Read in తెలుగు / ಕನ್ನಡ / தமிழ் / देवनागरी / English (IAST)
(ತೈ.ಸಂ.೧-೩-೧೪)
ತ್ವಮ॑ಗ್ನೇ ರು॒ದ್ರೋ ಅಸು॑ರೋ ಮ॒ಹೋ ದಿ॒ವಸ್ತ್ವಗ್ಂ ಶರ್ಧೋ॒ ಮಾರು॑ತಂ ಪೃ॒ಕ್ಷ ಈ॑ಶಿಷೇ ।
ತ್ವಂ ವಾತೈ॑ರರು॒ಣೈರ್ಯಾ॑ಸಿ ಶಂಗ॒ಯಸ್ತ್ವಂ ಪೂ॒ಷಾ ವಿ॑ಧ॒ತಃ ಪಾ॑ಸಿ॒ ನು ತ್ಮನಾ᳚ ॥ ೧
// ತ್ವಂ, ಅಗ್ನೇ, ರುದ್ರಃ, ಅಸುರಃ, ಮಹಃ, ದಿವಃ, ತ್ವಂ, ಶರ್ಧಃ, ಮಾರುತಂ, ಪೃಕ್ಷಃ, ಈಶಿಷೇ, ತ್ವಂ, ವಾತೈಃ, ಅರುಣೈಃ, ಯಾಸಿ, ಶಂ-ಗಾಯಃ, ತ್ವಂ, ಪೂಷಾ, ವಿ-ಧತಃ, ಪಾಸಿ, ನು, ತ್ಮನಾ //
ಆ ವೋ॒ ರಾಜಾ॑ನಮಧ್ವ॒ರಸ್ಯ॑ ರು॒ದ್ರಗ್ಂ ಹೋತಾ॑ರಗ್ಂ ಸತ್ಯ॒ಯಜ॒ಗ್ಂ॒ ರೋದ॑ಸ್ಯೋಃ ।
ಅ॒ಗ್ನಿಂ ಪು॒ರಾ ತ॑ನಯಿ॒ತ್ನೋರ॒ಚಿತ್ತಾ॒ದ್ಧಿರ॑ಣ್ಯರೂಪ॒ಮವ॑ಸೇ ಕೃಣುಧ್ವಮ್ ॥ ೨
// ಆ, ವಃ, ರಾಜಾನಂ, ಅಧ್ವರಸ್ಯ, ರುದ್ರಂ, ಹೋತಾರಂ, ಸತ್ಯ-ಯಜಂ, ರೋದಸ್ಯೋಃ, ಅಗ್ನಿಂ, ಪುರಾ, ತನಯಿತ್ನೋಃ, ಅಚಿತ್ತಾತ್, ಹಿರಣ್ಯ-ರೂಪಂ, ಅವಸೇ, ಕೃಣುಧ್ವಂ //
ಅ॒ಗ್ನಿರ್ಹೋತಾ॒ ನಿಷ॑ಸಾದಾ॒ ಯಜೀ॑ಯಾನು॒ಪಸ್ಥೇ॑ ಮಾ॒ತುಃ ಸು॑ರ॒ಭಾವು॑ ಲೋ॒ಕೇ ।
ಯುವಾ॑ ಕ॒ವಿಃ ಪುರು॑ನಿ॒ಷ್ಠಃ ಋ॒ತಾವಾ॑ ಧ॒ರ್ತಾ ಕೃ॑ಷ್ಟೀ॒ನಾಮು॒ತ ಮಧ್ಯ॑ ಇ॒ದ್ಧಃ ॥ ೩
// ಅಗ್ನಿಃ, ಹೋತಾ, ನಿ, ಸಸಾದ, ಯಜೀಯಾನ್, ಉಪ-ಸ್ಥೇ, ಮಾತುಃ, ಸುರಭೌ, ಉ, ಲೋಕೇ, ಯುವಾ, ಕವಿಃ, ಪುರು-ನಿಷ್ಠಃ, ಋತ-ವಾ, ಧರ್ತಾ, ಕೃಷ್ಟೀನಾಂ, ಉತ, ಮಧ್ಯೇ, ಇದ್ಧಃ //
ಸಾ॒ಧ್ವೀಮ॑ಕರ್ದೇ॒ವವೀ॑ತಿಂ ನೋ ಅ॒ದ್ಯ ಯ॒ಜ್ಞಸ್ಯ॑ ಜಿ॒ಹ್ವಾಮ॑ವಿದಾಮ॒ ಗುಹ್ಯಾ᳚ಮ್ ।
ಸ ಆಯು॒ರಾಽಗಾ᳚ಥ್ಸುರ॒ಭಿರ್ವಸಾ॑ನೋ ಭ॒ದ್ರಾಮ॑ಕರ್ದೇ॒ವಹೂ॑ತಿಂ ನೋ ಅ॒ದ್ಯ ॥ ೪
// ಸಾಧ್ವೀಂ, ಅಕಃ, ದೇವ-ವೀತಿಂ, ನಃ, ಅದ್ಯ, ಯಜ್ಞಸ್ಯ, ಜಿಹ್ವಾಂ, ಅವಿದಾಮ, ಗುಹ್ಯಾಂ, ಸಃ, ಆಯುಃ, ಆ, ಅಗಾತ್, ಸುರಭಿಃ, ವಸಾನಃ, ಭದ್ರಾಂ, ಅಕಃ, ದೇವಹೂತಿಂ, ನಃ, ಅದ್ಯ //
