಚನ್ || ೧೦-೮ ||
ವೇದಾನ್ಪುರಾಣನಿವಹಾನಪಿ ಸರ್ವವಿದ್ಯಾಃ
ಕುರ್ವನ್ನಿಜಾನನಗಣಾಚ್ಚತುರಾನನೋಽಸೌ |
ಪುತ್ರೇಷು ತೇಷು ವಿನಿಧಾಯ ಸ ಸರ್ಗವೃದ್ಧಿ-
ಮಪ್ರಾಪ್ನುವಂಸ್ತವ ಪದಾಂಬುಜಮಾಶ್ರಿತೋಽಭೂತ್ || ೧೦-೯ ||
ಜಾನನ್ನುಪಾಯಮಥ ದೇಹಮಜೋ ವಿಭಜ್ಯ
ಸ್ತ್ರೀಪುಂಸಭಾವಮಭಜನ್ಮನುತದ್ವಧೂಭ್ಯಾಮ್ |
ತಾಭ್ಯಾಂ ಚ ಮಾನುಷಕುಲಾನಿ ವಿವರ್ಧಯಂಸ್ತ್ವಂ
ಗೋವಿನ್ದ ಮಾರುತಪುರೇಶ ನಿರುನ್ಧಿ ರೋಗಾನ್ || ೧೦-೧೦ ||
ಇತಿ ದಶಮದಶಕಂ ಸಮಾಪ್ತಮ್ ||
ಸಂಪೂರ್ಣ ನಾರಾಯಣೀಯಂ ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
