Read in తెలుగు / ಕನ್ನಡ / தமிழ் / देवनागरी / English (IAST)
ದೇವಾ ಊಚುಃ |
ಜಗದ್ಯೋನಿರಯೋನಿಸ್ತ್ವಮನಂತೋಽವ್ಯಯ ಏವ ಚ |
ಜ್ಯೋತಿಃ ಸ್ವರೂಪೋ ಹ್ಯನಘಃ ಸಗುಣೋ ನಿರ್ಗುಣೋ ಮಹಾನ್ || ೧ ||
ಭಕ್ತಾನುರೋಧಾತ್ ಸಾಕಾರೋ ನಿರಾಕಾರೋ ನಿರಂಕುಶಃ |
ನಿರ್ವ್ಯೂಹೋ ನಿಖಿಲಾಧಾರೋ ನಿಃಶಂಕೋ ನಿರುಪದ್ರವಃ || ೨ ||
ನಿರುಪಾಧಿಶ್ಚ ನಿರ್ಲಿಪ್ತೋ ನಿರೀಹೋ ನಿಧನಾಂತಕಃ |
ಸ್ವಾತ್ಮಾರಾಮಃ ಪೂರ್ಣಕಾಮೋ ನಿಮಿಷೋ ನಿತ್ಯ ಏವ ಚ || ೩ ||
ಸ್ವೇಚ್ಛಾಮಯಃ ಸರ್ವಹೇತುಃ ಸರ್ವಃ ಸರ್ವಗುಣಾಶ್ರಯಃ |
ಸುಖದೋ ದುಃಖದೋ ದುರ್ಗೋ ದುರ್ಜನಾಂತಕ ಏವ ಚ || ೪ ||
ಸುಭಗೋ ದುರ್ಭಗೋ ವಾಗ್ಮೀ ದುರಾರಾಧ್ಯೋ ದುರತ್ಯಯಃ |
ವೇದಹೇತುಶ್ಚ ವೇದಶ್ಚ ವೇದಾಂಗೋ ವೇದವಿದ್ವಿಭುಃ || ೫ ||
ಇತ್ಯೇವಮುಕ್ತ್ವಾ ದೇವಾಶ್ಚ ಪ್ರಣೇಮುಶ್ಚ ಮುಹುರ್ಮುಹುಃ |
ಹರ್ಷಾಶ್ರುಲೋಚನಾಃ ಸರ್ವೇ ವವೃಷುಃ ಕುಸುಮಾನಿ ಚ || ೬ ||
ದ್ವಿಚತ್ವಾರಿಂಶನ್ನಾಮಾನಿ ಪ್ರಾತರುತ್ಥಾಯ ಯಃ ಪಠೇತ್ |
ದೃಢಾಂ ಭಕ್ತಿಂ ಹರೇರ್ದಾಸ್ಯಂ ಲಭತೇ ವಾಂಛಿತಂ ಫಲಮ್ || ೭ ||
ಇತ್ಯೇವಂ ಸ್ತವನಂ ಕೃತ್ವಾ ದೇವಾಸ್ತೇ ಸ್ವಾಲಯಂ ಯಯುಃ |
ಬಭೂವ ಜಲವೃಷ್ಟಿಶ್ಚ ನಿಶ್ಚೇಷ್ಟಾ ಮಥುರಾಪುರೀ || ೮ ||
ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಶ್ರೀಕೃಷ್ಣಜನ್ಮಖಂಡೇ ಸಪ್ತಮೋಽಧ್ಯಾಯೇ ದೇವಕೃತ ಗರ್ಭಸ್ತುತಿಃ |
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక: ఇటివలి ప్రచురణలు "శ్రీ కృష్ణ స్తోత్రనిధి" మరియు "శ్రీ ఆంజనేయ స్తోత్రనిధి"
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