ಅಕ್ರ॑ನ್ದದ॒ಗ್ನಿಃ ಸ್ತ॒ನಯ॑ನ್ನಿವ॒ ದ್ಯೌಃ ಕ್ಷಾಮಾ॒ ರೇರಿ॑ಹದ್ವೀ॒ರುಧ॑: ಸಮ॒ಞ್ಜನ್ನ್ ।
ಸ॒ದ್ಯೋ ಜ॑ಜ್ಞಾ॒ನೋ ವಿಹೀಮಿ॒ದ್ಧೋ ಅಖ್ಯ॒ದಾ ರೋದ॑ಸೀ ಭಾ॒ನುನಾ॑ ಭಾತ್ಯ॒ನ್ತಃ ॥ ೫
// ಅಕ್ರನ್ದತ್, ಅಗ್ನಿಃ, ಸ್ತನಯನ್, ಇವ, ದ್ಯೌಃ, ಕ್ಷಾಮಾ, ರೇರಿಹತ್, ವೀರುಧಃ, ಸಂ-ಅಞ್ಜನ್, ಸದ್ಯಃ, ಜಜ್ಞಾನಃ, ವಿ-ಹಿ, ಈಂ, ಇದ್ಧಃ, ಅಖ್ಯತ್, ಆ, ರೋದಸೀ, ಭಾನುನಾ, ಭಾತಿ, ಅನ್ತಃ //
ತ್ವೇ ವಸೂ॑ನಿ ಪುರ್ವಣೀಕ ಹೋತರ್ದೋ॒ಷಾ ವಸ್ತೋ॒ರೇರಿ॑ರೇ ಯ॒ಜ್ಞಿಯಾ॑ಸಃ ।
ಕ್ಷಾಮೇ॑ವ॒ ವಿಶ್ವಾ॒ ಭುವ॑ನಾನಿ॒ ಯಸ್ಮಿ॒ನ್ತ್ಸಗ್ಂ ಸೌಭ॑ಗಾನಿ ದಧಿ॒ರೇ ಪಾ॑ವ॒ಕೇ ॥ ೬
// ತ್ವೇ, ವಸೂನಿ, ಪುರು-ಅನೀಕ, ಹೋತಃ, ದೋಷಾ, ವಸ್ತೋಃ, ಅ, ಈರಿರೇ, ಯಜ್ಞಿಯಾಸಃ, ಕ್ಷಾಮ, ಇವ, ವಿಶ್ವಾ, ಭುವನಾನಿ, ಯಸ್ಮಿನ್, ಸಂ, ಸೌಭಗಾನಿ, ದಧಿರೇ, ಪಾವಕೇ //
ತುಭ್ಯಂ॒ ತಾ ಅ॑ಙ್ಗಿರಸ್ತಮ॒ ವಿಶ್ವಾ᳚: ಸುಕ್ಷಿ॒ತಯ॒: ಪೃಥ॑ಕ್ ।
ಅಗ್ನೇ॒ ಕಾಮಾ॑ಯ ಯೇಮಿರೇ ॥ ೭
// ತುಭ್ಯಂ, ತಾಃ, ಅಙ್ಗಿರಃ-ತಮ, ವಿಶ್ವಾಃ, ಸು-ಕ್ಷಿತಯಃ, ಪೃಥಕ್, ಅಗ್ನೇ, ಕಾಮಾಯ, ಯೇಮಿರೇ //
ಅ॒ಶ್ಯಾಮ॒ ತಂ ಕಾಮ॑ಮಗ್ನೇ॒ ತವೋ॒ತ್ಯ॑ಶ್ಯಾಮ॑ರ॒ಯಿಗ್ಂ ರ॑ಯಿವಃ ಸು॒ವೀರ᳚ಮ್ ।
ಅ॒ಶ್ಯಾಮ॒ ವಾಜ॑ಮ॒ಭಿ ವಾ॒ಜಯ॑ನ್ತೋ॒ಽಶ್ಯಾಮದ್ಯು॒ಮ್ನಮಜ॑ರಾ॒ಜರಂ॑ ತೇ ॥ ೮
// ಅಶ್ಯಾಮ, ತಂ, ಕಾಮಂ, ಅಗ್ನೇ, ತವ, ಊತೀ, ಅಶ್ಯಾಮ, ರಯಿಂ, ರಯಿ-ವಃ, ಸು-ವೀರಂ, ಅಶ್ಯಾಮ, ವಾಜಂ, ಅಭಿ, ವಾಜಯನ್ತಃ, ಅಶ್ಯಾಮ, ದ್ಯುಮ್ನಂ, ಅಜರ, ಅಜರಂ, ತೇ //
ಶ್ರೇಷ್ಠಂ॑ ಯವಿಷ್ಠ ಭಾರ॒ತಾಗ್ನೇ᳚ ದ್ಯು॒ಮನ್ತ॒ಮಾ ಭ॑ರ ।
ವಸೋ॑ ಪುರು॒ಸ್ಪೃಹಗ್ಂ॑ ರ॒ಯಿಮ್ ॥ ೯
