Read in తెలుగు / ಕನ್ನಡ / தமிழ் / देवनागरी / English (IAST)
ದೇವಾ ಊಚುಃ |
ನಮೋ ದೇವಾದಿದೇವಾಯ ತ್ರಿನೇತ್ರಾಯ ಮಹಾತ್ಮನೇ |
ರಕ್ತಪಿಂಗಳನೇತ್ರಾಯ ಜಟಾಮಕುಟಧಾರಿಣೇ || ೧ ||
ಭೂತವೇತಾಳಜುಷ್ಟಾಯ ಮಹಾಭೋಗೋಪವೀತಿನೇ |
ಭೀಮಾಟ್ಟಹಾಸವಕ್ತ್ರಾಯ ಕಪರ್ದಿ ಸ್ಥಾಣವೇ ನಮಃ || ೨ ||
ಪೂಷದಂತವಿನಾಶಾಯ ಭಗನೇತ್ರಹನೇ ನಮಃ |
ಭವಿಷ್ಯದ್ವೃಷಚಿಹ್ನಾಯ ಮಹಾಭೂತಪತೇ ನಮಃ || ೩ ||
ಭವಿಷ್ಯತ್ತ್ರಿಪುರಾಂತಾಯ ತಥಾಂಧಕವಿನಾಶಿನೇ |
ಕೈಲಾಸವರವಾಸಾಯ ಕರಿಕೃತ್ತಿನಿವಾಸಿನೇ || ೪ ||
ವಿಕರಾಳೋರ್ಧ್ವಕೇಶಾಯ ಭೈರವಾಯ ನಮೋ ನಮಃ |
ಅಗ್ನಿಜ್ವಾಲಾಕರಾಳಾಯ ಶಶಿಮೌಳಿಕೃತೇ ನಮಃ || ೫ ||
ಭವಿಷ್ಯತ್ ಕೃತಕಾಪಾಲಿವ್ರತಾಯ ಪರಮೇಷ್ಠಿನೇ |
ತಥಾ ದಾರುವನಧ್ವಂಸಕಾರಿಣೇ ತಿಗ್ಮಶೂಲಿನೇ || ೬ ||
ಕೃತಕಂಕಣಭೋಗೀಂದ್ರ ನೀಲಕಂಠ ತ್ರಿಶೂಲಿನೇ |
ಪ್ರಚಂಡದಂಡಹಸ್ತಾಯ ಬಡಬಾಗ್ನಿಮುಖಾಯ ಚ || ೭ ||
ವೇದಾಂತವೇದ್ಯಾಯ ನಮೋ ಯಜ್ಞಮೂರ್ತೇ ನಮೋ ನಮಃ |
ದಕ್ಷಯಜ್ಞವಿನಾಶಾಯ ಜಗದ್ಭಯಕರಾಯ ಚ || ೮ ||
ವಿಶ್ವೇಶ್ವರಾಯ ದೇವಾಯ ಶಿವ ಶಂಭೋ ಭವಾಯ ಚ |
ಕಪರ್ದಿನೇ ಕರಾಳಾಯ ಮಹಾದೇವಾಯ ತೇ ನಮಃ || ೯ ||
ಏವಂ ದೇವೈಃ ಸ್ತುತಃ ಶಂಭುರುಗ್ರಧನ್ವಾ ಸನಾತನಃ |
ಉವಾಚ ದೇವದೇವೋಯಂ ಯತ್ಕರೋಮಿ ತದುಚ್ಯತೇ || ೧೦ ||
ಇತಿ ಶ್ರೀವರಾಹಪುರಾಣೇ ದೇವಕೃತ ಶಿವಸ್ತೋತ್ರಮ್ |
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
