Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀಮದ್ವಲ್ಲಭಸಾಗರಸಮುದಿತಕುಂದೌಘಜೀವದೋ ನರಃ |
ವಿಶ್ವಸಮುದ್ಧೃತದೀನೋ ಜಗತಿ ಶ್ರೀವಿಠ್ಠಲೋ ಜಯತಿ || ೧ ||
ಮಾಯಾವಾದಃ ಕುಲನಾಶನಕರಣೇ ಪ್ರಸಿದ್ಧದಿನನಾಥಃ |
ಅಪರಃಕೃಷ್ಣಾವತಾರೋ ಜಗತಿ ಶ್ರೀವಿಠ್ಠಲೋ ಜಯತಿ || ೨ ||
ಶ್ರೀಮದ್ಗಿರಿಧರಪದಯುಗಸೇವನಪರಿನಿಷ್ಠಹೃತ್ಸರೋಜಶ್ಚ |
ವಂಶಸ್ಥಾಪಿತಮಹಿಮಾ ಜಗತಿ ಶ್ರೀವಿಠ್ಠಲೋ ಜಯತಿ || ೩ ||
ಶ್ರೀಮದ್ಗೋಕುಲಹಿಮರುಚಿರುಚಿಕರಲಬ್ಧೈಕಸಚ್ಚಕೋರಪದಃ |
ಪರಿಲಸದದ್ಭುತಚರಿತೋ ಜಗತಿ ಶ್ರೀವಿಠ್ಠಲೋ ಜಯತಿ || ೪ ||
ಶಾರದಚಂದ್ರಸಮಾನಃಶಿಶಿರೀಕೃತದಗ್ಧಸಕಲಲೋಕಃ |
ವಿದ್ಯಾಜಿತಸುರವಂದ್ಯೋ ಜಗತಿ ಶ್ರೀವಿಠ್ಠಲೋ ಜಯತಿ || ೫ ||
ಗೋವರ್ಧನಧರಮಿಲನತ್ಯಾಗವಿಧಾನೇಽತಿಕಾತರಃ ಸುಭಗಃ |
ಪ್ರಕಟಿತಪುಷ್ಟಿಜಭಕ್ತಿರ್ಜಗತಿ ಶ್ರೀವಿಠ್ಠಲೋ ಜಯತಿ || ೬ ||
ಯಜ್ಞವಿಧಾಯಕಚೇತಾಃ ಸಕಲಪ್ರತಿಪಕ್ಷಸಿಂಧುವಡವಾಗ್ನಿಃ |
ಕುಂಡಲಶೋಭಿತಗಲ್ಲೋ ಜಗತಿ ಶ್ರೀವಿಠ್ಠಲೋ ಜಯತಿ || ೭ ||
ಪಾಲಿತಭಕ್ತಸಮಾಜೋ ವ್ರಜಭುವಿ ವಿಶದೀಕೃತೈಕನವರತ್ನಃ |
ವಾಸಿತಗೋಕುಲನಗರೋ ಜಗತಿ ಶ್ರೀವಿಠ್ಠಲೋ ಜಯತಿ || ೮ ||
ನಿತ್ಯಂ ಸ್ತೋತ್ರವರಂ ತದ್ಭಕ್ತಿನಿಯುಕ್ತಃ ಪಠನ್ ಸ್ವಕೀಯಾಷ್ಟಕಮ್ |
ಪರಮಪದಂ ಲಭತೇ ಸ ಚ ಯಃ ಕಿಲ ನಿಷ್ಠೋಽಪಿ ವಿಠ್ಠಲಸ್ಯೇದಮ್ || ೯ ||
ಇತಿ ಶ್ರೀಮದ್ದೇವಕೀನಂದನಾತ್ಮಜಶ್ರೀರಘುನಾಥಜೀಕೃತಂ ಶ್ರೀ ವಿಠ್ಠಲ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