// ಶ್ರೇಷ್ಠಂ, ಯವಿಷ್ಠ, ಭಾರತ, ಅಗ್ನೇ, ದ್ಯು-ಮನ್ತಂ, ಆ, ಭರ, ವಸಃ, ಪುರು-ಸ್ಪೃಹಂ, ರಯಿಂ, //
ಸ ಶ್ವಿ॑ತಾ॒ನಸ್ತ॑ನ್ಯ॒ತೂ ರೋ॑ಚನ॒ಸ್ಥಾ ಅ॒ಜೇರ॑ಭಿ॒ರ್ನಾನ॑ದದ್ಭಿ॒ರ್ಯವಿ॑ಷ್ಠಃ ।
ಯಃ ಪಾ॑ವ॒ಕಃ ಪು॑ರು॒ತಮ॑: ಪು॒ರೂಣಿ॑ ಪೃ॒ಥೂನ್ಯ॒ಗ್ನಿರ॑ನು॒ಯಾತಿ॒ ಭರ್ವ॑ನ್ ॥ ೧೦
// ಸಃ, ಶ್ವಿತಾನಃ, ತನ್ಯತುಃ, ರೋಚನ-ಸ್ಥಾಃ, ಅಜರೇಭಿಃ, ನಾನದತ್-ಭಿಃ, ಯವಿಷ್ಠಃ, ಯಃ, ಪಾವಕಃ, ಪುರು-ತಮಃ, ಪುರೂಣಿ, ಪೃಥೂನಿ, ಅಗ್ನಿಃ, ಅನು-ಯಾತಿ, ಭರ್ವನ್ //
ಆಯು॑ಷ್ಟೇ ವಿ॒ಶ್ವತೋ ದಧದ॒ಯಮ॒ಗ್ನಿರ್ವರೇ᳚ಣ್ಯಃ ।
ಪುನ॑ಸ್ತೇ ಪ್ರಾ॒ಣ ಆಯ॑ತಿ॒ ಪರಾ॒ ಯಕ್ಷ್ಮ॑ಗ್ಂ ಸುವಾಮಿ ತೇ ॥ ೧೧
// ಆಯುಃ, ತೇ, ವಿಶ್ವತಃ, ದಧತ್, ಅಯಂ, ಅಗ್ನಿಃ, ವರೇಣ್ಯಃ, ಪುನಃ, ತೇ, ಪ್ರ-ಅನಃ, ಅ, ಅಯತಿ, ಪರ, ಯಕ್ಷ್ಮಂ, ಸುವಾಮಿ, ತೇ //
ಆ॒ಯು॒ರ್ದಾ ಅ॑ಗ್ನೇ ಹ॒ವಿಷೋ॑ ಜುಷಾ॒ಣೋ ಘೃ॒ತಪ್ರ॑ತೀಕೋ ಘೃ॒ತಯೋ॑ನಿರೇಧಿ ।
ಘೃ॒ತಂ ಪೀ॒ತ್ವಾ ಮಧು॒ ಚಾರು॒ ಗವ್ಯಂ॑ ಪಿ॒ತೇವ॑ ಪು॒ತ್ರಮ॒ಭಿ ರ॒ಕ್ಷ॒ತಾ॒ದಿ॒ಮಮ್ ॥ ೧೨
// ಆಯುಃ-ದಾಃ, ಅಗ್ನೇ, ಹವಿಷಃ, ಜುಷಾಣಃ, ಘೃತ-ಪ್ರತೀಕಃ, ಘೃತ-ಯೋನಿಃ, ಏಧಿ, ಘೃತಂ, ಪೀತ್ವಾ, ಮಧು, ಚಾರು, ಗವ್ಯಂ, ಪಿತಾ, ಇವ, ಪುತ್ರಂ, ಅಭಿ, ರಕ್ಷತಾತ್, ಇಮಂ //
ತಸ್ಮೈ॑ ತೇ ಪ್ರತಿ॒ಹರ್ಯ॑ತೇ॒ ಜಾತ॑ವೇದೋ॒ ವಿಚ॑ರ್ಷಣೇ ।
ಅಗ್ನೇ॒ ಜನಾ॑ಮಿ ಸುಷ್ಟು॒ತಿಮ್ ॥ ೧೩
// ತಸ್ಮೈ, ತೇ, ಪ್ರತಿ-ಹರ್ಯತೇ, ಜಾತ-ವೇದಃ, ವಿ-ಚರ್ಷಣೇ, ಅಗ್ನೇ, ಜನಾಮಿ, ಸು-ಸ್ತುತಿಂ //
ದಿ॒ವಸ್ಪರಿ॑ ಪ್ರಥಮಂ॒ ಜ॑ಜ್ಞೇ ಅ॒ಗ್ನಿರ॒ಸ್ಮದ್ದ್ವಿ॒ತೀಯಂ॒ ಪರಿ॑ ಜಾ॒ತವೇ॑ದಾಃ ।
ತೃ॒ತೀಯ॑ಮ॒ಪ್ಸು ನೃ॒ಮಣಾ॒ ಅಜ॑ಸ್ರ॒ಮಿನ್ಧಾ॑ನ ಏನಂ ಜರತೇ ಸ್ವಾ॒ಧೀಃ ॥ ೧೪
