Read in తెలుగు / ಕನ್ನಡ / தமிழ் / देवनागरी / English (IAST)
ಪುನ್ನಾಗವಾರಿಜಾತ-
-ಪ್ರಭೃತಿಸುಮಸ್ರಗ್ವಿಭೂಷಿತಗ್ರೀವಃ |
ಪುರಗರ್ವಮರ್ದನಚಣಃ
ಪುರತೋ ಮಮ ಭವತು ದಕ್ಷಿಣಾಮೂರ್ತಿಃ || ೧ ||
ಪೂಜಿತಪದಾಂಬುಜಾತಃ
ಪುರುಷೋತ್ತಮದೇವರಾಜಪದ್ಮಭವೈಃ |
ಪೂಗಪ್ರದಃ ಕಲಾನಾಂ
ಪುರತೋ ಮಮ ಭವತು ದಕ್ಷಿಣಾಮೂರ್ತಿಃ || ೨ ||
ಹಾಲಾಹಲೋಜ್ಜ್ವಲಗಳಃ
ಶೈಲಾದಿಪ್ರವರಗಣೈರ್ವೀತಃ |
ಕಾಲಾಹಂಕೃತಿದಲನಃ
ಪುರತೋ ಮಮ ಭವತು ದಕ್ಷಿಣಾಮೂರ್ತಿಃ || ೩ ||
ಕೈಲಾಸಶೈಲನಿಲಯೋ
ಲೀಲಾಲೇಶೇನ ನಿರ್ಮಿತಾಜಾಂಡಃ |
ಬಾಲಾಬ್ಜಕೃತಾವತಂಸಃ
ಪುರತೋ ಮಮ ಭವತು ದಕ್ಷಿಣಾಮೂರ್ತಿಃ || ೪ ||
ಚೇಲಾಜಿತಕುಂದದುಗ್ಧೋ
ಲೋಲಃ ಶೈಲಾಧಿರಾಜತನಯಾಯಾಮ್ |
ಫಾಲವಿರಾಜದ್ವಹ್ನಿಃ
ಪುರತೋ ಮಮ ಭವತು ದಕ್ಷಿಣಾಮೂರ್ತಿಃ || ೫ ||
ನ್ಯಗ್ರೋಧಮೂಲವಾಸೀ
ನ್ಯಕ್ಕೃತಚಂದ್ರೋ ಮುಖಾಂಬುಜಾತೇನ |
ಪುಣ್ಯೈಕಲಭ್ಯಚರಣಃ
ಪುರತೋ ಮಮ ಭವತು ದಕ್ಷಿಣಾಮೂರ್ತಿಃ || ೬ ||
ಮಂದಾರ ಆನತತತೇ-
-ರ್ಬೃಂದಾರಕಬೃಂದವಂದಿತಪದಾಬ್ಜಃ |
ವಂದಾರುಪೂರ್ಣಕರುಣಃ
ಪುರತೋ ಮಮ ಭವತು ದಕ್ಷಿಣಾಮೂರ್ತಿಃ || ೭ ||
ಮುಕ್ತಾಮಾಲಾಭೂಷ-
-ಸ್ತ್ಯಕ್ತಾಶಪ್ರವರಯೋಗಿಭಿಃ ಸೇವ್ಯಃ |
ಭಕ್ತಾಖಿಲೇಷ್ಟದಾಯೀ
ಪುರತೋ ಮಮ ಭವತು ದಕ್ಷಿಣಾಮೂರ್ತಿಃ || ೮ ||
ಮುದ್ರಾಮಾಲಾಮೃತಘಟ-
-ಪುಸ್ತಕರಾಜತ್ಕರಾಂಭೋಜಃ |
ಮುಕ್ತಿಪ್ರದಾನನಿರತಃ
ಪುರತೋ ಮಮ ಭವತು ದಕ್ಷಿಣಾಮೂರ್ತಿಃ || ೯ ||
ಸ್ತೋಕಾರ್ಚನಪರಿತುಷ್ಟಃ
ಶೋಕಾಪಹಪಾದಪಂಕಜಸ್ಮರಣಃ |
ಲೋಕಾವನಕೃತದೀಕ್ಷಃ
ಪುರತೋ ಮಮ ಭವತು ದಕ್ಷಿಣಾಮೂರ್ತಿಃ || ೧೦ ||
ಇತಿ ಶ್ರೀಸಚ್ಚಿದಾನಂದಶಿವಾಭಿನವನೃಸಿಂಹಭಾರತೀ ಸ್ವಾಮಿಭಿಃ ವಿರಚಿತಂ ಶ್ರೀ ದಕ್ಷಿಣಾಮೂರ್ತಿ ದಶಕಮ್ |
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ. ಇನ್ನಷ್ಟು ಶ್ರೀ ದಕ್ಷಿಣಾಮೂರ್ತಿ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
