Read in తెలుగు / ಕನ್ನಡ / தமிழ் / देवनागरी / English (IAST)
ಓಂ ಬ್ರಹ್ಮ॑ಜಜ್ಞಾ॒ನಂ ಪ್ರ॑ಥ॒ಮಂ ಪು॒ರಸ್ತಾ᳚ತ್ ।
ವಿ ಸೀ॑ಮ॒ತಃ ಸು॒ರುಚೋ॑ ವೇ॒ನ ಆ॑ವಃ ।
ಸ ಬು॒ಧ್ನಿಯಾ॑ ಉಪ॒ಮಾ ಅ॑ಸ್ಯ ವಿ॒ಷ್ಠಾಃ ।
ಸ॒ತಶ್ಚ॒ ಯೋನಿ॒-ಮಸ॑ತಶ್ಚ॒ ವಿವ॑: ।
ಪಿ॒ತಾ ವಿ॒ರಾಜಾ॑ಮೃಷ॒ಭೋ ರ॑ಯೀ॒ಣಾಮ್ ।
ಅ॒ನ್ತರಿ॑ಕ್ಷಂ ವಿ॒ಶ್ವರೂ॑ಪ॒ ಆವಿ॑ವೇಶ ।
ತಮ॒ರ್ಕೈರ್-ಅ॒ಭ್ಯ॑ರ್ಚನ್ತಿ ವ॒ಥ್ಸಮ್ ।
ಬ್ರಹ್ಮ॒ ಸನ್ತಂ॒ ಬ್ರಹ್ಮ॑ಣಾ ವ॒ರ್ಧಯ॑ನ್ತಃ ॥
ಬ್ರಹ್ಮ॑ ದೇ॒ವಾನ॑ಜನಯತ್ ।
ಬ್ರಹ್ಮ॒ ವಿಶ್ವ॑ಮಿ॒ದಂ ಜಗ॑ತ್ ।
ಬ್ರಹ್ಮ॑ಣಃ ಕ್ಷ॒ತ್ರಂ ನಿರ್ಮಿ॑ತಮ್ ।
ಬ್ರಹ್ಮ॑ ಬ್ರಾಹ್ಮ॒ಣ ಆ॒ತ್ಮನಾ᳚ ॥
ಅ॒ನ್ತರ॑ಸ್ಮಿನ್ನಿ॒ಮೇ ಲೋ॒ಕಾಃ ।
ಅ॒ನ್ತರ್ವಿಶ್ವ॑ಮಿ॒ದಂ ಜಗ॑ತ್ ।
ಬ್ರಹ್ಮೈ॒ವ ಭೂ॒ತಾನಾಂ॒ ಜ್ಯೇಷ್ಠಮ್᳚ ।
ತೇನ॒ ಕೋ॑ಽರ್ಹತಿ॒ ಸ್ಪರ್ಧಿ॑ತುಮ್ ॥
ಬ್ರಹ್ಮ॑ನ್ ದೇ॒ವಾಸ್ತ್ರಯ॑ಸ್ತ್ರಿಗ್ಂಶತ್ ।
ಬ್ರಹ್ಮ॑ನ್ನಿನ್ದ್ರ ಪ್ರಜಾಪ॒ತಿ ।
ಬ್ರಹ್ಮ॑ನ್ ಹ॒ ವಿಶ್ವಾ॑ ಭೂ॒ತಾನಿ॑ ।
ನಾ॒ವೀವಾ॒ನ್ತಃ ಸ॒ಮಾಹಿ॑ತಾ ॥
ಚತ॑ಸ್ರ॒ ಆಶಾ॒: ಪ್ರಚ॑ರನ್-ತ್ವ॒ಗ್ನಯ॑: ।
ಇ॒ಮಂ ನೋ॑ ಯ॒ಜ್ಞಂ ನ॑ಯತು ಪ್ರಜಾ॒ನನ್ನ್ ।
ಘೃ॒ತಂ ಪಿನ್ವ॑ನ್ನ॒ಜರಗ್ಂ॑ ಸು॒ವೀರಮ್᳚ ।
ಬ್ರಹ್ಮ॑ ಸ॒ಮಿದ್-ಭ॑ವ॒ತ್ಯಾಹು॑ತೀನಾಮ್ ॥
ಇನ್ನಷ್ಟು ವೇದಸೂಕ್ತಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