// ದಿವಃ, ಪರಿ, ಪ್ರಥಮಂ, ಜಜ್ಞೇ, ಅಗ್ನಿಃ, ಅಸ್ಮತ್, ದ್ವಿತೀಯಂ, ಪರಿ, ಜಾತವೇದಾಃ, ತೃತೀಯಂ, ಅಪ್ಸು, ನೃಮಣಾ, ಅಜಸ್ರಂ, ಇನ್ಧಾನ, ಏನಂ, ಜರತೇ, ಸ್ವ, ಅಧೀಃ //
ಶುಚಿ॑: ಪಾವಕ॒ ವನ್ದ್ಯೋಽಗ್ನೇ॑ ಬೃ॒ಹದ್ವಿರೋ॑ಚಸೇ ।
ತ್ವಂ ಘೃ॒ತೇಭಿ॒ರಾಹು॑ತಃ ॥ ೧೫
// ಶುಚಿಃ, ಪಾವಕ, ವನ್ದ್ಯಃ, ಅಗ್ನೇ, ಬೃಹತ್, ವಿ-ರೋಚಸೇ, ತ್ವಂ, ಘೃತೇಭಿಃ, ಆಹುತಃ //
ದೃ॒ಶಾ॒ನೋ ರು॒ಕ್ಮ ಉ॒ರ್ವ್ಯಾ ವ್ಯ॑ದ್ಯೌದ್ದುರ್ಮರ್ಷ॒ಮಾಯುಃ ಶ್ರಿ॒ಯೇ ರು॑ಚಾ॒ನಃ ।
ಅ॒ಗ್ನಿರ॒ಮೃತೋ॑ ಅಭವ॒ದ್ವಯೋ॑ಭಿರ್ಯದೇ॑ನಂ॒ ದ್ಯೌರಜ॑ನಯತ್ಸು॒ರೇತಾ᳚: ॥ ೧೬
// ದೃಶಾನಃ, ರುಕ್ಮ, ಉರ್ವ್ಯಾ, ವ್ಯದ್ಯೌತ್, ದುರ್ಮರ್ಷಂ, ಆಯುಃ, ಶ್ರಿಯೇ, ರುಚಾನಃ, ಅಗ್ನಿಃ, ಅಮೃತಃ, ಅಭವತ್, ವಯೋಭಿಃ, ಯತ್, ಏನಂ, ದ್ಯೌಃ, ಅಜನಯತ್, ಸುರ-ಏತಾಃ //
ಆ ಯದಿ॒ಷೇ ನೃ॒ಪತಿಂ॒ ತೇಜ॒ ಆನ॒ಟ್ ಶುಚಿ॒ರೇತೋ॒ ನಿಷಿ॑ಕ್ತಂ॒ ದ್ಯೌರ॒ಭೀಕೇ᳚ ।
ಅ॒ಗ್ನಿಃ ಶರ್ಧ॑ಮನವ॒ದ್ಯಂ ಯುವಾ॑ನಗ್ಗ್ ಸ್ವಾ॒ಧಿಯಂ॑ ಜನಯತ್ ಸೂ॒ದಯ॑ಚ್ಚ ॥ ೧೭
// ಆ, ಯತ್, ಇಷೇ, ನೃಪತಿಂ, ತೇಜಃ, ಆನಟ್, ಶುಚಿಃ, ಏತಃ, ನಿಷಿಕ್ತಂ, ದ್ಯೌಃ, ಅಭೀಕೇ, ಅಗ್ನಿಃ, ಶರ್ಧಂ, ಅನವದ್ಯಂ, ಯುವಾನಂ, ಸು-ಆಧಿಯಂ, ಜನಯತ್, ಸೂದಯತ್, ಚ //
ಸ ತೇಜೀ॑ಯಸಾ॒ ಮನ॑ಸಾ॒ ತ್ವೋತ॑ ಉ॒ತ ಶಿ॑ಕ್ಷ ಸ್ವಪ॒ತ್ಯಸ್ಯ॑ ಶಿ॒ಕ್ಷೋಃ ।
ಅಗ್ನೇ॑ರಾ॒ಯೋ ನೃತ॑ಮಸ್ಯ॒ ಪ್ರಭೂ॑ತೌ ಭೂ॒ಯಾಮ॑ ತೇ ಸುಷ್ಟು॒ತಯ॑ಶ್ಚ॒ ವಸ್ವ॑: ॥ ೧೮
// ಸ, ತೇಜೀಯಸಾ, ಮನಸಾ, ತು, ಓತ, ಉತ, ಶಿಕ್ಷ, ಸ್ವ-ಪತ್ಯಸ್ಯ, ಶಿಕ್ಷೋಃ, ಅಗ್ನೇ, ರಾಯಃ, ನೃತಂ, ಅಸ್ಯ, ಪ್ರಭೂತೌ, ಭೂಯಾಮ, ತೇ, ಸು-ಸ್ತುತಯಃ, ಚ, ವಸ್ವಃ //
ಅಗ್ನೇ॒ ಸಹ॑ನ್ತ॒ಮಾ ಭ॑ರ ದ್ಯು॒ಮ್ನಸ್ಯ॑ ಪ್ರಾ॒ಸಹಾ॑ ರ॒ಯಿಮ್ ।
ವಿಶ್ವಾ॒ ಯಶ್ಚ॒ರ್ಷ॒ಣೀರ॒ಭ್ಯಾ॑ಸಾ ವಾಜೇ॑ಷು ಸಾ॒ಸಹ॑ತ್ ॥ ೧೯
