Maya panchakam – ಮಾಯಾ ಪಂಚಕಂ

ಸ್ತೋತ್ರನಿಧಿ → ವಿವಿಧ ಸ್ತೋತ್ರಗಳು → ಮಾಯಾ ಪಂಚಕಂ

ನಿರುಪಮನಿತ್ಯನಿರಂಶಕೇಽಪ್ಯಖಂಡೇ |
ಮಯಿ ಚಿತಿ ಸರ್ವವಿಕಲ್ಪನಾದಿಶೂನ್ಯೇ |
ಘಟಯತಿ ಜಗದೀಶಜೀವಭೇದಂ |
ತ್ವಘಟಿತಘಟನಾಪಟೀಯಸೀ ಮಾಯಾ || ೧ ||

ಶ್ರುತಿಶತನಿಗಮಾಂತಶೋಧಕಾನ-
ಪ್ಯಹಹ ಧನಾದಿನಿದರ್ಶನೇನ ಸದ್ಯಃ |
ಕಲುಷಯತಿ ಚತುಷ್ಪದಾದ್ಯಭಿನ್ನಾ-
ನಘಟಿತಘಟನಾಪಟೀಯಸೀ ಮಾಯಾ || ೨ ||

ಸುಖಚಿದಖಂಡವಿಬೋಧಮದ್ವಿತೀಯಂ |
ವಿಯದನಲಾದಿವಿನಿರ್ಮಿತೇ ನಿಯೋಜ್ಯ |
ಭ್ರಮಯತಿ ಭವಸಾಗರೇ ನಿತಾಂತಂ |
ತ್ವಘಟಿತಘಟನಾಪಟೀಯಸೀ ಮಾಯಾ || ೩ ||

ಅಪಗತಗುಣವರ್ಣಜಾತಿಭೇದೇ |
ಸುಖಚಿತಿ ವಿಪ್ರವಿಡಾದ್ಯಹಂಕೃತಿಂ ಚ |
ಸ್ಫುಟಯತಿ ಸುತದಾರಗೇಹಮೋಹಂ |
ತ್ವಘಟಿತಘಟನಾಪಟೀಯಸೀ ಮಾಯಾ || ೪ ||

ವಿಧಿಹರಿಹರವಿಭೇದಮಪ್ಯಖಂಡೇ |
ಬತ ವಿರಚಯ್ಯ ಬುಧಾನಪಿ ಪ್ರಕಾಮಮ್ |
ಭ್ರಮಯತಿ ಹರಿಹರಭೇದಭಾವಾ-
ನಘಟಿತಘಟನಾಪಟೀಯಸೀ ಮಾಯಾ || ೫ ||

---

ಇನ್ನಷ್ಟು ವಿವಿಧ ಸ್ತೋತ್ರಗಳು ನೋಡಿ.

Did you see any mistake/variation in the content above? Click here to report mistakes and corrections in Stotranidhi content.