// ಅಗ್ನೇ, ಸಹನ್ತಂ, ಆ, ಭರ, ದ್ಯುಮ್ನಸ್ಯ, ಪ್ರಾಸಹಾ, ರಯಿಂ, ವಿಶ್ವಾ, ಯಃ, ಚರ್ಷಣೀಃ, ಅಭಿ-ಆಸಾ, ವಾಜೇಷು, ಸಾಸಹತ್ //
ತ್ವಮ॑ಗ್ನೇ ಪೃತನಾ॒ಸಹಗ್ಂ॑ ರ॒ಯಿಗ್ಂ ಸ॑ಹಸ್ವ॒ ಆ ಭ॑ರ ।
ತ್ವಗ್ಂ ಹಿ ಸ॒ತ್ಯೋ ಅದ್ಭು॑ತೋ ದಾ॒ತಾ ವಾಜ॑ಸ್ಯ॒ ಗೋಮ॑ತಃ ॥ ೨೦
// ತ್ವಂ, ಅಗ್ನೇ, ಪೃತನಾಸಹಂ, ರಯಿಂ, ಸಹಸ್ವ, ಆ, ಭರ, ತ್ವಂ, ಹಿ, ಸತ್ಯಃ, ಅದ್ಭುತಃ, ದಾತಾ, ವಾಜಸ್ಯ, ಗೋಮತಃ //
ಉ॒ಕ್ಷಾನ್ನಾ॑ಯ ವ॒ಶಾನ್ನಾ॑ಯ॒ ಸೋಮ॑ಪೃಷ್ಠಾಯ ವೇ॒ಧಸೇ᳚ ।
ಸ್ತೋಮೈ᳚ರ್ವಿಧೇಮಾ॒ಗ್ನಯೇ᳚ ॥ ೨೧
// ಉಕ್ಷಾನ್ನಾಯ, ವಶಾನ್ನಾಯ, ಸೋಮಪೃಷ್ಠಾಯ, ವೇಧಸೇ, ಸ್ತೋಮೈಃ, ವಿಧೇಮ, ಅಗ್ನಯೇ //
ವ॒ದ್ಮಾಹಿ ಸೂ॑ನೋ॒ ಅಸ್ಯ॑ದ್ಮ॒ಸದ್ವಾ॑ ಚ॒ಕ್ರೇ ಅ॒ಗ್ನಿರ್ಜ॒ನುಷಾಽಜ್ಮಾನ್ನ᳚ಮ್ ।
ಸ ತ್ವಂ ನ॑ ಊರ್ಜಸನ॒ ಊರ್ಜಂ॑ ಧಾ॒ರಾಜೇ॑ವಜೇರವೃ॒ಕೇ ಕ್ಷೇ᳚ಷ್ಯ॒ನ್ತಃ ॥ ೨೨
// ವದ್ಮಾ, ಹಿ, ಸೂನಃ, ಅಸಿ, ಅದ್ಮಸತ್, ವಾ, ಚಕ್ರೇ, ಅಗ್ನಿಃ, ಜನುಷ, ಅಜ್ಮ, ಅನ್ನಂ, ಸ, ತ್ವಂ, ನ, ಊರ್ಜಸನ, ಊರ್ಜಂ, ಧಾರಾಜ, ಇವ, ಜೇರವೃಕೇ, ಕ್ಷೇಷ್ಯನ್ತಃ //
ಅಗ್ನ॒ ಆಯೂಗ್ಂ॑ಷಿ ಪವಸ॒ ಆ ಸು॒ವೋರ್ಜ॒ಮಿಷಂ॑ ಚ ನಃ ।
ಆ॒ರೇ ಬಾ॑ಧಸ್ವ ದು॒ಚ್ಛುನಾ᳚ಮ್ ॥ ೨೩
// ಅಗ್ನ, ಆಯೂಂಷಿ, ಪವಸ, ಆ, ಸುವಃ, ಊರ್ಜಂ, ಇಷಂ, ಚ, ನಃ, ಆರೇ, ಬಾಧಸ್ವ, ದುಚ್ಛುನಾಂ //
ಅಗ್ನೇ॒ ಪವ॑ಸ್ವ॒ ಸ್ವಪಾ॑ ಅ॒ಸ್ಮೇ ವರ್ಚ॑: ಸು॒ವಿರ್ಯ᳚ಮ್ ।
ದಧ॒ತ್ಪೋಷಗ್ಂ॑ ರ॒ಯಿಂ ಮಯಿ॑ ॥ ೨೪
// ಅಗ್ನೇ, ಪವಸ್ವ, ಸ್ವಪಾ, ಅಸ್ಮೇ, ವರ್ಚಃ, ಸು-ವೀರ್ಯಂ, ದಧತ್, ಪೋಷಂ, ರಯಿಂ, ಮಯಿ //
ಅಗ್ನೇ॑ ಪಾವಕ ರೋ॒ಚಿಷಾ॑ ಮ॒ನ್ದ್ರಯಾ॑ ದೇವ ಜಿ॒ಹ್ವಯಾ᳚ ।
ಆ ದೇ॒ವಾನ್ ವ॑ಕ್ಷಿ॒ ಯಕ್ಷಿ॑ ಚ ॥ ೨೫
// ಅಗ್ನೇ, ಪಾವಕ, ರೋಚಿಷಾ, ಮನ್ದ್ರಯಾ, ದೇವ, ಜಿಹ್ವಯಾ, ಆ, ದೇವಾನ್, ವಕ್ಷಿ, ಯಕ್ಷಿ, ಚ //
ಸ ನ॑: ಪಾವಕ ದೀದಿ॒ವೋಽಗ್ನೇ॑ ದೇ॒ವಾಗ್ಂ ಇ॒ಹಾಽಽವ॑ಹ ।
ಉಪ॑ ಯ॒ಜ್ಞಗ್ಂ ಹ॒ವಿಶ್ಚ॑ ನಃ ॥ ೨೬
// ಸ, ನಃ, ಪಾವಕ, ದೀದಿವಃ, ಅಗ್ನೇ, ದೇವಾಂ, ಇಹ, ಆ-ವಹ, ಉಪ, ಯಜ್ಞಂ, ಹವಿಃ, ಚ, ನಃ //
ಅ॒ಗ್ನಿಃ ಶುಚಿ॑ವ್ರತತಮ॒: ಶುಚಿ॒ರ್ವಿಪ್ರ॒: ಶುಚಿ॑: ಕ॒ವಿಃ ।
ಶುಚೀ॑ರೋಚತ॒ ಆಹು॑ತಃ ॥ ೨೭
// ಅಗ್ನಿಃ, ಶುಚಿವ್ರತತಮಃ, ಶುಚಿಃ, ವಿಪ್ರಃ, ಶುಚಿಃ, ಕವಿಃ, ಶುಚಿಃ, ರೋಚತ, ಆಹುತಃ //
ಉದ॑ಗ್ನೇ॒ ಶುಚ॑ಯ॒ಸ್ತವ॑ ಶು॒ಕ್ರಾ ಭ್ರಾಜ॑ನ್ತ ಈರತೇ ।
ತವ॒ ಜ್ಯೋತೀಗ್ಂ॑ಷ್ಯ॒ರ್ಚಯಃ ॥ ೨೮
// ಉತ್, ಅಗ್ನೇ, ಶುಚಯಃ, ತವ, ಶುಕ್ರಾ, ಭ್ರಾಜನ್ತ, ಈರತೇ, ತವ, ಜ್ಯೋತೀಂಷಿ, ಅರ್ಚಯಃ //
—
(ತೈ.ಬ್ರಾ.೩-೧೧-೨-೧)
ತ್ವಮ॑ಗ್ನೇ ರು॒ದ್ರೋ ಅಸು॑ರೋ ಮ॒ಹೋ ದಿ॒ವಃ । ತ್ವಗ್ಂ ಶರ್ಧೋ॒ ಮಾರು॑ತಂ ಪೃ॒ಕ್ಷ ಈ॑ಶಿಷೇ । ತ್ವಂ ವಾತೈ॑ರರು॒ಣೈರ್ಯಾ॑ಸಿ ಶಙ್ಗ॒ಯಃ । ತ್ವಂ ಪೂ॒ಷಾ ವಿ॑ಧ॒ತಃ ಪಾ॑ಸಿ॒ ನು ತ್ಮನಾ॑ ।
// ತ್ವಂ, ಅಗ್ನೇ, ರುದ್ರಃ, ಅಸುರಃ, ಮಹಃ, ದಿವಃ, ತ್ವಂ, ಶರ್ಧಃ, ಮಾರುತಂ, ಪೃಕ್ಷಃ, ಈಶಿಷೇ, ತ್ವಂ, ವಾತೈಃ, ಅರುಣೈಃ, ಯಾಸಿ, ಶಂ-ಗಾಯಃ, ತ್ವಂ, ಪೂಷಾ, ವಿ-ಧತಃ, ಪಾಸಿ, ನು, ತ್ಮನಾ //
ದೇವಾ॑ ದೇ॒ವೇಷು॑ ಶ್ರಯಧ್ವಮ್ ।
ಪ್ರಥ॑ಮಾ ದ್ವಿ॒ತೀಯೇ॑ಷು ಶ್ರಯಧ್ವಮ್ ।
ದ್ವಿತೀ॑ಯಾಸ್ತೃ॒ತೀಯೇ॑ಷು ಶ್ರಯಧ್ವಮ್ ।
ತೃತೀ॑ಯಾಶ್ಚತು॒ರ್ಥೇಷು॑ ಶ್ರಯಧ್ವಮ್ ।
ಚ॒ತು॒ರ್ಥಾಃ ಪ॑ಞ್ಚ॒ಮೇಷು॑ ಶ್ರಯಧ್ವಮ್ ।
ಪ॒ಞ್ಚ॒ಮಾಃ ಷ॒ಷ್ಠೇಷು॑ ಶ್ರಯಧ್ವಮ್ ॥ ೧
// ದೇವಾಃ, ದೇವೇಷು, ಶ್ರಯಧ್ವಂ / ಪ್ರಥಮಾಃ ದ್ವಿತೀಯೇಷು / ದ್ವಿತೀಯಾಃ ತೃತೀಯೇಷು / ತೃತೀಯಾಃ ಚತುರ್ಥೇಷು / ಚತುರ್ಥಾಃ ಪಞ್ಚಮೇಷು / ಪಞ್ಚಮಾಃ ಷಷ್ಠೇಷು //
ಷ॒ಷ್ಠಾಃ ಸ॑ಪ್ತ॒ಮೇಷು॑ ಶ್ರಯಧ್ವಮ್ ।
ಸ॒ಪ್ತ॒ಮಾ ಅ॑ಷ್ಟ॒ಮೇಷು॑ ಶ್ರಯಧ್ವಮ್ ।
ಅ॒ಷ್ಟ॒ಮಾ ನ॑ವ॒ಮೇಷು॑ ಶ್ರಯಧ್ವಮ್ ।
ನ॒ವ॒ಮಾ ದ॑ಶ॒ಮೇಷು॑ ಶ್ರಯಧ್ವಮ್ ।
ದ॒ಶ॒ಮಾ ಏ॑ಕಾದ॒ಶೇಷು॑ ಶ್ರಯಧ್ವಮ್ ।
ಏ॒ಕಾ॒ದ॒ಶಾ ದ್ವಾ॑ದ॒ಶೇಷು॑ ಶ್ರಯಧ್ವಮ್ ।
ದ್ವಾ॒ದ॒ಶಾಸ್ತ್ರ॑ಯೋದ॒ಶೇಷು॑ ಶ್ರಯಧ್ವಮ್ ।
ತ್ರ॒ಯೋ॒ದ॒ಶಾಶ್ಚ॑ತುರ್ದ॒ಶೇಷು॑ ಶ್ರಯಧ್ವಮ್ ।
ಚ॒ತು॒ರ್ದ॒ಶಾಃ ಪ॑ಞ್ಚದ॒ಶೇಷು॑ ಶ್ರಯಧ್ವಮ್ ।
ಪ॒ಞ್ಚ॒ದ॒ಶಾಃ ಷೋ॑ಡ॒ಶೇಷು॑ ಶ್ರಯಧ್ವಮ್ ॥ ೨
// ಷಷ್ಠಾಃ ಸಪ್ತಮೇಷು / ಸಪ್ತಮಾಃ ಅಷ್ಟಮೇಷು / ಅಷ್ಟಮಾಃ ನವಮೇಷು / ನವಮಾಃ ದಶಮೇಷು / ದಶಮಾಃ ಏಕಾದಶೇಷು / ಏಕಾದಶಾಃ ದ್ವಾದಶೇಷು / ದ್ವಾದಶಾಃ ತ್ರಯೋದಶೇಷು / ತ್ರಯೋದಶಾಃ ಚತುರ್ದಶೇಷು / ಚತುರ್ದಶಾಃ ಪಞ್ಚದಶೇಷು / ಪಞ್ಚದಶಾಃ ಷೋಡಶೇಷು //
ಷೋ॒ಡ॒ಶಾಃ ಸ॑ಪ್ತದ॒ಶೇಷು॑ ಶ್ರಯಧ್ವಮ್ ।
ಸ॒ಪ್ತ॒ದ॒ಶಾ ಅ॑ಷ್ಟಾದ॒ಶೇಷು॑ ಶ್ರಯಧ್ವಮ್ ।
ಅ॒ಷ್ಟಾ॒ದ॒ಶಾ ಏ॑ಕಾನ್ನವಿ॒ಗ್ಂ॒ಶೇಷು॑ ಶ್ರಯಧ್ವಮ್ ।
ಏ॒ಕಾ॒ನ್ನ॒ವಿ॒ಗ್ಂ॒ಶಾ ವಿ॒ಗ್ಂ॒ಶೇಷು॑ ಶ್ರಯಧ್ವಮ್ ।
ವಿ॒ಗ್ಂ॒ಶಾ ಏ॑ಕವಿ॒ಗ್ಂ॒ಶೇಷು॑ ಶ್ರಯಧ್ವಮ್ ।
ಏ॒ಕ॒ವಿ॒ಗ್ಂ॒ಶಾ ದ್ವಾ॑ವಿ॒ಗ್ಂ॒ಶೇಷು॑ ಶ್ರಯಧ್ವಮ್ ।
ದ್ವಾ॒ವಿ॒ಗ್ಂ॒ಶಾಸ್ತ್ರ॑ಯೋವಿ॒ಗ್ಂ॒ಶೇಷು ಶ್ರಯಧ್ವಮ್ ।
ತ್ರ॒ಯೋ॒ವಿ॒ಗ್ಂ॒ಶಾಶ್ಚ॑ತುರ್ವಿ॒ಗ್ಂ॒ಶೇಷು॑ ಶ್ರಯಧ್ವಮ್ ।
ಚ॒ತು॒ರ್ವಿ॒ಗ್ಂ॒ಶಾಃ ಪ॑ಞ್ಚವಿ॒ಗ್ಂ॒ಶೇಷು॑ ಶ್ರಯಧ್ವಮ್ ।
ಪ॒ಞ್ಚ॒ವಿ॒ಗ್ಂ॒ಶಾಃ ಷ॑ಡ್ವಿ॒ಗ್ಂ॒ಶೇಷು॑ ಶ್ರಯಧ್ವಮ್ ॥ ೩
// ಷೋಡಶಾಃ ಸಪ್ತದಶೇಷು / ಸಪ್ತದಶಾಃ ಅಷ್ಟಾದಶೇಷು / ಅಷ್ಟಾದಶಾಃ ಏಕಾನ್ನವಿಂಶೇಷು / ಏಕಾನ್ನವಿಂಶಾಃ ವಿಂಶೇಷು / ವಿಂಶಾಃ ಏಕವಿಂಶೇಷು / ಏಕವಿಂಶಾಃ ದ್ವಾವಿಂಶೇಷು / ದ್ವಾವಿಂಶಾಃ ತ್ರಯೋವಿಂಶೇಷು / ತ್ರಯೋವಿಂಶಾಃ ಚತುರ್ವಿಂಶೇಷು / ಚತುರ್ವಿಂಶಾಃ ಪಞ್ಚವಿಂಶೇಷು / ಪಞ್ಚವಿಂಶಾಃ ಷಡ್ವಿಂಶೇಷು //
ಷ॒ಡ್ವಿ॒ಗ್ಂ॒ಶಾಃ ಸ॑ಪ್ತವಿ॒ಗ್ಂ॒ಶೇಷು॑ ಶ್ರಯಧ್ವಮ್ ।
ಸ॒ಪ್ತ॒ವಿ॒ಗ್ಂ॒ಶಾ ಅ॑ಷ್ಟಾವಿ॒ಗ್ಂ॒ಶೇಷು॑ ಶ್ರಯಧ್ವಮ್ ।
ಅ॒ಷ್ಟಾ॒ವಿ॒ಗ್ಂ॒ಶಾ ಏ॑ಕಾನ್ನತ್ರಿ॒ಗ್ಂ॒ಶೇಷು॑ ಶ್ರಯಧ್ವಮ್ ।
ಏ॒ಕಾ॒ನ್ನ॒ತ್ರಿ॒ಗ್ಂ॒ಶಾಸ್ತ್ರಿ॒ಗ್ಂ॒ಶೇಷು॑ ಶ್ರಯಧ್ವಮ್ ।
ತ್ರಿ॒ಗ್ಂ॒ಶಾ ಏ॑ಕತ್ರಿ॒ಗ್ಂ॒ಶೇಷು॑ ಶ್ರಯಧ್ವಮ್ ।
ಏ॒ಕ॒ತ್ರಿ॒ಗ್ಂ॒ಶಾ ದ್ವಾ᳚ತ್ರಿ॒ಗ್ಂ॒ಶೇಷು॑ ಶ್ರಯಧ್ವಮ್ ।
ದ್ವಾ॒ತ್ರಿ॒ಗ್ಂ॒ಶಾಸ್ತ್ರ॑ಯಸ್ತ್ರಿ॒ಗ್ಂ॒ಶೇಷು॑ ಶ್ರಯಧ್ವಮ್ ।
ದೇವಾ᳚ಸ್ತ್ರಿರೇಕಾದಶಾ॒ಸ್ತ್ರಿಸ್ತ್ರ॑ಯಸ್ತ್ರಿ॒ಗ್ಂಶಾಃ ।
// ಷಡ್ವಿಂಶಾಃ ಸಪ್ತವಿಂಶೇಷು / ಸಪ್ತವಿಂಶಾಃ ಅಷ್ಟಾವಿಂಶೇಷು / ಅಷ್ಟಾವಿಂಶಾಃ ಏಕಾನ್ನತ್ರಿಂಶೇಷು / ಏಕಾನ್ನತ್ರಿಂಶಾಃ ತ್ರಿಂಶೇಷು / ತ್ರಿಂಶಾಃ ಏಕತ್ರಿಂಶೇಷು / ಏಕತ್ರಿಂಶಾಃ ದ್ವಾತ್ರಿಂಶೇಷು / ದ್ವಾತ್ರಿಂಶಾಃ ತ್ರಯಃ ತ್ರಿಂಶೇಷು / ದೇವಾಃ, ತ್ರಿಃ, ಏಕಾದಶಾಃ, ತ್ರಿಃ, ತ್ರಯಃ ತ್ರಿಂಶಾಃ //
ಉತ್ತ॑ರೇ ಭವತ । ಉತ್ತ॑ರವರ್ತ್ಮಾನ॒ ಉತ್ತ॑ರಸತ್ವಾನಃ । ಯತ್ಕಾ॑ಮ ಇ॒ದಂ ಜು॒ಹೋಮಿ॑ । ತನ್ಮೇ॒ ಸಮೃ॑ದ್ಧ್ಯತಾಮ್ । ವ॒ಯಗ್ಗ್.ಸ್ಯಾ॑ಮ॒ ಪತ॑ಯೋ ರಯೀ॒ಣಾಮ್ । ಭೂರ್ಭುವ॒: ಸ್ವ॑: ಸ್ವಾಹಾ᳚ ॥ ೪
// ಉತ್ತರೇ, ಭವತ, ಉತ್ತರವರ್ತ್ಮಾನ, ಉತ್ತರಸತ್ವಾನಃ, ಯತ್, ಕಾಮ, ಇದಂ, ಜುಹೋಮಿ, ತತ್, ಮೇ, ಸಂ-ಋದ್ಧ್ಯತಾಂ, ವಯಂ, ಸ್ಯಾಮ ಪತಯಃ, ರಯೀಣಾಂ, ಭೂಃ, ಭುವಃ, ಸ್ವಃ, ಸ್ವಾಹಾ //
ಓಂ ನಮೋ ಭಗವತೇ॑ ರುದ್ರಾ॒ಯ । ತ್ವಮಗ್ನೇ ತ್ವಮಗ್ನೇ ಶತರುದ್ರೀಯಮಿತ್ಯಸ್ತ್ರಾಯ ಫಟ್ ॥
(* ಭೂರ್ಭುವಸ್ಸುವರೋಮಿತಿ ದಿಗ್ಬನ್ಧಃ ॥ *)
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
